ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

لوونا;12814150:

سلام يا حلوات make up for ever وين نلقاها في طرابلس وشن اسعارها؟؟

تـاج النساء;12810532:

حلوات

ربي يهنيكي

بس ياريت حبوبة تكتبيلنا الأسعار ومن وين شريتيهم

حفوصه;12814229:
حياتي يا حبيبه محل الفواح في شارع عمر المختار

مانقولكش وين بالزبط بس تبعي الشارع تلقيه سامحيني عالتأخير مشغوووله

أسامة عمري;12811070:
صباح الخير عرايس
كيف حالكم اليوم أمس كانت عندي جولة علي بعض المحلات وشريت شوية حاجات منها (( البدلة البودرية بدلة الحمام تامه وكان سعرها 90 دينار وفيه منها نقشات اخدت النقشة الجديدة وخديت باكوات الحلويات وللكوفيتي ازوز ع اللون الحني والذهبي زي بعض نفس النقشه مية من الاباكوات بي 25 دينار و70 من الكوفيتي بي 25 دينار قلت مرة تانية نزيد منها حتي 100 تانية من كل حاجه وخديت هدية لحماتي الصبية عباره عن تاكم كامل ع الابيض والفص اسود خيالي بي 40 دينار وشي حاجات للمطبخ ))
اسف علي عدم تنزيل الصور

شدى الاحساس;12814327:
ممكن حتى تبعى شارع الرشيد فى نهاية بداية عمر المختار بادن الله

لوونا;12814040:

عرايس طرابلس نبي نسألكم على مكياج ماركة make up for ever

قالولي تلقيها في قرقارش انا واخذتها من مصر من كم سنه وتوا بناخذ منها للعرس ومش لاقيتها في بنغازي رجاءا اللي شايفتها في اي محل تنقذذذذذذذذذني وشنو اسعارها وليكم الحلاوه.....

ما تفرحوش واجد الحلاوه بوسه بس

kitty cute;12812730:
ياب نات نبي انزل لكم الصور بتاع بس مش عارفه كيف ياريت تساعدوني

ArOoTa;12814254:

السلام عليكم

كيف حالكم ياعريسات ان شاء الله بخير
انا جيتكم بدعوة من المدام Gadosh ان شاء الله حالها تمام
وبارك الله فيها اللي دلتنا على هذا المنتدى الرائع

بالله نبي نسألكم شن ناخد هدية لصديقة عمري عرسها قريب
فكرت ناخدلها روب او طاقم نوم يكون نعوووم وحلو وراااقي وبصراحة مش عارفة وين نلقى
او ناخدلها شنطة ميك اب تكون ماركة وكويسة مش عارفة بكم تكلفني

قولولي شن رايكم في اقتراحي ووين نققدر نلقى طلبي
وشن اكتر حاجة في الهداية فرحتوا بيها يامدامات

وشن تمنيتوا يهدوهولكم ؟؟

لوونا;12814496:
اروتا

والله قصة المكياج هذي مدووووووووووووووووختني انا فالعادي نستخدم في بورجوا بس مش متاع مدامات نبي حاجه رسمي خاصة الفاونديشن والبودره واحمر الخدود والشادوات نبي باليت فيه الوان واجدات وفي نفس الوقت ماركه معروفه وحاجه حلوه ما لقيييييييييييييييييييتش...............

حياتي ليبيا;12814284:
حفوصة واني ماشية من جيهة الساحة الخضراء يجي علي يميني والا يساري لانه صعب نركز بالسيارة ههههه وبعد والا قبل المعرض

حفوصه;12814548:
بصراحه أفكاركحلوه

ولو حرتي طقميلها كنده وشنطه نفس اللون ولو مع وشاح زيهم تطلع حلوه

أو عطر

وحتى فكره الروب حلوه بس خالفي الألوان اللي شرتهم هيا

أو خوديلها الحاجه اللي ماشرتهاش حتى لو طقم للحمام أو للمطبخ

لوونا;12814496:
اروتا

والله قصة المكياج هذي مدووووووووووووووووختني انا فالعادي نستخدم في بورجوا بس مش متاع مدامات نبي حاجه رسمي خاصة الفاونديشن والبودره واحمر الخدود والشادوات نبي باليت فيه الوان واجدات وفي نفس الوقت ماركه معروفه وحاجه حلوه ما لقيييييييييييييييييييتش...............

ArOoTa;12814566:

مشكورة حبيبتي على ذوقك العسل

اما احلى روب ولا مكياج ؟؟
اني صاحبتي عاجبها مكياج فور ايفر ومش عارفة بكم عدة الميك اب
وانا عجبتني حكاية الارواب بس نبي نعرف من وين تاخدوا فيهم النعومات ؟؟

لوونا;12814617:

حياتي انا من بنغازي واللي ندور فيه الباليت اللي فيه الوان واجدات يعني مش كل لون بروحه فلو وحده منكم تعرف حاجه حلوه هكي تقوللي

ArOoTa;12814550:

صار حتى انتي نفس القصة مع الميك اب

هو فور ايفر روعة لكن غالي
هي يابنات ساعدونا

جماعة الماركات...لو بناخد شنطة كاملة من فور ايفر حوالي كم تكلفني ؟؟