14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

الحقونى بقي يابنات بطرق حلوة لتزيين التورتة

انا عيد ميلاد جوزى يوم الخميس

ووفرت ع نفسي وجبت تورتة الشكولاته بتاعه حلو الشام دى الى هى فيها المكونات بضيف حجات بسيطة وتتعمل

بس عاوزة افكار حلوة للتزين اولا احط ايه فالنص واحط ايه ع الوش مع العلم انى مبحبش الكريم شانتيه خااالص

انا جبت كريز وجبت شكولاته خاام

اجيب ايه تانى واعمل ايه واسوى ايه :(

M!ss Tuky;12526619:
الحقونى بقي يابنات بطرق حلوة لتزيين التورتة

انا عيد ميلاد جوزى يوم الخميس

ووفرت ع نفسي وجبت تورتة الشكولاته بتاعه حلو الشام دى الى هى فيها المكونات بضيف حجات بسيطة وتتعمل

بس عاوزة افكار حلوة للتزين اولا احط ايه فالنص واحط ايه ع الوش مع العلم انى مبحبش الكريم شانتيه خااالص

انا جبت كريز وجبت شكولاته خاام

اجيب ايه تانى واعمل ايه واسوى ايه :(

بصى يا قمر الموضوع سهل خلاص مش تقلقى كدا و انتى كمان سهلتى على نفسك و قتعتى نصالطريق

بصى انتى جهزى الكيك عادى خالص زى ما مكتوب على العلبة بالظبط

و سبية يبرد على الاخر قبل ما تشتغلى فية


يعنى مثلا اعملى الكيك بالليل على الساعة 9 كدا هو مش بياخد وقت خالص على فكرة اخرة ساعة الا ربع الكيك الجاهز دا او اقل كمان حسب الفرن

المهم تعملى الكيك و تطلعية من الصينية و تلفية بورق فويل او البلاستك وتخليها فى التلاجة لحد الصبح

تصحى بدرى و تجهزى التزييين

بما انك مش بتحبى الكريم شانيتة فطبعا حتعملى التورتة بالشكولاتة


الشكولاتة الخام حتسيحيها على حمام بخار مع كوباية لللبن لما تسيح الشكولاتة تحطى كوباية سكر كوباية صغيرة و زبدة المقادير بقى حسب الكمية بتاعت الشكولاتة بس بالتقريب كدا لو الشكولاتة 200 جرام يبقى كوباية لللبن و كوباية سكر و 3 ملاعق زبدة طبعا زبدة حلوة مش مالحة و ملعقتين اكل نشا و النشا تكونى مدوباها فى شوية للبن قبل ما تحطيها على الشكولاتة علشان مش تكلكع و تقلبى بسرعة علشان النشا مش تكلكع و كل دا طبعا على نار هادية


يعنى انتى لما الشكولاتة حتسيح حتنقليها على نار هادية و تعملى اللى قلت علية يا قمر

بس لازم تزودى للشكولاتة حاجة تخليها تقيلة و تعرفى تزينى بيها

ممكن تحطى قشطة فى قشطة بتتباع فى علب كدا هى دى جبيها و حطيها على الشكولاتة

علشان تخليها قوامها تقيل

و بس كدا حيكون عندك شكولاتة جاهز للحشو و التزين

و بعد ما تزينيها تخليها فى التلاجة لحد وقت التقديم واهم حاجة تقعد وقت طويل علشان تجمد و مش تكون سايحة

و الموضوع دا حيفيدك كمان فى طريقة التزين

انا شارحة فى كمان كل حاجة بالصور

http://forums.3roos.com/showthread.php?t=515194

اة و نسيت اقولك جيبى كمبوت خوخ او اناناس

اانا بحب الاناناس مع الشكولاتة جداا

لؤلؤه يا قمر تسلمى يااارب

بصي انا فهمت لحد ما اسيح الشكولاته فحمام بخار دى انا عارفاها

نقطة البن والسكر والنشا دى معلش عيديهالى بالبطئ عشان مش فاهمة

ودى وظيفتها انها تتقل الشكولاته عشان تبقي ماسكه نفسها اكتر وانا بحطها ع الكيكة ؟

M!ss Tuky;12526918:
لؤلؤه يا قمر تسلمى يااارب

بصي انا فهمت لحد ما اسيح الشكولاته فحمام بخار دى انا عارفاها

نقطة البن والسكر والنشا دى معلش عيديهالى بالبطئ عشان مش فاهمة

ودى وظيفتها انها تتقل الشكولاته عشان تبقي ماسكه نفسها اكتر وانا بحطها ع الكيكة ؟

ايوة يا قمر علشان تخليها تتقل طبعاا

بس اهم حاجة انك تعملى الخطوات دى على نار هادية دا بعد ما تسيح الشكولاتة تنقليها على حلة و تحطى اللبن و الزبدة و القشطة و السكر و النشا


1_ تسيحى الشكولاتة على حمام بخار

2_ بعد ما الشكولاتة تسيح تنقليها على حلة تانة صغيرة و تحطى بقى اللبن و السكر و القشطة و الزبدة لما كل دول يتخلطو كوووويس و كل حاجة تذوب تحطى النشا فى الاخر و تقلبى بسرعة و اول ما حتغلى حتلاقيها تقلت و تسبيها تبررررررررررد خااااااااااالص قبل ما تبدأى تحشى الكيك و تزينييها

3_ تزينى الكيك بالشكولاتة من جوة و من برة كمان و على الجوانب

و اللينك دا حيفيدك يا قمر


http://forums.3roos.com/showthread.php?t=515194

فهمت يا لؤلؤه انا بس مكنتش عارفه ايه هيتحط ع ايه

يااارب يخليكي يا قمر جزاكى الله كل خير

M!ss Tuky;12527073:
فهمت يا لؤلؤه انا بس مكنتش عارفه ايه هيتحط ع ايه

يااارب يخليكي يا قمر جزاكى الله كل خير

جزانا واياكى يا قمر

و شوفى اللينك بقى

هيييييييييييييييييه الصور صغرت ودى اول صوره
مكرونه بصوص المشروم

وده فينو محشى جبنه وريحان وبقدونس



ودى عجة


ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحشستووووووووووونى

الله عليكى يا شيماء ماشاء الله تسلم ايدك

ممكن اعرف طريقة العيش الفينو

shimaaafifi;12527612:
وده فينو محشى جبنه وريحان وبقدونس



ودى عجة


ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحشستووووووووووونى

الله عليكى يا شوشو تسلم ايدك يا قمر وانت كمااان وحشتينا اووووى
بس سؤاااااااااال العجه بتحطيلها دقيق ولا لا قوليلى الطريقه بعد اذنك يا قمر

سوسى تسلم ايدك على الكبسه حلوة اووووى بجد هعملها بكره ان شاء الله وبلحمه ضاانى بس جوزى انصح من جوزك عشان انا مكنتش بحبها نهاااااائى وهوا حببنى فيها وندم بعد كده انى حبيتها :lol::lol: :lol::lol::lol: بس ابقى حطى بقا قرن فلفل اخضر هديديها طعم خرافى بجد انا بعملها زيك بس بالبهارات الصحيحه بس هجرب المطحونه كمان وهشوف الكبابه الصينى دى عندى هنا ولا لا
فى ايه تااانى اه كنت قريت فى مشاركات قبل كده يا بنات ان البشاميل بتاع المكرونه غير الازنيا الاولانيه بيتحطلها بيض والتانيه لاا انا فى الاتنين مش بحط بيض نهااااائى بحط يا اما قشطه او كريمه وساعات جبنه رومى مبشوره وموزاريلا مش على الوش لااااا قبل ما اطفى على البشاميل بدقيقتيين بس بيبقا رهيييييييييييب بجد وبعمله عااادى بالمعلقه بتاعت التيفال والحمد لله مش بيكلكع خاالص بس بقلب كتييير ومقاديره بالتقريب معلقه زبده او سمنه بحط عليهم معلقتين اكل ماليانين دقيق هوا المفروض معلقتين سمن بس انا بقلل واقلب لحد ما يبدا يصفر وانزل عليه بكوبايتين ونص لبن ومكعب ماجى وملح وفلفل ومعلقتين تلاته قشطه وافضل اقلب لحد اطلع المعلقه وامسح بصباعى على ضهرها مكان البشاميل اللى فيها لو الخط اللى مكان صباعى قفل تانى يبقا لسه شويه لو فضل زى ما هوا نضيف مجاش عليه بشاميل من اللى على الناحيتين يبقا كده تمااام لو هحط جبنه بحطها وقلب تقلبتين واطفى والكميه دى لصنيه صغيره يادوب اربع حتت كبار ليا انا وجوزى بسسس

وعاوزة اعرف مين اللى قالت اننا نحط فاحمه مع البابا غنوج بجد عبقرييييييييه :study:مش فاكره مين بالظبط بس مش عشرتى معاكوا يا سوسى يا نانى الافتاكسه دى متخرجش الا منهم وجامده جدااااا لما عملتها تحفه :thumbs_up: تسلم ايد اللى قالتها

البنوته اللى بتسال على تزويق التورته بالشيكولاته(معلش الزهايمر واخد حقه معايا اوووى ) لما بعملها بسيح الشيكولاته مع حته زبده نونه وقشطه وبصب من الخليط دا فى النص وعلى الوش بس مينفعش تعملى بيه وردات وكده لاااا بتبقا سايحه خاالص وممكن تعملى الوردات بالكريمه هتبقا كام ورده على الوش بس مش كتيير وعلى كل ورده كريزه وممكن بدل الكريمه فى وردات جاهزه بتتاع لتزيين التورت
وعشان يبقا ختامها مسك عملت سينابووون رهيييييييييييييب وكنت اول مره اعمله بجد رااااااااااائع واخدت الوصفه من صحبه طيبه كنت قاعده بتفرج وقمت عملت معاها بس بجد رهييييييييييييييب جدا والتوبينج حطيت شويه بالكريمه وعليها قشطه وسكر ومكنش عندى كيري وشويه تانيين بالسكر البودرة بسسس وكان اخف واحلى
بسبس فى القاهره يارورو قليل اووووى لما بتدخل سالتى عليها ومش سالتى عليا زحلانه منك:'(

وحشتونى اووى على فكره

شيمو ايه الابداع دة يا قمر كل حاجة حلوة ماشاء الله تسلم ايديكي :thumbs_up:

ام عمر افندى;12527835:
الله عليكى يا شوشو تسلم ايدك يا قمر وانت كمااان وحشتينا اووووى
بس سؤاااااااااال العجه بتحطيلها دقيق ولا لا قوليلى الطريقه بعد اذنك يا قمر

سوسى تسلم ايدك على الكبسه حلوة اووووى بجد هعملها بكره ان شاء الله وبلحمه ضاانى بس جوزى انصح من جوزك عشان انا مكنتش بحبها نهاااااائى وهوا حببنى فيها وندم بعد كده انى حبيتها :lol::lol: :lol::lol::lol: بس ابقى حطى بقا قرن فلفل اخضر هديديها طعم خرافى بجد انا بعملها زيك بس بالبهارات الصحيحه بس هجرب المطحونه كمان وهشوف الكبابه الصينى دى عندى هنا ولا لا

ههههههههههه الله يسلمك يا ام عمر والله حاولت معاه مش طايقها ولا طايق ريحتها خالص هو حر بقي وفيه بنوتة خليجية برضو قالتلي علي قرن الفلفل وهاجربه المرة الجاية ان شاء الله اكيد هايبقي حلووو :thumbs_up:
فى ايه تااانى اه كنت قريت فى مشاركات قبل كده يا بنات ان البشاميل بتاع المكرونه غير الازنيا الاولانيه بيتحطلها بيض والتانيه لاا انا فى الاتنين مش بحط بيض نهااااائى بحط يا اما قشطه او كريمه وساعات جبنه رومى مبشوره وموزاريلا مش على الوش لااااا قبل ما اطفى على البشاميل بدقيقتيين بس بيبقا رهيييييييييييب بجد وبعمله عااادى بالمعلقه بتاعت التيفال والحمد لله مش بيكلكع خاالص بس بقلب كتييير ومقاديره بالتقريب معلقه زبده او سمنه بحط عليهم معلقتين اكل ماليانين دقيق هوا المفروض معلقتين سمن بس انا بقلل واقلب لحد ما يبدا يصفر وانزل عليه بكوبايتين ونص لبن ومكعب ماجى وملح وفلفل ومعلقتين تلاته قشطه وافضل اقلب لحد اطلع المعلقه وامسح بصباعى على ضهرها مكان البشاميل اللى فيها لو الخط اللى مكان صباعى قفل تانى يبقا لسه شويه لو فضل زى ما هوا نضيف مجاش عليه بشاميل من اللى على الناحيتين يبقا كده تمااام لو هحط جبنه بحطها وقلب تقلبتين واطفى والكميه دى لصنيه صغيره يادوب اربع حتت كبار ليا انا وجوزى بسسس


انا بكره البيض علي البشاميل بصراحة :thumbs_down:
بيخلي طعمه فيه ظفارة وبحسه مالوش علاقة بيه اساسا بلاش احسن
انا بعمل البشاميل زيك كدة بالظبط بس بخففه بنحبه سايل
وعاوزة اعرف مين اللى قالت اننا نحط فاحمه مع البابا غنوج بجد عبقرييييييييه :study:مش فاكره مين بالظبط بس مش عشرتى معاكوا يا سوسى يا نانى الافتاكسه دى متخرجش الا منهم وجامده جدااااا لما عملتها تحفه :thumbs_up: تسلم ايد اللى قالتها


يا كثووووفي دة انا :o
ربنا يخليكي يا ام عمر علي ذوقك بألف هنا وشفا
البنوته اللى بتسال على تزويق التورته بالشيكولاته(معلش الزهايمر واخد حقه معايا اوووى ) لما بعملها بسيح الشيكولاته مع حته زبده نونه وقشطه وبصب من الخليط دا فى النص وعلى الوش بس مينفعش تعملى بيه وردات وكده لاااا بتبقا سايحه خاالص وممكن تعملى الوردات بالكريمه هتبقا كام ورده على الوش بس مش كتيير وعلى كل ورده كريزه وممكن بدل الكريمه فى وردات جاهزه بتتاع لتزيين التورت
وعشان يبقا ختامها مسك عملت سينابووون رهيييييييييييييب وكنت اول مره اعمله بجد رااااااااااائع واخدت الوصفه من صحبه طيبه كنت قاعده بتفرج وقمت عملت معاها بس بجد رهييييييييييييييب جدا والتوبينج حطيت شويه بالكريمه وعليها قشطه وسكر ومكنش عندى كيري وشويه تانيين بالسكر البودرة بسسس وكان اخف واحلى

تسلم ايديكي طيب مش كنتي تصوري ؟؟
هو الطريقة الاساسية للتوبينج اصلا بالسكر البودرة بس ماجربتهاش ان شاء الله هاجربها المرة الجاية برضو علشان اللي بالجبنة كان تقيل شوية فعلا
بسبس فى القاهره يارورو قليل اووووى لما بتدخل سالتى عليها ومش سالتى عليا زحلانه منك:'(

وحشتونى اووى على فكره

moneta;12520482:
ازيكم ياكتاكيت هو تجمع شكله طعمه لذيذ ويجوع

مونيييييييييييييييييتااااااااااا ازيك ياموني وحشتيني موووووووووووووووووووووت

انتي فين يابنتي اخس عليكي فينك( يامضروبة ) كلمتك ههههههههههههههه

ازاي بيرو عاملة إيه؟؟

أجمل ايام العمر;12521581:
ينفع اشترك معاكم..؟؟؟

وتبتدوا معايا من الاول عشان انا ميييييييييييييييييييييح فى المطبخ و خصوصا الحلويات عشان جوزى الغلبان اللى خس النص ده من ساعة ما اتجوزنى

ازيك ياهدهود ايه دى الحمد لله لقيت حد أبيض ياورد معايا ادتيني الأمل,,, ازاي لولي؟


شيماء ايه الروعة دي عاملة العيش الفينو في البيت والله برافو عليكي بجد استغقر الله العظيم من العيش اللي بيتباع مش عارفة أكل عيش بجد

عاملاه ازاي ياشيمو؟؟

shimaaafifi;12527612:
وده فينو محشى جبنه وريحان وبقدونس

ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحشستووووووووووونى

تسلم ايدك ياقمر الفينو شكله تحفه

ام عمر

وحشتينا اوي فينك ايه الغيبه دي

M!ss Tuky;12526619:
الحقونى بقي يابنات بطرق حلوة لتزيين التورتة

انا عيد ميلاد جوزى يوم الخميس

ووفرت ع نفسي وجبت تورتة الشكولاته بتاعه حلو الشام دى الى هى فيها المكونات بضيف حجات بسيطة وتتعمل

بس عاوزة افكار حلوة للتزين اولا احط ايه فالنص واحط ايه ع الوش مع العلم انى مبحبش الكريم شانتيه خااالص

انا جبت كريز وجبت شكولاته خاام

اجيب ايه تانى واعمل ايه واسوى ايه :(

بصي مدام تورته شيكولاته يبقى زي ما انتي جبتي هو كرز من جوا ومن برا اي فاكهة تاني مش بتبقى حلوة غير ممكن الخوخ

والحشو طريقة شاهي للشيكولاته حلوة اوي بس فعلا لازم تخففيها بكريمة او قشطة عشان متبقاش تقيله اوي

والتزين من برا ممكن تديها طبقة كريمة خفيفة اوي وتبشري شيكولاته على الوش مع وردات كريمة في كل وحدة وحدة كريز زي البلاك فورست بالظبط

shimaaafifi;12527612:
وده فينو محشى جبنه وريحان وبقدونس



ودى عجة


ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحشستووووووووووونى

يا شيمو يا جامد ايه الحلاوة دي يا بنتي

وولكم باك يا قمر

تفضلوا

http://forums.3roos.com/showthread.php?t=547845

عطوني رايكم؟؟؟

shimaaafifi;12527251:

هيييييييييييييييييه الصور صغرت ودى اول صوره
مكرونه بصوص المشروم

shimaaafifi;12527612:
وده فينو محشى جبنه وريحان وبقدونس



ودى عجة


ايه رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وحشستووووووووووونى

جميييل اوي
تسلم ايدك
حلوة المكرونة

بس مش عارفة الاطباق
بتاعتك بتفكرني باطباق حد
بس مش فاكرة مين :)

شوشو ايه الاكل الجميل ده بجد تسلم ايديكى وحشتينى

بووووووووووووووسى والله بفتكرك كتير بس قلت انتى رميتى طوبته ولا ايه ؟ وشفتك ف الشات ماتزعليش دنا بعزك اوى والله لعله كان خير غيبتك وماصورتيش ليه كنت عايزة اسوووووووووف؟

ازيكم يا قمرات بجد يا شيمو وحشتينا و وحشتينا أطباقك يا قمر

معلش يا بنات عايزة تاني طريقه الكريم كرامل عشان ضاعت مني

عارفين اللي كنت خايفه منه حصل ....... يا خسارة موضوعنا اتقلب لموضوع شات و بقه عادي مع انه اتفقنا انه احنا نفضل زي ما احنا محدش يدخل أو يكتب حاجة زي الشات فيها سلام و بس لازم يكون ليها علاقه بالموضوع و الا ايه :(

ام بودي انا شايفة الموضوع زي ما هو ومفيش ولا مشاركة مفيهاش سؤال يخص المطبخ او رد على سؤال او شكر لعضوة نزلت اطبقها

ولا الشكر من غير اسئلة هتعتبره مخالف؟؟؟؟؟؟؟




غدانا النهاردة

برياني سريع







سلطة جرجير