تجهيزات حوامل مصرللمولود الجديد و النفاس ‏جزء 5

شيمو متقلقيش ياجميل، الاكتئاب ده طبيعي جدا ، انتي بس حاولي متركزيش فيه ، وزي ما بيبو قالت اخرجي وغيري جو، زوري قرايبكوا ، روحي اماكن جديدة ، اتمشي حتى كده بس في الشارع، المهم تسهي نفسك باي حاجة، وانتي في الشهر الرابع يعني خلاص في نهاية شهور الوحم وكده هتلاقي نفسك بتتحسني مع الوقت ان شاء الله، ومتزعليش من اي تغيرات تحصلك، انا كنت بباه مضايقة اوي عشان مش قادرة اروق شقتي ولا ليا نفس اهتم بنفسي زي زمان، بس الحمدلله اول ما بدات الشهر الرابع بدات اتحسن بالتدريج، ودلوقتي بقيت شعلة نشاط اصلا ، بيقعدوني بالعافية:lol:
فكري انها فترة صغيرة اوي وهتعدي وهترجعى زي الاول واحسن ان شاء الله
هينار ربنا يطمنا عليكي يارب ان شاء الله خير متقلقيش
زقزوقة حمدالله على سلامتك ياجميل ، ربنا يتم نفاسك على خير
bosy_md اولا ربنا يهون عليكي يا جميله ، ثانيا نصيحة عرفتها من تجارب ناس تانية، انك حاولي تاخري مرواحك للمستشفي لاطول وقت ممكن ، عشان بمجرد ما هتروحي طبعا الممرضات والدكاترة مش هيسيبوكي وميعملوش حاجة ، هيبأدوا يعلقوا مثلا محاليل وحاجات مسكنة للالم وطلق صناعي وقياس النبض والحاجات دي، وساعتها مش هتقدري تتحركي من السرير، بالرغم من ان التمشية اثناء الطلق مفيدة جدا وانتظار التوسع الطبيعي لعنق الرحم مفيد برضو بدلا من استخدام الطلق الصناعي، فمن هنا اصبري لحد ما المغص يشتد بحيث مبتقيش قادرة تصبري اكتر من كده، وهانت ياجميل فات الكتير مابقى الا القليل، ربنا يطمنا عليكي

bosy82;13367557:
الف مبرووك يا قمر و حمد الله علي سلامتك ربنا يباركلك فيه



انا ان شاء الله احتمال كبيير اولد فيها باذن الله بيقولوا عليها كويسة ونظيفة جدااا و اعرف كذا حد ولد فيها

اخيرا حد من اسكندرية
طيب قوليلي يا قمر
اللي ولدو فيها قالولك ايه بالنسبة للفلوس
انا بسمع انهم بيزودو كتير عن اللي الفلوس اللي بيقولوها
دا صحيح

ربنا يخليكم يا بنات بجد طمنتوني.. أنا ساعات احس بخبطه منتظمة كده في الحوض دي عاديه ولا ايه؟ وساعات احس البيبي تحت خالص وساعات الاقيه محجر نفسه فوق تحت صدري.. بنات اصحابي قالولي اغير الدكتورة دي ايه رأيكم اروح لدكتور ثاني ولا التأخير ده عادي أفضل معاها؟ كمان اشرب قرفة مادام فيه وجع ولا غلط؟ معلش بدوشكم بس قلقانه جدا وقلق اللي حواليا مزود الموضوع عندي..

بوسي ممكن تكون الخبطة دي الزغطة بتاعة النونو لو رقيقة كده ومنتظمة وبتقعد دقيقتين بالكتير مثلا وتروح لو كده طبعا متقلقيش، ولو مش زغطة برضو متقلقيش اي تقلصات في الحوض او في بطنك كلها من اول الشهر التامن متشغليش بالك بيها مفيش منها اي ضرر سمعنا عنه، ممكن يكون عنق الرحم بيستعد عشان يوسع كده يعني.
وحركة البيبي طبيعية برضو ، يلعب براحتو الملعب ملعبه، نعمل ايه باه:)، برضو مفيش من حركته اي قلق، ولاعمرنا سمعنا ان تحجيرته دي فيها خطر عليه مثلا او حاجة
وبالنسبة للقرفة اعتقد متشربيهاش دلوقتي خالص لاننا سمعنا في المنتدى هنا عن اضرارها ربنا يحفظنا ، هيه بتكون امنه لما الطلق يبدا ويباه معروف خلاص ان عنق الرحم في حالة تمدد، يعني وانتى بتولدي بس على خير، ومتغيريش الدكتورة ولا حاجة انتى تبداي تقلقي لو عدى اكتر من اسبوع من العاشر ، واعتقد ان هيه اصلا من الاسبوع الجاي هتقولك على حلول تحفز الولادة باه طالما اتاخرتي للدرجة دي، اصلا مواعيد الولادة بتباه غير دقيقة عشان معاد التلقيح غير معلوم ، والخطر الوحيد من تاخر الولادة بيكون لو البيبي حركته قلت، او حجمه زاد اوي ، والدكاتره مبيبداوش يتدخلوا غير من الاسبوع التاني في العاشر لو كل حاجة ماشية مضبوط
انا عارفة زن الاصدقاء والمعارف على الولادة بيباه ضاغط عليكي ، بس هتلاقي الناس الكبار الخبرة بيقولولك متقلقيش طالما كل حاجة ماشية تمام
ربنا يسمعنا عنك كل خير ان شاء الله
انا برضو لسه بداه التاسع يادوب ، ربنا يقومنا جميعا بالسلامة

ربنا يخليكي يا حبيبتي ميرسي اوي علي ردك.. خلاص هروح للدكتورة بكرة ذي ما اتفقت مع جوزي واشوف هتقول ايه..

بوسي
طماطم ردت الرد اللي كنت هقولهولك
وروحي واطمني بكره وان شاء الله خخير
وملكيش دعووووووووووه بلللي حواليكي متعمليش زي
الدكتوره ادري من الناس دي كلها

dr_hienar;13375483:
بنات ادعولى انا مش حاسة بالحركة خالص النهاردة يمكن عشان واقفة من الصبح وعملت مجهود انا نازلة اعمل سونار ويارب خير

هينار ده عادى تلاقيكي بتصحي متأخرة او مبتاخديش بالك من الحركه انا كنت كده ف يوم بردو وشكيت انها متحركتش بس جت ع اخر اليوم وادتنى كام حركه حلوين ظبطتنى

bosy_md;13378133:
بنات أنا كده ثاني يوم بعد التاسع.. حاسه بوجع بسيط كده بييجي ويروح بس مش جامد.. تقريبا نفس الوجع بتاع التاسع كله ومفيش أي علامات ثانيه أعمل ايه دلوقتي؟

والله يا بوسي نفس الحال بس الى بيوجعني بإستمرار دلوأتى عضم الحوض لدرجه انى مبقتش عارفه امشي ف الشقه وبعدين بينزل افرازات كتير اوى بقالى كام يوم لدرجه بتغرق الاندر بس افرازات مش ميه ومعادى مع الدكتور بكره ان شاء الله هيعملى كشف نسا تانى يااارب يبقي ب فايدخ

bosy_md;13379083:
لا مش بيزيد يا هوبا والله.. بدأت بجد أقلق ومش عارفة اتصرف ازاي؟ بنات فيه خط غامق عريض في بطني قاسمها بالطول كده نصين.. بس تحت السرة اعرض واغمق وكمان طلع فيه حبوب كده واسعة و عريضة غامقه بردو و فيه حتت في بطني نفس اللون ذي ماتكون كانت محروقه مثلا.. ده هيروح لوحده بعد الولادة ولا لازم علاج.. كمان مناطق الثنيات ذي تحت الايدين وتحت البطن اللون بقي غامق اوي بشكل غريب كده ده بردو هيروح لوحده ولا لازم علاج؟ أدعولي بجد تعبت جدا جدا

الخط ده عااادى جدا ده حتى ف اول الحمل لما بدأ يظهر جوزى بيقول للدكتور هو ايه الخط ده عادى قالو اه وهيغمق مع تقدم المراحل بتاعه الحمل امما بالنسبه للغمقان ف انا بردو ملاحظة غمقان تحت الابط بدرجه مكانتش موجوده قبل كده خااالص ومستغربه هو ده كلف يابنات وهيروح بعد الحمل ؟
وانا مش معاكى خالص فتغيير الدكتورة دلوأتى يابوسي شوفي المره الجايه هتقولك ايه انتى ملكيش غير اسبوع بس ف التاسع ف هتبهدلى نفسك مع دكاترة

الحمد لله انا عملت سونار والبنوتة كويسة انا كنت خايفة جدا يا بنات هو فى بداية الطلق بنحس بايه بالضبط؟
توكى انا كمان بقوم زى المكسحين وعظم الحوض كانه مخلوع من مكانه ربنا ييسرلنا

ماميهات هو ايه اول علامات الولادة و المفروضامشي كتير من اول يوم في التاسع

و كمان الحلوين اللي ولدو

ايه نوع حزام بطن كويس

لولا أنا جبت حزام بطن حلو اسمه Healthy ب ٤٠ جنيه تقريبا الدكتور الصيدلي قالي ده أحسن نوع في السوق وفعلا حسيته مريح وظريف ومبطن من جوه علشان يبقي ناعم ع الجسم.. والمشي مهم جدا أنا حاسه ان الأيام اللي مش مشيت فيها فرقت معايا كثير جدا..

كيوت لولا;13380062:
اخيرا حد من اسكندرية
طيب قوليلي يا قمر
اللي ولدو فيها قالولك ايه بالنسبة للفلوس
انا بسمع انهم بيزودو كتير عن اللي الفلوس اللي بيقولوها
دا صحيح

بصي يا قمر انا كنت جايبة ورقة بالاسعار بس مش معايا دلوقتي بصي هما بيزودوا فعلا و هما كاتبين كدة في الورقة ان في حاجات لا تشملها الاسعار اللي مكتوبة
يعني مثلا صحبتي كانت والدة في درجة تانية ب 850 " غير تمن الدكتور طبعا " و دفعت 1500 بس حاصورلك الورقة بتاعتهم زو اجيبهالك ان شاء الله


قوليلي يا قمر انتي متابعة مع ميين او مين اللي حيولدك ؟؟

bosy82;13367557:

رونا جو ايه اللي بيحرر من نص 2 حرام عليكي عايزة تصيفيله من شهر 2 يا مفترية :D

لا طبعا تجبيله شتوي 3 شهور علي ما اعتقد

ههههههههههههههههههه
و الله يا بوسي ما افتري و لا حاجه بس انا مش بطيق الحر خالص فبشتي نص 12 و اصيف نص 2 هههههههههههههههههه
و اصلا يعني مش بشيل اللبس الصيفي بخليه موجود احتياطى

shimo ahmed;13371153:

ازيكوا يابنات عاملين ايه

كنت عاوزه اسالكم عندى اكتئاب فظييييييييييييييييع ومش طايقه نفسى وببكى بالساعات مش عارفه ليه ودايما يقولولى ده من الحمل بس العياط الكتير غلط على البيبى بيعمل تشوهات واعاقه لا قدر الله وانا خايفه جامد بس غصب عنى ومش عارفه مالى ولا حتى بعيط ليه وبقعد اعيط لغايه ما روحى تروح منى خالص كده ممكن من بليل للصبح وعياط بانهيار ومش عارفه اعمل فى نفسى ايه ولا جوزى عارف يعملى حاجه وخايفه اوى من الكلام اللى بيقولوه ده قولولى بالله عليكم الكلام ده صح ولا غلط وفعلا العياط والحاله النفسيه دى بتعمل كده فى البيبى ولا لا

بصي كل ده طبيعي جدا من الحمل بس هتيجي فترات الاكتئاب يخف و يرجع تانى يزيد ده من الهرمونات بتاعت الحمل خصوصا كمان لو بتاخدي مثبت هيبقي زياده معاكي حبتين بس انتى حاولى تطلعي نفسك من المود ده اخرجي و اتفسحي و شوفي اصحابك الخمى نفسك في اى حاجه و بالنسبه للبيبي هي طبعا مبتوصلش لدرجه تشوهات و حاجات من دي بس اللي سمعته ان البيبي بينزل كئيب كده و بيعيط كتير و كمان سمعت ان البيبي مش بيعرف ياخد نفسهه و انتى بتعيطي فكل ما تيجي تعيطي افتكري ان ده خطر على ابنك او بنتك

*pippo*;13371880:



بنات صحيح لو حد مهتم يعنى
شوفت الشامبو بتاع ماذركير بـ60 جنيه بسسسسسسسسس :worn_out::worn_out:
حد من زمان كان بيسأل عليه تقريبا

وروحت سيف ستورز اللى فى الهرم امبارح كان لسة بيفرش الشتوى بس الحاجات اللى فرشها غير مبشرة بالخير .. عادية جداااااا مفيش حاجة لفتت نظرى :thumbs_down:

بيبيو صحيح في محلين في كارفور عندهم لبس حلو و اسعارهم كمان معقوله واحد تحت كده لما بتدخلي من البوابه اللي في النص هيكون في وشك بس ده لسه مش حط اللبس الشتوى كله و التانى فوق بعد تويز ار اص بمحل ده عنده لبس حلو اوى و اسعاره معقوله عن باقي المحلات

كريز;13375129:
هو المفروض ايه ال بيحصل بعد الولاده بيبقى فيه حاجات بتنزل يعنى وايه
وابقي البس اولويز برضك ولا ايه وبيتلبس حاجه تانيه وياترى ايه وبكام واجيب قد ايه
يعنى حد يكلمنى عن بعد الولاده ال بيحصل للام وتهتم بنفسها ازاى وايه الحاجات ال تشتريها وتبقي عندها قبل الولاده ان شاء الله

طبعا بعد الولاده بينزل عليكي دم اسممه دم النفاس و بتلبسي فوط لوتس او في انواع تانيه و دي بتبقي اكبر من الالويز العاديه و بتهتمي بنفسك زى ايام البريود بالظبط

bosy_md;13380203:
ربنا يخليكم يا بنات بجد طمنتوني.. أنا ساعات احس بخبطه منتظمة كده في الحوض دي عاديه ولا ايه؟ وساعات احس البيبي تحت خالص وساعات الاقيه محجر نفسه فوق تحت صدري.. بنات اصحابي قالولي اغير الدكتورة دي ايه رأيكم اروح لدكتور ثاني ولا التأخير ده عادي أفضل معاها؟ كمان اشرب قرفة مادام فيه وجع ولا غلط؟ معلش بدوشكم بس قلقانه جدا وقلق اللي حواليا مزود الموضوع عندي..

ربنا معاكي يا بوسي و تفقسي بقي بصي كان لسه في دكتورة من يومين جايه في التلفزيون بتقول ان التاخير عادي بس لو طال عن 10 ايام في العاشر لازم الدكتور يتدخل و يولد الست الحامل سواء بقي قيصري او طبيعي بس المهم المده متطولش عن كده

رونا ادعيلي افقس بقي أحسن تعبت هههههههه مش عارفة ليه افتكرت هاني رمزي في مسرحية كده اوكي لما كان اسمه بروته هههههههه.. الحمدلله رحت للدكتورة النهارده قالتلي نفس الكلام اللي قلتيه لسه لحد عشر أيام عادي.. بس قالتلي أعمل اشعة يوم السبت واروحلها ع طول علشان نعرف الوضع ماشي ازاي ونحدد هنعمل ايه.. بنات أنا جبت السليب باج بتاع البيبي وهسافر ان شاء الله ع العيد عند أهل جوزي يعني ٦ ساعات بالباص.. هيبقي عملي ولا اجيب الشنطة اللي لها ايدين دي ؟