ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

السلام عليكم

هيوله والبنات نبي بسألكم علي توب الصلاه اللي يجيبوا فيه من السعوديه من وين يشروه غادي أي محلات نقصد أو في أي أبراج .. أبراج مكه مثلا

ولما تطلب من المحل تقوله توب صلاه ويزبطه ولا شنوا يسمو فيه السعوديين

شكرتوهم وعندي قريبي ماشي للعمره وخاطري نوصيه بس خايفه ما يزبطاش نبي المكان اللي يبيعوا فيه غادي باش يمشي طول
وآخر سؤال ولو إني كثرت عليكم هما استاندر أو فيه أرقام

نستنى في ردكم حبيباتي هوا ناشي من قبل رمضان وخاطري نوصيه عليه

حبيبة أيمن;12850885:

تسلمي يا كوين والله زايدة معاك .. حياتي ليبيا وبالنسبة للحلاوات فيه مرا نتعاملوا معاها في غوط الشعال .. وبجد حجاتها تحفة .. توا نسئلها وكان هدا نبعتلك رقم تليفونها لو تحبي

نستني فيك يا حبوبة تبعتيلي الرقمF:

*زهـــرة الجبـل*;12852087:
حياتي ليبيا ايه النعتة زي ماقلتلك قدام الحديقة

تسلمي زهرة لكن مانقدرش نمشي للجهة هاديكا مانزبطهاش وهيا ماتبيش تعطي رقمها كيف بنعرف الحوش؟منورة زهيرة لكن قوليلها كان تبي تخدم تعطي رقمها هادي حاجة عادية امالا كيف بتتفاهم مع الزباين!!F:

حفوصه;12854072:
السلام عليكم

هيوله والبنات نبي بسألكم علي توب الصلاه اللي يجيبوا فيه من السعوديه من وين يشروه غادي أي محلات نقصد أو في أي أبراج .. أبراج مكه مثلا

ولما تطلب من المحل تقوله توب صلاه ويزبطه ولا شنوا يسمو فيه السعوديين

شكرتوهم وعندي قريبي ماشي للعمره وخاطري نوصيه بس خايفه ما يزبطاش نبي المكان اللي يبيعوا فيه غادي باش يمشي طول
وآخر سؤال ولو إني كثرت عليكم هما استاندر أو فيه أرقام

نستنى في ردكم حبيباتي هوا ناشي من قبل رمضان وخاطري نوصيه عليه

حبيبتي اني متع الصلاة خديته من ابراج مكة كاتفة ومنقوش حلو يهبل وهوا زي الشنطة وتنحط فيه الصلاية حلو حلو وفيه هلبة انواع وطبعا ستاندر ولعيونك يا حلوة لو تبيني نصورهولك والله لما نفتح الشنطة علي خاطرك مفيش مشكلة علي الاقل تشوفيه بعيونك احسن....F:

سؤال مخالف :

حياتي : تكوني خدمتني حتي انا لو صورتي ليا ومتاع الصلاة ياريت ..

يعني من أبراج مكة الاسواق الي غادي ؟

أم البرآ;12849549:
السلام عليكم كيف حالكم يابنات
بالنسبة ليك أختي نسنوسة تعرفي جربت مستحضر(ألترا لايت) لخبير الأعشاب زين الأثات وهو كويس هلبة وخديت نتيجة عليه لكن أهم حاجة الإستمرارعالعلاج.

حبيبتي أم البرا،،، هل تقصديني أنا ولا شخص ثاني لأني من فترة طلبت مساعده من البنيات العسولات على خلطه أو اي مستحضر للتفتيح عشان أنا بجد كارهه حاجه إسماها عريان وقصير بسبب عقدتي من المناطق الداكنه زي تحت الإبطين والركابي اللي هما الكارثه الكبرى بالنسبه ليا:'(.. وإنتي يا أم البرا حكيتي على مستحضر زين الأثاث بس محددتيش لشنو بالزبط هل هو منتج تفتيح ولا حاجه ثانيه موجهتيها لشخص ثاني نفس إسمي؟؟ وشكراً يا عسيسيله:L:

قدرك كبير بقلبي;12854493:
سؤال مخالف :

حياتي : تكوني خدمتني حتي انا لو صورتي ليا ومتاع الصلاة ياريت ..

يعني من أبراج مكة الاسواق الي غادي ؟

حبوبة من عيوني حنصورهالكم
ابراج مكة فيه هلبة محلات واني خديتها من محل في الدور التالت تقريبا المهم حنصورها وتشوفيها بعيونك احسنF:

حبوبات اللي سالوني علي متع الصلاة ان شاء الله تكون الصورة واضحة واللي يشوفها يقولي رايه:)





وهادي وهيا مفتوحة

حبيبة أيمن;12854635:

انا من الناس الي تشجع في منتوجات زين الاثاث .. جربت منه وردي للابد .. وهو منتج يخلي الشفايف والخدود بودريات علي مدار اليوم ... ولو استمريتي عليه مدة يقعد حتي شهر ... واستعملت منه صابون حبة البركة وبصراحه الحب الشباب سلامتك والحمد لله وحتي بشرتي صافية .. وجربت الزهورات بصراحه رائع ينحي الارهاق ويساعد في انقاص الوزن حتي لو انتي مش متابعه ريجيم .. جربت منه مانع انبات الشعر مع انه غالي هلبة بس جربته تحت الابطين بس وبصراحه لا لايزر لا هم يحزنون ... جربت مقوي الاظافر ومقوي الرموش حتي هو .... بس التر لايت هادي مزال مجربتهاش وحنجربها وانقولوك عليها يا نسنونسة

بس نصيحة مني ... انا ليا اسبوع علي البطاطا والليمون وملاحظة نتيجة مرضية جربيها مش خاسرة شي

حبيبة أيمن ممكن عسوله تقوليلي شن هو ألترا لايت ؟؟ يا ريت تحددي لشنو بالزبط؟
شكراً يا قمر

nasnossa;12854956:
حبيبة أيمن ممكن عسوله تقوليلي شن هو ألترا لايت ؟؟ يا ريت تحددي لشنو بالزبط؟
شكراً يا قمر

والله يا نسنوسة انا مجربتاش بس هدا الي مكتوب في موقع زين الاثاث
كريم من الأعشاب للتصبغات الجلدية
إن كريم ألترا لايت المستخرج من الأعشاب مخصص للسواد على الكوع - الركبة - الكاحل - المفاصل. يستخدم فقط على الأماكن التي تحتها عظم ولا يستخدم على باقي الجسم.
طريقة الإستعمال: يدهن مكان التصبغات جيدا مرة الى مرتين في اليوم.

sweety sweet;12855322:
السلام عليكم :
كيف حالكم يا اخوات؟؟؟انا عضوة جديدة بينكم يارب تقبلونى اخت ونفيدكم ونستفيد منكم,,,بصراحة الى شدنى واشتركت فى هالموقع المحبة الى بينكم وكيف ان كل الى تسأل تلقى فى جواب وتاخد فى خبرات من كل وحدة فيكم.

يالا رحبوا بيا بش ناخد عالجو وننطلق وناخد راحتى!!

حبوبة خشي علي الرابط هدا للهدرزة http://forums.3roos.com/showthread.php?t=550487&page=117

ArOoTa;12855342:

يا بنات مستعجلة شوية نبيكم ادلوني علي حناية كويسة وتكون ادير في الحلوة


نستنى فيكم

اروتا في وحدة سودانية اسمها نجاة ماشاء الله اسلوبها ويشكروا فيها وهدا رقمها........

بارك الله فيك حلـوة عجبتني ياحياتي

سؤال مخالف : كم كلفاتك ريال؟؟

قدرك كبير بقلبي;12855443:
بارك الله فيك حلـوة عجبتني ياحياتي

سؤال مخالف : كم كلفاتك ريال؟؟

عجباتك قدورة والله مانتفكر قداش كلفتني الحق لاني خديت منه حاجات تانية لكن السعودية الاسعار رخيصة الدينار الليبي يديرلك تقريبا 3 ريال

حياتي ليبيا;12854315:
حبيبتي اني متع الصلاة خديته من ابراج مكة كاتفة ومنقوش حلو يهبل وهوا زي الشنطة وتنحط فيه الصلاية حلو حلو وفيه هلبة انواع وطبعا ستاندر ولعيونك يا حلوة لو تبيني نصورهولك والله لما نفتح الشنطة علي خاطرك مفيش مشكلة علي الاقل تشوفيه بعيونك احسن....F:

حياتي كيف حالك يا حبيبه

بارك الله فيك عالرد وشفت الصوره تبيدي بالهني يا عريسه
وتم التقييم لعيونك

وتوا نوصيه إن شاء الله
بس سؤالي فيه ألوان تانيه وأقمشه غير الكاتفه لأنه نحس الكاتفه يسخني أني وبكم سعره
سامحيني كثرت عليك
اليوم شفت دو ري مي
وفعلا عنده حاجات كريستال في الإكسسوار حلوات ومسكات عرايس كرستال
وشريت من المحل اللي جنبه متع الشنط شنطه سمسونايت للذهب عنابي وهوا وكيل سمسونايت زي محل السفير في السياحيه المهم خديتها نفس اللون متع شنطة المكياج اللي خديتها من رؤيا

وربي يكملنا علي خير كلنا والله يابنات عيانه ومتوتره
شفت قفاطين السهره في أول سبتمبر فيه حاجات عجبتني وحاجات لا وين تنصحوني نمشي غير

وبارك الله في مره تاني يا عسوله


نسنوسه جربت اللمسه الناعمه من منتجات زين بصراحه مزيل شعر ممتاز وماننصحش للوجه هلبا لأنه يسبب حساسيه ولو بتحطيه حافضي عالوقتالمطلوب وماتطولبيش
وحاتلاحضي الشعر خف من أول مره

وجربت سحر زين وهوا قناع أعشاب والصنه أعيييييه
وكاتفتيح بطئ صراحه وتوقعته أقوى بس هموما كويس

حبيبة أيمن;12839308:

صحيتي علي رايك الاكثر من رائع وحندير الاغنتين زي ما قلتي :)
نشكرك هلبة هلبة أبلة توتو يارب نخدموك في الافراح

حلو ه ابلة عجبتي هلبا
قصدك ايبان عليا كبيره لدرجه اني اموليه ابله؟؟؟:o

أفدتي بس انتي افدتي وبزيادة ..

الحمد لله

صحيتي

سلمك وماعنديش فيه جميل:DF:

وكل سنة وانتي طيبة

كل عام وانتي بألف خير وان شاء الله العام الجاي مع ايمن;)

حاجة تانية شن تنصحوني نرفع في البيان ... غير الكانون والوشق والساتا جونا هههههه

ههههههههه شكلهم امهبلينك بيهم
انا بنزيدك حاجه شنطه فيها مكياج يعني بودره وروج وبودرة جسم خلي لما ايخش الاستاد اللي عليه الكلام والزغاريط اتساوي روحك قبل مايخش

حفوصه;12855864:
حياتي كيف حالك يا حبيبه

بارك الله فيك عالرد وشفت الصوره تبيدي بالهني يا عريسه
وتم التقييم لعيونك

وتوا نوصيه إن شاء الله
بس سؤالي فيه ألوان تانيه وأقمشه غير الكاتفه لأنه نحس الكاتفه يسخني أني وبكم سعره
سامحيني كثرت عليك
اليوم شفت دو ري مي
وفعلا عنده حاجات كريستال في الإكسسوار حلوات ومسكات عرايس كرستال
وشريت من المحل اللي جنبه متع الشنط شنطه سمسونايت للذهب عنابي وهوا وكيل سمسونايت زي محل السفير في السياحيه المهم خديتها نفس اللون متع شنطة المكياج اللي خديتها من رؤيا

وربي يكملنا علي خير كلنا والله يابنات عيانه ومتوتره
شفت قفاطين السهره في أول سبتمبر فيه حاجات عجبتني وحاجات لا وين تنصحوني نمشي غير

وبارك الله في مره تاني يا عسوله


نسنوسه جربت اللمسه الناعمه من منتجات زين بصراحه مزيل شعر ممتاز وماننصحش للوجه هلبا لأنه يسبب حساسيه ولو بتحطيه حافضي عالوقتالمطلوب وماتطولبيش
وحاتلاحضي الشعر خف من أول مره

وجربت سحر زين وهوا قناع أعشاب والصنه أعيييييه
وكاتفتيح بطئ صراحه وتوقعته أقوى بس هموما كويس

حفوصة الله يسلمك يا عسل...تعرفي والله مامدكرة السعر بالزبط لكن فيه اشكال وانواع واني خديتها كاتفة لانه جلستي نفس اللون والقماش...
مبروك عليك حفوصة اللي شريتيه وحقا بالنسبة للبنت متع الحلويات كلمتها وقتلي نديروا في صيانة وبعدين عندهم حالة وفاة قتلي امتا نبدا نخدم نكلمك:|
بالنسبة للبس ديري دورة علي بن عاشور وقرقارش وان شاء الله تحصلي بصراحة اني لحد الان ماعجبني شي نحسهم منزلوش بضاعة جديدة