سارة العروسة القديمة;12852711:
استشارة سريعة مستعجلة
حامل وقعت وعمال ينول عليها ماء دى يبقى اية ؟
طبعا لازم استشارة الطبيب
بس الفكرة كميه المايه اد ايه لان اوقات لو كميه صغيرة نتيجه قطع صغير في كيس المايه بيرجع تانى يلتئم
والمفروض ترتاح خالص ومتتحركش
hoba555;12852789:
شهيده طبعا كلام صحيح
بس برده انا ولادتي في الصيف غير ندي كانت شتا
المهم جبت شايات وماما جابتلي فانلات
عايزه اقلك اني رنا ملبستهمش خالص الدنيا حر اوووي الاخف الفانيله الدخلي في الصيف
والشايات ممكن تتلبس وحديها وتحتها برده فانله
االشايات او السالوبيتات في الشتا بتكون مريحه جدااااا
وكمان في الخروج
ربنا يكرمك يا هوبا
اخبارك واخبار ندى ورنا؟
بصي انا قصدى مش عالشايات
قصدى عالسلوبيت اللى بيتقفل بكباسين من تحت البامبرز
انا مبحبش الشايات
ولو انى جبت منها شايات سلوبتات يعنى الشايه تتقفل بكباسين وفي نفس الوقت سلوبيت بس مستخدمتهاش تقريبا
وانا عندى عمر كان اتولد اول الصيف فكنت بلبسه سلوبت زى الداخلى بالضبط بس بيبقى عليه رسومات واشكال حلو اوى
وكنت بكتفي بيه بس من غير حتى السلوبيت الداخلى
bosy_md;12853026:
بنات أنا الحمد لله جبت ببرونة افنت ٢٦٠مللي اير سيستم جميلة جدا ما شاء الله ب ٤٩ جنيه.. ولقيت ست كاملة ترمومتر ديجيتال و ترمومتر تيتينة و تيتينة عادية ب ١٩٠ جنيه عجبني ان شاء الله هجيبه.. و فيه ست للبيبي حلوة اوي لما اروح هكتب لكم مكوناتها من الكتالوج ان شاء الله الدكتور قالي تبقي حلوة لو اتقسمت علي ٢ بحوالي ٢٥٠ جنيه ..و فيه ٢ ملعقة سوا ب ٣٤ جنيه.. امممممم لو افتكرت أسعار ثاني هقوللكم.. و قالي كمان فيه كريم بالمرز استرتش ماركس للحمل و فيه لبعد الحمل.. بس قالي كمان علي كريم أحسن منه اسمه ROC قال ده بعد الولادة وهم و بيضيع خالص أي علامات حد جربه يا بنات؟ أو حد سمع عنه؟
كمان لقيت حاجة امبارح للبنات اللي بيشتكوا من الألم في النيبلز ساعة الرضاعة لو فيه جروح ولا حاجة.. فيه نيبلز سيليكون شكل بتاعت الببرونة بتتحط علي النيبلز بتاعت الأم علشان تخفف الألم بس اسفة مش فاكرة السعر بس تقريبا يا حاجة و ثلاثين يا حاجة و أربعين
مبرووك عليكى وعلى النونو حاجته
للاسف معنديش معلومات عن الكريم
بس احسن حاجه الوقايه ان الواحده من الشهر الرابع في الحمل تدهن بطنها كل يوم زيت لوز وممكن زيت زيتون مبيخليش في اصلا سترتش ماركز
اما النيبلز السيليكون انا مجربتهاش بس كانت فكرتى ان لازم النيبلز بتاعت الام تاخد على الرضاعه نفسها وهيا فترة بيبقا فيها الم وتشققات وبتروح
لان المشكله ان التشققات دى بتحصل نتيجه للصكلينج بتاع البيبي فبيشد النيبلز لبرة جامد اوى
ولما كنت بوقف رضاعه شوية وارجع تانى ارضع كانت بترجع الالام والتشققات تانى فكان احسن حل انى احط حاجه تخفف الوجع وفي نفس الوقت اخلى البيبي يرضع علشان النيبلز تاخد عالوضع ده وبالتالى فترة الوجع والشفا هتبقى اقل
مش عارفه عرفت اوضح الفكرة ولا لا
sally2007;12854883:
ربنا يكرمك يارب وتم التقيم ياقمر
جزاك الله خيرا يا قمر:L: