حياكم في تجمع حوامل وامهات قطر لشهر رجب لعام 1431ه 2010م

الحنان

نونه تاكل من كل شي .. بس شوي .. والصراحه انا صرت ما ادقق على اكلها .. ولا آكل في قلبي

لاني ادري مردها بتاكل .. والموضوع له علاقه بالمزاج حزات

::

لولوة الدوحه

أخبار الخير

كرشتي كبرت .. :(

::

رحت Bhs .. عندهم خصومات 70 % .. وانا كنت احسب التنزيلات خلصت

خذت بيجامات حق نونه .. بس مب حق هالعمر .. خذت لها من 3 - 4 .. وخذنا فوط .. حق ابونا .. وحق البيبي

وخذت لي بيجامتين حق النوم .. حق ما بعد الولاده

درت صوب الكفرات .. قلت يمكن القى شي يناسب حق الولاده ..

حصلت اللون اللي ابيه بالضبط .. بس قطن كامل .. ما حسسني انه كفر ولاده .. خ خ خ

وهو من الكولكشن الجديد .. قلت بدور في اماكن غير .. وان ما لقيت .. باخذه وامري لله

بـنـآآآآت نفسيتـي دآآآآون واخترب يومـي كلـه
اليوم ملكـه بنت عمـي كشخت وتمكيجت
ولبست يـوم جيت بطـلع الا مالقيت دبلـتي الجديده
وهـاي هديه ذكرى زواجـي
مع اني اقدر البس دبلتي القديمه واروح واستانس بس ماقدر
استخفيت تميت ادورهـا مالقيتها لاشعوريـا دمووعي اربع اربع
واخترب كـل شي ماوصف لكم شعوري حالياااا
مخنووقه ومب قادره اوقف دمووعي
وادري اني الحين مستحيل الاقيها وانـا بهالحاله احس اني قاعده اعفس كل شي

اتمنى احصلهـاا لاني ماراح اسامح نفسي لو ضاعت
دعـواتكم :*_*:




( اللهم راد الضالة وهادي الضالة تهدي من الضلالة ، أرد علي ضالتي بقدرتك وسلطانك ، فإنها من عطائك وفضلك)

لولوه قط قط
اصبري شوي عالملحف ..
دوري اكثر يمكن تلقين
او شوفي النت دبنهامز والا جي سي بني
وبخصوص الكرشه خخخخ كلها كم شهر وتصغر مره ثانيه ان شالله


حنونه
يسلمو
بس الشوش ما تاكل هالكميه كلها
تخمخم يمين ويسار واكثر شي صايره عالحليب
وانا مثل لولوه قطقط مطنشه بس لما تطلب حليب اخيرها تبين هاي والا هاي اذا اصرت عالحليب اعطيها

غيور
قلتيها بلسانج
مابتلقينها وانتي بهالحاله
اقري الضحى واقري اللهم ياجامع الناس ليوم لا ريب فيه اجمعني بضالتي
واقري الزلزله لا تنسينها
وتعوذي من الشيطان وسمي بسم الله وانتي ادورين وتقرين
وان شالله بتلقينها


وبالمبارك ملكه بنت عمج

يغار الحلى

شدعوه عاد تسوين في نفسج جذي ؟!!!!

بتلقينها ان شاء الله .. اقري سورة الضحى .. وان شاء الله بتحصلينها

::

لولوة الدوحه

اي كم شهر !!!! يبي لي عقب الولاده شهور وشهور

:(

::

برب عشا

لولوه قط قط
معليه بس عالاقل يخف الثقل اول ماتربين
وهالمره حاولي تسوين رياضه تشدين بطنج اذا تبين اسرع من قبل
وفيه العافيه يارب

باك

::

لولوة الدوحه

مب مستعيله .. انا ما افكر في هالشي ..

بس متضايقه ان حاليا ماعندي ثياب .. ومن يومين وديت جلابيات الخياط .. ويبيلهم 3 اسابيع عشان يجهزون

:(

لاعت جبدي من اللي عندي

والله يعافيج

ام الشوش
الله يبارك فيج عقبـال احباابج
انـا دشيت النت عشان اهدى شوي وانسى وببتدي
ادورهـااا بعد شوي ,, بس النفسيه حدث ولا حرج
واللي نرفزني وزادني ان يتصلون بتجين وبتجين !!!!
وان شـاء الله احصلها

ام نونـا
واسوي بروحي زيـاده
هي ماصارلها اسبوعين عندي وكفـايه انهـا هديه هاللي بطير عقلي
استغفر الله العلي العظيم حتى مب قادره اتذكر اخر مره وين
لبستها والا وين فصختها ويمكن مافصختها طاحت مني ,,,,
الحين بقوم اصلي لي ركعتين وبقعد اقرااا وبعدها بدور بهدااوه وان شاء الله احصلها

أم جولي

لا فديتج .. ليش جذي ؟!!

يعني روحي الملجه .. استانسي .. شاركي اهلج فرحتهم ..

وعقب دوري على راحتج

مب تتمين تصيحين .. وتسوين في نفسج جذي ..

انتي حاولي تتذكررين وين تحطينها .. يمكن تحصلينها في وحده من شناطج ..

ودوري في الاماكن اللي انتي متعوده تحطين ذهبج فيها

هذي صور من الموقع اللي قلتلكم عنه..

يغار

حاسة فيج
انا نسيت دبلتي مالت العرس في حمام مطعم..:(
لما اتذكر احس بصيح..
ان شاء الله تلقينها..

افكار من فلكر

خلاص


بطلع
تمللت بريحاتي هني ومحد يسولف



يمكن اطل بعدين

مساء الخير

فــجر الــحياة;12513951:

الأماكن ،،، ما تشوفين شر ،، أسأل الله العظيم رب العرش العظيم أن يشفيج،،، طهور ان شاء الله ،،

موزان،، نفس ريلي ،، جاب الجهاز و حطة فالمطبخ ،، ضحكني ،، من صججه و يهاوشني اذا ما استخدمته ،، يقول خلي واحد عندج و احد عندهااا ،، خخخخ ،، بس الجواال ،، نو وي خصوصا ان خدامتي القبلية سوت لها حركاات،،

لولوة ،، يمكن حاامل،، و البنت حست قبلج ،،

بناات ،،

بشنو تغطون اذاني عيالكم وقت السبوح،، خايفة على اذن بنتي و جربت لها القطن و الفازلين و الشمع و ما نفعوا يطيحون في نص السبحة ،، معرف شسوي ؟؟؟،

فيه في بوتس سدادات الأذن مالة ضغط الطيارة و السباحة لليهال .. أنا عني كنت أستخدم سدادات الأذن مالة الخطوط القطرية و تثبت

اللهم لك الحمد والشكر

حصلت الدبله بنـات وطول الوقت كـانت قدام عيني

بس من الحوسه ماشفتـه ,,, بروح اكـل لي حبه بندول صدعت من كثـر الصيـاح

غيوور
الحمد الله لقيتيها والله ان خنقتني العبره تخيلت نفسي مكانج:'(

لولوه
يسلمووو على الاماكن يا قلبي:adore:

مزمز
يعطيج العافيه:thumbs_up:

الحمدلله يغار قعدت ادعي لج من قلبي صج موقف لا تحسدين عليه

صباااحو

غيووور
الحمدلله انج لقيتيها حبيبتي
خنقتني العبرة لاني انا بعد مضيعة دبلتي :(

دلوعت حبيبي
في محل في شارع الماجد عنده ملابس قرقيعان بس ف الداااعوووس

فجر
صغري القطنة واترسيها فازليين
انا جذي اسوووي

مـرآآآآحب

أأم جـولي

حيـاتي مال الحلال مايضيع وهالله الله فيـها لا عـااااد تهمـلينهـا فـ أأي مـكان الذهب والالمـاسات والفضه لهـا تجوووري حطيها فيها :mad:

أأمممم

شخـبــاركم .. :cool: