الرئيسية ركن العروس تجهيزات و استفسارات العروس ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

حلمـ ., 11-07-2010 449 رد 19,279 مشاهدة
k
kitty cute
عروس نشيطة
03-08-2010 | 12:31 AM
shima*;12828502:
السلام عليكم ... وأخيراً لقيت ركن المناسبات الخاص بليبيا آآآآآآخ نفسيتي تعبانة بكل من التحضير والتفكير وقاعدة نحاول اني نهدي روحي بس جديات الفرح مرهق جداً عموما عروس ليبيا كنت حابة نشوف أفكار تغليفات حلوة للدبش متاع التفريش لأني نفكر نبدأ في الموضوع بدري بيش ما تزحمش عندي خصوصا اني تقريبا يوميا في السوق والصبح في العمل وجزااااك الله خير


هدي افكار لقيتها في الموقع من قبل

منقول
ح
حياتي ليبيا
عروس متألقة
03-08-2010 | 02:43 AM
عروس ليبيا;12828092:
السلام عليكم ورحمة الله بروكاته

مرحبا عرايسنا العسولات ليكن وحشه والله ربي يحفظكن كلكلن ويتمم عليكن

عرايس اي وحدة حابه تستفسر على امور الاعراس والتجهيزات تتفضل وان شاء الله مانقصر مع حد فيكم

عروس ليبيا تسلمي يا رب ولو انتي من طرابلس ياريت تقوليلي لو تعرفي وحدة كويسة ادير في الحلويات
ب
بنغازية وكلي فخر
عروس مشرقة
03-08-2010 | 09:18 AM
شكراً جزيلاً عروس ليبيا ما قصرتيش بس ممكن نعرف وين تنباع انواع الباكوات اللي في الصور في بنغازي وكم اسعارها ؟ حبوبتي انتي
M
Mella2
عروس رائعة
03-08-2010 | 01:56 PM
السلام عليكم يا بنات الأجواد كيف حالكم اليـــــــــــــــــــــــــوم .. انا اشتركت في المنتدي هدا وفاقده الأمل مش عارفه علاش
المهم أنا بياني بعد رمضان وبالموافقه بنديروه في صالة ... المهم
عندي مشكلتيــــــــــــــــــــــن :-
الاولي اني نبي زفة انخش عليها بروحي
وبعدين زفه انا وخطيبي ولما يلبسني الدبلة وبعد الدبلة فكرت في اغنية مبروك مبروك لرامي عياش ..
الثانية اني مامنعرف ترتيب الي مفروض يصير .. ناس اتقولي خشي وسلمي علي عزوزتك وقعمزي في كوشتك
وناس اتقولي حد يعرف اهل خطيبك هو الي يعرفك وناس وناس وناس ... اتقولي بعد ما يخشوا اهل العريس
بالسوابيت ....................... والله احترت ..

صحيتوا مقدما ويارب نخدموكم في الافراح


ع
عروس ليبيا
عروس فضية
03-08-2010 | 03:28 PM
خيرات يا بنات

اللي رحبوا بيا يسلمووو الكل يارب

وبالنسبه لبنات طرابلس سامحوني انا والله من البيضاء وطرابلس خبرتي فيها قليلة خصوصا في الحاجات هدي

اما بنات بنغازي واللي سألت على الباكوت هذي تلاقيها في الفواح في شارع جمال ان شا الله
ت
توتو91
عروس نشيطة
03-08-2010 | 04:36 PM
حبيبة أيمن;12833974:
السلام عليكم يا بنات الأجواد كيف حالكم اليـــــــــــــــــــــــــوم .. انا اشتركت في المنتدي هدا وفاقده الأمل مش عارفه علاش

المهم أنا بياني بعد رمضان وبالموافقه بنديروه في صالة ... المهم
عندي مشكلتيــــــــــــــــــــــن :-
الاولي اني نبي زفة انخش عليها بروحي
وبعدين زفه انا وخطيبي ولما يلبسني الدبلة وبعد الدبلة فكرت في اغنية مبروك مبروك لرامي عياش ..
الثانية اني مامنعرف ترتيب الي مفروض يصير .. ناس اتقولي خشي وسلمي علي عزوزتك وقعمزي في كوشتك
وناس اتقولي حد يعرف اهل خطيبك هو الي يعرفك وناس وناس وناس ... اتقولي بعد ما يخشوا اهل العريس
بالسوابيت ....................... والله احترت ..


صحيتوا مقدما ويارب نخدموكم في الافراح





ان شاء الله علي خير

طبعا اللي بنقوله مجرد راى مش اكتر ولا اقل

انا من راى انك اتخشي علي اغنيه عاديه متلا يا احلى منهم =ايهاب توفيق

وبعدين لما انتي وخطيبك اختاري اغنيه اتكون حلوه انا اختي في بيانها خشت علي اغنية صابر الرباعي =الله يحميك كانت حلوه هلبا

نصيحه مني ردي بالك اتخشي علي زفه متع عرس لانك كان خشيتي عليها توا ماعاش ليها بنه في العرس

وبالنسبه للتسليم اللي نعرفه انك لازم اول ماتخشي اتسلمي علي ام خطيبك وعلي امك وبعدين اتقعمزي

وان شاء الله ان انكون افديك:o
M
Mella2
عروس رائعة
04-08-2010 | 12:59 AM
طبعا اللي بنقوله مجرد راى مش اكتر ولا اقل

صحيتي علي رايك الاكثر من رائع وحندير الاغنتين زي ما قلتي :)
نشكرك هلبة هلبة أبلة توتو يارب نخدموك في الافراح

وان شاء الله ان انكون افدي

أفدتي بس انتي افدتي وبزيادة .. صحيتي
وكل سنة وانتي طيبة

حاجة تانية شن تنصحوني نرفع في البيان ... غير الكانون والوشق والساتا جونا هههههه
M
Mella2
عروس رائعة
04-08-2010 | 01:05 AM
بس زفة في صالة بالله يحيميك ...؟؟؟ مش عارفه حسيت لازم واحده اتكون اكثر بطيئة .. أنا كنت بنموت في ع بالي حبيبي بس ولت صامطة في كل مناسبة نسمع فيها
وفيه هلا يالي تمنيتك نصيبي حتي هيا كانت عاجبتني .. بس ولت اععععععععععععععععععععع
مش عارفة
vangelis - conquest of paradise-01
هادي سينفونية بدون موسيقي شنو رايكم فيها ؟؟؟
A
ArOoTa
عروس مشرقة
04-08-2010 | 01:32 AM
حبيبية ايمن
لما بيخش خطيبك بتخشي معاه تاني ولا بيخش هو بروحه ؟؟
k
kitty cute
عروس نشيطة
04-08-2010 | 02:21 AM
السلام عليكم كيف حالكم؟؟ اليوم بنحط صور لباقات الورد يعني المسكه بتاعالعروسه وياريت تقيموني













k
kitty cute
عروس نشيطة
04-08-2010 | 02:23 AM
اعطوني رايكم اما احلى الابيض او الاحمر مع الفيلو
M
Mella2
عروس رائعة
04-08-2010 | 02:38 AM
أرووتا لالا في الاول بروحي وبعدين هو معاي
M
Mella2
عروس رائعة
04-08-2010 | 02:45 AM
او هكي المفروض الي يصير انا في الاول انسلم وبعدين انصور وانبدل قفطاني وانخش انا وياه صح ولاه .؟؟
Q
QuEEn of icE
عروس نشيطة
04-08-2010 | 03:46 AM
مزبوط هكي احسن حبيبة ايمن خشي انتي في الاول وخليه هوا بعدين لما تغيري لبستك ودوري اغنية لما تخشي انتي وياه تعبر عن انكم لقيتو بعض وتكملو بعض :worn_out: في معناها مش عارفه المده يلي فاتت مرت علي اغنية نسيتها لواحد خليجي تهبل.... المهم تنسيقق هكي تمام
Q
QuEEn of icE
عروس نشيطة
04-08-2010 | 03:51 AM
kitty cute;12839946:
اعطوني رايكم اما احلى الابيض او الاحمر مع الفيلو


والله اني نحب الابيض ودرته في عرسي لو تتكلمي على ورد المسكه ... بس حبيّبه حسب مرات لو ديكور الصاله احمر والمنصه حلو يطلع خصوصي لو كانت نفس لون الروج .... اني اخترتها بيضاء مع الاوراق الخضر يلي نازله طويله لانو الفيلو متعي كان في ورد ابيض واوراق خضر صغار معاه فدرت الباقه زيه
Q
QuEEn of icE
عروس نشيطة
04-08-2010 | 04:01 AM
الحمرا كلها مع اوراق خضر زي متع بياني غير مفيهاش الشي يلي نازل من لوطا

وفي عرسي قريبه هلبا لهدي غير كلها الورد ابيض على اوف وايت وحجمه وسط
ع
عروسة سبتمبر 2010 ان شاء الله
عروس جديدة
04-08-2010 | 04:40 AM
dr_amani;12821779:
صباحكم عسل ...

اليومين اللي فاتوا مشيت ( نعومي ) في قرقارش .. عندهم حاجات حلوة .. و مدايرين تخفيضات و أسعارهم معقولة جدا ..

مثلا هذا ..

روب حمام ..



معاه فوطة كبيرة - 2 متوسطات - شبشب - كيس لحفظ الروب ..

في منه ألوان تهببببببببببل .. أحمر - موف ..

... حتى خامته تجنن ..

سعره 88 دينار ..

خذيت منه .. قلت نقول للعرايس عليه .. لأنه الحق حسيته عرايسي ...


حتى انا شريت منه لونه احمر بصراحة مش عادي انا شفته من مده لكن كان غالى بى 120 دينار توا اول ما مشيت لقيته تخفيض 85 انا خديته فرصة الحق
*
*زهـــرة ليبيـا*
عروس برونزية
04-08-2010 | 05:20 AM
حياتي ليبيا;12829590:
عروس ليبيا تسلمي يا رب ولو انتي من طرابلس ياريت تقوليلي لو تعرفي وحدة كويسة ادير في الحلويات



حياتي ليبيا

QuEEn of icE

أسفة حبيباتي لإني مارديتش عليكم على موضوع المرأة اللي ادير في الحلاوات

امشيتلها وإسألتها نقدر نعطي رقمك قالي لا

بس بجد فنانة في الحلاوات ودرت عندها حاجات للرمضان في يومين بس اديرلك اللي تبيه

وحطيتلكم النعتة بتاعها لو اقدرتوا ديروا عليها دورة حبيباتي..
أ
أسامة عمري
عروس نشيطة
04-08-2010 | 11:27 AM



بالصراحة اني عاجبتني الحمراء ومن تحت اوراق اخضر هلبا وحتي البيضه حلوة
M
Mella2
عروس رائعة
04-08-2010 | 12:56 PM
مزبوط هكي احسن حبيبة ايمن خشي انتي في الاول وخليه هوا بعدين لما تغيري لبستك ودوري اغنية لما تخشي انتي وياه تعبر عن انكم لقيتو بعض وتكملو بعض :worn_out: في معناها مش عارفه المده يلي فاتت مرت علي اغنية نسيتها لواحد خليجي تهبل.... المهم تنسيقق هكي تمام
والله ماني عارفه موضوع الاغاني هدا .. بس ان شاء الله خير ... بالنسبة للتنسيق ,,, انا قريت انكي درتي باقه في بيانك ؟؟؟ معناها لازم اندير باقه .. انا قفطاني فوشيا والتاني اخضر ؟؟؟؟ وديكوري نفس الالوان فوشيا بفراشات والاوراق خضر ....

أختي كوين اوف ايس تسلمي علي الرد والأهتمام .. بس حتي في الاول لما انخش مش عارفه شن انحط ... مشكلتي ان بياني في الصالة هدا الي كايدني لازم التنسيق يكون تمام ... بس قالولي فيه اغنية درجي والحوتة عليك هيا اغنية ليبية شنو رايك فيها ؟؟؟؟ او الف ماشاء الله عليها لرامي صبري ؟؟؟
X