تجهيزات حوامل مصرللمولود الجديد و النفاس ‏جزء 5

سويتى لولاااا
كنتى قايلة انك جبتى البريست بادز اللى بتتغسل بتاعت افنت
قوليلى ايه اخبارها جربتيها ولا ايه؟؟؟ وحلوة مش بتسرب فعلا؟ وبتبان فى اللبس ولا لأ؟؟؟؟؟؟؟؟

يارب تاخدى بالك من مشاركتى وتردى بسرررررعة :)

بوسى بالنسبه لموضوع تطعيم بنتك ده الحقنه واحده انا سمعت دكتو رمدحت الزيات قال حاجه زى كده انه فى اماكن بيدوا حقنه واحده وهى حاجه جديده تقريبا وبيبقوا الاتنين فى بعض ده اللى سمعته انا منه حبيت افيدك بيه عشان مش تقلقى يا عسل

Bossy22;12983343:
مورووو انا بنتى اخدت حقنة واحدة فى تطعيم الشهرين و سخنت و تعبت هو كده التطعيم ناقص وللا ايه؟؟؟؟

مش عارفه يا جميله
بس الى سندس خدته الحمد لله
حقنتين حقنه فى كل رجل ونقط

حبيبه مادو;12983587:
بوسى بالنسبه لموضوع تطعيم بنتك ده الحقنه واحده انا سمعت دكتو رمدحت الزيات قال حاجه زى كده انه فى اماكن بيدوا حقنه واحده وهى حاجه جديده تقريبا وبيبقوا الاتنين فى بعض ده اللى سمعته انا منه حبيت افيدك بيه عشان مش تقلقى يا عسل

تصدقى سمعت ان الحقنتين دا الجديد
هههههههه
كدا بقا مش عارفه انهى الصح
بس ممكن تسالى فى الصحه

لانى لما رحت المره الى فاتت ادوها الحقن بس
رحت قلت للمرضه اومال النقط فين قالتلى خلصت
يعنى بصى مش بيقولوا لا بيكبروا عشان يخلصوا سبحان الله
وفضلت اروح 3 ايام ورا بعض والقيها لسه مجتش
ورحت مكتب صحه تانى عشان النقط
والنيرس استغربت اوى انى مهتميه بالنقط
قالتلى جايه عشان النقط بس
مش عرافه اقولها ايه يعنى
مش صحه بنتى ولا ايه ان شاء الله

النقط دي تطعيم شلل الاطفال يعني مهم جدا طبعا ..عاوزة اقولكم الاغرب ان في بنات والله مبطعم عيالها طبعا مش هتصدقوا زي مانا مصدقتش ..بس واحده اعرفها كانت بنتها عندها سنه واربع شهور بقولها طعمتي بنتك تطعيم السنه فين بتقولي لا مطعمتهاش قلت ابقى اروح اطعمها تطعيم السنه والسنه ونص مره واحده ..كنت عاوزة اقوم اضربها

*pippo*;12983551:
سويتى لولاااا
كنتى قايلة انك جبتى البريست بادز اللى بتتغسل بتاعت افنت
قوليلى ايه اخبارها جربتيها ولا ايه؟؟؟ وحلوة مش بتسرب فعلا؟ وبتبان فى اللبس ولا لأ؟؟؟؟؟؟؟؟

يارب تاخدى بالك من مشاركتى وتردى بسرررررعة :)

سبحان الله انا فتحت الصفحه دي بالصدفه قلت ابص عليكو بصه سريعه كده لقيت اسمي مكتوب :D:D
بيبو البريست بادز بتاعه افنت كويسه اوي ومش بتبان في اللبس خاللللللللللص بس في حاجه انا اول ايام الولاده كانت بتسرب تسريب فظيع كنت خلاص هارميها واجيب اللي بتترمي بس اكتشفت اني كنت بحطها غلط خالص اهم حاجه خلي السنتر بتاعها علي النيبلز بتاعتك بالظبط مش هايبقي في تسريب خالص ان شاء الله انا بغيرها كل 12 ساعه وبغسلها علي ايدي في الحوض كده ماشاء الله كويسه وشغاله يعني

بنات انا حضرت شنطة البيبى وشنطتى هقولكم اللى حطيته وقلولى ايه اللى ناقص
بالنسبة للبيبى حطيت الفستان اللى بيلبسة ده او بيقلوا عليها جلابية بتاعت البيبى عارفنها ماما بتقولى احسن من السلوبتات على مايخرج من المستشفى واسبوع والبسه اللبس العادى بقى المهم الجلابية والحزام بتاع السره وفانلة داخلية ولفه ولفه عشان تسند ظهرة وهجيب بقى البامبرز واخده معايا ده اخدته للبيبى
انا بقى اخدت عباية هروح بيه وعباية اخرج بيه وفوطة وفوط الخاصه واندر
ها ايه بقى اللى ناقص مع العلم انى لما بولد طبيعى بخرج بعدها بساعتين فعشان كده مش كترت الحاجات
قلولى ايه اللى ناقص وكده كويس ولا لا

سالي يا قمر حزام السرة بتاع البيبي ده جبتيه منين و بكام؟ أنا كمان نفس سؤالك الولادة مش بقعد غير ساعتين ثلاثة و اروح ممكن احتاج ايه ليا غير العباية و الطقم الداخلي و فوطة و فوط داخلية؟ و سؤال ثاني معلش أنا ان شاء الله اولد علي آخر سبتمبر اشتري بطانيات البيبي من دلوقتي ولا ممكن استني شهر كده تقريبا؟ علي ما انزل بالبيبي عند أهل زوجي لأن مش لقيت هنا غير حاجات بشعة الصراحة.. يعني تقريبا احتاج البطانية علي العيد الكبير ولا قبله؟ و ممكن السليبنج باج و الكوفرتة تقضي ولا يبرد؟

bosy_md;12989642:
سالي يا قمر حزام السرة بتاع البيبي ده جبتيه منين و بكام؟ أنا كمان نفس سؤالك الولادة مش بقعد غير ساعتين ثلاثة و اروح ممكن احتاج ايه ليا غير العباية و الطقم الداخلي و فوطة و فوط داخلية؟ و سؤال ثاني معلش أنا ان شاء الله اولد علي آخر سبتمبر اشتري بطانيات البيبي من دلوقتي ولا ممكن استني شهر كده تقريبا؟ علي ما انزل بالبيبي عند أهل زوجي لأن مش لقيت هنا غير حاجات بشعة الصراحة.. يعني تقريبا احتاج البطانية علي العيد الكبير ولا قبله؟ و ممكن السليبنج باج و الكوفرتة تقضي ولا يبرد؟

الحزام ياقمر انا جبت اتنين واحد من الامارات وللاسف مش فاكرة سعره بس ده مش هاخده لانه طلع متبطن وعريض هو اه على قد ضهر البيبى بس ماما قلتلى هيحررة قوى
فماما جبتلى واحد تانى قطن ومش عريض قوى ب 2ج بس من هنا من بلدى فى المنوفية جايبة من السوق عندنا
اما بالنسبة انك مش بتقعدى غير ساعتين فاانا اخدت نفس اللى اختى كانت واخده هى حتى مكنتشى وخده عباية زياده فاانا هاخد عشان لو اتبهدلت من الولاده وانتى فاهمة قصدى بس مستنية برضه راى البنات
اما البطانية فاانا مجبتش واكتفيت بالفه وبالسليب باج لان اخر سبتمبر الجو مش هيبقر ساقعة لسه بيبرد فى 11 فسيبك منها ووقت لما تيجى تحتاجية اشتريها فى وقتها بس انا اكتفيت بسليب باج والكوفرتة اللفه بتاعته

ازيكو يا بنات وحشتوني اوي و ربنا يخلي كل حد دعالي و باركلي على يوسف حبيبي ربنا يحفظه و يحميه

انا متضايقة اوي الولد طلع عنده صفرا و هروح بيه الدكتور النهارددة ان شاء الله بليل محدش يعرف علاجها ايه دي و على فكرة هيا جتله بعد الولادة بيومين يعني مكنش مولود بيها و اتعمله التحليل بتاعها لما طلعنا من المستشفى و مكنتش موجودة عنده امبارح حللنا تاني طلع عنده انا قلقانة و متضايقة اواي انا و جوزي و مش عارفة اعمل ايه


تاني حاجة انا الحلمة عندي مش بارزة خااااااااالص و يوسف بيعاني معاايا عشان يرضع و بيفضل يصرخ و يعيط لما مش بيلاقي الحلمة و بيعد يدور عليها و انا بحاول اطلعهاله بإيدي بس دقيقة و تدخل تاني لجوه بجد مش عارفة اعمل ايه وصدري واجعني جدا

انا جبت شفاط مديلا الميني الكتريك بس بطييييييييييييء اوي حد جربه قبل كده مع ن ده انضف نوع شفاط

دندونة ربنا يكرمك يارب وابنك يعرف يرضع انا وحده صحبتى كنت زيك بس بعد الولاده بكام يوم بنه الحمدا لله بدا يعرف يرضع فااصبرى شوية كده معلشى
ثانيا الصفرة دى بتيجى للبيبهات كتير جت لابن اختى بعد متولد بكام يوم واخدته انا وجوز اختى واخد حقنة وللاسف مش فاكرة عملوا ايه تانى بس بعد شوية بقى كويس فمتقلقيش ان شاء الله خير وربنا يطمناعليكى وعلى البيبى دايما
قوليلى انتى ولدتى طبيعى وايه اخبار الطلق اصلى انا مرعوبة لانى فى التاسع دولوقتى ومنتظرة اى لحظة اولد فيها وخايفة موووووت

سالى حزام السره بتاع البيبى ملوش اى لزمه
وفى المستشفى رجعهولى تانى الحمد لله


فستان سندس بتاع العيد هنا ان شاء الله

http://forums.3roos.com/showpost.php?p=12983739&postcount=1306

sweetylolla85;12988423:
سبحان الله انا فتحت الصفحه دي بالصدفه قلت ابص عليكو بصه سريعه كده لقيت اسمي مكتوب :D:D
بيبو البريست بادز بتاعه افنت كويسه اوي ومش بتبان في اللبس خاللللللللللص بس في حاجه انا اول ايام الولاده كانت بتسرب تسريب فظيع كنت خلاص هارميها واجيب اللي بتترمي بس اكتشفت اني كنت بحطها غلط خالص اهم حاجه خلي السنتر بتاعها علي النيبلز بتاعتك بالظبط مش هايبقي في تسريب خالص ان شاء الله انا بغيرها كل 12 ساعه وبغسلها علي ايدي في الحوض كده ماشاء الله كويسه وشغاله يعني

:D
ما شاء الله
تسلمى يا قمر
انا كده لو جبتها ان شاء الله هجيبها على ضمانتك خلى بالك بقى سياسة الارتجاع هستعملها معاكى لو طلع فيها حاجة :lol:

sally2007;12989599:
بنات انا حضرت شنطة البيبى وشنطتى هقولكم اللى حطيته وقلولى ايه اللى ناقص
بالنسبة للبيبى حطيت الفستان اللى بيلبسة ده او بيقلوا عليها جلابية بتاعت البيبى عارفنها ماما بتقولى احسن من السلوبتات على مايخرج من المستشفى واسبوع والبسه اللبس العادى بقى المهم الجلابية والحزام بتاع السره وفانلة داخلية ولفه ولفه عشان تسند ظهرة وهجيب بقى البامبرز واخده معايا ده اخدته للبيبى
انا بقى اخدت عباية هروح بيه وعباية اخرج بيه وفوطة وفوط الخاصه واندر
ها ايه بقى اللى ناقص مع العلم انى لما بولد طبيعى بخرج بعدها بساعتين فعشان كده مش كترت الحاجات
قلولى ايه اللى ناقص وكده كويس ولا لا

ربنا يقومك بالسلامة
بس نصيحة لوجه الله حتى لو جالك طلق لازم شنطتك اللى تروحى بيها تبقى شنطة واحدة هتولد سيزيريان لانك ماتضمنيش الظروف نهائى
انا مش بفول عليكى والله ومش برعبك بس الموضوع ده انا شوفته كتير مع كذا حد من صحابى
بيبقى عندهم طلق خلاص ورايحين يولدوا فعلا ويروحوا يلاقوا وضع البيبى مش مناسب للطبيعى خالص او ان نبضه قل قوى ومش هينفع يستنوا الولادة تكمل ويضطروا يولدوا قيصرى
يبقى لازم حاجتك وحاجة البيبى تكفى انك تروحى تاني يوم

جلابية ولا سالوبيت مش فارقة خالص مين احسنله هو مش هتفرق معاه المهم اللى يفرق معاكى انتى .. الشيل فى السالوبيت احسن واسهل من الجلابية اللى بتقعد كل شوية تتحرك من مكانها وتتطلع فوق بتبقى متعبة

حزام السرة ولفة الظهر الحاجات دى خلاص محدش بيستعملها دلوقتى ملهاش لزمة

خدى للبيبى طقمين داخلى وخارجى وبامبرز وشاور وكريم تسلخات والكوفرتة بتاعته
وخديلك جلابيتين وبرا على كام اندر مع فوط الولادة وفوطة وش وصابونة وشاور

bosy_md;12989642:
سالي يا قمر حزام السرة بتاع البيبي ده جبتيه منين و بكام؟ أنا كمان نفس سؤالك الولادة مش بقعد غير ساعتين ثلاثة و اروح ممكن احتاج ايه ليا غير العباية و الطقم الداخلي و فوطة و فوط داخلية؟ و سؤال ثاني معلش أنا ان شاء الله اولد علي آخر سبتمبر اشتري بطانيات البيبي من دلوقتي ولا ممكن استني شهر كده تقريبا؟ علي ما انزل بالبيبي عند أهل زوجي لأن مش لقيت هنا غير حاجات بشعة الصراحة.. يعني تقريبا احتاج البطانية علي العيد الكبير ولا قبله؟ و ممكن السليبنج باج و الكوفرتة تقضي ولا يبرد؟

اه بيتهيألى كفاية السليب باج او الكوفرتة واجلى البطانية مش مشكلة

dandona we bas;12989943:
ازيكو يا بنات وحشتوني اوي و ربنا يخلي كل حد دعالي و باركلي على يوسف حبيبي ربنا يحفظه و يحميه

انا متضايقة اوي الولد طلع عنده صفرا و هروح بيه الدكتور النهارددة ان شاء الله بليل محدش يعرف علاجها ايه دي و على فكرة هيا جتله بعد الولادة بيومين يعني مكنش مولود بيها و اتعمله التحليل بتاعها لما طلعنا من المستشفى و مكنتش موجودة عنده امبارح حللنا تاني طلع عنده انا قلقانة و متضايقة اواي انا و جوزي و مش عارفة اعمل ايه


تاني حاجة انا الحلمة عندي مش بارزة خااااااااالص و يوسف بيعاني معاايا عشان يرضع و بيفضل يصرخ و يعيط لما مش بيلاقي الحلمة و بيعد يدور عليها و انا بحاول اطلعهاله بإيدي بس دقيقة و تدخل تاني لجوه بجد مش عارفة اعمل ايه وصدري واجعني جدا

انا جبت شفاط مديلا الميني الكتريك بس بطييييييييييييء اوي حد جربه قبل كده مع ن ده انضف نوع شفاط

حمدالله على سلامتكم انتوا الاتنين
ماتقلقيش دى صفرا فسيولوجية بتحصل لبيبيهات كتير وبيخفوا منها على طول ان شاء الله
النيبلز حاولى دايما تدهنيها بالكريم المخصص وطلعيها لبرة وهى مع الرضاعة مرة فى مرة واستعمال الشفاط هتخرج برة

lololo766;12990396:

ادعـــــــــــــــــــــــــولي النهاردة ان شاء الله رايحه عند الدكتور

علشان اعمل سونار واشوف اذا كان فيه جمل ولا لأ

ربنا يرزقك الحمل الثابت السليم المعافى يارب

بنات ميرسي علي ردكم.. طيب الحزام بتاعنا احنا اللي بنربط بيه البطن بيتجاب منين؟ و شكله ايه و خامته و سعره وكده؟

bosy_md;12990651:
بنات ميرسي علي ردكم.. طيب الحزام بتاعنا احنا اللي بنربط بيه البطن بيتجاب منين؟ و شكله ايه و خامته و سعره وكده؟

حزام السرة مبقاش حد يستعمله ولا بيلفو ضهر البيبى خالص هم فى المستشفى بيسيبوه بطبيعته عادى و حزام البطن للام بيتباع فى الصيدلية و اسعاره فى بحاجة و اربعين و فى بمية و اكتر حسب مصرى او مستورد

ازيكوا يابنانيت وحشتونى واللة
لولو يارب تبقى حامل ويرزقك بالذرية الصلحة يارب ابقى طمنينا عليكى يارب يطمنك وتفرحى يارب انة يبقى فية حمل ان شاء اللة
يابنانيت اللى بيسالوا على التطعيم حبيبة مادو وبوسى وكل البنات انا طعمت مالك الحمد للة امبارح التطعيم دة بتاع الشهرين يامها غير اللى فى المستشفى وغير بتاع الدرن اللى هو بيتاخد فى اول شهر للبيبى
التطعيم دة اسمة التطعيم الثلاثى مكتوب ورا فى شهادة الميلاد القديمة بتاعة البيبى اول تطعيم مش بيسخن ولا بيبقى فية حاجة بس التطعيم دة مالك تعب فية اوى سخن جامد ورجلة ورمت وعلى فكرة هى حقنة واحدة مجمعة الاتنين وتطعيم فى الفم
انا عرفت ان فية جل بيتباع فى الصيدليات بيتحط مكان الحقنة بتمنع السخونية انها تزيد بس للاسف عرفت بعد ما مالك سخن الحمد للة اللى هيطعم ابنة او بنتة يجيبة من الصيدلية انا معرفش اسمة اية بس هو اسمة جل بتاع التطعيمات للاطفال
ولو لاقدر اللة البيبى سخن او سخنت منك سيتال دة اللى هو خافض للحرارة حلو اوى والكمادات للرجل بس انا مش حطيت عليها نشا هى ماية وبس ماية من الحنفية وعليها شوية ماية صغيرين من التلاجة لان الماية نزلة سخنة من الحنفية اصلا فشوية ماية كدة من التلاجة عشان تبقى باردة شوية بس ماتبقاش ساقعة

دندونة ياجميل الف سلامة على يوسف ربنا يطمنك علية يارب ان شاء اللة الصفرا دى بتيجى لكل الاطفال ماتقلقيش انتى بس رضعية لان الدكتور كان بيقولى ان علاج الصفرا دى الرضاعة ثم الرضاعة ثم الرضاعة وان شا اللة ربنا يطمنك علية
بالنسبة للحلمات معلش استحملى شوية وهو هيخرجها مع نفسة هو اللى بيشكلها سبحان اللة ياجميل واصبرى علية ماتخليهوش يصعب عليكى وتيئسى خليكى وراة لحد مايخدة وهو هيطلعها
وبالنسبة لوجع صدرك ادهنية من دلوقتى عشان ان للاسف استنيت لحد ماتقشط خالص وابتدت احط الكريم انا كنت جايبة كريم حلو اوى مستورد هو غالى شوية ب 105 بس بصراحة مفيش كريمات شفت صدرى غيرة هو انا كنت بصوت فى كل رضعة لمالك
وينفع على فكرة تدهنى صدرك قبل الرضاعة والبييى ياخدة وهو مدهون مش غلط كلة مكونات طبيعية مابيضرش البيبى استحملى فى الاول بس بعد كدة هترتاحى ان شاء اللة ياجميل
نسيت اقولك اسم الكريم اسمة Lansinoh

صوت العيون ʚϊɞ ام سندس ʚϊɞ;12990088:
سالى حزام السره بتاع البيبى ملوش اى لزمه
وفى المستشفى رجعهولى تانى الحمد لله


فستان سندس بتاع العيد هنا ان شاء الله

http://forums.3roos.com/showpost.php?p=12983739&postcount=1306

ماشاء اللة ولاحول ولاقوة الا باللة عسل يامورو خالص ربنا يهنيها بية وتدوبة فى عرق العافية يارب
وعقبال فستان الفرح ياااااااااااااااااااااااااااااارب

ازيك يا رازمينا يا حبيبتى ايه الكريم ده انا لسه شايفه كلامك انا لسه مطمعه بنتى جنا التطعيم الثلاثى الشهرين انهارده وعينك ما تشوف الا النووور من الصبح بتصرخ يا عينى وسخنت ورجليها ورمه واحمرررررت يا عينى لدرجه انها مش طايقه حد يلمسها ولا يحط ايده على رجليها حتى وانا بلمسها ب القطنه عشان الكمادات تعييييط
انا علملتها كمادات بنشا زى ما مرورو قلتلى والحمد لله هى بقيت احسن من الاحمرار والورم ده شويه
وطبعا الدكتور قالى اديلها سيتال نصف القطاره اللى جايه معاه ده 3 مرات فى اليوم والحمدلله بقيت احسن شويه لكن شويه وبتسخن تانى مش عارفه ليه يلا الحمدلله ادعولها بقى

قوليلى يا رازمينا هو مالك بقى كويس انهارده ولا ايه ؟؟؟ واخبار الاحمرار والرجل والسخونيه ؟؟

دندنونه النبيلز واحده واحده هو هيتعود ويعرف يمسكها ويشدها فى قه لوحده وتطلع لبره بس اصبر شويه ورضعيه كويس


رازمييينا قوليلى انتى بطنك نزلت كلها ولا لا ؟؟؟ ان اعندى مش نزلت كلها وانا مضايقه وانا مش كنت لبست حزام بطن ولا حاجه وكمان عندى علامات حمرا فى بطنى ومش راحت لغايه دلوقتى ومش عارفه اعمل فيها ايه ولا اجبلها دهاااان ايه انتى اخبارك ايه فى الموضوع ده والدكتور بتاعك قالك حاجه ولا ايه ؟؟؟ انا مش روحت للدكتورى من بعد اسبوع فى الولاده مش روحت تانى حتى مش عارفه اعمل ايه فى موضوع الوسييله ده وانا جووووزى كلها 13 يوم ويرجع بالسلامه ان شاء الله

هو انتو بتطعموا ولادكم فين ؟؟
واللوب المفروض نركبه امتي ؟؟؟ وحد سمع عن الحلقه اللي بتتحط كل شهر دي او جربها ؟؟؟
و البيريود بتيجي تاني امتي ؟؟؟
والتطعيمات للبيبي بتبقي ف اي يوم بعد ما تتم الشهرين ولا في يوم معين ؟؟؟؟؟