تجهيزات حوامل مصرللمولود الجديد و النفاس ‏جزء 5

انا ماما بتقولى انها عملت معايا كده بس برده عندى شعر فى وشى بس اصفر وخفيف

سالي يا قمراية انا بكرة ان شاء الله هبدأ الاسبوع ال 37 المفروض التاسع بيخلص على 39 على ما اظن ربنا يسهلي الحال ياااااااااااااااارب

يا بنات مزر كير عامله تخفيضات 50% بجد حاجات جميله

*pippo*;12810044:

هوبا ازيك
ربنا يعينك بجد
انتى ولدتى فين صحيح؟

الحمد لله يا بيبو انا ولدت في مستشفي الزراعين برده طلع صاحب جوزي شغال فيها وشكر فيها لجوزي
والحمد لله كويسه هو انا اصلا اعدت 3 ساعات ولا اربعه ومشيت بس جوزي قالي لفيت فيها وكويسه ونضيفه

حبيبه مادو;12814475:
هو صحيح اننا نعمل وش النونوووو بلبن الام بقطنه ونمشيها على وشها كده بيطير اماكن الشعر فى وشها ومش يطلع ولا ده كلاام برضووو ههههههههه واحده قريبتى قلتلى كده عملت مع بنتها كده وبقى قليل اوى


فى حاججه كمان عاوزه اسال عليها نووجى بقالها كام يوم الاقيها بتصحى من النوم مخضوضه كده وتعمل صوت وترفع ايديها لفوق وتصرخ ده ايه

انا اسمع عن موضوع اللبن اللي بيطر الشعر اللي في الوش بس مجربتش
وبنتك ابقي ارقيها قبل ما تنامي واقريلها قران
كانت ندي بتعمل كده كتير وهي صغيره

dandona we bas;12813121:
يا بنات انا دلوقتي اعتبر في التاسع بدأته من يوم 23-7 الحمدلله بس كل اللي انا حاسة بيه ان بقى في تقل شديد اوي تحت بس مش حاسة بطلق مثلا او كده انما بقيت بمشي بصعوبة و المفروض ان امشي زي ما الدكتورة قالتلي اعمل ايه يا بنات و دايما تعبانة و حاسة بدوخة و على طول هبطانة كده حد حصله قبل كده اللي بيحصلي ده يا بنات بالله عليكو قولولي


سويتي لولا احكيلنا الولادة عاملة ازاي يا قمراية و الف مبروك على يوسف يتربى في عزكو يااااااااااااااااااااااااااااااااااااااارب اللهم آمين

اه يا دينا عادي الهبوط والدوخه
انا كنت كده برده بس زائد ان كان عندي انيما
فانتي برده المفروض الدكتوره تشوف التحاليل بتاعتك دلوقتي عشان اللولاده وكده

السلام عليكم


ازيكم يا حوامل؟


لبنات القاهره المعلومة دى تفيدكم

في كارفور العبور محل بيبي شوب وويف كيدز ومذركيرعاملين سيل

بس نصيحه متشتروش من بيبي شوب داخلى ابدا لان اسعارهم غاليه
احنا عندنا القطن المصري لا يعلى عليه وارخص كتير

يعنى انا شفت هناك السلوبت الداخلى نص كم ب 30 ج
في حين انى جايبه بابيون سلوبيت نص كم ب 12ج

انا الدكتورة قالتلي خلاص ان شاء الله مس محتاجة اروحلها تاني مش عارفة ليه المهم و قالتلي لو اتأخرتي عن 23-8 تيجي طبعا عشان نشوف هنتصرف ازاي

على فكرة موضوع لبن الام ووش البيبي ده كانت جارتنا فلسطينيه خلت ماما تعمله لاخويا على الحواجب

وفعلا جاب نتيجه

دندون ماشاء الله قربتى تولدى

ربنا يقومك بالسلامة

معلش التقل وصعوبه الحركة والدوخه ده كله عادى

انا بقا مشكلتى في الحمل ده مش الدوخه بس كمان بعرق جامد جدا لو وقفت او مشيت شوية صغيرين

وفعلا بيبقا هيغما عليا

بالنسبه للدكتورة انتى في مصر؟ولا الكويت

اصل حسب معلوماتى ان الدكاترة في دول الخليج مش زى هنا في مصر خالص

وعندهم تقريبا الواحده لما تدخل في وجع الولاده تروح عالمستشفى على طول تولد ومش محتاجه انها تراجع الدكتورة زى هنا

الى كل الامهات يا ريت تشاركونا على الرابط ده
http://forums.3roos.com/showthread.php?p=12816785#post12816785

الله يا شهيدة هيا دكتورتي مصرية و شاطرة الحمدلله بس هيا قالتلي فعلا لما تحسي بوجع الولادة و قالتلي العلامات و كده و شوية نصايح و تعليمات عشان تسهيل الولادة ان شاء الله و خلاص على كده

انا فعلا الدوخة رجعت تاني و مش قادرة امشي خالص زي الدكتورة ماهيا موصياني ببقى هقع من طولي لو وقفت غسلت طبقين اصلا و الاكل نفسي مسدودة هيا مدياني ميعاد 23-8 ان شاء الله و ده اخر التاسع

دندن طيب هى قالتلك ايه العلامات وايه النصايح انا برده دكتورتى قالتلى اجى اول ما احس بالولاده

dandona we bas;12817081:
الله يا شهيدة هيا دكتورتي مصرية و شاطرة الحمدلله بس هيا قالتلي فعلا لما تحسي بوجع الولادة و قالتلي العلامات و كده و شوية نصايح و تعليمات عشان تسهيل الولادة ان شاء الله و خلاص على كده

انا فعلا الدوخة رجعت تاني و مش قادرة امشي خالص زي الدكتورة ماهيا موصياني ببقى هقع من طولي لو وقفت غسلت طبقين اصلا و الاكل نفسي مسدودة هيا مدياني ميعاد 23-8 ان شاء الله و ده اخر التاسع

ربنا يقومك بالسلامة يارب
انا برضو زيك حتى كرسي المطبخ بتحرك بيه في اى حاجه في المطبخ

عموما اما تيجى تمشي انزلى مع جوزك وسندى عليه وحاولى تمشي شوية وتريحى شويه ويبقا معاكى حاجه مسكرة وحاجه حادقه تاخديهم لو تعبتى لا قدر الله

عارفه انا لما بننزل كارفور او اى سوبر ماركت بسند عالعربيه بتاعت المشتريات

قالتلي تكتري من المشي كل يوم ساعة او ساعتين مشي مشي مش مرقعة يعني

و الجماع طبعا و قالتلي لو لقيتي دم عادي دي علامات ولادة ممكن تولدي بعدها باسبوع مثلا انما المية طبعا هيا اللي لو نزلت اروح المستشفى على طول و كل ما الطلق الوجع بتاعه يقرب بردو على المستسفى على طول

بنات حد منكو بيعرف في تفسير الاحلام

و الله يا شهيدة مش قادرة انزل امشي اصلا يدوب لما بنزل اجيب حاجات البيت ببقى بموت بعدها و مش قادرة هحاول انزل مع حد من صاحابي اجيب حاجات من السوق

معلش يا دندون فترة وهتعدى ان شاء الله

هوا اول حمل كده بيبقا قلق وتوتر لانه تجربه جديده

وحاولى لو مش قادرة تنزلى اتمشي في البيت لو عندك مكان

عموما يعنى راي بعض الدكاترة ان المشي ملوش علاقه اوى بتسهيل الولاده هوا بس بيوسع الحوض علشان الراس تنزل


مونى

اضافه لكلام دندون

ممكن تلاقي افرازات فيها دم كده او مدممه دى بتبقا السدادة بتاعت الرحم نزلت يعنى قربتى ودى اللى قالت عليها دندون بعد اسبوع ممكن تولدى

طبعا المايه بتاعت البيبي
ودى مايه دافيه بتنزل تغرق الرجلين والارض يبقا وقتها دخلتى في بدايات الولاده

برضو لو حسيتى بوجع في بطنك بيسمع في ظهرك وينزل على تحت ده طلق
بس اهم حاجه يكون منتظم بمعنى ييجى في الاول لمده 10-15 ثانيه وبين الطلقه والتانيه نص ساعه يفضل كده فترة وبعدين تلاقي مده الطلقه تزيد والفترة اللى بين الطلقات تقل
وتوصل مده الطلقه ل45 ثانيه وبين الطلقه والتانيه 5 دقايق ده كده طبعا خلاص دخلتى في ولاده


وربنا يقومك بالسلامة

ربنا يجزاكي كل خير يا شهيدة على المعلومات الجميلة دي ربنا يسهلها علينا جميعا يااااااااااااااااااااااااااااااااااااااااااااارب

ازيك يا بنات

قولولي هي الافرازات في الحمل سواء بيضا او صفراء عادي ولا غلط في الحمل

ميتسي الافرازات البيضا عادي بس الصفراء دي بتكون التهابات و لازم تروحي تاخديلها علاج عشان تقدري ان شاء الله تولدي طبيعي ربنا يقومك بالف سلامة ياااااااااااااااااااارب

dandona we bas;12814580:
سالي يا قمراية انا بكرة ان شاء الله هبدأ الاسبوع ال 37 المفروض التاسع بيخلص على 39 على ما اظن ربنا يسهلي الحال ياااااااااااااااارب

ربنا يارب يجعل ساعة ولادتك سهلة يارب ويقومك بالف الف سلامة
على فكرة انتى ابنك هيبقى اكبر من ابنى بشهر واحد ده على حساب الدكاترة
ربنا يارب يقومنا جميعا بالف سلامة واسمعى كلم الدكتورة بقى واتمشى كل يوم شوية
انا الدكتور امبارح راحت كشفت قالى اشرب كيلو لبن فى اليوم واكل قطعتين جبنة قريش عشان الكالسيوم للبيبى فياريت لو تقدرى تاكلى جبنة وتشربى لبن من هنا لحد ولادتك اعملى كده