... تجهيزات عرائس " ليبيا " لشهر رجب 1431 - 2010 م / الجزء = 12 ! ] ~ ‘’

سؤال المخالفة
بالله اللي يعرف رقم محل الدغري يعطيهولي ضروري اليوم

الى العروسه السمحه
من خلال معلوماتى المتوضعه نبى ننصحك فى حاجه بخصوص مستحضرات التجميل وما غير ذللك
ان تركيبه الانسان السيكولوجيه والفيزولوجيه تختلف من شخص الى اخر يعنى ممكن ان تختار عطر ويعجبنى وانت لا انى مثلا نعشق اى منتج فيه رائحه الفرواله وغير لا وهكذا يعنى حبيبتى كل مشتحضر يتفاعل مع الجسم والشخصيه وهذه حقيقه علميه مؤكد من العلماء يعنى الخلاصه
انك تمشى اتشوفى انت شنو هو المناسب لكى بدون تتدخل اى حد واهم شئ اتكونى مرتاحه معه
بخصوص جونسن النتج مشكور فعلا لانه لا يحتوى على مواد كيميائيه بدرجه كبيره .

فيرونا 25;12591778:
الى العروسه السمحه

من خلال معلوماتى المتوضعه نبى ننصحك فى حاجه بخصوص مستحضرات التجميل وما غير ذللك
ان تركيبه الانسان السيكولوجيه والفيزولوجيه تختلف من شخص الى اخر يعنى ممكن ان تختار عطر ويعجبنى وانت لا انى مثلا نعشق اى منتج فيه رائحه الفرواله وغير لا وهكذا يعنى حبيبتى كل مشتحضر يتفاعل مع الجسم والشخصيه وهذه حقيقه علميه مؤكد من العلماء يعنى الخلاصه
انك تمشى اتشوفى انت شنو هو المناسب لكى بدون تتدخل اى حد واهم شئ اتكونى مرتاحه معه

بخصوص جونسن النتج مشكور فعلا لانه لا يحتوى على مواد كيميائيه بدرجه كبيره .

صحيتي علي الاهتمام بنمشي ونشوف وربي يستر
ايه اني نستعمل في زيت جونسون وبودرة لاكن بدي لوش ما جربتش

سؤال المخالفة كيف تميزوا بين جونسون الاصلي والمقلد؟

العروسة السمحة;12592480:
سؤال المخالفة كيف تميزوا بين جونسون الاصلي والمقلد؟

ربي يعطيكم الصحة تعرفو انكم قريب سببتو في طلاقي ههههههههههههههههههه:085:
من اسبوع عرفت انو في عرس قريب في العيلة وعندي قفطان شارياته من قبل بس النص الفوقي مش عاجبني بكل:01: اللوطي يهببببببببببببببل ... قلت خلي ندور خياطة... كشمير مشغولين ومواعيدهم بالشهور خشيت نت وكتبت خياطه في ليبيا وووووووووووووووووووو لقيت روحي في تجهيزات عروس صفحة :03:

تعرفو كنت نخش على موقع عروس افكار وخبرات ومناسبات خاصة ونحكي اني واختي ياريت في زيه ليبي
وتعرفو جمل وطاح في باسطي ههههههههههههههه:093:
قعمزت اسبوع كامل لا طلوع ولا مكالمات وانتي يامرا :097: كلمة كلمة وصفحة صفحة كملت الجزء ال12 كله وخشيت على ال11 من اول صفحة للاخير :023:انوض انضم :068:ونطيب الغدي ونرجع نكعمز نبي نكمله هههههههههههه خسيت على ال10 وكملته بعدين ال9 بعدين رجعت من الاول وشطبت الاول والتاني والتالت والرابع :010: وراجلي ينقرز عليا يقولي شن اديري نقوله اهو قريب يتكم هالجزء هههههههههه بس تعبت قلت ناخد راحة ونرجع نكمل ال5 و6 و7 و8 ..... ادمنت عليكم نهار مبارك ...والله حسيت روحي نعرفكم نرجس الشرق معاها من اول بتاتها وعروس ليبيا وغادة وامونه ودايمون وهايله وعروس ليبيا ووتي روحك كاتبتلك قائمة مشتريات زعما رجعتي انتي ولا قاعده؟؟ وشوفت العرايس الحلوات يلي حطو صورهم وديموند مطلعتليش كانو حاطه شي منك؟؟؟صح؟؟؟ المهم كان بنتكلم معاش نسكت نرجس الشرق شن صاير فيها وعروس ليبيا ا؟؟
سؤال المخالفة نبي خياطة كويسة وميكونش عندها زحمة المهم اعطوني يلي تعرفوهم كويسات بالعناوين والارقام تربحو فيا اجر ....
آه نسيت:040: اول مافتح هالدويرات قالو اول حاجه عرفو بروحكم ...انا متزوجه وبعد كم يوم عيد زواجي باش تقترحو عليا اقتراحات بنسكر 6 سنين متزوجه وعندي ولد عمره 5 سنوات ...

باهي الرقيعي هذا وين مكانه وعنده خياطات ولا كيف ؟؟؟؟ واني سمعتكم كذا مره تتكلمو على بنات قنابة دلوني تربحو فيا اجر
حفوصه يلا هاتي ماعندك؟؟

Hayela;12586618:
عروسة لالالالا مننصحكش تبدى من توا لان الحق انى بعد ما وقفت منه بفترة يعتبر رجع شوية فنحس فيه مش متاع استخدام دائم بالدات انه يعتبر غالى والشيشة صغيرة يادوب متاع شهر فننصحك قبل العرس باسبوعين او تلاتة حتشوفى نتيجة كويسة كويسة بس بعد العرس مش حتقدرى تستمرى بيه طبعا هههه :worn_out: وطبعا مش للجسم كامل لان كانهادا يتم فى يوم واحد لان زى ماقلت الشيشة صغيرة ومخصصة للمناطق الحساسة .. للجسم تقدرى نفس الماركة Beesline عندهم منتج تانى بودى لوشن مبيض خاص للجسم ارخص وكبير كل ماديرى شاور تدهنى بيه الجسم كامل يوحد لون البشرة الحق هادا انى مجربتاش شخصيا بس نحسه كويس وريحته حلوة شفته عند اختى تستخدم فيه وقتلى قنين .. وهيا بيزلاين عندها هلباااااا منتجات تانية ننصح بيها العرايس .. F:

هيوله هالمنتج نلقا منه في محل زين التات اللي في الواحات أو محل تاني في الواحات سنتر وضحيلي يا سمحه

مشيت أول آمس شريت من زين اللمسه الناعمه

وشريت سحر زين والزوز والله قاعده ما جربتهم

بس يشكروا فيهم
من منكم يا بنات جرب المنتجين ولا واحد منهم

مشيت آمس لمحل رؤيا للإكسسوارات في قرقارش جنب محل الماجري للفيلوات المهم صاله كبيره وحلوا للإكسسوارات وبضاعته روعه ومميزه جدا ويجيب لحسابه من إيطاليا وأسعاره حسيتها زي أى مكان المهم ننصحكم بيه ويساعد عموما

شريت منه إكسسوارات شعر للحوش توكات واستريتشات وبروشات كريستال وأشرطه للشعر وغيره وشنطه فضي في الأسود غير نفضى توا انزلكم الصور حبوبات F:

وتعطوني رايكم

ارتحت للمحل اسلوبهم حلو

حبوبة خلودي .....
شن قصة الفيلوات يلي حطيتي صورهم ؟؟؟؟قصدك خياطة هني في طرابلس ؟؟ والنبي كان ياطه هني نبي نعرف لو بنخيط فستان سهرة زي هذا قداش يكلف ووين مكانهم ؟؟؟؟

سلمك حفوصه ويخليك يارب ....
بالنسبة لمنتجات زين اني مجربة كريم التنحيف متع السليولايت الحق مع اني مداومتش عليه بس للامانه مفعوله باين على السليولايتويلا جربو وقولونا خصوصا اللمسة الناعمه بجد تلزمنا ....
خطرها نبي نقول للبنات على تجربتي مع الة نزع الشعر ..... بنوتات ياليت متحطوش امل كبير انك تستعملوها في المناطق الحساسة لانها واعرة اوعر من الحلوة اني الحق نستعمل فيها في رجليا وايديا وتحت الابط بس المنطقة الحساسة نستعمل في الحلوة ....ودير بالكم لما تبو اديروها في ظهركم واكتافكم جربوها قبل المناسبة في الوسع لانو اني مرة درتها في كتوفي وظهري مع انه زعب بس ناض ظهري وكتافي كله حب من غير روس احمر وكبييييييير تصورو معاد تحملت عليه حتى سير الستيان ومصارش حتى من المناسبة .... اكيد كل بشرة بشكل بس حطو هالاحتمال باش متنصدموش زيي

queen of ice

مرحبتين بيك سلمها حافظة الاسامى كلها هههههه :thumbs_up:
بالنسبة لبنات قنابة الصراحة خياطتهم رووووعة بس مياخدوش تنقيص الا كان العرس بعييييد مرات ياخدوك .. بس لو خياطة قفطان ممكن ياخدوك لو العرس بعد رمضان بس توا اضنى فول خلاص .. ومكانهم فى حى الاندلس فى زنقة متاع محل اللؤلؤة للمكياج لو تعرفيه .. تخشى من الزنقة تانى او تالت حوش على اليمين يجيك زى البوتيك الصغير بابه حديد .. واضح لما تشوفيه انهم خياط ..
وكاانا مخدوكش برى لعفاف الحمرونى فى السياحية مقابل مغسلة البر .. قريب من مانقو وماركس اند سبنسر ..

فيرونا 25;12597895:

انى من عرفش واجد لكن سمعت على واحد اسمه وليد الريقيعى

هايله عنده معلومات عن الخياطين
بس انى عندى ملاحظه احيانا الخياطه اتكون حظ فختارى خياط شاطر وتفصيله حلوه

بالنسبة لوليد الرقيعى زبطته يا فيرونا ومكانه بجنب خنجى متاع العبايات فى حى الاندلس وهوا مصمم معروف وغاااالى اسعاره تبدا من 250 لابسط موديل واركب فوق .. وانى الصراحة معمرى خيطت عنده لانى منحبش نمشى لخياط يكون راجل مرا احسن من رأى ..

حفوصه;12598652:
هيوله هالمنتج نلقا منه في محل زين التات اللي في الواحات أو محل تاني في الواحات سنتر وضحيلي يا سمحه

هوا المنتج من مش من منتجات زين بس يبيعوا فيه فى نفس المحل اللى يبيع فى منتجات زين .. فى مركز الواحات :p

وحفوصة قداش اسعاره المحل متاع الاكسسورات

سؤال مخالف .... عيد زواجي قرّب ومخططه لليلة مصرية وصيت على جلابية زي متع نانسي صح مطلعتش زيها لونها روز في الذهبي ماشي حالها مع ربطة شعر .... يلا نبي افكاركم لعيد زواجي ونبي تشوروا عليا بهدية بحدود 45 د ؟

تفضلي زورينا كوين ف اللمه
http://forums.3roos.com/showthread.php?t=542244&page=347

Hayela;12598875:
هوا المنتج من مش من منتجات زين بس يبيعوا فيه فى نفس المحل اللى يبيع فى منتجات زين .. فى مركز الواحات :p

وحفوصة قداش اسعاره المحل متاع الاكسسورات

حبيبتي شكرا للإهتمام
ربي يجعل نصايحك في ميزان حسناتك

بالنسبه لمحل الإكسسوارات أسعارة في التوكات وحاجت الحوش ممكن تكون أغلى من باقي المناطق خارج قرقارش بنص دينار أو ربع والله ما قارنت بالزبط بس حاجته مميزه وعنده تنوع كبير لأنه صاله المحل
واللإكسسوارات أسعاره صراحة زي أسعار الترسانه بجنبي وحاجاته الكرستال حسيتها روعه نقصد الخراص اللي يقولو عليهم تريات هههه وأطقم الكرستال أسعار الخراص من 25 دينار
عند الأطقم ذهب أفريقي مش كله حلو والناس أذواق وأسعار الأطقم الكرستال والأفريقي من 30 دينار
الأساور والحدايد الكبار ذهب أفريقي اللي حاطهم في البترينه بجد حلوات وأسعارهم من 20