... تجهيزات عرائس " ليبيا " لشهر رجب 1431 - 2010 م / الجزء = 12 ! ] ~ ‘’

شكرا وبارك الله فيك عارفة هايلة عجبنى واااجد القيتلة صور فى النت مش عااااادى فى امكنية انى نحصل رقم تلفونهم او طريقة الحجز؟؟؟ معلش سامحونى كان تقلة عليكم

F:F:F: السلام عليكم F:F:F:
هذة أول مشاركة ليا أنا ان شاء الله مخطوبة جديد
وعرسي إن شاء الله في شهر 9 طبعا انا قريت معظم ردودكم
هعجبتنى واستفدت هلبه
طبعا الى انتو مهدرزين عليه كله انا ما زال ما شريت منه شيء
وهذة مشكلة
بالصدفة لقيتكم طالبين عنوان مركز جميلة سنتر وانا لقيت الصورة قلت انزلها لكم فى الصفحة ان شاء الله تكون اول مشاركة مفيده ليكم

يا بنات من تعرف وين نلقى فستان بسيط للركبة يجى للمة اوزيارة بسيطة درت هلبة وما حصلتش اغلبهم بيزو

ميوسن;12491979:
يا بنات من تعرف وين نلقى فستان بسيط للركبة يجى للمة اوزيارة بسيطة درت هلبة وما حصلتش اغلبهم بيزو

شوفي محلات أول ستمبر في البداية أو ميزران فيه صالة مراحب وهلبا صالات

نانسي علي;12488577:

ماشاء الله روعة روعة

ان شاء الله تتهني فيهم يارب
ذوقك جدأراقي واختياراتك كثير حلوة ومتناسقة
من وين شريتيهم من طرابلس؟

ميوسن;12491979:
يا بنات من تعرف وين نلقى فستان بسيط للركبة يجى للمة اوزيارة بسيطة درت هلبة وما حصلتش اغلبهم بيزو

كم ميزانيتك؟؟؟؟

انا المدة هذة كلها اندور شفت هلبه حاجات لكن لو تحدديلي الميزانيه وكيف تبي نوعيته هل متاع سهر ؟هل متاع طلعة عادية؟

على العموم ان شاء الله نقدر انساعدك .

E=عروسة سبتمبر 2010 ان شاء الله]كم ميزانيتك؟؟؟؟

انا المدة هذة كلها اندور شفت هلبه حاجات لكن لو تحدديلي الميزانيه وكيف تبي نوعيته هل متاع سهر ؟هل متاع طلعة عادية؟

على العموم ان شاء الله نقدر انساعدك .
ميزانيتى مفتوحة نبيه للمة او عزومة اصدقاء بيتية يعنى مش سهرة بشرط مش فوق الركبة

السلام عليكم
اهلين وخيتي ميوسن
عندك محلات في النوفليين جيهة صالة الفرسان عندهم مجموعة حلوة

انا شفت واحد متاع سهرة لكن يجنن الحق عجبنى وهو قصير لكن غالى بى 300

حياتي ليبيا;12481489:
حفوصة بالنسبة لمركز جميلة الحق مش مجرباته لكن في عضوة معانا مشتله وشكراته وهوا الحق من شكله يبنا نظيف وحلو لانه جديد كيف فاتح...
بالنسبة لفاطمة شعيب امشي لطريق جامعة الفاتح باهي والشارع اللي قبل الجامعة تلقي صيدلية الياسمين خشي منها وبري طول هوا شارع تراب وبعدين اول فتحة يمين بري شوية تلقي فيلا علي يمينك مكتوب عليها فيلا فاف

يا ودي يا حياتي تسلميلي إن شاء الله إنتي وكل البنات ماقصرتوش بارك الله فيكم F:

بس من العضوه اللي جربت جلسات فيه يا ريت تحكيلي فادوا بشكل كبير أو بطيء:!!:

كتبت العنوان متع فاطمه شعيب ربي يحفظك بس الفيلا إسمها فيلا فاف :study: غريب بالك غالطه يا سمحه ولا هذا هو الإسم ؟

تحياتي حبيبتي

هونداى;12490974:
صبااااااااح الخيرات على السمحات بنات كيف صار يعنى العضوات الجديدة محدش يهتم بسألتها ولة شنو سالة على المناطق السياحية فى طرابلس وانصدمت ملقتش الة ردين شكرا وبارك الله فى الى ردت عليا شكرا واجد واجد ونداء لعروسة ليبيا يرضيك هكى ....

لا لا إلا الزعل مانبوشي بيناتنا خليها على العتب بس

والله شفت سؤالك وما رديتش لأني ما نعرفش أماكن سياحيه تليق بعروسه حلوه يا للا
نمشي للمصايف العاديه حاليا مع العائله ومرات البحر طول بلا مصيف هههههه:lol:
إسمعي لو تبي الفنادق فيه حدث ولا حرج ووسط البلاد

لاكن المصايف الحلوه زي ما قالولك البنات """ممكن قالولك في تليل ""

ولو فيه مصيف في بحر تليل بري وماتشاوريش حد يهبببببببببببل هالبحر قزا وميه صافيه كأنك في جزر إستوائيه روووووووعه

وزيدي شوفي النت ;)

أسامة عمري;12491049:
ياا حياتي بالنسبة ليا فالعرس احتمال في الحوش يعني مش في الصالة لعدة أسباب والحمد لله بس :'(بنموت ونديره في صاله لاكن ماما قتلي انديرهلك زي نظام الصالة صالة متنقلة وسفرادجية وقافات مغربيات ولما قتلي ع العشي قتلها خلاص الحوش يبي امسقس يعني أرز أو رشدة كسكاس ومعاه حاجتين حارات وسلاطه عربية بس
وانشاء الله في أعراس اخواتي نديروا في الصالة :)

ربي يتمملك علي خير يا عسوله

والمهم الفرحه في قلبك مش مهم صاله ولا حوش يا حبيبه

بالك حتى في الحوش تحسي بأجواء عرسك حميميه أكثر وتحسي طلعتك من حوش بوك :thumbs_up:

Hayela;12491324:
حبوبة سامحينا عندك حق :worn_out:

بالنسبة للسياحة .. عندك صبراتة منتجع دار تليل رهييييب

والقربولى قالوا فتح فيها منتجع اسمه عطايا على ما اضن قالوا رهييييب ينفع لشهر العسل

وحتا مصراتة حلوة للسياحة وتقدروا تمشوا بالطيارة طول غادى ..

:worn_out:

==========

طرابلسية حبوبة والنبى اعطينى النعتة متاع نجاة النجار:thumbs_up:

نفس السؤال لطرابلسيه تعالي انعتينا يا حبيبه :o

اتصلت يا هايله باللي دير في الكيراتين وقالت راجعه بعد رمضان على طول والحمد لله نلحقوا إن شاء الله :D

حفوصه;12493605:
أهلا آنستينا يا سمحه

وأني زيك قاعده كيف قلت بسم الله

ربي يتمملنا كلنا علي خير

وبارك الله فيك عالنعته :thumbs_up:

ربي يتمملك على خير ان شاء الله وبارك الله فيك على ردك

انا حسب ما يشكرو فيه المركز عجبني
لكن ما زال ما زرتاش كان فيه وحدة منكم زاراته ممكن تقولى شنو احسن الحاجات فيه
وشنو مميزاته وبصراحة وخيتكم ما تفخكش هلبه فى الحاجات هذة^o)
لكن خاطري نطلع عروسة قنينة لى راجلي:adore: بالله ساعدوني:o

نرجس الشرق;12420481:
بصدق انا انتعامل مع عوين الي في شارع جمال عند المعهد الاداري راه بصدق هما ايقولوا الفواح ارخص منه بس لاني هضا نعرفه و يعرفني و الحاجة الي تنفع ايقولي عليها و الي ما تنفعش ما ينصحنيش بيها و يبدلها ليا طول هضا عليش انتعامل امعاه بس ما رديتش علي سؤالي شن رايك فيه العطر او ما جربتيشي ...

العطر هذا حلو بس صيفي صح زي ما قالك صاحب المحل مش متاع عرايس لانه مش قوي هلبه هو هذا كان قصده فيه منه نفس الباكو لكن مش مرسوم عليه الوردة هذاكة الشتوي هذاكة مش عادي وريحته قوية وبصراحة مميز . انا يعجب فيا هلبه

مساء الخير يا عروسات

بالله نبي نسألكم على أحسن مكان لتأجير الفيلوات :o

مشيت اليوم وهادي أول طلعه لبروكار والمشيرقي في النوفليين

بس اممممم:-#
قاعد ما عجبني شي أنصحوني تربحوا

وفيه لقطه تانيه خلتني نخمم مشيت لفاطمه شعيب وقالونا الفيلو ما يلتبسش في المحل زعما الواحد كيف يدير حسيتها بايخه تروح بلاه العروسه
عجبني مكياج العرايس اللي غادي بس قالولي مكياجها ستايله قديم في الظلال شن رايكم نزيد نشوف سهى أو ناديه
وبالله اكتبولي عنوان نجاة النجار :|

هي سلامات للكل

وفيه مدام رفيعه فى سوق الجمعه وفيه بشرى الى فى بوسليموانشالله نكون افدتك وربى يكملك بخير

سؤال المخالفة:سؤال تاني بخصوص العشي من دايق الحار متع معمل الف ليلية وليلة؟؟؟

شن رايكم فى معمل الف ليلة وليلة العشاء متعهم

مش فاهمة قصة سؤال مخالف بالزبط لاني جديد وحسيت فيها فكرة على العموم انا سؤال هو
انى سمعت عنوحدة اتدير في عشاء فى شارع اول سبتمبر قالو مش عادية ممكن لو اى وحدة منكم تعرفها او سامعه بيها
تساعدني خلى نمشو نشوفها ونجربو العشاء متاعها

بنات انى اول امسين درت لمة لسلفاتى وحمواتى ودرت العشا كله واتى من الف ليلة ولية .. خديت امبطن قنين وبوريك سباناخ معجبنيش هلبا وحاجة اسمها شريحة الدجاج الملفوفة ب دينار ونص لكن حلووووة بجديات كلهم هبلوا فيها .. هى شريحة دجاج طايبة ولافينها وفسطها بطاطا وبدنججان وجبنة حلووووة .. وحتا حجمها محترم .. وخديت سلاطة مشوية حلوووة وسلاطة مكرونة بالخردل معقولة .. بصفة عامة نعطيهم 70 % على العشا بس الرز درته فى الحوش .. واسعارهم معقولة تعتبر المبطن ب 95 قرش والبوريك ب 85 قروش متاع الدجاج ب 1.50 والسلايط ب 70 قرش للنفر يعنى ..

بااارك الله فيك هايلة
سؤال المخالفة:نبي اما احسن مكان لتاجير الفيلوات وشني رايكم في الماجري؟؟؟
وكم يكلف الفيلو الجديد لو كان اول لبسة؟