دموع اشتياقي;13280949:
بنات لو سمحتم عندي شوربه بط وعايزه اعمل بيها كشك الي هوه في اطباق ده وفوقه بيتحط تقليه حد يعرف طريقته
CuTie KaTkOoTa;13282367:
:lol::lol::lol::lol::lol: عادي جدا ما هي حماتي بتقول علي البودينج بردو مهلبية :lol::lol::lol: الكبار او الامهات مش بتفرق تقريبا معاهم التسميات اوي.
2ملعقة كبيره دقيق.
ـ كوب لبن
ـ بصله صغيرة تقطع لقطع صغيرة.
ـ كوب شوربة ساخنة.
ـ ملعقة كبيره سمن.
ـ ملح وفلفل.
الطريقة:
ـ تحمر البصلة في السمن حتى يصبح لونها بني، ثم تفصل عن السمن .
ـ يضاف االلبن إلى الدقيق ويضاف إليه الشوربة، مع الخفق الشديد ويرفع على النار حتى يغلي .
ـ يضبط المذاق بالملح، الفلفل.
ـ يضاف السمن إلى الكشك و يقلب، ثم يغرف في طبق التقديم ويجمل بالبصل المحمر
ده اللي انا بعمله وبيطلع حلو اوي،
دي تقريبا نفس طريقتي وبيطلع تحفففففة :thumbs_up:
miko85;13283284:
يابنات سوسي علي طريقه لاستيك مافيش حاجه تانيه اعملها علشان مايطولش علي النار
كمان عايزه اعمل اززاي سلطه الطحينه ياعسلات
طيب يا ميكو هاقوللك علي حاجة مش انتي قصدك هاتعمليه تاني بس عايزاه يستوي المرة دي ولا قصدك عايزة طريقة تانية ؟ عموما في الحالتين هاتي لو عندك هون هاتي الايد بتاعته او بأكبر سكينة عندك وجيبي قطعة الاستيك واقعدي دقي عليها بالراحة كدة لغاية ماهاتتبطط وترفع وكدة هاتستوي بسرعة جربي وقوليلي
والطحينة حطي شوية في طبق وخففيهم بشوية مية وقلبي وبعدين حطي بقي خل وملح وكمون وشطة وفص ثوم مدقوق وقلبي وبس
Bossy22;13283759:
يا بنات عندى فول مدمس عايزة طرق مختلفة ليه انا الطريقة اللى اعرفها بحط ملح و كمون وزيت و لمون او طحينة عايزة حاجات تغيير لانه طلع كتير
و انا عندى فراخ عايزة اعملها كنتاكى بس عايزة اسلقها الاول ينفع بعد ما اسلقها احطها فى دقيق و اقليها وللا مش هيمسك و عايزة التتبيلة بتاع مشمش للكنتاكى
بوسي جربي تعملي فول بالفحم
او ممكن تعمليه بالصلصة والثوم
او ممكن تقطعي عليهطماطم وخيار وفلفل اخضر وتضربيه في الخلاط وتعصري عليه ليمون وملح وكمون وزيت
وممكن فول بالبيض زي ام بودي
وام بودي برضو كانت عاملة فول بالباشميل جربيه
وممكن تعمليه بالسمنة بدل الزيت بيبقي احلي كمان
ودي طريقة مشمش ام محمد في الكنتاكي :
احم احم احم انااااااااااااااااا جه انا بئا طريقتي في الكنتاكي مختلفه خاااااااااااااااااالص واعتقد هي الاصح عشان الخلطه بتاعتي مفيهاش بيض خااالص البيض بيخلي للفراخ زفاااره وكنتاكي معتقدش بيحطوا اي بيض في قلي الفراخ فهقولك على طريقتي الي جربتها عشروميت مره وانتي براحتك جربيها او لا وطريقه بسبس كمان حلوووه بس تشبه خلطه الفراخ البانيه انما دي فليها قرمشه من غير لا بقسماط ولا فيجيتاررر
بسم الله نبداا
الاول هتجيبي فرخه بيضاا صغيره مش كبيرررره عشان تستووي
هتقطعيها كالتالي كتفين وصدرين ودبوسين وصفحتين وتننضفيها وحاولي على قد ما تقدري تحافظي على الجلد بتاعهاااا بعد تقطيعها وخاصه جلد الاوراك والاجنحه بالاكتاف الصدور مش مهم بس حاولي ترقي الصدر او تقسميه من الجنب لاتنين كمان عشان ميكونش طخين اوي
وتغسليها طويس طبعا بالملح والدقيق
نيجي بئا لتتبيله الفراخ متستغررررربيش
مرقة ماجي مكعب او اتنين حسب الرغبه وتفتتي المكعب تخليه باودر كده وعليه معلقة خل ونص ليمونه ومعلقة زنجبيل مطحون وحبايتين حبهان بحالهم مش مطحونين وحبة توابل بسيطه ان وجد متكتريش منها يعني واذا حابه تحطي يف الخلطه شطه حمرا بودره لو عايزاها حراقه سابيسي وتخلطي ده كله في بعضه هيكون زي الميا سايله كده ادعكي بيها الفراخ كويس وسيبيها يف التلاجه ساعه ولا اتنين بخلطتها دي
نيجي بئااا للحاجات يال هتقلي بيها الفراخ
دقييييييييييييييييق فقط لا غير وعليه باكو بيكنج باودرررر متستغربيش خليكي معايا للاخر اوكي؟
هتجيبي دقيق كتير مش شويا صغيرين يعني وتحطي عليه باكو البيكنج باودر كله وتجيبي حتت الفراخ المتبله تقلبيها يف الدقيق كويس وتنفضيها يعني متسيبيش الدقيق يكلكع عليها عشان ميتحرقش ف يالنار نفس فكره السمك يعني المقلي تنفضي من عليها الدقيق الزياده وتشيليها على جنب
وترجعي تجيبي حلة غويطه فيها مياا فاتره متكونش لا بارده ولا سخنه عاديه يعني وتغطسي فيها حتت الفراخ واحده واحده بعد ما حطيتي اول طبقة دقيق عليها وتطلعيها بسرعه متكملش ثانيه يف الميا يعني تبليها وتقومي مرجعه الحته للدقيق تاني تقلبيها فيه بردو وتنفضي الزياده وتشيليها على جنب على صينيه مفروده مثلا وباقي حتت الفراخ بنفس الشكل اوقلك انا كل ده ليه واذاي دقيق وميا وباورد الدقيق مع الباودر بينننفش الفرخه وبيخليها تقررمش وعملنا طبقتين دقيق مفصول بينهم طبقة ميااااا الي هي عووضا عن البيض عشان الميا بتتفاعل مع البيكنج باودر فبتنفش الحاجه اكتر والميا بتعمل فاصل بين طبقتين عشان الفراخ متنننننننننشفش
وبعدين تجيبي ززززيت غزززير المهم ي كون غززير وحميه شويا ونزلي فيه الفراخ حته حته وغطي الحله يال بتقلي فيها او الطاسه وتسيبي كل قطعة فراخ تستووووي لمده ربع ساعه بالضبط مش اقل من كده عشان ميطلعش فيها دم وعشان الحتت متتحرقش منك تخلي النار متوسطه تكاد تكون هاديه بس تغططي الحله وتبصي عليها كل شويا عشان تقلبي الحتت ربع ساعه اووو 17 دقيقه بالضبط خليكي على الساعه وتطلعي الحتت على وووورق مناديل طبعا عشان تشرب الززيت الزياده يال فيهاااا
بصي في ناس بتطلعها قبل الربع ساعه وتحطها يف الفرررن عشان بيقولوا ان الفرن مش بيخلي فيها زيت كتيرررر بينشف الزيت يال فيها يعني بس انا لا احبذ هذه الفكره
خليكي يف التانيه
بعدها تقطعي بطاطس لو معندكيش فارم فريتس وتخلي صوابع البطاطس عريضه طخينه يعني وتجيبي شويه ملح ترشيها على البطاطس وعليها شويا دقيق وتنفضي الدقيق الزياده يال على البطاطس بمصفااا العصير مثلا وتقليها هتطلع مقرمشه من بره وطريه من جوااا
وتعملي معاهم الخلطه دي التووومياااااا
علبة زبادي جهينه المهم يكون زبادي من الي بيلسع مش زبادي من العادي وعليهم فص توووم وعليهم نقطه خل وعليهم بطاطسايه صغننه مسلوقه كويس وتحطي ده كلو في الخلاط وتضربيه وتخيل قوامها سميكك والبطاطس الي بتخلي الصوص ده يمسك نفسه لو حسيتيه خفيف زودي بطاطس مسلوقه عليه
وبالهنااااااااااااااااا والشفاااااااااااا وادعولي ربنا يكمل حملي على