du;12993473:
هو انتو بتطعموا ولادكم فين ؟؟
واللوب المفروض نركبه امتي ؟؟؟ وحد سمع عن الحلقه اللي بتتحط كل شهر دي او جربها ؟؟؟
و البيريود بتيجي تاني امتي ؟؟؟
والتطعيمات للبيبي بتبقي ف اي يوم بعد ما تتم الشهرين ولا في يوم معين ؟؟؟؟؟
فى الصحه يا جميله عا مله ايه يا بت واحشااانى وصووفى عامله ايه واخبار الزن
واللوب بقى المفروض قبل الارعين ما يخلص او لما تجيلك بريود بعدها قبل ما تخلص كده عشان الرحم يكون مفتوح
البريود المفروض بيقلوا بعد الاربعين لكن انا بقالى شهرين والده اهو ومش جتلى البريود ومش عارفه اركب لووووووووووووب عااااااااااا وانا اصلا مش عاوزاه لكن فى ناس بتجيلها البريود بعد 6 شهور زى كتكتوته كده مثلا حبيبتى او مثلا ممكن ترضعى علطول من غير بريود كده يعنى
والكبسوله اللى فى الايد دى مش كل شهر انا اسمع انها زى اللوب كده بتبقى سنين لكن سمعت عنها مشاكل برضو ومش اعرف ناس بيستعملوها كتير غير خاله واحده صاحبتى وبتقول كويسه لكن مش عارفه الحقيقه وانا مش مرتحالها
التطعيمات زى ما مكتوب بقى فى الشهاده مش يوم معين اول ما تتم الميعاد ممكن بعده بكام يوم عادى لكن مفيش يوم معين لازم تروحى فيه انا لسه مطعمه بنتى اول ما تمت شهرين الحمدلله
hoba555;12993556:
ممكن تطعمي بنتك في المصل واللقاح تقريبا بس بفلوس مش متاكده اوي
والاساسي الناس بتطعم في مكاتب الصحه اقرب مكتب صحه ليكي
الحلقه اللي بتتحط في الدراع قصدك انا مسمعتش بصراحه تجارب عنها
بس انا بفضل اللوب ركبته من كام يوم والبيرود ممكن تيجي بعد الاربعين بكم يوم
ياريت يا هووبا تحكيلى عن اللوب ركبيته ازاى ووجع ولا ايه وبكام ونوع ايه واخباره معاكى اييه وقالك مش يكون فى علاقه زوجيه بعده بقد ايه
بسبوسةميدو;12993835:
ازيكم ياماميهات كلكم وحشتوني اوي والله:) بقالي كتير مادخلتش حاسه والله انكم نسيتوني:D
انا الحمد لله ولدت وجبت رحمه الحمد لله ولدت قيصري يوم 22/7بعد17يوم في التاسع حطوني في الليسته بقى:)
انا عارفه اتاخرت اوي على مادخلت بس والله انا متمرمطه من ساعه الولاده الحمد لله على كل شيء جالي برد في عضمي من تكييف المستشفى وقعدت مكسرة فترة حتى ماكنتش بقدر اقوم اقعد ارضع رحمه والمسكنات ماكنتش بتحوق
اللي تولد قيصري تاخد بالها من تكييف الاوضه مايبقاش عالي اوي ربنا يكرمكم المهم اني اكتشفت بعدها ان جوزي هو اللي كان معلي التكييف علشان الحر:mad: واتخانقت معاه:D
المهم قعدت اسبوعين عند مامتي علشان كده معرفتش ادخلكم ولما رجعت بيتي مافيش يومين وجاتلي سخونيه جامده اوي ورعشه وكنت باخد خافض كل اربع ساعات وكمادات وماكنتش السخونيه راضيه تنزل وكنت هدخل في حمى نفاس :sick: ورحت عند مامتي تاني اسبوع بس الحمد لله الدكتوره كتبتلي اوجمنتين الف وخافض حرارة جامد والحمد لله احسن اهو يادوب ابتديت افوق من ساعة الولاده
والله من كتر التعب ورا بعضه شهر عدى هوا من غير ما احس وقلت بقى ادخل اشوف اخباركم وفرحت اوي لدندونه الف مبروك على يوسف ربنا يخليهولك يارب وحمدلله على سلامتكم
معلش طولت عليكم بس قلت علشان تتعظوا التكييف التكييف التكييف لا لا لا لا بعد الولاده بامانه والله استحملوا الحر ولا التعب والله الحمد لله على كل شيء
سؤال بقى البيبي درينك مش موجود خالص في صيديليات جنبنا هو خلص من السوق ولا سحبوه ولا ايه؟ رحمه مش راضيه تشرب اي اعشاب تانيه خالص
فعلالالا موضوع التكييف ده مهم والحمد لله انا فعلا قفلته فى المستشفى مع ان الدنيا كانت حر بس عشان برد الوالده ده صعب وربنا معاكى وربنا يبارك فى رحمه يارب
razminia;12994531:
ازيك يامها عاملة اية يارب تكون جنا بخير دلوقتى بصى ياجميل الجل دة كان بيتحط مكان الحقنة مااتخدت وبيخلى لايبقى فية سخونة ولا الرجل تورم بس للاسف معرفتش غير بعد ما مالك سخن التطعيم اللى جاى ان شاء اللة هجيبة واقولك على اسمة لانى مش اعرف اسمة لسة
مالك الحمد للة بقى كويس بس هتلاحظى على جنا انها مقريفة شوية حتى بعد مالسخونية تروح هيبقى من قلة النوم وعدم الاكل الكويس هو الاحمرار راح الحمد للة والسخونية كمان كانت بتروح وتيجى بس الحمد للة دلوقتى دافى شوية وهى بتقعد يومين وخلاص على كدة ان شاء اللة والورم هتلاقية فش شوية بس مكان الحقنة كدة وارم شوية وجامد سم جنب الحقنة دة لسة مارحش من مالك الحمد للة
بالنسبة للوسيلة انا ماركبتش لوب انا باخد الحبوب اللى كتبتلك اسمها المرة اللى فاتت وبصراحة انا ماشية معاها كويس هى كل الحكاية انك لازم تخديها فى ميعادها عشان لو مرة خلفتى المعاد خلاص انتهت فهى الحمد للة كويسة ومش سببت ليا اى مشاكل زى اللوب ماكان هيعمل انصحك تروحى للدكتور لانك لازم تخديها قبل اول علاقة ب 14 يوم لو قررتى انها تبقى وسيلتك يبقى لازم تلحقى عشان انتى بتقولى ان جوزو هيرجع بعد 13 يوم يرجع بالسلامة ان شاء اللة
وبالنسبة للخطوط الحمد للة انها كنت بدهن كريم الاسترتش مارك والى حد ما الخطوط دى قليلة بس موجودة
وعلى فكرة انتى كويس انها حمرا لان مادام حمرا يبقى مش ادمرت اوى الابيضة هى اللى بتبقى صعب او بتاخد وقت طويل انها تروح ممكن سنتين بس الحمرا ممكن لو دهنتى الكريم بتاع الاسترتش مارك تروح ان شاء اللة وابقى اسئلى برضة الدكتور بتاعك
وربنا يطمنك على جنايارب ويطمنى على مالك يارب
تسلميلى ياروح قلبى ربنا يبارك فى مالك يااارب ويخليهولك يا روح قلبى انتى
انا للاسسسف من تعبى فى الحمل مش استعملت كريم الاسترتش مارك ده ومضايقه اوى من العلامات الحمرا دى هو الكريم بتاعك اسمه ايه طيب ؟؟؟
وهو الحبوب لو نسيت اخدها فى نفس الميعااااااااااااد ممكن يحصل حمللللللللللل ولا ايه؟؟ يا خبر ده انا بنسى كتير من جنا الحقيقه
صوت العيون ʚϊɞ ام سندس ʚϊɞ;12997501:
بصى الى اعرفه فى ناس جربت بيبى هاندى لما ملقوش لوتس وقالوا كويس برده
بس لوتس افضل
وعلى حسب الدم
استخدامك ليها قد ايه
وبودر جونسون تقصدى بورده التلك
قالوا مش حلوة وبتجيب امراض
فمحدش اتعامل معاها
والشامبو من جونسون حلو والبرفان والزيت
واللوشن حلوين الحمد لله
وربنا يقومك بالسلامه
اهم حاجه محدش يجيب ريلاكس ده يا سااااااااااااااتر مش عارفه اقول عليه ايه واصلا مش استعملته وجبت الويز الترا الحمدلله وكان كويس عادى لان الدكتور بتاعى كان عملى اللى هو البتاعه دى اللى اسمها فتيل ف كان الحمدلله مفيش دم بعد ما فكيته كتير