حياكم في تجمع حوامل وامهات قطر لشهر رجب لعام 1431ه 2010م

اللي تبي تطلب توزيعات للقرنقعوه
هذي وحدة توني اشوف فلكرها اسمها Lam3t.almas

لولو

http://forums.3roos.com/showthread.php?t=479506

دح دح

انا ما اشتطيت وسويتهم بنفسي الا لان العدد شوي ههه... بس 15
ما عندنا يهال هناك..

الاماكن

سلامتج وما تشوفين شر ان شاء الله



هتان

مشكورة حبوبة

دح دح

يمكن ذي نفسها اللي كلمتيها!
لان سعرها نفس اللي قلتيه

اي والله يا روح .. الله يهديهم يعني المفروض تراعي لو حد بياخذ كميات كبيرة ..
تقول اذا درزن الحبة ب 40 !! يعني 5 ريالات فرق !!
يالله الله يبارك لها و يوفقها

لولو :
نفس الفكرة هذي كانت مسويتها حماتي حق امها و ام ريلها ..


موزان :
مادري اذا هي باشيك الحين ..
و انا احتاج حول ال50 حبة اذا مب اكثر

برب

بروح ادور لي اكل ههههه

موزان :
لا طلعت وحدة ثانية ..

http://forums.3roos.com/showthread.php?t=547181

مزمز
يسلمو بشوف متى اتفرغ واسويه
اليوم غيرت للشوش سويت ستيك لحم مشوي مع خضره مشويه وبهرتها بملح وفلفل وشويه صويا سوس ..ماكلت الا الخضره وشوي بعد
قطعت لها شوي من الستيك ماكلت منه <<تاني ماكنت اعطيها لحم وايد بعد اكثر شي سمج ودجاج


دحدوحه
ممممم بشوف لج اعتقد اني مخزنه كم فكره ا حتياط




برب

اليوم بسوي كرات الدياي < نسيت من قال عنهم امس كأنه فجر

من شوي طعمت حمود بينت بتر على توست صغير.. اعجبه

بنات حصلت موقع عجيييييييييييييييب فيه وصفات لاكل اليهال..

مســـاآآكــم ورد ^.^

مساء الخير

الصبح انشغلت لين آخر الدوام .. وماقدرت أطل عليكم ولا اقول لكم برب حتى

يعطيني العافيه

:cool:

::

يــ غ ــار الـحـلــى QTR;12510784:
ام نونـا
وه وه قطعى من طيور الجنه الحمدالله افتكينـا
وعن رجلي بمر اخذ لي حبوب الكالسيوم والفيتامينات وانا راجعه

وي .. انا للحين في جبدي طيور الجنه

:'(

::

عروس فور ايفر

وحشتينا ياخي .. شفت محادثتج متأخر .. ما كنت على مكتبي

::

السمكه الذهبيه

حتى لو ارتحتي حق خدامه .. بين كل فترة والثانيه استخيري عليها .. حتى وهي موجوده عندج

وقولي دعاء العماله في خاطرج لما تشوفينها ..

واذا فيه شي بتعرفينه

وترى ماله خص في الجنسيه .. كلهم وصخات وعلل

بس شر لابد منه

::

أم حمني

ليش تبين تفطمين حمني من الحين ؟!!

على الاقل خلي له رضعه وحده قبل النوم .. أحسه صغير

::

فــجر الــحياة;12511422:
بناات بمناسبة السوالف عن الخداماات ،،

شراايكم في اللي يعطون خداماتهم جواال ؟؟؟ و اللي يقولون عاادي نخلي خداماتنا يطلعون مع رياييل و يآخذون راحتهم يروحون السوق و الجمعية بروحهم و يطلعون مع ربعهم ،، أهم شي هم زيينيين معانا و مع عيالناا ؟؟؟

انا بالنسبة لي محتاره اعطي خدامتي جوال و الا لا ؟؟ خاايفة تآخذ وااحد من ورااي ،، لان خدامات هلي حصلنا عندهم جوالات ماخذينهم من عند الخداماات يوم يروحون المدرسة يجيبون خواتي ،، تخيلواا ؟؟؟

والله الخدامه اذا تبي جوال .. يتطلعه من وراج .. فتكونين تعرفين من البدايه أحسن من تطلعه وانتي ياغافلين لكم الله

واللي يبي يتخرب .. يخترب بجوال وبدون جوال

::

دلوعت حبيبي;12511522:
ماميز انا ان شاء الله مساافره باجر للحسا وما ادل شي هناك فيا ريت اتقولون لي شنو المحلات الزينه اللي فيها ملابس للبنات سواء للقرقيعان او للمناسباتF:

ملابس القرقيعان ماعرف ..

بس شارع الماجد / العثيم مول / مجمع البستان .. فيهم شغلات حلوه ..

والله يحفظكم ان شاء الله

::

% sara %;12511541:

لولو قطرية :
مايشوف شر زوجج ، يمكن من البهارات والسبايسي ، الرياييل يحبون يتدلعون علينا مثل مااحنا كل مامرضى نتدلع و9 شهور الحمل واحنا في قمة الدلع
يستاهل بو نونا تعطينه ويه يومين ههههه

الشر ما يجيج .. وعلى قولتج .. يستاهل ندلعه يومين ..

عاد هو طلع الحين .. ممكن ربعه يدلعونه .. ولين رجع في الليل انا ادلعه

:o

::

قطرية ماتهاب

انا اشوف ان الموضوع ما يستاهل هاي كله .. وفي النهايه هذول جدته وعماته

ومثل ما قالت لج وحده من البنات .. لو امج ولا اختج .. ما راح تعصبين جذي

ولا تخافين على وليدج وايد .. ماعليه شر لو طلع ولا راح مكان

::

الاماكن

أسأل الله العظيم رب العرش العظيم أن يشفيك

ماعليج شر ان شاء الله .. كثري من الاستغفار .. والصدقات

::

فــجر الــحياة;12513951:
بناات ،،

بشنو تغطون اذاني عيالكم وقت السبوح،، خايفة على اذن بنتي و جربت لها القطن و الفازلين و الشمع و ما نفعوا يطيحون في نص السبحة ،، معرف شسوي ؟؟؟،

ليش تبين تحطين لها شي في اذنها !!!!

من هنا ؟؟؟؟

أنا هنا

:D

الحبوب 6 حصص في اليوم=الحصه شريحه خبز ,.نص كوب رز مطبوخ او باستا
,نص كوب حبوب مطبوخه
الخضروات 3 حصص في اليوم=نص كوب خضار مطبوخه .نص كوب خضروات ورقيه
الفواكه 2 حصه في اليوم=حبه فاكهه,4\3 كوب عصير فواكهه طبيعي ,نص كوب عصير معلب.ربع كوب فاكهه مجففه
مجموعه الحليب 2 حصه في اليوم=كوب حليب .كوب زبادي .2 اونص جبن (ماعرف كم الاونص)حد يشوف لنا
مجموعه اللحوم 2 حصه في اليوم=2-3 اونص لحم احمر مطبوخ او دجاج او سمك,نص كوب بقوليات جافه,بيضه وحده,2 ملعقه طعام زبده فول سوداني





انا لو اطبق هذا على بنتي حصلها تاكل اكثر شي من الالبان والفواكه الخضروات ماتوصل نص كوب والكربوهيدرات يمكن ماتاخذ 6 حصص
خبز كلش ماتاكل واعوضه بالكيك والباستا والعيش
اللحوم =ماتاكل بيض ابد وتحب السمج واللحم

طبقوه على عيالكم



شوفوا ترا باذبحكم اذا ماعلقتوا عليه تعبت وانا اترجم خخخخخخخخخخخخخخخخخخخ

لولوه قط قط
اشحالج ام كروشه ؟؟



هيوبه
مساج ورد



مزمز
نااايس عجبتني الصور
بس ماعرفت المكونات لووول

انااااااااااا هوووووووووون

لولوه1
لولوه 2
هيووووبه
والباقوووووووووون (مسلسل مدبلج) كيف حالكن

موزاااااان
الصور عجيبه
والمواقع اعجب ...اضفتهم للمفضله (طلعتهم من البروبرتيز)