تجهيزات حوامل مصرللمولود الجديد و النفاس ‏جزء 5

هو انتي يا قمر ابنك اسمه مالك ؟؟؟؟؟؟؟؟:thumbs_up::thumbs_up::thumbs_up:

اصلي كنت متفقة انا و جوزي اننا لو جبنا ولد ان شاء الله حنسميه مالك و انا كنت مختارة الاسم ده قبل ما احمل الحمد لله[/QUOTE]


ازيك ياجميل اة اسم ابنى مالك الحمد للة ;) وعلى فكرة سبحان اللة الاسم دة منتشر اوى اليومين دول مش عارفة لية مع انى كل لما اقول لحد الاسم يستغربة اوى يمكن عشان لسة جديدبس على فكرة انا مكنش فى دماغى الاسم دة خالص كنت محتارة اسم تانى تماما بس سبحان اللة زى مابيقولوا البيبى بينزل باسمة انا وجوزى عشان نختار الاسم دة فتحنا القرأن وقالى اختارى صفحة واخترت طلع السورة اللى اخترناها مفيهاش اسماء خالص بالصدفة ان المصحف كان فية تفسير كمان فلقينا اسم انس بن مالك فاخترنا بين انس ومالك وطلع مالك الحمد للة طولت عليكى بس سبحان اللة اللى انتى بتحتارية قبل الولادة مش مقياس خالص بعدماالبيبى يجى بالسلامة ان شاء اللة
ربنا ياجميل يقومك بالسلامة ويرزقك بااحلى نونو فى الدنيا يارب ان شاء اللة


سؤال بقى فية ناس بتدوق ولادها الاكل زبادى بسكوت مارى بتاع زمان دة مع لبن متفتفت كدة يعنى الحاجات البسيطة دى بعد الاربعين على طول والبيبى ماشاء اللة مش بيجرالة حاجة انا كنت عايزة اعرف حد عمل كدة قبل كدة ولا خفتوا ومستنين التالت او الرابع

بصى يا جميله عن نفسى معملتش كدا طبعا

اولا اللبن العادى ممنوع ليهم دلوقتى
دا قريته وسمعته كتير الحمد لله

ثانيا معدتهم لسه والامعاء
متكونتش بانها تهضم دا

فليه ما نصبر افضل ولا ايه

sally2007;12824756:
ربنا يارب يجعل ساعة ولادتك سهلة يارب ويقومك بالف الف سلامة
على فكرة انتى ابنك هيبقى اكبر من ابنى بشهر واحد ده على حساب الدكاترة
ربنا يارب يقومنا جميعا بالف سلامة واسمعى كلم الدكتورة بقى واتمشى كل يوم شوية
انا الدكتور امبارح راحت كشفت قالى اشرب كيلو لبن فى اليوم واكل قطعتين جبنة قريش عشان الكالسيوم للبيبى فياريت لو تقدرى تاكلى جبنة وتشربى لبن من هنا لحد ولادتك اعملى كده

غريبة اوي كمية اللبن دي كلها ماشاء الله ، مكنتش اتوقع كده خالص، انا كنت بقول بالكتير اوي كوبايتين في اليوم ، ولا ايه يا بنات؟

بنات في سؤاليشن عاوزة اسألو

هو البيبي لما يحجر ف البطن دي تدل علي ايه

انا المفروض الدكتور كاتبلى برشام جنبرال لمنع حدوث ولادة مبكره لانو جالى وجه زى بتاع البريود مسمع فضهرى وموقفلي رجلي خالص

انا بقي بطلت البرشاام من نفسي لانى مبحسش بالاعراض دى بس لازالت الراس ف الحوض وبحس بتحجيره جامده اوى زى ما يكون حجر ده دليل علي ايه

والحمدلله كان جسمي منتفخ اوى خصوصا رجلي وايدي بس الحمدلله مطلعش املاح ولا زلال والدكتور ادالى برشام خفف النفخان شويه الحمدلله

razminia;12825025:

ازيك ياجميل اة اسم ابنى مالك الحمد للة ;) وعلى فكرة سبحان اللة الاسم دة منتشر اوى اليومين دول مش عارفة لية مع انى كل لما اقول لحد الاسم يستغربة اوى يمكن عشان لسة جديدبس على فكرة انا مكنش فى دماغى الاسم دة خالص كنت محتارة اسم تانى تماما بس سبحان اللة زى مابيقولوا البيبى بينزل باسمة انا وجوزى عشان نختار الاسم دة فتحنا القرأن وقالى اختارى صفحة واخترت طلع السورة اللى اخترناها مفيهاش اسماء خالص بالصدفة ان المصحف كان فية تفسير كمان فلقينا اسم انس بن مالك فاخترنا بين انس ومالك وطلع مالك الحمد للة طولت عليكى بس سبحان اللة اللى انتى بتحتارية قبل الولادة مش مقياس خالص بعدماالبيبى يجى بالسلامة ان شاء اللة
ربنا ياجميل يقومك بالسلامة ويرزقك بااحلى نونو فى الدنيا يارب ان شاء اللة


سؤال بقى فية ناس بتدوق ولادها الاكل زبادى بسكوت مارى بتاع زمان دة مع لبن متفتفت كدة يعنى الحاجات البسيطة دى بعد الاربعين على طول والبيبى ماشاء اللة مش بيجرالة حاجة انا كنت عايزة اعرف حد عمل كدة قبل كدة ولا خفتوا ومستنين التالت او الرابع

ربنا يباركلك في مالك ويجعله زى الامام مالك

نصيحه متاكليش الطفل قبل 6 شهور ولو عايزة تبتدى بدرى يبقى على 4 شهور
لان الكبد مبيكنش اكتمل نموه قبل كده واحنا اكلنا في الزمن ده مليان بلاوى

اما بالنسبه لمنتجات الالبان المفروض اى لبن غير لبن الام والاطفال المخصص ليهم مش قبل سنة لا قدر الله اطفال كتير بتجلهم حساسيه لبن باعراض مختلفه
وبيبقا صعب تتشخص هنا في مصر
وكمان البسكوت بيبقا معمول بسمنة او زبده يعنى حاجات مش خفيفه خالص على معده الطفل

M!ss Tuky;12825318:
بنات في سؤاليشن عاوزة اسألو

هو البيبي لما يحجر ف البطن دي تدل علي ايه

انا المفروض الدكتور كاتبلى برشام جنبرال لمنع حدوث ولادة مبكره لانو جالى وجه زى بتاع البريود مسمع فضهرى وموقفلي رجلي خالص

انا بقي بطلت البرشاام من نفسي لانى مبحسش بالاعراض دى بس لازالت الراس ف الحوض وبحس بتحجيره جامده اوى زى ما يكون حجر ده دليل علي ايه

والحمدلله كان جسمي منتفخ اوى خصوصا رجلي وايدي بس الحمدلله مطلعش املاح ولا زلال والدكتور ادالى برشام خفف النفخان شويه الحمدلله

ازيك يا توكى
مبروك عالحمل

والف سلامة عليكى معلش هوا الحمل كده بيبقا قلق من حاجات كتير
طبعا التحجيرة دى يعنى انقباض في الرحم والمفروض مكنتيش تبطلى الدوا من نفسك

والحمد لله ان التحاليل كويسه وحاولى تعرفي ضغطك اخباره ايه دايما

الله يبارك فيكي يا شهيده

انا دااايما ضغطي واااطى

والكتور قالى اعمل متابعه سكر واملاح وضغط كل اسبوعين

monyfofo;12813273:


حد يابنات يعرف دى بكام ؟

موجودة فى مذركير ياحبيبتى وتقريبا ب300 وحاجة او 6ةة وحاجة انا اسفة نسيت

مين يا بنات اللي عنده السرير الخشب للببيبي و مين عنده السرير القماش عارفين انا قصدي ايه و مين احسن فيهم و عملي اكتر يا قمرات

انا عن نفسي هعمل ان شاء الله السرير الخشب

توكى

طب كويس الحمد لله لان اصلا من اول السابع المتابعه بتبقى كل اسبوعين
وربنا يقومك بالسلامة

دندون

انا جبت السرير الخشب هوا ميزتة بالنسبه لى ان ليه ناحيه بتترفع وتنزل فده كان حلو معايا جدا وقت عمر لانى مش مضطرة اقوم من سريري علشان اعرف اشيله من السرير
وكان يعتبر نايم جنبي بس على سريره
هوا ميزته كمان ان لما اشيل الناحيه اللي بتطلع وتنزل هيبقى كانه كنبه ممكن تتحط في اوضه الاطفال
وهوا فيه درجين من تحت علشان احط فيهم اى حاجه عايزاها وكنت بحط فيهم البامبرز ومستلزمات غيار البيبي

بالظبط يا شهيده انا كمان النجار قالى هيعملهولى ارتفاع السرير بتاعي عشان ممكن وهو نايم اقربو جمبي يبقي لازق ف السرير ف يبقي مفيش فرق

dr_hienar شكرا يا جميل

حلوه اوى فكره السرير دى يا شهيده
ممكن لو عندك صورة ليه وتقوليلى هو كلفك كام

اه فعلا يا توكى

انا حتى كنت بعدل في الرد علشان اقول ان البيبي يعتبر كانه نايم جنبى
وكمان انا شايفه انه لما يتشال مش لاخمة اوى يعنى ممكن يتحط ورا سريري او اى حاجه مش بيبان بس طبعا محتاج حد يركبه
انا كمان كنت جايباه كبير علشان يكفى تقريبا لحد سن 4 سنين واوقات عمر بيقعد فيه يلعب بلعبه

هوا عالعموم كل واحد بيبقا ليه وجهه نظر في موضوع السرير يعنى اللى بيحبو السرير المعدن بيبقا رايهم انه بيطبق وحلو علشان مياخدش مكان ويبقى خفيف وسهل نقله
وطبعا كل واحد وليه حريه الاختيار

شهيدة انا حاسة ان البيبي بينزل تحت اوي بس لما بنام او لما بكون على وضعية واحدة مدة طويلة غير كده انا حاسة برجليه محجرة و جامدة كده ماشاء الله في بداية بطني ده عادي و لا ايه

monyfofo;12825748:
dr_hienar شكرا يا جميل

حلوه اوى فكره السرير دى يا شهيده
ممكن لو عندك صورة ليه وتقوليلى هو كلفك كام

ربنا يكرمك يا مونى
هحاول ابقا اجبلك صورته
انا كنت جايباه من لفلي بحوالى 1000ج او يمكن اقل بس ده لانى جبته كبير

بعدها لقيت تشكيله كبيره نزلت واحجام مختلفه
لفلي بيبقا عنده حاجات حلوة وكمان كيدز بارك لو تعرفيه
اوركيدز اسمع ان عنده تشكيله كبيره بس مشفتهاش

dandona we bas;12825768:
شهيدة انا حاسة ان البيبي بينزل تحت اوي بس لما بنام او لما بكون على وضعية واحدة مدة طويلة غير كده انا حاسة برجليه محجرة و جامدة كده ماشاء الله في بداية بطني ده عادي و لا ايه

بصي يا دندون البيبي دلوقتى يعتبر مزنوق وحركته هتلاقيها محدودة شوية عن الاول ومفيش مشكله من انه ينزل او يطلع

على فكرة اعرف بنات كتير البيبي راسه منزلتش الحوض غير بعد ما تخلص التاسع فمتقلقيش من حركته خالص

التحجيره دى بتبقا غالبا زانق نفسه في مكان وقاعد فيه فبتبقى كانها محجرة خصوصا لو رفس برجله كمان بتوجع اوى
انتى ممكن تحاولى تزقيه بادك كده ممكن يتحرك وممكن لا انتى ونصيبك

ازيكو يا قمرات انا عروسه جديده بقالى متزوجه 5 شهور ولسه مفيش حمل و عندى افرازات ومش بتخلص وسمعت ان ممكن الافرازات دى هى تكون سبب تاخير الحمل هل دا فعلا صحيح وواحده صحبتى قالتلى على عسول واعمل بيه دش مهبلى بس انا مش عارفه اتصرف ازاى ؟ وخايفه اروح لدكتور مش عارفه ليه ومش عارفه اعمل ايه استنى سنه زى مكل البرامج بتقول ولا ايه يا ريييييييييييت تفيدونى انا جديده على المواضيع دى ومش فاهمه فيها اى حاجه وقلت اخد رايكو

لو الافرازات دي زياده عن الطبيعي يبقي لازم من غير ما تكونى عايزة الحمل او لا تستشيري الدكتور كمعالجه لان في بكتيريا بتبقي ف المايه واهمالها غلط

شكرا يا شهيده
انا كنت هعمله عند نجار لانى مش من القاهره

هبه الجندى;12825920:
ازيكو يا قمرات انا عروسه جديده بقالى متزوجه 5 شهور ولسه مفيش حمل و عندى افرازات ومش بتخلص وسمعت ان ممكن الافرازات دى هى تكون سبب تاخير الحمل هل دا فعلا صحيح وواحده صحبتى قالتلى على عسول واعمل بيه دش مهبلى بس انا مش عارفه اتصرف ازاى ؟ وخايفه اروح لدكتور مش عارفه ليه ومش عارفه اعمل ايه استنى سنه زى مكل البرامج بتقول ولا ايه يا ريييييييييييت تفيدونى انا جديده على المواضيع دى ومش فاهمه فيها اى حاجه وقلت اخد رايكو

هبه مش لازم تروحى لدكتور عشان التاخير بس على الاقل روحى اطمنى سبب الافرازات الكتير دى ممكن يكون التهابات ومتسمعيش تجارب ناس روحى للدكتور الاول هو هيعرف اكتر

هبة يا حبيبتي نصيحتي ليكي ماتستعمليش اي حاجة الا باستشارة دكتور و ما تفكريش ان الافرازات ممكن تكون هيا سبب تأخير الحمل كل حاجة بوقتها و انتي لسه عروسة يا قمراية استمتعي بوقتك مع جوزك و لازم تروحي لدكتور و ماتخافيش من اي حاجة ان شاء الله شوية افرزازات و تاخديلها علاج و خلاص يا قمراية

بنات محدش رد عليا في موضوع البامبرز بتاع كوتشي.. حد جرب أو سمع عن نوع كوتشي فوكس لاني مش لقيت كوتشي سليبي هنا خالص..