تجهيزات حوامل مصرللمولود الجديد و النفاس ‏جزء 5

نسمه الجنه;12733775:
السلام عليكم ازيكو يا بنات
اسمها ايه الحاجه الي بنحطها عند الصدر عشان اللبن الي بينزل؟

بتتحط عند الصدر مين

موضوع اكتر من رائع يا بنات لكل الامهات الجديده

ازاى نحمى البيبى بالصور

http://forums.3roos.com/showthread.php?p=12740419&posted=1#post12740419

شوشو بتتحط جوا البر عند النبيلز عشان الصدر لما ينقط لبن مش يبل الهدوم وخاصه لو خارجين برا وكده

مادو توتر أنتي رجعتي لعادتك القديمة خلاص ههههههههه اخبارك ايه و أخبار نوجي؟ بصي يا قمر أنتي روحي للدكتور بتاعك وهو يقولك ايه المناسب ليكي.. وكل ما يكون بدري هيكون أنسب و تلحقي قبل ما زوجك يرجع.. قولوا لنا بقي يا ماميهات عملتوا ايه في السبوع وعايزين صور للتوزيعات وأفكار جديدة و مفيدة كده..

ازيكم يا قمرات ربنا يقومنا جميعا بالسلامة
حبيبة مادو كنت عايزه اسالك ياجميل على حاجة كتبتيها في ردك ، انك قبل الولادة عملتي المنطقة الحساسة بكريم ، فيديني ياجميل بتجربتك في الموضوع ده ، لان انا من دلوقتي باه صعب عليا اوي اعمل المنطقة دي ومش بعرف اعملها حلو لاني مبقتش عارفة اشوفها كويس خالص عشان بطني كبرت ماشاء الله، وشايلة هم ياتري قبل الولادة هعمل ايه لان بطنى هتكون وصلت لاقصاها، وياريت برضو البنات يفيدونا بتجاربهم، علما بان انا اصلا متعوده اعملها شيفينج بس حاليا مش مالكة اشوف واضبط زي ما قلت
كان في بنوتة بتسال عن الفترة اللي بناخد فيها الفيتامينات اد ايه، انا مش فاكرة مين بالضبط معلش، عموما هوه الموضوع بيختلف من حد للتاني حسب ما الدكتور بيشوف الاصلح لكل بنت، يعني انا صاحبتي كانت بتاخد الفوليك اسيد مثلا في الاخر مثلا مش في الاول ، وفي ناس وقفته في الرابع وناس وقفته في السابع ، وفي ناس الدكاترة بيخلوهم ياخدو الكالسيوم طول الوقت وكذلك الهيموجلوبين واحيانا بيكون الهيموجلوبين من نص الحمل للاخر، يعني الموضوع مش قاعده وكل واحدة بتختلف عن التانية

حبيبه مادو;12739808:
مرسى يا روحى كلامك مفيييد ديما يا ام اوووجى
طيب الششييفنج بتعملى ازاااى يا بيبو يعنى بتحطى ايه قبلها وايه بعدها بتهيقلى مش بيبقى كويس ومش بيعمل كله وبيبقى باين ومجدر انا عملت كريم قبل الولاده وكان وحش اوى


طيب اومال التطعيمات اللى بتقوليها دى اديهلها فييين وبتكون فى سن ايه بالظبط البكتيريه والروتا دى ؟؟؟

ربنا يخليكى يا جميل
بصى انا جربت كذا حاجة بس الانسب ليا كان انى استعمل الماكنة بتاعت الرجالة اللى بتستعمل مرة واحدة عشان بتكون حادة وبتشيل كويس وبعملها على الناشف .. جربت اعمل بعد مادهن حاجة بس ماكنتش بعرف اعمل خالص
بس زى ما قولتلك ده الانسب ليا واللى توصلته بعد تجارب كتير
وانا بعمل كويس الحمد لله مش بيبقى مجدر ولا حاجة بيبقى ناعم جدا ما شاء الله ده حسب ايدك انتى وبتعملى بضمير ولا لأ;) عيدى على المكان كذا مرة من كذا اتجاه وهو يبقى ناعم

الكريم سئ جدا كفاية الريحة :thumbs_down: ومش بيشيل كويس خااااابص :thumbs_down::thumbs_down:

التطعيمات دى قولتلك يا روحى فى المصل واللقاح فى الدقى وليه فرع تانى عند نادى الشمس بس ماعرفش مكانه فين بالظبط

الانفلونزا البكتيرية 3 جرعات عند شهرين و 4 و6 + جرعة تنشيطية عند سنة ونص
التطعيم حقنة بتتاخد فى الفخذ اليمين
سعر الجرعة الواحدة 50 جنيه
وبيبقى الفرق بينها وبين تطعيم الشهرين اسبوعين على الاقل قبل او بعد

الروتا فى نوعين متوافرين الفرق بينهم ان كل واحد فى شركة منزلاه وفرق كمان:
نوع اسمه روتا تك ده بيحمى من 5 انواع من الروتا وده 3 جرعات سعر الجرعة الواحدة 286 جنيه

النوع التانى اسمه روتا ريكس وده بيحمى من نوع واحد من الروتا وهو الاكثر شيوعًا وده جرعتين بس سعر الجرعة 310 جنيه

تطعيمات الروتا تطعيمات نقط عن طريق الفم ,, وكل الجرعات تتاخد قبل البيبى ما يتم الست شهور

وبتضيفى على كل تطعيم 8 جنيه مصاريف تطعيم

والروتا بيتاخد ابتداءا من شهر ونص وطالع وبرضه يكون الفرق بينه وبين اى تطعيم تبع الحكومة اسبوعين على الاقل

وتراعى فى تطعيم عن طريق الفم ان يكون الرضعة اللى قبله قبل التطعيم بساعة وماترضعيش بعد التطعيم غير بعد نص ساعة

اظن مفيش شرح وافى اكتر من كده :worn_out:

بصى وده كمان جدول التطعيمات بتاع مدحت الزيات

bosy_md;12740476:
مادو توتر أنتي رجعتي لعادتك القديمة خلاص ههههههههه اخبارك ايه و أخبار نوجي؟ بصي يا قمر أنتي روحي للدكتور بتاعك وهو يقولك ايه المناسب ليكي.. وكل ما يكون بدري هيكون أنسب و تلحقي قبل ما زوجك يرجع.. قولوا لنا بقي يا ماميهات عملتوا ايه في السبوع وعايزين صور للتوزيعات وأفكار جديدة و مفيدة كده..

انا ماعملتش سبوع عشان بدعة
وربنا يقدرنى واقدر اعمل عقيقة ان شاء الله

انا كمان ضمونى ليكم انا هولد ان شاء الله 28-10

M!ss Tuky;12738908:
ميس فاتى انا فاليوم التامن ف الشهر السابع دلوأتى

وادانى تلات حقن بتتاخد واحده كل اسبوع فيتامين b

عشان وجع الحوض وعندي وجع ف الحوض

وادالى برشام اسمو جنبرال ده بتاع منع الولاده المبكره باخد نص قرص يوميا بس بيهبط جامد وبيزود ضربات القلب

وادالى ميجافين قرص كل يوم بعد الغدا بردو ده عشان التقلصات

كان بقالى يومين باجى فوقت النوم ووجع زى بتاع البريود كده يسمع ف ضهرى ويوقفلي رجلى خاالص وبيروح وييجي كل خمس دقايق مكنتش بقدر انام والله

حسيت بيه النهردا بردو بس الحمدلله مش اوى ومستمرش كتير

وفعلا الدكتور قالى المجهود والمواصلات والعلاقه بينزلو الراس لتحت اكتر ماهى نازله ف قالى فترة العلاج ممنوع الحجات دى

بس ف أغلب الوقت حاسه بوجع تحت او مغصه كده زى فترة ما البريود كانت بتيجي كده :((

معلش يا توكي ده حصل لاغلبنا هنا
ونفس الادويه تقريبا كنت بخدها
وخصوصا البرشام كان بيهبط بطريقه رهيييييبه وكنت مش قا\دره ارفع رجلي ولا احركها من كتر الهبوط الي عندي
اعملي زي ما الدكتوره قالتلك وفتره وهتعدي ان شاء الله

حبيبه مادو;12739176:
مس فااتى الدكتوره قالتلك مش ينفع تركبى لوب ليييه الا بعد شهرين هو انتى مش ربعنتى انا باقيلى كام يوم وابقى ربعنت وعاوزه اشوف الوسيله بتاعه الحمل وهل انتى تعرفى حاجه عن الحقن اللى كل 3 شهور دى ؟؟؟؟؟؟؟؟؟؟ حد يعرفها كويسه ولا ايه
وحد بيستخدم كوندوم ولا هو مش مضمون ولا ايه؟؟؟

بلاااااااااش حقن بجد اسمع انها اسوء حاجه
ومفعولها مستمر لفتره طويله حتي اذا وقفتيها
اضمن حاجه اللوب وعدين الحبوب بس مش اوي برده زائد انها متعبه نسيت الحبايه ولا مختهاش في معادها قلق اوي
والكوندوم بلااش برده لو في ثقب صغير ممكن يحصل حمل بسببه

dandona we bas;12739335:
طيب بالنسبة للفوط النفاس انا معرفش هنا اسمها ايه الصراحة في الكويت حد يعرف او اسمها ادور عليها في سوبر ماركت

تقريبا في عندك لوتس يا دينا واسالي برده ممكن تلاقيه في كارفور

بالنسبه للسويت انا كنت في التاسع كل اسبوع اعمل سويت لحسن اولد في اي لحظه طبعا كان كله تلطيش في تلطيش عشان مكنتش شايفه حاجه
بس كانت سهله طبعا لان اسبوع يادوب تكون في حاجه طلعت وكنت بجيب ايزي سويت اللي في العلب مش الباكيت كانت مريحاني جدا
وجربت الكريم مرتحتش برده بس كنت بعمله في الزنقات
بصراحه كنت مرتاحه جدا مع السويت طول فتره حملي هي مرتين تلاته اللي عملت كريم فيهم
واهم حاجه ان الواحده تعمل علي طول هتلاقي نفسها 5 دقايق ومخلصه

اكيد يا بيبو بدعة أنا عارفة.. بس ده علشان أول بيبي عندنا غير ان أهل زوجي من بلد ارياف فالكل مستني يوصل بالسلامة علشان يحتفلوا بيه علشان كده بفكر في حاجة محترمة نكسب بيها ثواب مش نشيل ذنب.. يعني اللي عايز ييجي اهلا وسهلا والتوزيعات نعمل مصاحف كده و تتلف لفة شيك مش الحمص علي سوداني و الحاجات الغريبة دي.. حد شاف حاجة ذي دي قبل كده يا بنات؟

بوسى دى حاجة من نوزيعات سبوع يوسف وكانت شيك اوى وكلفت الواحدة 10 جنية
بنات انا عندى برد فظييييييييييع وبرضع تعرفو دوا كوبيس للبرد

ميرسي يا هانا ان شاء الله اشوفها بالليل لما اروح عند ماما وبابا.. لاني بدخل من الموبايل فالصور دي مش بتبان عندي هنا مش عارفة ليه..

نسمه الجنه;12731053:
السلام عليكم ازيكو يا بنات وحشتووني انا بدور على اي تجمع ليكو من زمان وانا ولدت الحمد لله
وكنت عاوزة اسال على البابرز الي هنا في مصر النوع الكويس الي مش يسرب

الف حمدلله علي سلامتك يا سمورة، سميتي ايه وولدتي يوم 9 زي ما قلتي ولا ايه.
بصي التشات اهو:
http://forums.3roos.com/showthread.php?t=551563&page=25
http://forums.3roos.com/showthread.php?t=550370&page=269

Miss FaTi;12733408:
دلوقتى مفروض انا خلصت الاربعين بتاعى من اسبوع تقريبا ولحد دلوقتى الدم موقفش بينزل حاجات بسيطة بس موقفش مفروض اعمل اية؟؟

كمان قالت لى مينفعش اركب لولب الا بعد شهرين وكتبت لى حبوب جينيرا حد استخخدمها؟؟

عادي يا جميلة بيختلف من واحدة للتانية بردو موضوع الدم ده والمدة انا بردو طولت وكان تنقيط وبعده بقي وردي كده وبعده بقي افرازات صفراء عشان بتبقي لسه الهرمونات متظبتتش.
واللوب بيبقي بعد الاربعين عالطول افضل وقت عشان متحسيش بتعب في تركيبه.
إلا لو عندك حاجة لا قدر الله تمنع تركيبه بقي فعشان كده بيتأجل شوية.

نسمه الجنه;12733775:
السلام عليكم ازيكو يا بنات
اسمها ايه الحاجه الي بنحطها عند الصدر عشان اللبن الي بينزل؟

بريست بادز

حبيبه مادو;12739176:
مس فااتى الدكتوره قالتلك مش ينفع تركبى لوب ليييه الا بعد شهرين هو انتى مش ربعنتى انا باقيلى كام يوم وابقى ربعنت وعاوزه اشوف الوسيله بتاعه الحمل وهل انتى تعرفى حاجه عن الحقن اللى كل 3 شهور دى ؟؟؟؟؟؟؟؟؟؟ حد يعرفها كويسه ولا ايه
وحد بيستخدم كوندوم ولا هو مش مضمون ولا ايه؟؟؟

الكوندوم مش مضمون خالص يا كوكي وخصوصا لو عايزة تستخدميه كأساس ولفترات طويلة اوي زي كده

حبيبه مادو;12739201:
هى البريووود بتيجى المفروض امتى من بعد الولاده وبعد الاربعين اللى بعد الولاده لما يخلصوا بتيجى البريود امتى المفروووض ؟؟؟؟؟؟

يعنى بعد مده قد ايه من الاربعين ؟؟؟

ممكن متجيش خالص اصلا طول فترة الرضاعة وممكن بعد سنة من الولادة وممكن تيجي متصلة بالاربعين نفسه يعني بتختلف، بس انا مثلا مجتش خالص لغاية دلوقتي.

حبيبه مادو;12739301:
طيب يا بيبو ايه هو احسن نووع لووووب ؟؟؟ وعمل معاكى ايه بعد ما ركبتيه

والمفروض بعدها مش يبقى فيه معاشره زوجيه لمده قد ايه ؟؟؟

من 3 ايام لأسبوع حسب ما الدكتور يقول بس اقل حاجة 3 ايام تقريبا ده حسب كل صحابي اللي اعرفهم وانا كمان طبعا.

razminia;12739431:
وانا الدم لسة مش وقف لحد دلوقتى بس بيجى ويروح فااول ماجى من عند الدكتور هقولك قالى اية ان شاء اللة وربنا يعملنا الصالح لينا

بصي يا جميلة، روحي بعد الاربعين بردو حتي لو الدم موقفش، انا كنت فاكرة زيك كده واستنيت وبعدين ماما وحماتي قالولي يا بنتي انتي كده اتاخرتي اوي هتقربي علي شهرين روحي بقي وهي قالتلك الاربعين ودي احسن فترة عشان الرحم وكده، قلتلهم ما هو لسه الدم موقفشن قالولي لأ مش مهم، فكلمت الدكتورة سألتها قالتلي اه تعالي وهو موجود عادي مادام خلصتي الاربعين ولو البيريود جاتلك تعاليلي وهي عليكي.

*pippo*;12739657:
مهااا
انا قولتلك يا بنتى العلاقة عادى فى نفس اليوم
وانا مش عارفة النوع اللى ركبته

ومس بتحسى بيه ولا جوزك هيحس بيه
ولو لا قدر الله اتحرك بعد كده من مكانه اخرك تحسى بشوية وجع ظهر او بطن وخلاص

وبتعملى عليه تشيك كل 3 شهور

ازاي يا بيبو الدكتورة بتاعتك مقالتلكيش تستني يومين او تلاتة بعدها غريبة اوي دي؟؟
هو فعلا مش بتحسي به خالص بس يا بنات اول ما تحسوا بوجع فعلا في الظهر او البطن او لقيته نقط دم نزلت حتي ولو بسيطة، تروحوا عالطول حتي قبل فترة التشيك بتاعتكم ما تيجي اوكي، عشان انا حصل معايا كده ومكنتش عارفة انه منه بس الحمدلله رحت في نفس الفترة تقريبا عشان موضوع الالتهابات اللي عندي فلقيته متحرك من مكانه وجوزي كان حس به فعلا ساعتها بس بسيط خالص يعني.

ونسيت مين من البنات قالت انه لسه بتنزلها افرازات صفرا بعد الولادة والاربعين، انا كنت كده وقلت للدكتورة قالتلي لسه الهرمونات بتتظبط، وبعدين لما المدة طالت اوي بقي وانا زهقت وكمان بقيت احس بحرقان ساعة العلاقة وساعات بلاقي حتت صغيرة كده في الافرازات بردو، المهم عملت تحليل بول زي ما قالتلي وروحتلها لقيتها صديد والتهابات.

سؤال بقي، دلوقتي انا ان شاء الله هجيب ببرونة كبيرة بقي لجوجو عشان هي بتحتاج كمية اكبر دلوقتي وطبعا هجيبها مقاس اكبر كمان في النيبلز، وبفكر اجيب بقي للنك الصغيرة اللي عندي نيبلز اكبر بردو اللي هي شبه الكوباية دي، بس خايفة انها تشرقها وتكون لسه بدري عليها ولا بتبقي بالتعود واشربها منها واحدة واحدة.

وسؤال كمان بس فضول ومعلومة مش اكتر ، انتوا ليه دايما بتقولوا لو هترضعي صناعي هتحتاجي حوالي 4 ببرونات، ليه العدد ده كله انا مستغربة اوي بجد، الامهات اللي رضعوا صناعي من الاول يعني، انا حاسة ان العدد مش هايفرق عن اللي بيرضعوا طبيعي غير يمكن واحدة وبس زيادة؟؟؟


انا عايزة كمان اجيب لجوجو فستان تحضر به فرح ويكون كيوت وسيمبل كده وشيك ومش غالي، ايه اكتر محلات لمحتوا فيها فساتين كده دانتيل او اي حركات تنفع للافراح وتبقي خفيفة ومش تحرر، عشان ملفش كتير لأني مش بشوفهم كتير اصلا غير في المحلات اللي من زمان اوي دي في وسط البلد او روكسي

بنات حد جرب البيبرونات بتاعت شيكو و بايجون

كيوت لولا;12748237:
بنات حد جرب البيبرونات بتاعت شيكو و بايجون

انا جربت شيكو البلاستيك حلوة اوى ما شاء الله و فيها الاير سيستم اللى بيقلل المغص للبيبى عن طريق تقليل الهواء اللى البيبى ممكن يبلعه و كنت جايباها 150 مل لكن بايجون بصراحة مش جربتها

CuTie KaTkOoTa;12746672:
من 3 ايام لأسبوع حسب ما الدكتور يقول بس اقل حاجة 3 ايام تقريبا ده حسب كل صحابي اللي اعرفهم وانا كمان طبعا.


بصي يا جميلة، روحي بعد الاربعين بردو حتي لو الدم موقفش، انا كنت فاكرة زيك كده واستنيت وبعدين ماما وحماتي قالولي يا بنتي انتي كده اتاخرتي اوي هتقربي علي شهرين روحي بقي وهي قالتلك الاربعين ودي احسن فترة عشان الرحم وكده، قلتلهم ما هو لسه الدم موقفشن قالولي لأ مش مهم، فكلمت الدكتورة سألتها قالتلي اه تعالي وهو موجود عادي مادام خلصتي الاربعين ولو البيريود جاتلك تعاليلي وهي عليكي.

انا كمان رحت بعد شهرين كنت فاكرة ان بعد الدم ما يقف بس طلعت انى رحت متأخر و ركبته كان فيه وجع شوية زى وجع البريود وهى بتركبه قعد دقيقتين بالظبط بس بعد ما ركبته ولا الهوا مفيش اى حاجة الحمد لله

ازاي يا بيبو الدكتورة بتاعتك مقالتلكيش تستني يومين او تلاتة بعدها غريبة اوي دي؟؟
هو فعلا مش بتحسي به خالص بس يا بنات اول ما تحسوا بوجع فعلا في الظهر او البطن او لقيته نقط دم نزلت حتي ولو بسيطة، تروحوا عالطول حتي قبل فترة التشيك بتاعتكم ما تيجي اوكي، عشان انا حصل معايا كده ومكنتش عارفة انه منه بس الحمدلله رحت في نفس الفترة تقريبا عشان موضوع الالتهابات اللي عندي فلقيته متحرك من مكانه وجوزي كان حس به فعلا ساعتها بس بسيط خالص يعني.

انا برضه الدكتورة قالتلى عادى حتى ممكن كمان لما تروحى :o الا طبعا لو فيه دم نزل
و فيه حاجة كنت عايزة اسأل عليها انا الدكتورة كانت قايلالى انى اعمل تشيك لما البريود تيجى لان ممكن من غزارتها تحركه بس انا مجتش لحد دلوقتى و مش بقدر انزل هنا ولا اروح فى حتة الا مع زوجى و هو مش فاضى فهل استنى فعلا على اساس كمان انى مش حاسة بوجع فى بطنى ولا فى ضهرى الحمد لله ولا اروح لأن انا كانت بتنزل عليا نقط دم بسيطة بس كانت بتروح لما اخد الدوا اللى بيوقف الدم الكلام ده حصل فى اول اسبوعين من تركيبه بس دلوقتى لأ
فمش عارفة اعمل تشيك من غير البريود تيجى ولا استنى؟

ونسيت مين من البنات قالت انه لسه بتنزلها افرازات صفرا بعد الولادة والاربعين، انا كنت كده وقلت للدكتورة قالتلي لسه الهرمونات بتتظبط، وبعدين لما المدة طالت اوي بقي وانا زهقت وكمان بقيت احس بحرقان ساعة العلاقة وساعات بلاقي حتت صغيرة كده في الافرازات بردو، المهم عملت تحليل بول زي ما قالتلي وروحتلها لقيتها صديد والتهابات.

CuTie KaTkOoTa;12726263:
لأ مش غلط بس اديله زبادي لايت مش العادي.
وانتي قولي للدكتور اسأليه.


الف مبروك يا جميلة، قوليلي كان يوم ايه بالظبط عشان اعدل الليستة، والملايات انا جبت من لافلي ومن محل تاني اسمه شي مامي في صلاح الدين، وفيه في هالة كمان بس السادة احسن من المنقوشين بتبقي خامتها انعم واحن وطرية.

الله يبارك فيكي يا قمر F: انا ولدت يوم 6/7 الحمد لله:D.. بنات بتانسبة لموضوع الطهارة ده انا لما رحت بيه للدكتور في تبارك قالي لما يكمل 25 يوم علشان ممكن تكون نسبة السيوله عنده عالية فالاحسن اننا نستنى شوية.. المهم انا كنت عايزة اعرف هو يوسف هايتوجع كتير اوي يعني:'( الدكتور قالي انه بيعمله بنج موضعي بس هايقعد كام:( يوم تعبان؟؟؟ ولا يوميها و خلاص؟؟:(
على فكرة يا بنات اللي لسة هايولدو حاولو تاخدو معاكو بنطلون مع القميص علشان انا لما طلعت من العملية كنت بردانة اوي و كمان علشان لما الدكتور ييجي يشيك عليكو يكون اسهل..و كمان الوايبس مهمة اوي علشان التغيير للبيبي هايكون صعب انكو تشطفوه علىالحوض:confused:

الببرونة افنت دة اسمها ولة اية ولة هية اسمها شيكو ونوعة افنت وفى منها زجاج واجبها منين معلشى علشان انا اول مرة اسمع عليها منكم وانا والله بستفد منك كتير اوى انا برضع صناعى وبنتى عندها 25 يوم اجيب منها مقاس كام واسفة على التطويل

yasmenmm;12749762:
الببرونة افنت دة اسمها ولة اية ولة هية اسمها شيكو ونوعة افنت وفى منها زجاج واجبها منين معلشى علشان انا اول مرة اسمع عليها منكم وانا والله بستفد منك كتير اوى انا برضع صناعى وبنتى عندها 25 يوم اجيب منها مقاس كام واسفة على التطويل

ازيك ياجميلة بصى ياقمر احسن ببرونات هى افنت وبعدين شيكو انا جربت افنت وهى حلوة اوى ماشاء اللة افنت دى بلاستيك مقوى حاجة نضيفة وبتجبيها من اى صيدلية بس تبقى صيدلية كبيرة شوية انا جايبة المقاس الكبير اللى هو 330 احسن جبيها مقاسها كبير عشان تقعد معاكى شوية وابقى غيرى النيبلز بتاعتها حسب عمر بنتك ان شاء اللة فى نيبلز بتقعد 3 شهور ومقاسها 0 وبعدين المقاسات اللى بعد كدة ان شاء اللة انا جبتها من 3 ايام وسعرها 56 جنية ياقمر
ربنا يخليلك بنوتك ويحفظهالك وتشوفيها عروسة يارب ان شاء اللة