ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

هديرالحب;12865069:
توتو91 اني في فضانتي خديت حاجاتي من محل بلقيس والبيان بالنسبة للروزاطه والعبمبر من بلقيس والكنافة من ركن الشرقي والطورطة من النحلة لكن في العرس كلة من بلقيس لان حلو واسعاره كويسه لما تاخدي كمية كبيرة يساعدك وحاجاته نازكة وان كان تبي تعرفي عليه اكتر خشي علي افراح ليبيا

انا مانحباش هدا افراح ليبيا اعطيني النعته ولا الرقم بس

الرزاطه والعبمبر بنأخد من العالم والبكلاوة من الحاراتي

لكن هدا بلقيس مانعرفاش وين اسعفيني بالنعته

باهي يابنات انصحوني بصالة قنينة اندير فيها ماتكونش بعيدة يعني زي عين زارة والمناطق هادي

بنسبة لمحل بلقيس يحي بجنب جامع مولاي محمد في شارع الجماهيري المتفرع من شارع الزاوية وايضا بحدا محل اليتم

هديرالحب;12865185:
باهي يابنات انصحوني بصالة قنينة اندير فيها ماتكونش بعيدة يعني زي عين زارة والمناطق هادي

هدير قوليلي تقريبا قداش معازيمك وقداش الميزانيه اللي حاطتها للصاله
لاني مانقدرش انقولك وانا مانعرفش تبيها كبيره ولا صغيره غاليه ولا متوسطه حسب هدا قرري؟؟

توتو91;12865158:
حياتي ايه كملت امعاها خلاص مازال غير حايره بين حاجتين من القطع وحتي النواشف متع النجمه خلاص اخترتهم

توتو معليشي شن هما النواشف اللي حجزتيهم وبقداش؟

بالنسبة لصالةتكون راقية وسعرها يكونفي جو2000 او2300 بلنسبة لناس عادي نقدر انحي منهاكراسي اني ناسي في جو250 او300 مش متاكدة:)

بابنات قولولي شن امكانيتكم بالنسبة للفيلو

هديرالحب;12865370:
يعني قداش تقدري تدفعي حتي لوكانت امكانية خطيبك كويسة

شوفي حبوبة اني مقتنعة بانها ليلة العمر والفيلو الحلو واول لبسة حيكون غالي ولهدا انتي حطي عينك علي واحد وقوليله علي السعر وعادي لو انتي زدتي من عندك المهم الفيلو يعجبك:thumbs_up:

بصراحة كان عيني على تصميم جميل جدا ومشيت للخياطة اللي اختي دارت عندها قفطان الحنة لكنها اعطتني سعر خيالي بكل قالتلي عمل اليد فقط يوصل 1600 دينار والقماش 600 دينار من غير الطرحة والمسكة والجوانتي يعني عموما حيخش في 3000 هو التصميم سمح بس استغليته بكل ونفكر نصرف نظر مش عارفة حايرة جدا .. مش عارفة شنو اندير

عندي لكم محل الياخدو منه المحلات الفيلوات هو المحل هدايبيع بسعر الجملة وياجر عنده موديلات حلوة وجديدة وانتم كيف تبو موديل الفيلو متعكم

وكم اسعاره يا هدير بالنسبة للشراء ؟؟

توتو91 جبتلك رقم محل بلقيس وهو..................

القنبلة400 دينار اغلي حاجة

بجديات تتكلمي معقوله بس ممكن قماشتهم مش كويسه انت شفتيهم

اني نسمع في الناس تتكلم عليه المحل كيف فيلواته حلوه هلبة وفخمه ورخيصه طبعا اني صابني دهول زيكم ياحبيباتي وكدبت قدام الاسعار الخيالية الي نسمع فيها مشيت وشوفت المحل حاجه خيال وسالت المرا الي تخدم فيه قالتلي احني ياخدو من المحلات متل راس حسن والترسانة وبن عاشور وزاوية الدهماني من غير دكر اسما المحلات

وصف للفيلوات طبعا الكريستال يلمع زي التريا وللمعة في خيالية وفي بالكربلات وفيه عادي وفيه المطروز وزحمه علي المحل زي الجمعية

هديرالحب;12865626:
القنبلة400 دينار اغلي حاجة

حبوبة كملي تفجير القنبلة وقولينا اسم المحل ومكانه:thumbs_up:

حبيبة ايمن ... سامحني تأخرت عليك بالنسبة لبيان بنت حماتي قتلك خشت على اغنية اللهم صلي على سيدنا محمد ... بجد هالاغنية روعه وبنفس الوقت مش حتنحي بهرتك في عرسك وطبعا بعد ماخشت سلمت على ناس ووراها اختها زي ماقالت وحده من العضوات تبخ ريحه بعدها على كل من تسلم عليها ... شوفي ريحه حلوه تكون معاك واختك وراك انتي سلمي ولما تكملي تبخ هيا عليها وطبعا لما تسلمي على ام خطيبك سلامك غير بوسي علي راسها .... لما خشت هيا وخطيبها خشو على قصيده اسمها (هلا يلي تمنيتك نصيبي) بصراحه القصيده روووووووووووووووووووووووعه كلماتها تخليك في عالم تاني وهيا بصوت المنشد بس بلا ايقاع بس بجد تحسسك في عالم تاني كلماتها حلوه تقول ....
هلا يلي تمنيتك نصيبي ....
هلا يافرحي وسعدي وطيبي ....
هلا يانصفي الثاني هلا بك ....
هلا يلي اناديها بحبيبي...
هلا بلي اناديها بحبيبي ....

QuEEn of icE;12866647:
حبيبة ايمن ... سامحني تأخرت عليك بالنسبة لبيان بنت حماتي قتلك خشت على اغنية اللهم صلي على سيدنا محمد ... بجد هالاغنية روعه وبنفس الوقت مش حتنحي بهرتك في عرسك وطبعا بعد ماخشت سلمت على ناس ووراها اختها زي ماقالت وحده من العضوات تبخ ريحه بعدها على كل من تسلم عليها ... شوفي ريحه حلوه تكون معاك واختك وراك انتي سلمي ولما تكملي تبخ هيا عليها وطبعا لما تسلمي على ام خطيبك سلامك غير بوسي علي راسها ....