تجهيزات حوامل مصرللمولود الجديد و النفاس ‏جزء 5

يعنى افنت مفيش منها زجاج اصل الدكتور قالى لازم الببرونة تكون زجاج فى الرضاعة الصناعى طيب شيكو فى منها زجاج ولة لا وفيها اير سيستم ولة لا

bright bride;12748285:
انا جربت شيكو البلاستيك حلوة اوى ما شاء الله و فيها الاير سيستم اللى بيقلل المغص للبيبى عن طريق تقليل الهواء اللى البيبى ممكن يبلعه و كنت جايباها 150 مل لكن بايجون بصراحة مش جربتها

طيب جبتيها بكام يا قمر

yasmenmm;12750503:
يعنى افنت مفيش منها زجاج اصل الدكتور قالى لازم الببرونة تكون زجاج فى الرضاعة الصناعى طيب شيكو فى منها زجاج ولة لا وفيها اير سيستم ولة لا

فيه منها زجاج شفتها عندي بس غاليه اوي

شيكو ارخص كتيييييييييير

كيوت لولا;12750531:
طيب جبتيها بكام يا قمر

انا جبتها ب 38 جنيه من العزبى يا جميلة

الماميهات السابقات

حد استخدم السكاته للبيبي و ممكن حد يسالنا دكتور اطفال هي كويسة و لا لا

و كمان في انواع ايه تكون بغطا

و هوا الغطا بيكون اوتو كلوس و لا منفصل:):):):)

كيوت لولا;12752431:
الماميهات السابقات

حد استخدم السكاته للبيبي و ممكن حد يسالنا دكتور اطفال هي كويسة و لا لا

و كمان في انواع ايه تكون بغطا

و هوا الغطا بيكون اوتو كلوس و لا منفصل:):):):)

بصي يا قمر انا مش استخدمت السكاتة لابني هو اصلا مارضيش ياخدها
وكمان كل اللي اعرفهم ادوها لولادهم بيتعلقو بيها جداااااااا ومش بيسيبوها غير بعد سنتين ولا حاجة وطبعا شكلهم بيكون مش لذيذ وهم كبار كده وبياخدوها


وكمان فيه تجربة واحدة صاحبتي هحكي لك عليها بس بعد الشر بعد الشر بعد الشر عن كل ولادنا يارب ربنا يحميهم ويحفظهم

كان عندها ابنها عنده شهرين وهي نزلت راحت الشغل وجابت خدامة ف البيت يعني مش بيبي سيتر جابت واحدة تشوف كل طلبات البيت
المهم في يوم كان وراها شغل كتير ف البيت وسابت الولد جعان وكل لما يعيط تدي له السكاتة دي ومن كتر الولد ما جعان قعد يمص فيها لحد ما النيبلز بتاعتها انفصلت عنها ووقفت في زوره وعلى ما ام الولد جات بسرعة من الشغل وقبل ما توصل البيت على طول كان الولد توفى

معلش على الخبر السيء يعني بس بجد انا بترعب منها وماقررتش اني هجيبها للبيبي الجديد ابداااااااااااا ومن اول ما سمعت منها الكلام ده وعرفت اللي حصل لابنها روحت رميتها ومش اديتها لابني ابدا

يارب يحمي ولادنا ويحفظهم من كل سوء ويبارك لنا فيهم

فيه ناس قالت لي انه ممكن يكون نوع التيتينة مش حلو ومش عارف ايه
بس صحة ولادنا وسلامتهم حتى لو احتمال 1% ان الحاجة دي ممكن تضر ابني او بنتي مافكرش فيها اصلا

كيوت لولا;12752431:
الماميهات السابقات

حد استخدم السكاته للبيبي و انا كن حد يسالنا دكتور اطفال هي كويسة و لا لا

و كمان في انواع ايه تكون بغطا

و هوا الغطا بيكون اوتو كلوس و لا منفصل:):):):)

بصى يا قمر انا بصراحة مجبتهاش اساسا لانى محبتش ان ابنى يتعود عليها و اعانى بعد كده فى انى اخليه يبطلها بعد كده و محبتش انى استسهل و اديهاله علشان يسكت و خلاص
حتى الببرونة متعوديهوش عليها و الا هيستسهلها هى كمان متستخدميهاش الا للاعشاب و بس ان شاء الله و مرة او مرتين فى اليوم و بس

ازيكم يا حوامل مصر نحن السابقون و انتم الاحقون انا اقعدت سهرانه لساعه 6 الصبح عشان اقرا التجمع الجميل ده انا سبقتكم من 9 شهور و اسبوع عندي سيف الدين ربنا يقومكم بالسلامه ان شاء الله انتم و البيبيهات بس نصيحه الهدوم في الاول ما تجبوش كتير المقاس بيتغير بسرعه كنت جايبه لسيف سولبيتات كتير بس كنت ف الشتا و صغروا بسرعه البانيو في الاول مالوش لازمه في اي طبق و بعدين حميتوا في الحوض بس هتحتاجوا بعد كده لما يقعد بقي و يتحرك و ميريحش نفسه زي البيه الي عندي جبتله واحد يعقد فيه و احطله لعب و اي استفسار انا تحت امركم

كيوت لولا;12752431:
الماميهات السابقات

حد استخدم السكاته للبيبي و ممكن حد يسالنا دكتور اطفال هي كويسة و لا لا

و كمان في انواع ايه تكون بغطا

و هوا الغطا بيكون اوتو كلوس و لا منفصل:):):):)

بصي يا حبيبتي انا جبتها كانت غطاها فيها مش منفصل اديتها لسيف خدها حوالي شهر و سبها من نفسه مش راضي يخدها ابدا بس بعد القصه دي بلاش احسن:'(

بصى يا جميله لو الجهاز القديم للسونار ممكن الدكتور يعرف منه على السابع
لكن بال 3d وال 4d
بيبان بس المهم بقا النونو نفسه ميكونش بظهره او قافل رجليه


خوفتينى من السكاته بس سندس مبتسكتش الا بيها ولا بتنام الا بيها الحمد لله
اعمل ايه

هى بغطا عارفين الببرونه الكبيره الى فيها عضاضه و2 ببرونه وحاجات كدا كانت فيهم وكانت بغطا

manafola يا قمراية المفروض تعرفي في اخر الاربع و بداية الخامس ان شاء الله و الدكتور بيعرف من الجهاز التناسلي طبعا و بوريكي و يعرفك و يقعد يشرحلك يا حبيبتي ربنا يتملك على خير

امبارح لقيت ببرونات بايجون و شيكو و اسعارهم مهاودة جنب الافينت الصراحة و كبار كمان بس مش عارفة مجبتهموش ليه الصراحة و جبن بانية حلو اوي و مساحته حلوة كامن عشان ينفع البيبي ان شاء الله بعد كده

بنات بالله عليكم ادعولي كتير انا خايفة اوييييييييي من الولادة

manafola;12756572:

يا بنات هوا نوع الجنين بيبان في السونار ازاي الشاشه بتبقي سودا كده و لا فيه اجهزة تانيه انا في اخر الرابع مش المفروض اعرف دلوقتي و لا لسه شويه

الدكتور بيشوفه في السونار و بيعرف من العضو التناسلي بس لازم يكون البيبي فاتح رجليه و اه تعرفي من دلوقتي المفروض بس ربنا يسهلك كده و يكون بيبي مؤدب و ابن حلال و تعرفي تشوفيه اصلي رحت عشان اعرف البيه كان ساجد و الدكتورة مشافتش اى حاجه

dandona we bas;12757159:
manafola يا قمراية المفروض تعرفي في اخر الاربع و بداية الخامس ان شاء الله و الدكتور بيعرف من الجهاز التناسلي طبعا و بوريكي و يعرفك و يقعد يشرحلك يا حبيبتي ربنا يتملك على خير

امبارح لقيت ببرونات بايجون و شيكو و اسعارهم مهاودة جنب الافينت الصراحة و كبار كمان بس مش عارفة مجبتهموش ليه الصراحة و جبن بانية حلو اوي و مساحته حلوة كامن عشان ينفع البيبي ان شاء الله بعد كده

بنات بالله عليكم ادعولي كتير انا خايفة اوييييييييي من الولادة

ربنا معاكى و يرزقك ساعه سهله ان شاء الله
مورو قوليلي هو ال 3d او ال 4d بيتعملوا بكام و فين

بصى يا جميله بيتعملوا فى مراكز الاشعه وهو فى ب 270 بس الاكتر ب 250
وممكن لو مكان تبع نقابه انتى مشتركه فيها يكون مخفض عن كدا
انتى ساكنه فين

انا ساكنه في اكتوبر
يعني ممكن يكون فيه في الفا سكان

انا عرفت نوع البيبي من الشهر الرابع و بالسونار العادي و ال3d الدكتورة عملتهولي في الشهر التالت بس

manafola;12756572:

يا بنات هوا نوع الجنين بيبان في السونار ازاي الشاشه بتبقي سودا كده و لا فيه اجهزة تانيه انا في اخر الرابع مش المفروض اعرف دلوقتي و لا لسه شويه

بصي يا قمر انا اخر مرة روحت للدكتور كنت في اخر الرابع و معرفتش اشوفه فربنا يسهل و نشوفه في الخامس ان شاء الله

dandona we bas;12757159:

[SIZE=4]بنات بالله عليكم ادعولي كتير انا خايفة اوييييييييي من الولادة

ربنا معاكي يا دندونة يارب و متخافيش يا قمر و ربنا يسهلك الولادة يارب و يجعلها ساعة سهلة يارب و تشوفي النونو باحسن حال

razminia;12750283:
ازيك ياجميلة بصى ياقمر احسن ببرونات هى افنت وبعدين شيكو انا جربت افنت وهى حلوة اوى ماشاء اللة افنت دى بلاستيك مقوى حاجة نضيفة وبتجبيها من اى صيدلية بس تبقى صيدلية كبيرة شوية انا جايبة المقاس الكبير اللى هو 330 احسن جبيها مقاسها كبير عشان تقعد معاكى شوية وابقى غيرى النيبلز بتاعتها حسب عمر بنتك ان شاء اللة فى نيبلز بتقعد 3 شهور ومقاسها 0 وبعدين المقاسات اللى بعد كدة ان شاء اللة انا جبتها من 3 ايام وسعرها 56 جنية ياقمر
ربنا يخليلك بنوتك ويحفظهالك وتشوفيها عروسة يارب ان شاء اللة

طيب انتي جبتيها من صيدلية ايه انتي قولتي في جسر السويس صح، وكان فيها باقي المقاسات بتاعتها ولا لأ والنيبلز كمان، انا لقيتها امبارح كذا مرة بكل احجامها بس للأسف بردو مش بلاقي المقاس بتاع النيبلز الكبير او مرة لقيته بس مش هو اللي عايزاه وكان مع ببرونة حجم مختلف عن اللي عيزاه بردو، امبارح لفيت كتير اصلا في الصيدليات الكبيرة اغلبها وملقتش، بلاقي حاجات كويسة اوي بس دايما حاجة تقع في النص.

yasmenmm;12750503:
يعنى افنت مفيش منها زجاج اصل الدكتور قالى لازم الببرونة تكون زجاج فى الرضاعة الصناعى طيب شيكو فى منها زجاج ولة لا وفيها اير سيستم ولة لا

اشمعني قالك كده مقلش تفاصيل، اصل الاغلبية العظمي دلوقتي بيجيبوا بلاستيك عادي وحتي هتلاقي هو المنتشر في المحلات والصيدليات ، يعني فين وفين لما بشوف الزجاج اصلا، وكمان مادام هتجيبي ماركة نضيفة ومعروفة يبقي البلاستيك بتاعها امان وكويس ومجهز ومعالج لكده.

كيوت لولا;12752431:
الماميهات السابقات

حد استخدم السكاته للبيبي و ممكن حد يسالنا دكتور اطفال هي كويسة و لا لا

و كمان في انواع ايه تكون بغطا

و هوا الغطا بيكون اوتو كلوس و لا منفصل:):):):)

فيه من كل الانواع ومن كل اللي قلبك يحبه :lol::lol::lol: فيه منفصل وفيه منه فيه زي الوتو كلوز وفيه من غير خالص وبتجيبي انتي الغطا لوحده وفيه بيبقي ليها علبة صغيرة مش غطا.
وفيه مقشوطة وفيه العادية وفيه الشفافة وفيه الصفرا.

manafola;12756572:

يا بنات هوا نوع الجنين بيبان في السونار ازاي الشاشه بتبقي سودا كده و لا فيه اجهزة تانيه انا في اخر الرابع مش المفروض اعرف دلوقتي و لا لسه شويه

من الرابع في الاغلب بس حسب وضعه وحسب الشاشة واضحة وكبيرة ولا لأ، يعني لو جهاز كويس ووواضح وحديث ممكن يبينه بدري عن كده كمان اخر التالت او اول الرابع وكله بيبقي حسب البيبي، وممكن تعرفي متأخر عن كده بكتير، بس اوضح حاجة ال 3d بس مشكلته انه غالي، يعني لو هتعمليه يبقي الافضل انك تكوني مشتركة في تأمين او اي حاجة يا إلا هايبقي حرام تعمليه عشان خاطر تشوفي النوع وبس، إلا في بعض حالات الدكتور هو اللي بيطلب انك تعمليه عشان يعرف حاجات معينة مش واضحة بالتاني.

صوت العيون;12756899:

خوفتينى من السكاته بس سندس مبتسكتش الا بيها ولا بتنام الا بيها الحمد لله
اعمل ايه

هى بغطا عارفين الببرونه الكبيره الى فيها عضاضه و2 ببرونه وحاجات كدا كانت فيهم وكانت بغطا

جوجو كانت كده لما عرفت اعودها عليها الحمدلله بقت تنام بيها بس طبعا لو وقعت منها وهي نايمة بتقلق او تكمل حسب، المهم لما كبرت شوية بقي عرفت صوباعها وبقت تحطه عالطول وتنيم نفسها بنفسها فبمقتش اديهلها خلاص دلوقتي خالص مع اني كنت فاكرة بقي انه هايبقي صعب افطمها منها لما تكبر وانها هتفضل ماسكة فيها وخلاص بس صوباعها تأثيره قوي، هي لو ادتها دلوقتي مش هترفضها هتاخدها بردو بس لو وقعت هتحط صوباعها بدالها.

sweetyronaaa;12757277:
انا ساكنه في اكتوبر
يعني ممكن يكون فيه في الفا سكان

بصي انا جبت الدليل بتاع شركة التأمين بتاع جوزي، وفيه مراكز الاشعة متصنفة حسب المنطقة اهو مش كلهم طبعا بس جزء منهم اللي عاملين تعاقد معاهم، المهم يكون مركز اشعة مش معمل تحاليل، فلقيت في اكتوبر والهرم وفيصل هما عاملينهم مع بعض يعني، تكنو سكان ومركز الاهرام للاشعة لو عارفاهم او عايزة تفاصيلهم هابعتلك علي الخاص بس قوليلي، وفيه في منطقة تانية الدقي والمهندسين والجيزة شوفي تحبي ايه وانا اقولك ، بس التانيين دول فيهم مراكز اكتر بكتير بقي

بيبو انا شفت دراع ايفينت امبارح اللي بيركب عليها ب 45 والنيبلز كانوا اتنين تقريبا مع بعض صغيرة واكبر ب حاجة و30، وشفت الببرونات السيليكون لأول مرة الطرية دي وشفت ماركة لوفي اللي تبع كانبول بيبيز وشفت حاجات حلوة اوي وكتير اصلي لفيت لفة حلوة بس المشكلة اني نساية درجة اوي، بس بجد احسن صيدلية في اللي رحتهم امبارح كانت نورماندي هي كبيرة ونضيفة اوي بس رغم انها مش بحجم سيف والعزبي مثلا وعلي ايمدج وكده بس انا شفتها احسن منهم دايما الاقي فيها تشكيلة اكتر من اي واحدة تانية بجد وكمان حتي الوحيدة اللي لقيت فيها ادوية ملقتهاش ولا اي واحدة من دول ولا جسرها ولا عبد المقصود ولا اي واحدة :thumbs_up::thumbs_up::thumbs_up::thumbs_up:


وانا جبت نيبلز للنك اللي عندي من 6 شهور ل 18 شهر هي خرمها اوسع شوية من الصغيرة اللي عندي وكمان حجم النيبلز نفسها اعرض واكبر.

manafola;12756572:

يا بنات هوا نوع الجنين بيبان في السونار ازاي الشاشه بتبقي سودا كده و لا فيه اجهزة تانيه انا في اخر الرابع مش المفروض اعرف دلوقتي و لا لسه شويه

ايوة يا قمر بيبان عادي في السونار العادي لو البيي فاتح رجله
يعني انتي لما بتشوفي في السونار العادي عند الدكتورة مش بتشوفي الجنين انا لازم اشوفه طبعا بيبقى احساس جميل
ربنا ما يحرم حد منه يارب
اه وطبعا هيبان اكتر في الثلاثي الابعاد وبيبقى مظبوط ان شاء الله

صوت العيون;12756899:
بصى يا جميله لو الجهاز القديم للسونار ممكن الدكتور يعرف منه على السابع
لكن بال 3d وال 4d
بيبان بس المهم بقا النونو نفسه ميكونش بظهره او قافل رجليه


خوفتينى من السكاته بس سندس مبتسكتش الا بيها ولا بتنام الا بيها الحمد لله
اعمل ايه

هى بغطا عارفين الببرونه الكبيره الى فيها عضاضه و2 ببرونه وحاجات كدا كانت فيهم وكانت بغطا

انا شم قصدي اخوفكو والله بس فعلا القصة دي فضلت ماثرة فيا جداااااا بس هو العيب من الخدامة انها مش راعت الولد وانشغلت بشغل البيت ربنا يستر
وانتي اي حاجة خايفة منها قولي دعاء بسم الله الذي لايضر مع اسمه شيء في الارض ولا في السماء وهو السميع العليم
وان شاء الله ربنا هيحفظ لك بنتك من كل سوء بس انتي تحاولي مش تديها لها وهي جعانة بس عشان مش تمصها اوي
ربنا يحفظها لك يارب ويبارك لك فيها

dandona we bas;12757159:
manafola يا قمراية المفروض تعرفي في اخر الاربع و بداية الخامس ان شاء الله و الدكتور بيعرف من الجهاز التناسلي طبعا و بوريكي و يعرفك و يقعد يشرحلك يا حبيبتي ربنا يتملك على خير

امبارح لقيت ببرونات بايجون و شيكو و اسعارهم مهاودة جنب الافينت الصراحة و كبار كمان بس مش عارفة مجبتهموش ليه الصراحة و جبن بانية حلو اوي و مساحته حلوة كامن عشان ينفع البيبي ان شاء الله بعد كده

بنات بالله عليكم ادعولي كتير انا خايفة اوييييييييي من الولادة

.
دندن يا قمر ربنا معاااااااااااااااااكي يارب
انا لما ببص للصورة الرمزية بتاعتك بحس انك زيها كده وبقيتي على اخرك ههههههههههههههههه

يارب ربنا يرزقك بساعة سهلة ان شاء الله وتقومي بالسلامة انتي والبيبي يااااااااااااااارب

صوت العيون;12757226:
بصى يا جميله بيتعملوا فى مراكز الاشعه وهو فى ب 270 بس الاكتر ب 250
وممكن لو مكان تبع نقابه انتى مشتركه فيها يكون مخفض عن كدا
انتى ساكنه فين

ايه ده هو فعلا بقى غالي كده ولا عندكو ف القاهره اغلى من المنصورة
انا كنت في معاذ كان ب 75 جنيه وكان عند اشهر دكتورة اشعة في المنصورة كلها

يعني لما اجي اعمله في الحمل ده هلاقيه ب200 ولا حاجة