Miss FaTi;12738745:
وبالنسبة للطهارة انا عملتها لاحمد عند دكتورة الى ولدتنى هيا كانت عايزة تطاهرة يوم ماروحت افك البلاستر بس بابا وابوة مردوش خافو علية ههههه عايزين يطاهروة نظام الخمس سنين والست سنين ويلفو البلد بية على ضهر حمار
المهم الحمدلله لحقتو على الاربعين يومها كنت هموت من صوتة لان ابوة دبسنى بالمشوار عشان هو مش هيستحمل وهيعصب
وانا اخدتها شوط عياط متواصل طول ماكان بيعملها دة وماكنتش شايفة اصلا اية بيحصل
بس الحمدلله طلع راجل الله يحمية وبجد استحمل يا عمرى علية مجرد مارضع الحمدلله عيط شوية ونام والحمدلله مغلبنيش الله يتمم شفاة على خير
يا حبيبي الف حمدالله على سلامته العسل الصغنن بتاعك
سبحان الله جوزك سابك عشان هو مش هيستحمل امال انتي بقى موقف صعب اوي بصراحة
انا في معاذ ماكنتش عاوزة اروح اصلا وجوزي وماما هم اللي كانو هيروحو بس جوزي قال لي لا تعالي معانا وصمم اني اروح
بس الدكتور مارضيش ان حد يدخل معاه اوضة العمليات هو اخد معاذ وكان معاه كذا ممرضة وخلاص وطبعا صريخه كان جايب لاخر المستشفى
الحمدلله على كل حال
وربنا يهدي لك ابنك يارب يارب ويكمل شفاه على خير
M!ss Tuky;12738908:
ميس فاتى انا فاليوم التامن ف الشهر السابع دلوأتى
وادانى تلات حقن بتتاخد واحده كل اسبوع فيتامين b
عشان وجع الحوض وعندي وجع ف الحوض
وادالى برشام اسمو جنبرال ده بتاع منع الولاده المبكره باخد نص قرص يوميا بس بيهبط جامد وبيزود ضربات القلب
وادالى ميجافين قرص كل يوم بعد الغدا بردو ده عشان التقلصات
كان بقالى يومين باجى فوقت النوم ووجع زى بتاع البريود كده يسمع ف ضهرى ويوقفلي رجلى خاالص وبيروح وييجي كل خمس دقايق مكنتش بقدر انام والله
حسيت بيه النهردا بردو بس الحمدلله مش اوى ومستمرش كتير
وفعلا الدكتور قالى المجهود والمواصلات والعلاقه بينزلو الراس لتحت اكتر ماهى نازله ف قالى فترة العلاج ممنوع الحجات دى
بس ف أغلب الوقت حاسه بوجع تحت او مغصه كده زى فترة ما البريود كانت بتيجي كده :((
يا حبيبتي لسة بدري على الولادة معلش هو الشهر اسلابع كده اوقات بيكون فيه تقلصات زي بتاعة الشهر التاسع بس بتعدي يعني ماتقلقيش
وان شاء الله خير ومايحصلش ولادة مبكرة ولا اي حاجة يا جميل
وابقي طمنينا عليكي
dandona we bas;12739029:
بنات يا حلوين انا حاسة ان بقى في تقل زيادة تحت اوي مش عارفة في ايه و خايفة اوي و مجاليش نوم امبارح من القلق
تاني حاجة عايزة اعرف احط ايه في شنطة المستشفى اللي هروح بيها ان شاء الله لما اولد و ابدأ اجهزها من امته ان شاء الله دعواتكم يا قمرات
و المشي لازم يكون كأني بعمل رياضة و لا انزل مثلا السوق اكمل شرا حاجاتي
دندن ازيك يا جميل عاملة ايه
ربنا معاكي يارب هو التاسع كده التقل بيزيد فيه اوي وماتقلقيش دي حاجات طبيعية وعادية يا قمر
وموضوع المشي عادي انزلي كملي حاجتك ماهو ده مشي برضو بالعكس مش لازم تمشي بسرعة او تحركي رجلك جامد كانها رياضة كده
الحركة بس مطلوبة حتى لو حركة بسيطة
والحقي خلصي كل حاجة البيبي عشان الولادة بتبقى اي وقت ف التاسع
وشنطة المستشفى بقى حطي فيها طقمين للبيبي لو مش هتباتي لو هتباتي حطي اربعة مثلا ولا حاجة
والطقم طبعا فانلة داخلية وسالوبيت خارجي لان الجو حر دلوقتي اعتقد كفاية كده او لو عاوزة تتقلي له شوية يبقى الفانلة وسالوبيت داخلي وسالوبيت خارجي وخدي بامبرز كتير معاكي لو هتطولي ف المستشفى لان البيبي في الاول بيعمل بي بي كتير وهتغيري له كتير عشان الحر وكده
وليكي انتي طبعا الفوط الصحية وفوطة عادية او اتنين عشان لو هتستحمي هناك طبعا وطقم ليكي تلبسيه بعد الولادة عشان لو حد هييجي يزورك وطقمين داخليين طبعا
قلت لك بالتفصيل اهو :D