ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

هديرالحب;12865586:
عندي لكم محل الياخدو منه المحلات الفيلوات هو المحل هدايبيع بسعر الجملة وياجر عنده موديلات حلوة وجديدة وانتم كيف تبو موديل الفيلو متعكم

هدير وينه ها المحل وشن اسمه ياريت تقوليلنا عليه خلي انشوفه وربي سيعدك :thumbs_up:

حفوصه;12854072:
السلام عليكم

هيوله والبنات نبي بسألكم علي توب الصلاه اللي يجيبوا فيه من السعوديه من وين يشروه غادي أي محلات نقصد أو في أي أبراج .. أبراج مكه مثلا

ولما تطلب من المحل تقوله توب صلاه ويزبطه ولا شنوا يسمو فيه السعوديين

شكرتوهم وعندي قريبي ماشي للعمره وخاطري نوصيه بس خايفه ما يزبطاش نبي المكان اللي يبيعوا فيه غادي باش يمشي طول
وآخر سؤال ولو إني كثرت عليكم هما استاندر أو فيه أرقام

نستنى في ردكم حبيباتي هوا ناشي من قبل رمضان وخاطري نوصيه عليه

تبى الحق حفوصة والله ما نعرف وين بالزبط .. بس خشى لتجمع السعوديات اكيد يساعدوك وحطيلهم الصور لان انى معمرى مشيت للسعودية بس ديما نشوف فى المواقع يقولوا عليهم وصورهم يبانوا خارقات الحق :worn_out:

*A7LA*DAL3*;12859113:

مراحب اختي عروسة ليبيا

نبي نسأل على غاده قنابة وين مكانـهـا .. وكم رقم هاتفها

واسعارها من كم لـ كم تتراوح ؟

مشكورةF:

روحى .. غادة قنابة فى حى الاندلس واسعارها قفطان بسييييط ب 300 ومنفوخ شوية 350 منفوخ متوسط 400 منفوووخ 450 قفاطين البيان 500 واركب فوق قفاطين المحضر ب 600 واركب .. بس انى من راى الواحدة مش لازم تقول انه بيان او محضر لان والله مرات نفس مستوى قفطان عادى وزيدوا السعر لمجرد انه قفطان محضر ..

وروحى سامحينى امس شفت المكالمة فى الليل مووووخر امس والله التليفون ملوح منندرى عليها من وين زارقة لهيت لهية مش عااادية فى حوش شيبانية وزحمة والدنيا خايضة فى بعضها هههه :confused:

حياتي ليبيا;12865228:
توتو معليشي شن هما النواشف اللي حجزتيهم وبقداش؟

حياتي اسفه عطلت عليك في الرد غير امس صارت مشكله في الجهاز

المهم
النواشف نفسهم اللي قلتلك عليهم المره اللي فاتت
المشبكه ب 1 ونص
واللي بالفلفل واللحم ب 1 ونص
وبوريك ب 1
وهامبورغا ب 1وربع
وممكن بنزيدو معاهم بيتسا

هديرالحب;12865615:
توتو91 جبتلك رقم محل بلقيس وهو..................

هدير صحيتي حبيبتي بس ياريت تبعتيهولي علي الخاص الرقم لانه هكي ممنوع

هديرالحب;12872238:
حبيبت هنو الدلوعه اني ابعتلك عنوان المحل علي الخاص والي تبي عنوان المحل اتقولي باش نبعتهولها

هدا البت المباشر علي حسب الصالة لو فيها شاشة عرض تتفاهمي مع الصالة والمصورة وهي تصورك من لما تخشي من باب الصالة وتبدا شاشة العرض تعرض فيك انتي اما مصورة حاجزة

هديرالحب;12872260:
هدا البت المباشر علي حسب الصالة لو فيها شاشة عرض تتفاهمي مع الصالة والمصورة وهي تصورك من لما تخشي من باب الصالة وتبدا شاشة العرض تعرض فيك انتي اما مصورة حاجزة

هديرالحب;12872238:
حبيبت هنو الدلوعه اني ابعتلك عنوان المحل علي الخاص والي تبي عنوان المحل اتقولي باش نبعتهولها

بالنسبة للمحل فيه كل شي لكن بالنسبه للفيلوات احسن حاجه فيه لانهم نفس متعات راس حسن وغيرهم من المحلات المعروفه

بالنسبه للبيباص يشكروا فيه لكن شخصيا منعرفش ومحل الصفاء ريتله وايضا يشكرو فيه لان يدير في دمج الصوره (الديجيتال)

هديرالحب;12872329:
لان يدير في دمج الصوره (الديجيتال)

الدمج هو تحطلك صورتين مع بعض في الصوره الواحدة زي الفنانين بالنسبه لسؤال منعرفش نعرف الصفا بجنب الحاراتي في شارع النصر

سؤال مخالف: يابنات نبي نسال من تعرف مصور البركه الي في شارع الجماهيريه

يابنات نبي نسال عليه محل بروكار للفيلوات حلوه حاجته

هديرالحب;12872781:
يابنات نبي نسال عليه محل بروكار للفيلوات حلوه حاجته

هدير ايه نعرفه عنده حاجات حلوه هللللللللللبا

لكن تعرفي مش ضروري ايكون اسم المحل معروف لاني مرات يبدأ معروف ولما تمشي اتشوفيه تلاقيه حاله:sick: ومرات ايصير العكس ايكون محل عادي وتحصلي فيه حاجه حلوه:)

لكن هدا بروكار نعرفه عنده حاجات حلوه

يابنات شني محصولتوليش صالة قنينه لعرسي

هديرالحب;12873562:
يابنات شني محصولتوليش صالة قنينه لعرسي

شوفي فرحتي والا قورينا حلوات:thumbs_up:

Hayela;12873596:
هدير الحب وتوتو .. احسنلكم هدرزوا فى اللمة لان ردودكم هنى اكيد حينمسحو كلها

هيولة بنسألك علي الستريتنر لانه شعري طويل ومعبي فنخليه ديما يشتغل والا نفصله مرة مرة لانه حسيته يسخن هلبة هلبة؟