15 مرة نقول يا تري بتعملي الأكله دي ازاي؟ ( مبدعات مصر القمرات ) .. شهر شعبان

اه صحيح يا نانى ماشاء الله ماشاء الله اكتر حاجه عجبتنى التصوير هههههههه

بيرق أمل;12834738:

بسبس ممكن سؤال معلش
عارفة صينية المسقعة بالبشاميل الي بتعمليها
بتعملي دواير صلصة من الوش وبالخلة او بطرف السكينة بتشكليها المهم يعني الصلصة دي اللي بتحطيها في كيس
بتخلطي معاها حاجة ولا بس اخدها من البرطمان على طول واشتغل بيها؟

تخففيها بمعلقة مايه عشان تبقى خفيفه بس مش اوى يادوب تحليها شويه بس مش مايعه

bright bride;12837944:
ام ياسين ميرسى ليكى بحد اوى انا كنت شفت وصفة الحواوشى بتاعتك و ما صدقت لقيت عيش بلدى مصرى هنا و قلت و الله هجرب الحواوشى بتاعك و طلع جميييييييييييييل اوى و سهل خالص بجد ميرسى اوى و تستاهلى التقييم

بجد والله :o

الف هنا وشفا يا روح قلبى

جربى بقى كمان الورق العنب هيعجبك اوى اوى ان شاء الله


بنات اقترحوا عليا اعمل اكل ايه بكره عشان الغزاله مش رايقه :worn_out:

نانى بسم الله ما شاء الله بجد الاكل هيييييب تسلم ايدك يا قمر بس للتوضيح اجنحه الدجاج مش رجيم خااالص دى كلها جلد هههههه حتى لو معموله من غير اى دهون
زدنى والله يا بنتى لما قريت مشاركتك دلوقتى افتكرت فعلا انى كنت عاوزة ارد عليكى ساعتها بس نسيت خالص معلش اعذرينى عقلى مش فيا خاالص
بصى يا ستى المستكه التركى انسيهااااااااااااااااااا واللى يقولك موجوده بيضحك عليكى وان وجدت ف10 جرام ب100 ريال دا اذا لاقيتيها بس هيه مش موجوده خاالص لانى قلبت عليها الدنيا ومش لاقيتها فى بقا مستكه بجبها مش فاكره منين متهيقلى يونانى ولا ايه مش فاكره والله بس شغاله
المصرى بقا بصراحه مش عجبانى خااااالص حساها بتاعت بخور مش اكل حماتى جبتها مره وانا عندها خليتها ترجعها وقلتلها قلتها احسن
وبقيت اخد معايا وانا نازله
وبالنسبه للكفته متهيالى البابريكا مش هتفرق اووى فى الطعم الليه هيه اهم ما فى الموضوع
بسبس امييييين يا رب نفسى افرح بيه اووووى واشوفه عريس مره واحده وبالنسبه لدخولى النت امته ممكن تلاقينى الخميس والجمعه من الساعه 4 لحد 12 فاتحه بس خلى بالك انا بفتحه ومش بفضل قاعده علطول لا بقوم شويه واجى عشان لو مردتش عليكى مش تزعلى
عاوزة بقا اضرب سلاام جامد جداااا لفراخ مصر بجد وحشيتنى اووووى انا هنا كنت بجيب الاول فقيه ظازة بس جيت فى الاخر وقرفت منها اووى غيرت وبقيت اجيب دو حلوه وعجبتنى بس مش بعمل منها شوربه خااالص علطووول فى الفرن ولو حشيتها وسلقتها برمى الميه مش بتعجبى بحسها ملهاش اى طعم مع انى ببقا مظبتهاها لورا وفلفل ومستكه وحبهان وبصل وماجى بس برضوا مش بتعجبنى ابدا غيرت اليومين اللى فاتوا وجبت الفروج الذهبى ظازة حلوة بس عارفين ريحه الشوربه والفراخ بتتسلق مش موجوده خالص الريحه دى ريحه الفرخه نفسها يلا الحمد لله
بسبس اعملى مكرونه بشاميل وستيك لحمه او فراخ فى الفرن
او اعملى مكرونه وبانيه او بفتيك
او اعملى رز بالشيعريه وباميه ولحمه زى ما هعمل لجوزى
او كشرى
او فته
او كلى اكل صحى زىى شوربه خضار بالكويكر وفراخ فى الفرن او استيك وسلطه
او قضيها جبنه وبطيخ او فول وطعميه وبطاطس محمره
اى خدمه

نانى فيبس
اذيك يا جميل
معلش كنت قريت قى مشاركة ليكى انك عايشه فى االامارات هاطلب بس طلب صغنن لو مش هتتعبى
وانتى بتعملى الشوبنج بتاعك من اى هايبر كده بصى لى على برطمان او علبه كرتون مكتوب عليها بابريكا مدخنه جمب الاوريجانو يارب يخليكى قبل ما اوصى ناس عليها واسفه لو كنت هازعجك

ام عمر
تسلمى على ردك بس معقول المستكه التركى مش فى السعوديه ده انتو ام البهارات انا لقيت هنا اليونانى والسعودى دى وحشه اوى فعلا العطار قالى التركىصعب تلاقيها وفى الاماكن الشعبية بيبعوا مستكة البخور على انها تركى لرخص ثمنها
بتبقى تحفه اوى يابنات فى الرز بلبن صدقونى معلش انا مدمنة بهارات لانها هى التكات ايلى بتضبط الاكل اوى

انا جربت يابنات البرجر بفول الصويا طعمه وحش اوى ليه كده بوظ لى اللحمه
حد جربه ؟

زدنى;12843729:
نانى فيبس
اذيك يا جميل
معلش كنت قريت قى مشاركة ليكى انك عايشه فى االامارات هاطلب بس طلب صغنن لو مش هتتعبى
وانتى بتعملى الشوبنج بتاعك من اى هايبر كده بصى لى على برطمان او علبه كرتون مكتوب عليها بابريكا مدخنه جمب الاوريجانو يارب يخليكى قبل ما اوصى ناس عليها واسفه لو كنت هازعجك

بس كدة من عنيا يا حبيبتي انتي تؤمري

ان شاء الله هبصلك عليها حاضر







بسبس

انا لما غزلتي بتبقى مش رايقة بقوله يلا ناكل برا على طول وش

اعملي كدة ههههههههههه

وبالمناسبه غزلتي النهاردة مش رايقة وخارجة اكل برا

Boody we zady;12829164:
يا قمر عايزة ستيك ايه ؟ بالمشروم و الا عادي و الا انتركوت؟؟؟؟؟؟؟؟؟؟ و الكريم شانتيه مش بيتعمل لازم تيجبيه باودر يا قمر

لا مش عايزه بالمشروم انا عايزه العادى يا قمر بس يكون طعمه حلو كده واحلى نوع لحمه فيه ايه وكمان لو جبت الكريم شانتيه باودر اعمله ازاى يا جميله معلش تعبتك معايا

بيرق أمل;12830614:

ربنا يسعدك يا حبيبتي ياااارب انا كتبت الوصفات دي خلاص
وبصي من غير ما اقولك يعني عرفتي حاجة تقوليلي بالله عليكي على طول حتى لو في رسالة
لاني انا الفترة الجاية عايزة اجدد في الطرق اللي باعمل بيها الاكل، يعني نفس الاكلة بس الطريقة مختلفة خالص فاهماني ازاي
وده اللي طنط حماة اخوكي ان شاء الله هتساعدنا فيه :)
واساليها على طريقة للفاصوليا الخضرة والكوسة كمان ممكن :o

استيك ايه بالضبط يا مايو عشان مش فاهمة
والكريم شانتيه بتشتري من الحلواني او العطار كريم شانتيه بودرة بس مش محلى لالا يكون باودر غير محلى
بس انا هاشوفلك في صفحات قديمة قوي التمن كيلو باودر بيتحط عليهم قد ايه لبن اوك يا جميل

هو الستيك ليه انواع ايه يا بسبس انا عايزه طريقه حلوه وخلاص وياريت تقوليلى على طريقه الكريم شانتيه وميرسى ليكى يا قمر

miobello;12846577:
هو الستيك ليه انواع ايه يا بسبس انا عايزه طريقه حلوه وخلاص وياريت تقوليلى على طريقه الكريم شسانتيه وميرسى ليكى يا قمر

http://forums.3roos.com/showthread.php?p=12107708#post12107708
:):)

كيف بتكون الطعمية مقرمشة من برا وطرية جوا

أم يـاسـيـن العسل;12833240:
ولا تكنيك ولا حاجه هى كلها خلطه واحده والسر بس ان الدهن بينزل على الفحم يقوم مطلع الريحه اللى بتمسك فى اللحمه وتديها الطعم المميز دا وبس

ده يعنى لازم شوايه فحم يا بسبس طيب انا عندى الكهربا متنفعش

dandona we bas;12834396:
رووووعة بجد يا ناني يا قمراية انا بردو من كام يوم كده عملت ستيك مشوي بس عملته في الفرن و طلع بالظبط زي اللي بناكه بره و كان طعم اللحمة و هيا مشوية جنان بجد بالف هنا و شفا يا حبيبتي


بس عايزاكي تقوليلي تتبيلة الريش الحلوة ايه يا قمراية

قوليلى الطريقه يا دندون

ناني فيبس;12834466:
مرسي يا دندونه يا حبيبتي


بصي هي تتبيله اول مرة اجربها

اصل شفتها في حلقة عباسيات لما راح ابو شقرة

بس هو تبلها للبيكاتا


المهم تبلت الريش ببصله وملح وفلفل ومعلقتين صغيرين مسترة و4 معالق صغيرين صويا صوص

وقلبتهم ودعكت التتبيله فيهم كويس وسبتهم ساعه وبعدين شويتها وبجد لريحة كانت فظيعه


بس طبعا اللى كمل الطعم وظبطه اوي ولعت الفحمة التمام وحطيتها على حته فويل وسط الريش وحطيت عليها زيت وقفلت بسرعه بالفويل

ودخلتها الفرن ربع ساعه كمان تكمل سوا وبعدين شيلت الفويل وولعت الشوايه 10 دقايق وبجد تحفة

يعنى انتى سويتها على الشوايه الاول وبعدين حطيتى الفحمه ودخلتها الفرن مش فاهمه ممكن توضحلى

bright bride;12837963:
نانى تسلم ايديكى على الريش جميييلة اوى
طيب انا دلوقتى البوتاجاز بتاعى عيون كهربا ينفع اولع عليه فحمة ولا لأ ؟

استنوا بقى والنبى ايه الفرق وايه العين الغاز دى شكلى فى الطراوه خالص

miobello;12846559:

لا مش عايزه بالمشروم انا عايزه العادى يا قمر بس يكون طعمه حلو كده واحلى نوع لحمه فيه ايه وكمان لو جبت الكريم شانتيه باودر اعمله ازاى يا جميله معلش تعبتك معايا

بصي يا جميل رشروش حطيتلك طريقه و كمان أنا بجيب ستيك انتركوت لو حتيجبي من الجزار قوليليوا عايزاها انتركوت و بجيب طاسه تيفال و أحط فيها زبده و أكون متبله اللحمة في ( ملح / فلفل / قرفه / صوص الصويا / شويه كاري / بابريكا ) و أول ما تسيح الزبده و تكون الطاسه سخنة كويس أنزل باللحمة و أديها صدمة هههههههه من ناحيتين و بعد كده أحط شويه ميه و أغطيها مع نفسها و كل ما تحتاج أزود لحد ما تستوي.

كريم شانتيه باودر اللي بيكون محلي بحط كوبايه لبن 200 مللي علي 11 م ص بودرة و لو مش متحلي حطي يا عسل يا اما سكر بودلرة و تضربيه عادي

miobello;12846699:
ده يعنى لازم شوايه فحم يا بسبس طيب انا عندى الكهربا متنفعش

قوليلى الطريقه يا دندون


يعنى انتى سويتها على الشوايه الاول وبعدين حطيتى الفحمه ودخلتها الفرن مش فاهمه ممكن توضحلى



استنوا بقى والنبى ايه الفرق وايه العين الغاز دى شكلى فى الطراوه خالص

اه انا حطيتها على شوايه عادية اللى بتتحط على البوتجاز صورتها موجودة في المشاركة بتعتي

وبعد كدة رصيتهم في صينيه ممكن تحطي الفحم الاول او ممكن تحطيه بعد ما يستوي مش فرقة


بس انا حطيته الاول لسبب انه لازم تغطي عليه وانا مكنتش عايزة اغطي على اللحمة بعد ما تكون اتحمرت عشان مكنتش عايزاها تعرق فحطيت الفحم وغطيت عليها ودخلتها الفرن ربع ساعه كمان تكمل سواها وبعدين شيلت الفويل وولعت شوايه الفرن عشان تتحمر اكتر


والبوتجاز الكهربا مش بيطلع شعلى نار لا بيكون ازاز مخرج حرارة مش ينفع يولع الفحم لكن الشعله دي حاجة صغيرة كدة عندي بتطلع نار بعمل عليها الفحم بس كدة


وانتي ممكن تتبلي قطعه الستيك بنفس تتبيله الريش وتشويها على الشوايه بتعتك وهتطلع استيك حلو اوي اوي

ام بودى ونانى شكرااااااااااااااااااااااااااااااااااااااااااااا ليكم جدا وهجرب طريقتكم وربنا يكرمكم يارب
اشترى الشعله دى منين يا نانى

مايو هو انتي بوتجازك كهربا ؟؟؟؟؟


عموما هي بتتباع في كارفور


بس لو انتي بوتجازك غاز يبقى خلاص ملهاش لازمة

miobello;12846699:
ده يعنى لازم شوايه فحم يا بسبس طيب انا عندى الكهربا متنفعش

لا عادى تشويها على الكهربا بس تجيبى فحمه تولعيها على البوتجاز وتطفيها فى الكفته عادى