.. █ || « تجهيزات عرائس لشهر شوال 1431 - 2010 م / الجزء = 15.. ♥

وخيتي هنووو
بالنسبه للحناية انا نعرف زوز نتعاملوا معاهم وحده تحني حنة ليبية و التانية تنقش نقشات رقيقه و زي ما تبي يعني تنقشلك أي نقشه تبيها
والزوز يجونا للحوش وامتاع النقشات الرقيقه تخدم في حمام أمواج البخاري وعندي رقمها لو تبيه تفضلي أنا في الخدمه

HaNoOoOo;13251552:

السلام عليكم
ممكن تعطوني رايكم في صالة فرحتي من فضلكم انى حايرة

صالة فرحتي .. اختي دارت فيها بيانها .. و بابا دار فيها غذي رجالة مرتين في خواتي الزوز .. و الحق معاملة ممتاااااااااااازة و خدمات رائعة ... و الصالة نفسها روعة حلوة هلبة ... واسعة .. اضاءة حلوة ..

اني تعجب فيا الحق ... هذا رأيي بحكم التجربة ..

غادو الكريمات ماضنش تلقيهم هنى معمرا قابلونى ومنتجات نيفيا ناقصة شوية نحس فيها ..

بالنسبة لمركز نجوى ههههه والله سبقتينى كنت نبى نقولكم عليه لان شفته ويهببببل الحق ويحكوا عليه اغبر وطبعا مخصص للعرااااائس فقططط زى ما سمعت ومفكرة نمشيله اليومين هادم ونجيبلكم عليه تقرير كامل لان شكروهولى هلبا بس انى مكنتش نحبها نجوى لان فى عرسى مشيت بنحجز عندها اولا العمارة اللى كانت فيها ماساة مش متاع تطلع منها عروسة وتانيا اسلوبها كان زى الزفت معاى وورتنى البوم الحق معجبونيش .. بس الصور اللى انتى حاطتهم توا لو هيا مكيجتهم تبدا فنانة فعلا .. واهو كيف نفتح على موقعها بنتفرج

سؤال المخالفة
بنات وين ممكن لاقي اقلام التاتو تبع الحواجب

واقلام التاتو تبع النقش

Hayela;13236709:
بالنسبة للشامبو المفروض تاخدى نحس ماركة الكيراتين اللى درتيه اكيد فى منه شامبو وبلسم .. او ممكن تستخدمى همالايا لانه خالى من كلوريد الصوديوم وهادى اهم نقطة لان كلوريد الصوديوم ينحى الكيراتين ومعظم الشامبوات والبسلمات فيهم فردى بالك ..

بالمسبة للكريمات والزيوت بعد اسبوع عااااادى ديرى حتا حمامات زيت مفيش مشكلة نهائى ..

ان شاء الله نكون فدتك F:

تسلمي ياحبوبه ربي يهنيك ويسعدك ساعدتيني هلبه وكنت خايفه من استعمال الكريمات والزيوت بعد الكيراتين
بالنسبه لشامبو همالايا شكله مش متوفر هلبه نبي نعرف من وين نشريه لانه سالت محلات واغلبهم يقولولي ماعندناش ياريت تقوليلي المكان
بارك الله فيك هيوله

Hayela;13261962:
غادو الكريمات ماضنش تلقيهم هنى معمرا قابلونى ومنتجات نيفيا ناقصة شوية نحس فيها ..

بالنسبة لمركز نجوى ههههه والله سبقتينى كنت نبى نقولكم عليه لان شفته ويهببببل الحق ويحكوا عليه اغبر وطبعا مخصص للعرااااائس فقططط زى ما سمعت ومفكرة نمشيله اليومين هادم ونجيبلكم عليه تقرير كامل لان شكروهولى هلبا بس انى مكنتش نحبها نجوى لان فى عرسى مشيت بنحجز عندها اولا العمارة اللى كانت فيها ماساة مش متاع تطلع منها عروسة وتانيا اسلوبها كان زى الزفت معاى وورتنى البوم الحق معجبونيش .. بس الصور اللى انتى حاطتهم توا لو هيا مكيجتهم تبدا فنانة فعلا .. واهو كيف نفتح على موقعها بنتفرج

بنات نبى نسال على منتجات اى منتج يشد الجسم من الى جربت تقولى

بنوته ليبيا;13263264:
تسلمي ياحبوبه ربي يهنيك ويسعدك ساعدتيني هلبه وكنت خايفه من استعمال الكريمات والزيوت بعد الكيراتين
بالنسبه لشامبو همالايا شكله مش متوفر هلبه نبي نعرف من وين نشريه لانه سالت محلات واغلبهم يقولولي ماعندناش ياريت تقوليلي المكان
بارك الله فيك هيوله

اهلين بنوتة .. الشامبو متوفر هلبااا لو انتى فى طرابلس .. انى كنت ناخد فيه من محل الصنوبر متاع السياحية متاع مواد التنظيف .. عنده كل منتجات همالايا كريمات وشامبوات ومقشر واقنعة يعنى هيا ماركة شاملة ورخيصة وحلوة فى نفس الوقت اضنى الشامبو ب 3 ..

وبالنسبة لنجوى صح الحق نحس ممكن العروسة كانت اطيح من الدروج بالفيلو والارضية متاع العمارة خامرة المشكلة حتا الفيلو ينمسح فيها :confused: بس توا الحق مركزها حاجة تانية مع انى قاعدة مش دايرتها التوب الحق .. ممكن تجى الترتيب الخامس او السادس عندى انى ..

نورهان2;13262539:
سؤال المخالفة
بنات وين ممكن لاقي اقلام التاتو تبع الحواجب

واقلام التاتو تبع النقش

شوفيه عند محل 212 اللي جنب عويطي بالنسبة لتاتو الحواجب لكن التاني ما عنديش فكرة

قدرك كبير بقلبي;13250079:
سؤالمخالف لحبوبة لؤلؤت سرت :

ممكن تكتبلي اسمها بزبط

امتاع الشعر وانتي شعرك خفيف؟؟

وشنو نوعه شعرك ؟

هلا هادا وين شفت سؤالك والاستشوار امتاعي نفس اللي حطيت صورته بالزبط واوكي راح نكتبلك اسمه Rowenta Brush activ
شعرتي وسط مش غزيرة ومش خفيفة
نوعية شعري وسط مش ناااااااااااااااااااااعم وماهياش كيرلي
وتعرفي ننصحك بيه وننصح بيه كل العرايس سريع ويخلي الشعر حلووووو وفيه لمعة

صباح الخيرات.....يسلمواعلى الصور الحلوة كلك دوق...بنات ياريت حد يساعدنى وتقولولى على افضل نوعية صبغة...ومشكورين

السلام عليكم يا بنات

خلالالالاص الموعد قريب:o العرس يوم 31/10/2010 والله حاسة بتوتر مش عادي وخايفة ننسى حاجة كملت اغلب الحاجات تقريبا كنت نبي مكواة الشعر اللي معاها الاستشوار من سوق حبيبتنا هايلة لكن للاسف مش متوفرة :badly:
اه على فكرة اللي امتابع امعاي امشيت يومها لكوافير زهرة لبنان ودرت فرد الشعر من لوريال الحق مش عادي عجبني وكلفني 150 دينار بس يستاهل الحق لكن خلوني نين انفوت فترة باش انجيب لكم تقرير كامل:D
المهم توا نبي نلتفت لوجهي وجسمي ارجوكم بنات اللي تعرف مكان كويس و مجرب نبي توحيد لون البشرة سواء الوجه او الجسم وتنظيف في هلبا نصحوني بمركز اوباجي

امانة اللي تعرف عليه معلومات اتقولي بس نبي معلومة حد مجرب مش حد سامع

بس خلاص.....وسلامتكم:L:F:

طرابلس+بنغازي;13277310:
السلام عليكم يا بنات

خلالالالاص الموعد قريب:o العرس يوم 31/10/2010 والله حاسة بتوتر مش عادي وخايفة ننسى حاجة كملت اغلب الحاجات تقريبا كنت نبي مكواة الشعر اللي معاها الاستشوار من سوق حبيبتنا هايلة لكن للاسف مش متوفرة :badly:
اه على فكرة اللي امتابع امعاي امشيت يومها لكوافير زهرة لبنان ودرت فرد الشعر من لوريال الحق مش عادي عجبني وكلفني 150 دينار بس يستاهل الحق لكن خلوني نين انفوت فترة باش انجيب لكم تقرير كامل:D
المهم توا نبي نلتفت لوجهي وجسمي ارجوكم بنات اللي تعرف مكان كويس و مجرب نبي توحيد لون البشرة سواء الوجه او الجسم وتنظيف في هلبا نصحوني بمركز اوباجي

امانة اللي تعرف عليه معلومات اتقولي بس نبي معلومة حد مجرب مش حد سامع

بس خلاص.....وسلامتكم:L:F:

حبوبة بادن الله بعد اسبوعين بيوصلوا كل الاشكال اللى مش متوفرة حاليا ..

ونستنوا فى تقرير لورياااال F: