14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

Boody we zady;12235120:
شطووووووووووووووووورة بجد تسلم ايدكي

sweet reeme;12234561:
تسلم الايادي

رورو حبيبة جوجو;12224335:
وحشتونى يابنات ادعوووووووووووووووووووووووولى انا ف كرب لايعلمه الا الله .............الله المستعان
توتا الكانيلنى حلو انك تحطى مكسرات جواه زبيب وكده او مربى او شوكليت زى ماتحبى وتسقيه بشربات بدل الصلصه بس خفيف زى الجلاش كده باين
والبنات برده هيفيدوكى

أم يـاسـيـن العسل;12227440:
بصى اللكانيلونى الحلو يبقى بدل الملح والفلفل تحطى سكر وفانيليا


وتحطى عليه دانيت شيكولاته ومكسرات وعليهم بولة ايس كريم موز وادعيلى




ربنا يفك مربك يا حبى يارب

وبلاش فتى
كانيلونى ايه اللى بيتسقى شربات يا فوزيه؟؟8o|

Boody we zady;12231441:
ازيكم يا قمرات معلش اليومين دول الوضع عندي متلخبط علي الأخر أخت جوزي الحمد لله علي كل شيئ كانت حامل بس ربنا مش أراد و طبعا موال دكتورة و عمليه تنظيف و نزيف ربنا يعفو عنها يا رب.

ناني اعملي سي فوود ايه رأيك؟ جمبري و كلماري محشي و سمك في الفرن و رز صياديه و سلطلته؟؟؟؟؟؟؟؟؟؟؟

tota_10;12238380:

دانيت ومكسرات وأيس كريم ده جواه ولا فوقه ولا ايه انا اتلخبطت :confused:



حمدا لله على سلامتها وربنا يعوضها خير ان شاء الله

عاوزة طريقه شاورما فراخ جامده جدا بس من غير زبادى
وعاوزة العيش السورى ده اللى بتتلف فيه الشاورما
ممكن :o

ام عمر افندى;12230891:
بصى يا نانى بصراحه انا مش بحب اقلى فى اى عزومه اكون فيها تعبانه يعنى بخلى شغلى كللللله على الفرن بيبقا اريح ملييييون مره بجهز كل حاجه من بالليل عشان تانى يوم ابقا فايقه للناس
انا بعمل مكرونه بالبشاميل وبجهزها من بالليل وبتبقا زى الفل تانى يوم وبعمل صنيه فراخ فى الفرن برضوا بجهزها من بالليل وعرق فليتو بربطه واحط عليه بهارته والتوم واسيبه فى التلاجه على السوا بسسس يبقا كده عندك مكرونه وفراخ ولحمه وممكن لو عاوزة تزودى اعملى التوست بالفراخ بتاعتك شكلها تحفه بصراحه لو هتعملى شوربه حمرى اللسان عصفور من قبلها بيوم برضوا وسلطات بقا عندك فتوش وتبوله وسلطه يونانى بس دا كله بقا هيبقا فى يوم العزومه مش هينفع تعمليها من قبلها بيوم وايه تانى ايه تانى وممكن لو عاوزة تزودى اعملى التشيكن رولز اللى عملتيها قبل كده برضوا وبالنسبه بقا للمقبلات ممكن تحشى عينه الباف بسترى اى حشوه وعلى الفرن وصدقينى هتبقى مرتااااحه جدا يعنى حتى لو عملتى تشيكن رولز هيبقا هوا دا بس اللى هتقفى عشان تقليه والسلطه وانت قاعده هتعمليها عقبال لما الاكل يستوى والعصير مفيش احسن من الجاهز وممكن تزودى بيتزايه برضوا مش هتاخد حاجه عشان الاطفال وكيس شيبسى مب برا برضوا ويبقا تمااااااااااااام اوى كده وكتر الف خيرك صراحه انا بقا فى عزومه شيله همها من دلوقتى ل32 فرد هههههههههههه واحتمال يبقا فى زياده ودا اساسى طبعا بس مش دلوقتى خااالص لسه كتييير لما اجهز شقتى ههههههههههههههه على فكره ال32 فرد دول هما اخوات 3 بنات و3 رجاله بازواجهم وزوجاتهم وعيالهم ههههههههه هما دول اللى جم ساعه قرايه الفاتحه وكانت ليله هههههههههههههههههههه شويه شويه كنا هنفرش طرابيزات فى الشارع ههههههههههههههههههههه

Boody we zady;12231441:
.

ناني اعملي سي فوود ايه رأيك؟ جمبري و كلماري محشي و سمك في الفرن و رز صياديه و سلطلته؟؟؟؟؟؟؟؟؟؟؟

أم حموودى القمر;12240832:
ام بودى ممكن طريقة الدونات لو سمحتى

ناني فيبس;12238793:
مرسي اوي يا بنات على الاقتراحات




فعلا انا كل عزومة بعمل معظم الاكل من قبلها بيوم

وانا عملت كدة فعلا المرة دي

وربنا يعينك في العزومة دي 32 ماشاء الله

انا اكتر عدد عزمته كان 25 وبصراحه اخترت كل الاكلات السهله جدا وفعلا معظمها صواني عشان يقضي وافضل انا عايشه هههههههههههه




بصراحة انا مش بعمل سي فود في البيت خالص غير نادرا وعلى طول بناكله برا جوزي مش مقتنع ان الاسماك والجمبري بيتعلوا في البيت هههههههههههه




انا يا بنات قررت ان شاء الله السفرة تكون كالتالي


رز بالشعريه

ملوخيه

مسقعه باللحمة المفرومة

صينية محشي كوسه


بيكاتا

تشكن رولز طبعا بتاعت ام بودي :thumbs_up:

سمبوسه


وعملت جيلي بالفراوله وجيلي بالموز للبنات الصغيرين

وبيبسي وعصاير

والحلو عندي دستيتين دونتس من العزومة اللى فاتت مع اللى هما هيجبوه

وفاكهة

ها ايه رايكوا ؟

أم يـاسـيـن العسل;12238527:
بصى يا ستى

هتعملى الكربايه وخليها شويه تخينه اوك وبعدين لما تستوى

تحطيها فى طبق وهى سخنه وتروحى نازله عليها بدانيت الشيكولاته عشان يغطيها تماما

وفوقيها فى النص تحطى بوله الايس كيم وترشى مكسرات بجد بتبقى وهميه

انا هعملها دلوقتى


العيش السورى بقى يا ستى

كوباية دقيق عليها ربع كوباية مايه ورزه ملح وبعدين تعجنى كويس وتسيبيها ترتاح 10 دقايق وانتى مغطياها اوك

وبعدين تقسى العجينه على 4 حتت

كل حته تفرديها مدوره ورفيعه كدا وانتى راشه تحتها دقيق ماشى

وبعدين تجيبى طاسه تيفال تسخنيها اوى وبعدين تشيلى الدقيق الزايد من الرغيف عشان ميتحرقش وتحطيه فى الطاسه هتلاقيه بدا يعمل فقاقيع تروحى قلاباه هتلاقيه نفخ تروحى شيلاه من على النار

خدى بالك العمليه دى مابتاخدش دقيقتين يعنى ماتسيبيش الرغيف وتمشى خليكى قدامه وبس......ز

رورو حبيبة جوجو;12235471:
بنات هوا الصوص بتاع السينابون اللى هوا الدريم بيبقى صوص كده ولا كريمه
وانا عندى رز بسمتى نقعته كتير وحطيته ف التلاجه يوم ومااستخدمتوش ييبوظ ولا انفع استخدمه تانى عادى

على فكره لوووووتس وحشانى لمستها اوى ربنا يوفقها ويسهلها الصعب ويفك اى عسره عليها هيا وكل طالب
وسوسى فين وشوشو ورشروش ونووووووووووور لو حد معاه تلفونهم يطمنا عليهم
ورجاء الدعاء يابنات لاهل غزة بتخصيص اى شئ ليهم سواء كان صيام او صلاه او اوقات يستجاب فيها الدعاء او صدقه ترفع عنهم البلاء او اى شئ تقدرى عليه بس ماتنسووش الدعاء ليهم لان الدنيا تلاهى

ام عمر افندى;12242450:
طريقه شرحك يا بسبس تفتح النفس والله ومش عارفه ليه متخيلاكى معديه 100 كيلو مع انى عارفه انك 45 بس ازااااااى معرفش :mad: ههههههههههههههه
كنت عاوزة اسالك على حاجه بس نسيت لما افتكر هقولك :worn_out:

أم يـاسـيـن العسل;12244845:
هههههههههههههههههههه اسكتى انا مقولتلكيش؟؟

مش وزنت نفسى من اسبوعين طلعت تخنانه 2 كيلو

وانهارده وزنت نفسى لقتنى تخنانه كيلو ونص

لولولولولولوللى :lol:

طيب افتكرى وقوليلى انا هنا اهو :adore:

بقلكم ايه انا عند ماما واخويا هيموت على البسبوسه وطبعا كالعاده بيستغلنى فا فكرت اعمل بسبوسه شيمو ياريت حد يقولهالى

وعايز كمان تشوكليت وافل هعملهاله لانى هموت عليها

وبابا عايزنى اعملله كيكه هههههههههههههههههههههههههه

ولسه مستنيه اشوف اختى هتعوز ايه

وامى الغلبانه هتمسكلى يويو عشان ابدع انا ههههههههههههههههههههههه

Boody we zady;12246898:
ينااااااااااااات اسكندريه حد جرب يشتري الوان الأكل ؟؟؟؟؟؟؟؟؟؟ بكام و ايه نظامها؟

om asmaa;12247100:
ازيكم وحشتونى عزومتى كانت حلوة عملت محشى ورق عنب بطريقه بسبس وكان لذيذ قوى وكمان فلفل وكوسه محشى والطبق الرئيسى باميه باللحمه وسلطه خضرا والحلو بسبوسه والناس عجبها الاكل قوى ونسفوا لاكل بالهنا والشفا ليهم