حياكم في تجمع حوامل وامهات قطر لشهر رجب لعام 1431ه 2010م

السلام عليكم ورحمة الله وبركاته ..

يغار ..
هذا يمكن نقص كالسيوم .. اخذي كالسيوم بس اول اسالي دكتورتك ..

قطريه ..
ما راح ازيد على كلام البنات ..

الاماكن ..

الله يشافيك ويعافيك .. ما عليك شر ان شاء .. بروح ان شاء الله بس يبيه وقت ..

الباقيين ..
اشلونكم

مساء الخير عالجميع

اسمي الحنان .. الفولترين أنا كنت آخذه تحاميل عقب عمليتي يخفف ألم الخياطة واااايد زين .. وكنت بسالج فديتج شنهو ال swine flu ؟

السمكة الذهبية الله يجيرنا من شر الخدامات .. عليج بالأذكار والتحصينات دايما وما عليكم شر ان شاء الله

أم حمني .. عور قلبي ولدج أتخيله يبي يسوي حق نفسه حليب .. انزين اذا ما يتقبل الحليب في القلاص الخاص حق اليهال عطيه بالمرضاعة وقت نومه والوقت اللي يكون في البيت معاج يعني مب جدام الناس اذا ما تحبين .. أنا بنتي ما فطمتها على سنتين كانت تكسر خاطري وخليتها تشرب بالمرضاعة لين ال3 سنوات وسألت الدكتورة وقتها وقالت لي الحليب مفيد حق عظام الياهل وجسمه عطيها وقت النوم شالمشكلة .. وعقب ال3 سنوات بروحها قامت اتقبل القلاص ..


فجر أنا ضد انه يكون عند الخدامة جوال دام انه الله مكثر البطاقات ماله داعي الجوال .. والله هالجوال ما وراه الا المشاكل وحدة من خواتي اكتشفت انه خدامتها عندها جوال لا ومرة عودة عيوز بس لقت فيه صور وبلاوي انصدمت منها وخذوا الجوال وكانت تجيهم مكالمات من رياييل أكثرهم عرب وخدامة أختي ما تطلع ولا تروح مكان واختي ما تشتغل في البيت بس بعد علل لهم ألف طريقة وطريقة ملعن ما يتأمنون كلش ..وسالفة انها تطلع وعادي دام انها زينة مع عيالنا طبعا لا .. دام انها موجودة عندي أحسها في ذمتي وأنا مسؤولة عنها مالها حاجة تطلع حق ربعها ورفجانها .. احنا ما عندنا هالسوالف ..كفاية تشوف خدامات هلي وأهل زوجي ..

نور الحب .. فديتج أحس الحركة مالها خص في سلوك الطفل أن كان حركي ولا هادي بعد الولادة ..

سارا .. روحي بس ارتاحي لا تضغطين على نفسج ولا اتمين قاعدة فترة طويلة انسدحي قد ما تقدرين وما عليج شر

قطرية ما تهاب .. مادري فديتج أنا أشوفه عادي يعني أنتي مخلية ولدج عندهم وهو ولدهم بعد أمنتيهم عليه مافيها شي اذا خذوه معاهم هم أكيد يخافون عليه ويحبونه وشايفينه ولدهم مب عند حد غريب هم في النهاية عماته فديتج .. يعني مادري حطي مثلا خواتج مكانهم بتزعلين لو خذوه معاهم .. ترى الرجال بعد يزعل هذيله هله مهما كان .. عادي حبيبتي لا اتضايقين وبتصير حساسيات مالها داعي هم ألحين هلج بعد.. أنا عمات بنتي وأعمامها ياخذونها ما أزعل .. أمس مثلا أنا كنت نايمة الظهر وقمت لقيت بنتي رايحة مع عمتها ما زعلت هي في النهاية عمتها حسبة أمها .. أكيد شافوج تعبانة ما راح يتصلون لج ..لا تحطين في خاطرج شي ..

الأماكن .. اسمله عليج حبيبتي .. أسأل الله العظيم رب العرش العظيم أن يشفيج ويعافيج .. لا اتضايقين اقري آية الكرسي والمعوذات وانفثي عالمكان نفسه واقري سورة البقرة مثل ما قالت وحدة من خواتي انتي اقريها في ماي عادي أو زمزم واغسلي المكان واشربي منه مع الدعاء .. وان شاء الله ما عليج شر ,, لا تخافين أنا صاد رفيجتي من فترة نفس الشي وقالوا لها من التفكير والنفسية التعبانة كانت تمر بظروف صعبة بس الحمد لله سووا لها علاج طبيعي وراح عنها .. ما تشوفين شر كله أجر ان شاء الله ..

يغار الحلى .. ما عليج شر ان شاء الله .. عادي يجيج الألم ألحين أنا يوم كنت في الرابع جاني هالألم واستغربت كنت أقول تو الناس عالثقل رحت طواري العمادي كتب لي الدكتور كريم اسمه Tabiflex cool مكتوب عليه يسكن الألم ويخفف التورم ومضاد للالتهاب وسألت الدكتور ما منه ضرر لأني أنا بعد خوافة أخاف أستخدم أي شي قالي لا هذا كريم يخفف الألم وما يضر كلش ..وبالنسبة للفيتامينات أنا كنت آخذ الفوليك أسيد في بداية حملي ومن دخلت الخامس دكتورتي في الولادة قالت لي من الخامس تحتاجين كالسيوم وفيتامينات أكثر وبدل ما أكتب لج 3 ولا 4 أنواع وتكون ثقيلة عالمعدة بكتب لج حبة وحدة تاخذينها عقب الفطور بساعة يوميا تحتوي على 7 فيتامينات في حبة وحدة كالسيوم-مغنيسيوم-فوسفور-حديد-نحاس-منغنيز-زنك بصراحة ممتازة ولي ألحين أستخدمها قالت لي الدكتورة استخدميها لين الولادة اسمها elevit وخذتها من الصيدلية ..

روح قطر .. فديته وليدج عور قلبي اسمله عليه انتبهي له وماعليه شر ان شاء الله