... تجهيزات عرائس " ليبيا " لشهر رجب 1431 - 2010 م / الجزء = 12 ! ] ~ ‘’

سؤال مخالف:
العربة امتاعت العروس اللي يحطو فيها في الشوكلاتة وين نلقاها؟؟

في محلات في بن عاشور من بداية ميدان القادسيه لاخره وفي راس حسن محلات ملابس كويسات واسعارهم معقوله وفي قرقارش مليان محلات هو واول سبتمبر نفس الشي وانت شوفي وانشاءالله تحصلي اللي تبيه
وفي محل في بن عاشور اسمه اللؤلؤة تقريبا بتاع ملابس داخليه والحاجات هده وفي مسايا في اول سبتمبر وفي المهاري وسوق التلات حتى هما حاجاتهم حلوه شوفيهم لو قدرتي يا صفاء ع.......

سؤال المخالفة:نبي محل للبطاقات الافراح؟؟؟

العروسة السمحة;12464833:
سؤال المخالفة:نبي محل للبطاقات الافراح؟؟؟

حتي اني زيك قعدة ندور...مشيت لزنقة بن ناجي لكن معجبونيش توا بنشوف افراح الشرق وانتي وين مشيتي

العروسة السمحة;12464949:
كيف حالك يا سموحة
اني ما زال ما مشيتش:D

شوفي بالنسبة لزنقة بن ناجي والله ماننصحك تمشيلها معجبونيش بكل..ممكن تمشي للمهاري والا افراح الشرق وطبعا الاحلى اغلى انتي مثلا في حدود قداش تبي البطاقة

حياتي ليبيا;12465115:
شوفي بالنسبة لزنقة بن ناجي والله ماننصحك تمشيلها معجبونيش بكل..ممكن تمشي للمهاري والا افراح الشرق وطبعا الاحلى اغلى انتي مثلا في حدود قداش تبي البطاقة

اني قاعدة ما عنديش خبرة في الاسعار لين نمشي ونشوف بروحي
بالله اعطيني نعتة افراح الشرق

العروسة السمحة;12465231:
اني قاعدة ما عنديش خبرة في الاسعار لين نمشي ونشوف بروحي
بالله اعطيني نعتة افراح الشرق

شوفي حبوبة هما في شارع المسيرة الكبرى وين مايبيعوا في الاثاث المستعمل ولو تبي رقمهم ادللي

حياتي ليبيا;12465277:
شوفي حبوبة هما في شارع المسيرة الكبرى وين مايبيعوا في الاثاث المستعمل ولو تبي رقمهم ادللي

بااارك الله فيك ان شاء الله في ميزان حسناتك
ممكن تعطيني اسعار البطاقات تبدا من كم وتوصل لا كم:D

العروسة السمحة;12465324:
بااارك الله فيك ان شاء الله في ميزان حسناتك
ممكن تعطيني اسعار البطاقات تبدا من كم وتوصل لا كم:D

هههههههه من عيوني هدا علاش سألتك انتي في حدود كم تبي البطاقة..لانه افراح الشرق غالي من 6 واركبي لكن الحق حاجة نازكة

بالله عليكم من عنده فكرة علي فرقة رحاب الشرقاوية

بالنسبة لفرقة رحاب اني عطتني رقمهم ديمو ربي يحفظها..اللقطة اللي صارتلي انه بعد مادفعت عربون قتلي الفرقة تتكون من 2 بس رحاب ووحدة ثانية ومعاهم عازف فقتلها كيف عازف هههه والله كنهدا ميجيني واحد قتلي لا العازف عنده حجرة بروحه والمشكلة انه الصالة مانعيين دخول الرجال...مش عارفة كيف ههه ملخبطة بالله اعطوني رايكم

حياتي ليبيا;12465645:
بالنسبة لفرقة رحاب اني عطتني رقمهم ديمو ربي يحفظها..اللقطة اللي صارتلي انه بعد مادفعت عربون قتلي الفرقة تتكون من 2 بس رحاب ووحدة ثانية ومعاهم عازف فقتلها كيف عازف هههه والله كنهدا ميجيني واحد قتلي لا العازف عنده حجرة بروحه والمشكلة انه الصالة مانعيين دخول الرجال...مش عارفة كيف ههه ملخبطة بالله اعطوني رايكم

مفهمتش العازف كيف حجره بروحه هو المهم بيخش

حياتي ليبيا;12465645:
بالنسبة لفرقة رحاب اني عطتني رقمهم ديمو ربي يحفظها..اللقطة اللي صارتلي انه بعد مادفعت عربون قتلي الفرقة تتكون من 2 بس رحاب ووحدة ثانية ومعاهم عازف فقتلها كيف عازف هههه والله كنهدا ميجيني واحد قتلي لا العازف عنده حجرة بروحه والمشكلة انه الصالة مانعيين دخول الرجال...مش عارفة كيف ههه ملخبطة بالله اعطوني رايكم

عااازف :mad:
اني مرة في صالة شفت راجل خشي يحط في البانو متاعه:thumbs_down:
و بعدين خشو رجالة مش غر راجل هههههههههه لانها زفة

لالا حق شني راجل يا ريتك فهمتي قبل وهما خيرهم ما يفهموش كويس
قبل لا ياخدوا العربون:mad:

السلام عليكم ورحمه الله وبركاته

الـــرجاء مـن العضـوات التكرم بالألتزام بقوانين التجهيزات حتي

يكون الموضوع مرتب وذات قيمة ومرجـع لكل البـنات

الرجاء عدم رد الردود الجانبية التي لا تحتوي ع سؤال أو رد يخص تجهيزات العروس

وفي حالة عدم تقـيد بقوانين وتكثر حذف الردود ستم حجب القسم ع العضوة التي تخالف

في امان الله

بنات ما رديتن عليا عاد بخصوص الارواب بعدك انا الملابس الداخلية كلهن لميتهن و درتهن في سلة سعف و غلفتهن بغلاف شاش مرشوش حلو شن اندير والارواب ايعلقوهن ليا و الله في الباكوات استر و مرات الواحد ما يستعملهن كلهن فيقعد بيعطي هدية روب او حاجة ..... فسرلي يا بنات معش عندي وقت لانه بنفرش قريب ان شاءالله ....عارفة انه في قدرك كبير و حفوصة ردن بس نبي تفاعل اكثر...

بنات شوفوا ها الأرواب أو (( كبوط الحمام ))
أخذيت منهم زوز واحد في باكوا كبير متكامل زوجي واحد ليا واحد لعمري واللون كريمي وطرفي فيه اللون الوردي المطرز وهوا سادة وكل واحد معاه منشف كبير وصغير وشبشب وصابونه وكيسه لصابونه نفش النقشه , والتاني وردي غامق شويا بروحه وركبتله شبشب متاع حوش طلع حلوا
واليوم لقيت ها الأشكال شن رايكم فيهم : ؟

اسامة عمري حلوات الارواب مبروكات مسعودات ....
قدرك كبير بنسالك ع الصابون المغربي انتي كيف تستعملي فيه و كيف شكله الي تشري فيه و منين و بكم ؟؟؟؟.

ميهام;12469026:

اسامه عمرى تعرفى انا شفت مجموعه حلوة من الارواب فى بنغازى فى محل بدايه شارع عشرين محل كبير للمستلزمات العرائس على يدك اليسار بدايه الشارع

فيه تشكيلات حلوة لاكن قلت مش امكتره منهم زوز سادات .....للي لقيتهم في طرابلس F:

مساء النور انا عضوة جديدة حابة نشارك فى لمتكم الحلوة بجد احلى صحبة نشالله ترضو تستقبلونى بينكم انا فرحى يوم 1-8 -2010 ومن بنغازى والصراحة بماا ن معنديش بسبور والجوزات ميطلعوش بالساهل فقررت انا وخطيبى نجو لطرابلس وحابين نمشو لمنتجع سياحى بس يكون فى طرابلس مش فى المناطق حبيباتى الله يربحكن فيدنى فى هل الموضوع عابية عليكن العبا على الله......