حياكم في تجمع حوامل وامهات قطر لشهر رجب لعام 1431ه 2010م

ام حمني
صباحج عسل

ام حمني
صباحج غاردينيا

رووح +اسمى الحنااان

اخبااركم تؤبروني

مع السلامة
اشوفكم على خيرررررر
باجر نكمل سوالفنا

صباحو كروشات وماميززز؟؟

اخباركم واخبار عيالكم؟؟

حبيت اخبركم بالي مريت فيه الاسبوع الي طاف وابي انبهكم علي اشياء يمكن انكون غافلين عنها.

بنات قصتي ابتدت من يوم ماولدت في سلطان الله يحفظه جبت لي اخت خدامة بيت ابوي وهي ام لسبع عيال وكانت والله الشاهد زينه بمعنى الكلمه في حق سلطان وتعلمني على اشياء ماكنت اعرفها لانه بجري
لين يوم السبت الي راح وانا الحمدالله ما اشتكي منها ابد الا اخت زوجي اتقول انها صادتها مع ريال فالبيت المهم من هل السوالف الوضحه الله يعزكم .
وانا من يوم ماخبرتني بهل السالفه وقابضتني ضيقه ماقدرت اتحمل اكثر وقررنا انا وبوسلطان انسفرها على غفله
ويوم الاحد قلت لها البسي بنروح بيت ابوي لانه سلطان اهناك من الصبح ولما طلعنا وصلت بيت ابوي قلت لها عطيني الجوال لانج بتروحين مع سير الجوازات
المهم عهي خافت وكانت تبي اتسكر الجوال لكن انا خذته من يدها.
بوسلطان لما كان بالمطار قال لها اذا عندج شي طلعيه لانه بفتشونج تتوقعو ن شنو كانت موديه معاها كانت خاطه في جيبها مريلة سلطان زين انه هو سالها وبعدين خذ منها المريله.

المهم اليوم الثاني رحت غرفتها وقعدت افتش في اغراضها وحصلت اشياء من اغراضنا بس مب وايد منها عظر لسلطان استعمله له عقب السبوح لما امي اتسبحه وكنت اشوفه في اغراض سلطان يعني ما افتقدته
المهم من بين التفتيش لقيت اشياء توحي بسحر منها طلاسم وعشره صغيره فيها زيت وفيها اشياء وغير الله يعزكم كوتكس فيه دم ومن هل الاشياء على طول خشيناهم عشان انوديهم لشيخ
والحمدالله رحنا وقال مافيكم شي بس هي مسويه سحر صده يعني اتصدنا عشان مانكتشفها
لكن الله فضحها لانه في البيت دايم نقرى صورة البقرة.

حبيت اقولكم اتصدقون انها مافي جنسيه من الجنسيات المنتشرة في البلاد ماتدق على جوالها سواء عربية او اجنبية

حبيت الفت انتباهكم تحملوا على نفسكم وعلى اعيالكم واقروا البقرة وانفثوا في غرشة ماي واشربوا منه انتوا وعيالكم وبيتكم

ام حمني
انا بخير
بس متوهقه مع بنتي وعنادها
نفخت راسي بصياحها المستمر

ريم
ربي يحفظج لا تقطعين

السمكه الذهبيه
واااي خرعتني القصه ----شني جنسيتها؟ اتوقع اندونيسيه او فلبينيه
زين سفرتوها

هلا حبيبتي لا والله فلبينية

حسبي الله ونعم الوكيل
زين اكتشفتوا قبل لا يصير شي
وهالجنسيتين(الاندونيسيه والفلبيبينه)مهما كان تعاملهن مايقدرون يستغنون عن البوي فريند تقولين ادماااان

السمكه

الله حافظكم من شرها شنو جنسيتها وديانتها نا والله اللي عندي قاهرتني اوول ماجات وش زينها تسووي شغلها من غيير ماقوولها بس الحييين مستلعنه ماتسووي شي الا لما اقوولها ولساانها طووويل


اسمى الحنان

محد اعند من حمني اتحداااكم هههه يدخل بالمخيخ يكسر خاطري احاووول اني ماهااوشه بس ماستحمل اللي يبيه بيسويه

صباح الخير

شخباركم ؟



السمكة الذهبية

حسبنا الله ونعم الوكيل

ام حمني
ربي يخليه لج انشالله
يدش في المخيخ عاد هههههههه صعبه
انا بنتي تقضي على المخيخ ههههههههههه

انا ريحت نفسي من شرق اسيا وجبت لي سيرلانكيه عيوز مقعدتها معاي واسولف معاها
خخخ

مسا الخير
شخباركم حبايبي وشمسوين ؟؟
عساكم بخير ،،،،،،

دشيت مساع على اساس بقرا الي طافني لان طافاتني وايد صفحات ماشاء الله الا تتصل فيني ام زوجي فديتها تقولي يما اذا قاعده بمرج شوي وحشتيني خاطري اشوفج
قلت لها حياج ، مسكينه من حملت ونزل علي الدم وانا ماطبيت بيتهم ولا رحت والله ولا مكان غير العيادة مرتين ومرة بيت هلي لان ابوي كان مريض فديته
وهي متعوده علي اروح لها مرتين بالاسبوع غير غدا الجمعه مسكينه
عاد جات هي وبنتها وسوالف
يبون يطلعون الا العيايرة اليهال لزقو فيهم ، اقولها لاتودينهم بيمللونج الله يحفظهم وانتي تبين تقيلين تقول لا عادي بوديهم
والله عزوز عيار يسوي نفسه يصيح ومايصيح اقولهم باجر بتروحون مع ابوكم وامس رايحين يقولون لا لا نبي اهيء اهيء حروووني وفشلوني الصراحه
وفالاخير راحو اعرف ليش لان لااااازم بتوديهم الدكان هع
عاد ماخليتها فقلبي اتصلت في ريلي قلت له وانت راد البيت مرهم ورجعهم ههههههههه
ام شريرة هع
لا بس عشان حرام يمكن ام ريلي واوبه بيتغدون وبينامون يريحون وحتى عمتهم ....

انزين جني جني جني قلت قصة حياتي وحياة الفريج

حمني صار لي كم يووم فاطمته من المرضاعه وامس باللييل يصيح يبيها قمت وحطيت فيها شاي قلت شووف فيه نمل ورضا وسكت والحييين موراضي راح ركب ع الكرسي وخذ مرضاعته والحين يحاوول يحط حليب بودره فييه وانا اطالعه يابلفيت معصبه ><

ساره
هلا فيج
اما عيالج ههههههه يهبلون
نفس حركات هنودتي لما نكون في قطر كله لازقه عند عمتها وجدتها لدرجه اني اخاف ماتبينا وترجع عندنا

ماميز

بسألكم الحين صج اذا الياهل في بطن امه يتحرك وايد يطلع حركي واذا هادي وما يرافس يطلع هادي ؟

فجر
انا سيرلانكيتي في قطر ماعندها جوال
وبما انه احنا برا عطيتها علشان تقدر تكلم عيالها وزوجها بس
غيره لا

نوور الحب
ماله علاقه حركه البيبي في الرحم مع كثر الحركه بعد الولاده
مره قريت في موقع اجنبي مسويين دراسه عشان يحددون سلوك الاطفال من قبل الولاده

اها لان دايما اسمع ان الجنين اللي يتحرك وهو في بطن امه بعد الولادة يطلع شيطون وحركي

نور
تهنيتي باللوك وان شاء الله يوصل ابو الشباب بسلامهF:
قمر
ما عليج شر وانا كنت مثلج في حملي وعطوني تحاميل بس ما استخدمتهم كنت خوافه;)
ماميز انا ان شاء الله مساافره باجر للحسا وما ادل شي هناك فيا ريت اتقولون لي شنو المحلات الزينه اللي فيها ملابس للبنات سواء للقرقيعان او للمناسباتF:

السمكه الذهبيه :
زين الله كشفها لكم وحط في قلب ريلج يسالها
وزين طرشتيها ع غفله ،
صلو كلكم ركعتين وطلعو فلوس دفع بلا عنكم والحمدلله الله سلمكم وحفظكم ،
وصج كلنا والله علينا بسورة البقرة
انا الصراحه مانسى كل يوم ولله الحمدلله ادعية الصباح والمسا بس البقرة يبيلي اشد ع نفسي
والله يحفظنا وعيالنا واهلنا وكل المسلمين ...

لولو قطرية :
مايشوف شر زوجج ، يمكن من البهارات والسبايسي ، الرياييل يحبون يتدلعون علينا مثل مااحنا كل مامرضى نتدلع و9 شهور الحمل واحنا في قمة الدلع
يستاهل بو نونا تعطينه ويه يومين ههههه

ريم البوادي :
حيا الله فيج ونورتي ، عندج يهال ؟ حامل ؟

اسمي الحنان :
اي يضحكون ،،
من شوي متصله فيني اخت ريلي تقولي نور تصيح تبي تكلمج كلمتني ،، خلصنا ، رن مرة ثانيه الفون الا الشعب كاامل يبي يتكلم انزين يعني لهالدرجه وحشتكم ههههههه
لا الحمدلله انا صج يروحون وياهم ان زاروني اهل ريلي او هلي بس يرودون ويبون يردون ومايحبون يباتون بعيد عني او فبيت احد ، يحبوني ههههههه حلفي بس
فنفاسي يوم جبت البنات جنننووووني الصبيان يوبوني انا وابوهم ويا بعض
يروحون عند ابوهم يقومون نص اليل يبوني والعكس شهر ورديت عند ريلي ماكلمت 40


سؤااااااااااااااال :
انا كان ينزل علي دم تذكرون صح ؟ الحين الحمدلله من السبت الي طاف لما اليوم مافي شي ، عاد قلت اوكي مب طالعه مثل ماقلتو والدكتورة قالت
بس عالاقل قلت الخميس اروح جمعتنا فبيت يدتي _ الجمعه الغدا بيت اهل ريلي - والاثنين بيت هلي ( وبس ) عادي ولا فيها مشاكل
علما بان (( حلوووة علما كثري منها هع )) من بيتي لما بيت هلي يمكن ربع ساعه وبين بيتي وبيت اهل ريلي بيتين يعني جيران

محتااارة صج اليهال ووبوالعيال وهلي واهله مب مقصرين يجوني وربعي بس انا تمللت ابي اغير المكان يعني :( واخاف اتحسف :(

شنو تشورون علي

برررب طووووووووويل