تجهيزات حوامل مصرللمولود الجديد و النفاس ‏جزء 5

dandona we bas;12979376:
رازمينا الله يبارك فيكي يا حبيبتي انا سميت يوسف الحمدلله و الولادة كانت صعبة و فعلا الاطفال مش بيجوا بالساهل و خصوصا انها كانت طبيعي و وملحقتش من الطلق اني اخد حقنة الظهر او اي حاجة الحمدلله فرحتي عندي بيوسف بالدنيا كلها الحمدلله

انا حاسة اني مفيش حليب في صدري و في نفس الوقت حاسة انه بقى في تقل كده مش عارفة اعمل ايه و حاسة الولد مش بيشبع في ناس شاروا عليا اجيب شفاط لأن كده معانه ان في حليب بس عايز يتشفط عشان متعبش منه

حمدلله علي سلامتك يا دينا ومعلش كله بيهون لما تشوفي ابنك
اللبن لسه مينزلش غير في التالت والمفروض تكوني تشربي حلبه وتاكلي كويس عشان اللبن ينزلك
ده غير ان عمليه الرضاعه نفسها المص ده بيخخلي اللبن ينزل يعني متشفطيش ولا حاجه

hoba555;12972530:

الافضل يا ايمي انك تديها باكوبايه بتاعتها
ما شاء الله جوجو هتم السادس
انا كنت بدي ندي بكوباتها في سنها وواحده واحدده هتتعود ان شاء الله

لسه عايزة اجيب كوباية ان شاء الله عشان اعودها عليها فعلا.

monyfofo;12976622:
انا جربت اشرب قرفه النهارده شربت كبايه بس محصلش حاجه اعمل تانى بس كميه اكبر انا خايفه تبقى مضره لو حد جربها يقولى

بلاش إلا لما يكون فيه طلق فعلا

دندونه
الف مليون مبروك يا و الحمد على السلامه و ربنا يباركلك فيه و يتربى فى عزك و عز ابوه

ألف حمدالله علي السلامة يا دندونة.. و ربنا يباركلكم في يوسف.. اشربي سوايل كثير و سيبي البيبي يرضع و هو هينزل اللبن ان شاء الله بس أنتي اتغذي كويس..

صوت العيون ʚϊɞ ام سندس ʚϊɞ;12978054:
اه حلو يا جميله
هو 44 واحده ب 30 جنيه

وكوتشى 40 واحده ب 30 او 29 مش فاكره بالظبط
بس الاتنين حلوين

والسعر تقريبا بيفرق حسب المقاس

تسلمى يامورو ربنا يباركلك فى سندس بس ليا استفسار تانى معلشى اصلى خيبة فى الحاجات دى هو الكوتشى ده نوع بمبرز ولا ايه واية الفرق بينه وبين اللى انتى حطه صورتة

دندونة الف حمد على سلامتك انتى ويوسف وربنا يباركلك فيه ياررررررب ومعلشى كله يهون عشان خاطر نشوف ولادنا والحمدا لله ان ربنا سهلهالك وقمتى بالف سلامة
انتم السابقون ونحنوا اللاحقون هههههههههههههه

على فكره نزلت صورته هشوفهالك تانى حاضر
هو نوع بامبرز يا جميله
والفرق انى جربت الاتنين وهما حلوين الحمد لله واسعارهم كويسه

بصى بالنسبه لفاينى مش جربته بس مشفتش حد بيشكر فيه الا قليل والله اعلم

دندن انا كنت زيك كدة والدكتورة قالتلى هاتى شفاط عشان بيسخن وكدة وبعدها هو هيعرف يرضع

اهى صورة كوتشى يا سالى
فيها 40 واحده ب 30 او 29 جنيه بس على حسب المقاس السعر

ازيكم واحشنىىىىىىىىىىىىى اوى اوى والله ورمضان كريم عليكم الف مبروووك يا ام يووسف يا حبيبتى واشربى حلبه وعصاير كتير وان شاء الله اللبن هينزل تالت او رابع يوم بالكتير وهو البيبى بيبقى مكفيه لبن الا م ده الدكتور قالى بتاع اول 3 ايام سبحان الله

وانتوا اخباركم ايه

على فكره نوع الدايبرز فاينى ده كويس اووووى ومش بيسرب خالص غير لو انا نسيت اغيرلها وقت وكمان احسن مقاس مناسب للنيو بورن يعنى ان اشوفت انواع المقاسات فيها كبيره شويه عن البيبى اما ده صغنن من وزن 2 كيلو وكمان سعره حلو مش غالى العبوه ال22 حفاضه ب 15 جنيه يعنى تقريبا قريب من الكوتشى بس انا عاوزه اجرب الكوتشى ده برضو
بس انا جربت بامبرز مش حلو بحس انه بيكلكع كده ومش مظبوط

ربنا يكرمك يارب يامورو ومعلشى هتعبك وهتزهقى منى هههههههههه
اجيب مقاس نيوبورن الوزن كام كيلو ربنا يخليكى

وابقى شوفى يا دندن مضووع كتكتووووته حبيبه قلبى ده حلو ومفيييييييييد

كوكا انتى وحشااانى كتيييييييييييير اوى اوى

http://forums.3roos.com/showthread.php?p=11988752#post11988752

اسئلى براحتك طبعا يا جميله

هو مش بتقوليله وزن بتقوليله لحديثى الولاده
معلشى اصلى كنت بستعمل البامبرز العادى والمستورد فى حديثى الولاده

بيكون الوزن بقا يا اما من 2 كيلول 5 يا من 3 كيلو ل 6 كدا

سولى يا حبيبتى مش لازم تعرفى الوزن انتى تقوليله مقاس النيو بورن وهو يديهولك حديثى الولاده غالبا بيكون من 2 الى 5 كيلو

صوت العيون ʚϊɞ ام سندس ʚϊɞ;12978551:
التطعيم يا جميله تشترى نقط سيتال للسخنيه دا اولا تقريبا ب 2 او 3 جنيه

تمام

هياخد حقنتين كل حقنه فى رجل ونقط فى الفم

واول لما تروحى مش ترضعيه بعد ما ياخد الحقن عشان لو رجع او قشط ميترضش التطعيم تمام
واول لما تروحى تديلها سيتال 5 نقط كدا
مكتوب فى نشرتها جوه وكل 6 ساعات تديله لمده يومين بالكتير

وتعملى لرجليه كمادات مايه ونشا على طول عشان مش تورم وربنا معاكى

يا خبرررر كل ده انا بنتى مش سخنت ولا حاجه فى اول تطعيم الحمدلله

هو التطعيم ده غيره يعنى ولا ايييه يا مرورو
وانا المفروووض انى اطعمها التطعيم الشهرين ده بكره ان شاء الله ؟؟؟
وبتاع السخنيه ده لازم اجيبه يعنى ولا اروح للدكتور ولا ايه ان شاء الله ؟؟

الكمادات دى نحط ميه ساقعه يعنى يا مروروو عليها شويه نشا يعنى ولا ايه وايه فايده النشا ده ؟؟؟؟
وهى فى حاجه جديده البيبى ياخدها من بدايه الشهر التالت ولا لا؟؟؟

حبيبه مادو;12982805:
يا خبرررر كل ده انا بنتى مش سخنت ولا حاجه فى اول تطعيم الحمدلله

هو التطعيم ده غيره يعنى ولا ايييه يا مرورو
وانا المفروووض انى اطعمها التطعيم الشهرين ده بكره ان شاء الله ؟؟؟
وبتاع السخنيه ده لازم اجيبه يعنى ولا اروح للدكتور ولا ايه ان شاء الله ؟؟

تطعيم الشهرين دجا وال 4 وال 6 تطعيم تانى يا جميله غير بتاع اول 3 ايام
الاولانى دا مش بيعمل حاجه
الحمد لله

حبيبه مادو;12982830:
الكمادات دى نحط ميه ساقعه يعنى يا مروروو عليها شويه نشا يعنى ولا ايه وايه فايده النشا ده ؟؟؟؟
وهى فى حاجه جديده البيبى ياخدها من بدايه الشهر التالت ولا لا؟؟؟

مش عارفه بس الناس قالولى كدا والممرضه فى الصحه كمان قالتلى نفس الكلام
مايه فاتره عادى وعليها نشا وبقطنه وتعملى كمادات


وفى تطعيم بقا تانى بس بعد ال3 شهور
بتاع الانفلونزا البكتيريا ب سدا برا الصحه
ب 50 فى تبارك

ديووو البيبى بيشرب ميه من اول الشهر التااانى انا الدكتور قالى كده ادلها ميه من اول الشهر التانى الحمدلله


مرسىى يا مروروووو يا حبيتى على ردككك
موروووو انا بديلها ميه فى الببرونه وانا لدكتور قالى اديلها ميه معلقه او اتنين قبل كل رضاعه لغايه المغرب كده

وقالى انه اللبن فيه ميه وكل حاجه مطلوبه لكن هى بتعرق وميه بتنزل من جسمها وكده ودى بيتعوض بالميه دى وانها كمان الميه مفيده ليها فى كذا حاجه وده كلام الدكتور اللى قالوهولى

موروا وحبيبة مادو بحق الايام المترجه ربنا يكرمكم ويحفظلك ولادكم ياررررررررررب

حبيبه مادو;12982915:
ديووو البيبى بيشرب ميه من اول الشهر التااانى انا الدكتور قالى كده ادلها ميه من اول الشهر التانى الحمدلله


مرسىى يا مروروووو يا حبيتى على ردككك
موروووو انا بديلها ميه فى الببرونه وانا لدكتور قالى اديلها ميه معلقه او اتنين قبل كل رضاعه لغايه المغرب كده

وقالى انه اللبن فيه ميه وكل حاجه مطلوبه لكن هى بتعرق وميه بتنزل من جسمها وكده ودى بيتعوض بالميه دى وانها كمان الميه مفيده ليها فى كذا حاجه وده كلام الدكتور اللى قالوهولى

:thumbs_up::thumbs_up::thumbs_up:
نفس الكلام الدكتور قالهولي علي الميه بس انا قالي من تاني يوم ولاده بس انا رحتله كانت رونا شهر

بنات فايني حلو اوي وفيه فرق بيني فايني وبيبي فاين
بيبي فاين وحششششششششش اخر حاجه بس فايني كويس بس عبيه انه عريض
وعشان كده بفضل بامبرز في الشهور الاولي عشان ملممو م اككتر والبيبي رجليه مش بتبقي مفتوحه اوي زي فايني

ادعولي يا بنات ربنا يهدلي ندي يارب ويصلح شانها
تعبانه نفسيا جدا وبقيت بتخاف مني اوي فكراني هضربها او ازعق لها :'(:'(:'(

مورووو انا بنتى اخدت حقنة واحدة فى تطعيم الشهرين و سخنت و تعبت هو كده التطعيم ناقص وللا ايه؟؟؟؟