ǁ♥ǁǁǁ تجهيزات عرائس { ليبيـا } لشهر شعبان 1431 - 2010 م / الجزء = 13 ǁǁǁ♥ǁ

السلام عليكم عندك الحق بالنسبة للمكياج مش لازم تاخدي كله ماركه وغالي بالنسبه ليا انا عرسي بعد العيد وخديت مكياج كله عادي لاني شفت بنات شرو الغالي وبعدين بدو ياخدو في الرخيص بعد العرس وتانيات كلهم قاعدين جدد
بالنسبه للكريم الاساس عندك ميبي لين و ماكس فاكتور والضلال نوعي متلا المخملي كعلبة تحمل جميع الالوان وخودي الصغيرات لمركات تانيه زي ما تبي وماسكارا في لوريال ولانكوم كويسين وارواج ديبورا بس خفاف الوانهم وجولدن روز احمر خدود جولدن روز وبوبا اقلام ريمير وجولدن روز .
الحق انا ما ندورش في الماركه المهم اللي نرتاحلها وتعجبني ناخدها مادام مشيت معاي والكل واحد وكيف يرتاح وانشاءالله تتهنو يارب

أسامة عمري;12811070:
صباح الخير عرايس
كيف حالكم اليوم أمس كانت عندي جولة علي بعض المحلات وشريت شوية حاجات منها (( البدلة البودرية بدلة الحمام تامه وكان سعرها 90 دينار وفيه منها نقشات اخدت النقشة الجديدة وخديت باكوات الحلويات وللكوفيتي ازوز ع اللون الحني والذهبي زي بعض نفس النقشه مية من الاباكوات بي 25 دينار و70 من الكوفيتي بي 25 دينار قلت مرة تانية نزيد منها حتي 100 تانية من كل حاجه وخديت هدية لحماتي الصبية عباره عن تاكم كامل ع الابيض والفص اسود خيالي بي 40 دينار وشي حاجات للمطبخ ))
اسف علي عدم تنزيل الصور

كيف حالك بالله نبي نسألك علي الباكوات متع الحلويات قصدك 100 قطعه بي 25 دينار؟؟؟

ولو كانو هكي من وين اخديتيهم

بنات كيف حالكم نبي نسألكم من اللي تعرف محل ايدير في كيكة عرس(تورته) وتكون حلوه وامجربينها؟؟

انا امشيت شوفت الحاراتي قالي مانقدرش انديرلك ادوار ايسدو 400 قطعه لان انا المعازيم 400 واللي عنده 10 ادوار ايسدو 200 قطعه بس

توتو91;12813177:
بنات كيف حالكم نبي نسألكم من اللي تعرف محل ايدير في كيكة عرس(تورته) وتكون حلوه وامجربينها؟؟

انا امشيت شوفت الحاراتي قالي مانقدرش انديرلك ادوار ايسدو 400 قطعه لان انا المعازيم 400 واللي عنده 10 ادوار ايسدو 200 قطعه بس

شوفي العالم والا معازيم ليبيا اكيد يديروا فيها...بعدين 10 ادوار نحس فيهم يسدو 400 لانه انتي حتقصيها صغيرة

حياتي ليبيا;12813272:
شوفي العالم والا معازيم ليبيا اكيد يديروا فيها...بعدين 10 ادوار نحس فيهم يسدو 400 لانه انتي حتقصيها صغيرة

العالم ابدي معاش يعجب فيا هلبا توا بنشوف معازيم علي امل اني انحصل

حياتي مايسدوش لانهم مش كبار هلبا امقسمهم 3 كبار وبعدين 3 متوسطات وبعدين 3 صغيرات هلبا والاخيره ماتبانش بكل والحجم تابت مايزيدش

تقريبا كبرهم زي هادي غير هدوكا مفصولات وفي كل دور 3



ومانقدرش انقصهم صغيرات لاني مش حندير حلويات يعني الكيكه مع النسكافي ومكسرات مع الشاهي لازم اتكون قصتها كبيره خلي اتجي بدل الحلويات


والله مايجي العرس ويتم لين اتجيني حاله نفسيه:confused::sick: هدا عرس اختي وكله علي راسي في عرسي مش عارفه علي رأس من بيجي يا خوفي حتي هوا ايجي علي رأسي:|

حياتي ليبيا;12813677:
ان شاء الله بالبركة والصحة والعقبة ليك...اني مشكلتي كله علي راسي نحب كل شي علي عيوني ههههه مهبلة روحي لكن اني بندير حلويات....بنقولك باهي علاش مااديريش لكل وحدة كيكة بروحها في مراة تخدم فيهم والا مثلا اديري علي كل طاولة تورتة...مجرد راي حبوبة;)

ان شاء الله يارب حتي انا انحب كل شي علي عيوني خلي ايجي كويس لكن المشكله هيا اللي عروسه ولا كأنه لما نسألها اتقولي ديري اللي يعجبك هبلتني مع ان انا اصغر منها ب 6 سنين لدرجة وصلت بيا قلت لخطيبي مانبيش حتي بيان ساد يوم واحد حفله وخلاص وانديرها عائليه من قداش ماعيت:(:sick:

مانيش اندير كيكات صغيره لان لو قطع الانسه اختي ماتبيش لان خطيبها بيدخلها وتبي اتقص كيكه هيا وياه

ولو علي كل طاوله تورته خساره هلبا لانها اكيد حيفضل والفضله اكيد حتتلوح:worn_out:

واكيد رايك علي عيني ورأسي انا اصلا هدا اللي نبيه هوا رايك:L:F:

حياتي انتي وين درتيهم الحلويات لاني بنشوف للنجمه؟؟:confused:

توتو91;12813815:
ان شاء الله يارب حتي انا انحب كل شي علي عيوني خلي ايجي كويس لكن المشكله هيا اللي عروسه ولا كأنه لما نسألها اتقولي ديري اللي يعجبك هبلتني مع ان انا اصغر منها ب 6 سنين لدرجة وصلت بيا قلت لخطيبي مانبيش حتي بيان ساد يوم واحد حفله وخلاص وانديرها عائليه من قداش ماعيت:(:sick:

مانيش اندير كيكات صغيره لان لو قطع الانسه اختي ماتبيش لان خطيبها بيدخلها وتبي اتقص كيكه هيا وياه

ولو علي كل طاوله تورته خساره هلبا لانها اكيد حيفضل والفضله اكيد حتتلوح:worn_out:

واكيد رايك علي عيني ورأسي انا اصلا هدا اللي نبيه هوا رايك:L:F:

حياتي انتي وين درتيهم الحلويات لاني بنشوف للنجمه؟؟:confused:

الحلويات هادو مشكلتي وجاري البحث عليهم:| في وحدة قالولي عليها في سوق الجمعة لكن لما كلمتها قتلي صيانة وتكمل الاسبوع هادا واني قبل خاطري في ابتسام جلول لكن سيبت من السنه اللي فاتت وفي وحدة اسمها نجلاء تو بنشوفها غدوة والا بعد غدوة وقعدة ندور...في الحفلة بندير حلويات شامية والنجمة قاعدة حاصلة واي سؤال تفضلي حبوبة حتي اني عرسي بعد العيد وانتم؟

توتو91;12813159:
كيف حالك بالله نبي نسألك علي الباكوات متع الحلويات قصدك 100 قطعه بي 25 دينار؟؟؟

ولو كانو هكي من وين اخديتيهم

حبيبتى بنرد على سؤالك برا لباب الحريه تحت الاقواس وين ما يبيعو فى ارداواات الحرير والبدالى الكبيره والله لقين حااجات جديده
زى مثلا صندوق على شكل سعف
حلووووو يعجبك وفياا بااكو ملبس بقماش متاع الخيمه متااع زمان الاحمر والاكحل حلووو
وفى جميع الاسعار

يابناات من يعرف نجاة المصراتى تخدم فى الحار
كاانه من فيكم ذايق ماكلتهااا
بالله عليكم ترد عليااا

حياتي ليبيا;12813881:
الحلويات هادو مشكلتي وجاري البحث عليهم:| في وحدة قالولي عليها في سوق الجمعة لكن لما كلمتها قتلي صيانة وتكمل الاسبوع هادا واني قبل خاطري في ابتسام جلول لكن سيبت من السنه اللي فاتت وفي وحدة اسمها نجلاء تو بنشوفها غدوة والا بعد غدوة وقعدة ندور...في الحفلة بندير حلويات شامية والنجمة قاعدة حاصلة واي سؤال تفضلي حبوبة حتي اني عرسي بعد العيد وانتم؟

الحلويات مشكلة الكل شكلهم ناقصين في البلاد حياتي هي نفتحو معمل حلويات انا وياك :lol::p

فكرتيني با ابتسام جلول انا عشي الحفله والنواشف متع النجمه درتهم عند وحده اسمها فوزيه ما شاء الله عليها رهيييييييييييييبه ماكلتها مش عاديه
وهيا بنت خالت ابتسام وادير حتي في حلو قتلي بعد رمضان اتجي ادوقي حلوياتي

وفي وحده اسمها ليلي قالولي عليها لكن مامشيتلهاش:( لاني حسيت امكانها بعيد شويا

ان شاء الله ربي يتمم عليك بالخير حبيبتي

وحتي انا اختي بعد العيد اول اسبوع في 11

وانا مازال قاعده نستني في رحمة ربي لين ايكمل البني

شدى الاحساس;12813923:
حبيبتى بنرد على سؤالك برا لباب الحريه تحت الاقواس وين ما يبيعو فى ارداواات الحرير والبدالى الكبيره والله لقين حااجات جديده
زى مثلا صندوق على شكل سعف
حلووووو يعجبك وفياا بااكو ملبس بقماش متاع الخيمه متااع زمان الاحمر والاكحل حلووو
وفى جميع الاسعار

شكرا حبيبتي
انا اموصيه خطيبي بيجيبهملي من الصين لكن بسعر غير اللي قالت عليه فأستغربت لاني اللي انشوف فيهم اهني يعتبرو غاليات علي اللي في الصين اهني القطعه ب دينار ونص واكتر هادي الرخيصه لكن من غادي القطعه ب خمسين قرش
وتوا لما شوفت ان 100 قطعه ب 25 دينار معناها ارخاص هللللللللبا

توتو91;12814047:
الحلويات مشكلة الكل شكلهم ناقصين في البلاد حياتي هي نفتحو معمل حلويات انا وياك :lol::p

فكرتيني با ابتسام جلول انا عشي الحفله والنواشف متع النجمه درتهم عند وحده اسمها فوزيه ما شاء الله عليها رهيييييييييييييبه ماكلتها مش عاديه
وهيا بنت خالت ابتسام وادير حتي في حلو قتلي بعد رمضان اتجي ادوقي حلوياتي
خلاص ماداما فكرتك معناها اسعفيني هههههه واعطيني رقم فوزية ونعتتها:thumbs_up:ههههه

وفي وحده اسمها ليلي قالولي عليها لكن مامشيتلهاش:( لاني حسيت امكانها بعيد شويا

ان شاء الله ربي يتمم عليك بالخير حبيبتي

وحتي انا اختي بعد العيد اول اسبوع في 11

وانا مازال قاعده نستني في رحمة ربي لين ايكمل البني

توتو91;12814088:
شكرا حبيبتي
انا اموصيه خطيبي بيجيبهملي من الصين لكن بسعر غير اللي قالت عليه فأستغربت لاني اللي انشوف فيهم اهني يعتبرو غاليات علي اللي في الصين اهني القطعه ب دينار ونص واكتر هادي الرخيصه لكن من غادي القطعه ب خمسين قرش
وتوا لما شوفت ان 100 قطعه ب 25 دينار معناها ارخاص هللللللللبا

توتو يا غالية راهو الباكوات اسوام من 25 -35 وفي الطرف بدينار وفي اغلي والاغلى احلى F:

حياتي ليبيا;12814115:
توتو يا غالية راهو الباكوات اسوام من 25 -35 وفي الطرف بدينار وفي اغلي والاغلى احلى F:

حياتي يا غزاله حتي انا هدا علاش استغرب من 100 طرف ب 25 معناها الطرف ب ربع وانا الحق ما قابلونيش هكي بكل
كلهم اللي نشوف فيهم زي ما قلتي انتي من دينار واغلي

حنونة3;12806059:

مبروك ماشريتي و ذوقك حلو ماشاء الله

بس ياريت تعطينا فكرة عالاسعار ؟

يسلم ذوقك يا حنونه

بس والله خدينا هلبا حاجات منه المحل مع بعضهم

واللي وريتهملكم حاجات الحوش وخديت استريتشات كذالك إن شاء الله نصورلكم كل شي
خدينا شنط مكياج حلوات أني عالعنابي وأختي عاذهبي وطقمت معاهم 3 شنط للإكسسوارت اللي يجوا مع بعض

فلهذا ما ندكرش سعر كل حاجه بالزبط

وناويه نرجعلها هالمحل نبي ناخد منه آساور عنده حلوات وأطقم كرستال وغيره :D

شدى الاحساس;12814149:
هما الصيينيين فى شنى يستعملو فيهم الباكوات

تعرفي مش مخلين حتي من البدالي العربيه يصنعو فيهم

واصلا المحلات اللي هني كلهم ايجيبوا في حاجاتهم من غادي متع مستلزمات الافراح
يصنعو فيهم ويصدرو فيهم للبلدان العربيه مش بالضروري يستعملوهم

تـاج النساء;12810510:

مبروك عليكي ياحفوصةF:

تبيديهم بالهناء:adore:

الله يهنيك يا عسل