14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

نانوو
جزاكى الله خير ع الطرييقة


ام عمر
فكرة بردو والله

بس شكلى هعملهم بقى نجرسكوو خلااااص

بس بكرة ان شاء الله

لان النهاردة هناكل سمك مشووووووووى :D

tota_10;12200926:
حلوة حكايه التوم دى هجربها .. بس بلاش زبادى ده مش بحبه خالص وكل ما اشوف طريقه شاورما الاقى زبادى وانا لااااااااااايمكن احط زبادى :mad:
مشكله الفرن بقا مش هعرف احلها اصلى بشغل الشوايه وهى مالهاش درجات هى كده بس وكمان عندنا غاز مش بنستعمل انبوبه البوتجاز فتلاقى النار عاليه اوى

خلاص يا ام ياسين اشترى الشوايه دى فى جهازى وعلى ضمانتك عشان لو سحبت كهرباء كتير جوزى هيقتلنى كده:worn_out:
طب كملى جميلك بقا وقوليلي على ماركه كويسه كده ومضمونه
وحلوة حكايه الفويل دى هعملها ان شاء الله ثانك يو :D

حمدا لله على السلامه
انا فاكراكى من التجهيزات معرفش فاكرانى ولا لأ
انا طبعا مش هقدر افيدك فى الرز ده انا هاجى ايه هنا :o
انا قلت اسلم عليكى بس
وادعيلنا احنا كمان نتجوز ونيجى نقول ماتحسبوش يا بنات ان الجواز راحه:lol::lol:



ماشاء الله الطبق شكله جامد جدا
وبعدين انا لما تابعت الموقع بتاعك انا كده هتخن وانا اساسا بحاول اخس :(


عاوزة مقادير عجينه الكانيلونى بس ماتعملش عدد كبير يعنى يادوب عاوزة 8 وحدات
وسؤال كده هى المقادير بتاعتها بتتضرب فى الخلاط صح ولا ايه ؟؟

بصى يا روحى انا ماما كانت جيباها من زمان من تميمه بس انا عرفت ان مورو (صوت العيون)

جايباها من التوحيد والنور ب 100 جنيه ولما شوفت صورتها لقيتها هى هى بتاعة ماما

انا كنت هجيبها بس انا عندى مايكروويف وفرن كهربا والفرن بيعمل نفس الشغلانه فا لقيت ان معنديش مكان

بصى الكانيلونى بيضه اوك وتحطى عليها ربع كوباية لبن وتضربى مع ملح وفلفل اسود ولو عيزاه حلو يبقى تحطى فانيليا وسكر خلاص وبعدين الدقيق تحطى واحده واحده لغاية لما تحطى معلقه جوا الخليط تخرجيها تلاقيها كلها متغطيه بالخليط وتمسحى حته من الخليط اللى على المعلقه كدا وشوفى الجمبين هيضموا على بعض يبقى لسه محتاج دقيق ولو لقيتى الناحيتين زى ماهما منفصلين يبقى العجينه تمام

وسويهم واللى يفيض ببساطه شيليه فى الفريزر ولما تعوزى طلعيه يفك واستخدميه عادى

محبة_الرسول;12201495:
يا بنات الله يخليكو

عندى وركين فراخ
قولولى اعملم ايه ومع ايه ؟؟؟؟؟

هم مش مخليين

مع العلم ان انا وجوزى مش بنحب الورك

يعنى المفروض اخليهم

ردو على قبل بكرة
عشان يبقى غدا بكرة ان شاء الله

انا وجوزى بردو مش بنحب الوراك فا بعملهم فى الكبسه بيبقوا حلوين اوى اوى اوى بصراحه

lifedrop;12201889:


وكذلك ايضا عملت صلصة المكرونة بطريقة بسبس بدون بصل و توم وعجبت جوزى وكانت حلوة ايضا

الحمد لله وجزاكم الله كل خير

ثانك يو ثانك يو

يالف هنا وشفا يا بطوطه :adore:

lifedrop;12201903:
دة برضه احقاقا للحق:)
والله انتو خسرانين لو معملتوش الانشون:worn_out:
هيا بنوتة حلوة فين؟؟؟

والله عايزه اعمله بس لسه مستنيه منحة الشهر الجديد تجيلى هههههههههههه

nanoo99;12202828:
بنات عملت مكرونه البتزا انهارده وكانت تحففففففففففففففففه
بس المشكله
انها بتتهرد منى يعنى القطعه مش بكون اسكه نفسها نفسى اعرف السبب ايه.؟؟

لازم تسيبيها تبرد يا موزموزيل ;)

ام بودى
انا كنت مستنيه ردك عليا فى الكاليمارى عا
اين ردك يا اسكندرانيه
عاوزه طريقه حلوه للكاليمارى غير مقلى او طاجن
وياريت لو جربتيه محشلا

يا بنات ازيكوا

عايزة مساعدة منكوا ضروري

عندي عزومة بكرة ل 6 او 7 اشخاص منهم 4 رجاله وطفل

منهم واحد طلب بيتزا لانه كلها عندي قبل كدة وعجبته جداجدا

المهم هعمل وحدة بيتزا كبيرة نصها بيبروني ونصها سي فود

وعندي كرنبه صغيره بعملها دلوقت وهعمل شويه ورق عنب


عايزاكوا بقى تكملولي السفرة تكون ازاي واعمل ايه تاني مع الحاجات اللى هعملها دي

متتاخروش عليا لانها بكرة ولسه هنزل اشتري الطلبات

ناني فيبس;12208050:
يا بنات ازيكوا

عايزة مساعدة منكوا ضروري

عندي عزومة بكرة ل 6 او 7 اشخاص منهم 4 رجاله وطفل

منهم واحد طلب بيتزا لانه كلها عندي قبل كدة وعجبته جداجدا

المهم هعمل وحدة بيتزا كبيرة نصها بيبروني ونصها سي فود

وعندي كرنبه صغيره بعملها دلوقت وهعمل شويه ورق عنب


عايزاكوا بقى تكملولي السفرة تكون ازاي واعمل ايه تاني مع الحاجات اللى هعملها دي

متتاخروش عليا لانها بكرة ولسه هنزل اشتري الطلبات

بصى يا نانو يا روح قلبى

انتى محتاجه كدا فرخه كبيره اللى هى امهات لو تعرفيها تبقى فى وسط السفره

او تجيبى حمام لكل واحد حمامتين

او تجيبى فراخ عاديه ويا تشويها يا تسلقيها وعلى شوربتها تسوى الكرنب وورق العنب وتعملى ملوخيه
وبس

وممكن سمبوسه
وبس

والحللو بقى كنافه بالموز بس ابقى سيبيلى حته لحسن نفس فيها :D

وممكن عصاير بقى عشان الحر والاتنعاش :thumbs_up:

ام عمر افندى;12201184:
يا بنات الرز بتاع نانى حلو جداااااااااااااااااااااااااااااااااا وخفيف موت تاكلى وتحسى انك مرتاحه وهوا اساسا حاساه للرجيم
انا سلق الرز زى المكرونه بس حطيت ملح وحبهان نوووووونه اوى وفص مستكه وصفيته وسيبته على جنب وسلقت البسله وصفيتها وشيلتها على جنب برضوا وقطعت نص بصله خضرا وكرنب احمر حته نونه وكنت متبله شرايح اللحمه من فبيلها بيوم بصله وحبه خلة نوننه وصويا صوص وفص توم وفلفل اسمر وملح وحته جنزبيل فريش محترمه حطيت كل دا فى الخلاط مع حبه ميه نونننننه ولما اضربوا كويس حطيتهم على شرايح اللحمه وسويتها زى ماهيه كده من غير ولا نقطه زيت مع نفسها كده وسيبت فيها حبه صوص نونه وجبت طاسه كبيييره حطيت معلقه زيت بالعدد وحطيت عليه الرز وعليهم البسله وعليهم اللحمه وحطين حبه صويا صوص وفلفل اسمر ودوقت لقيته عاوز ملح حطيت حبه نونه وفى الاخر حطيت الكرنب والبصل وقلبت تقلبتين وطفيت بس بجد بجد دخلت مزاجى اوووووووى
ميرسى يا نانا يا قمر
توتا طعم الزبادى مش بيبان نهاااااااااااااااااااائى فى اى تتبيله هوا وظيفته انه بيطرى اللحوم او المعجنات مش بيبان طعمه خالص جربيها وعلى ضمانتى ومش هتعملى غير التتبيله دى اساسا بعد كده

بالهنا والشفا يا حبيبتي


طريقة تتبيله اللحمة بتعتك عجبتني اوي اوي
تسلم ايدك

nanoo99;12202828:
بنات عملت مكرونه البتزا انهارده وكانت تحففففففففففففففففه
بس المشكله
انها بتتهرد منى يعنى القطعه مش بكون اسكه نفسها نفسى اعرف السبب ايه.؟؟

يا حبيبتي هي عمرها ما هتمسك نفسها لان مافيهاش بشاميل ولا الصلصه هتخليها تمسك هي بتبقى كدة ومش لازم خالص تطلع قطعه على بعضها

أم يـاسـيـن العسل;12208082:
بصى يا نانو يا روح قلبى

انتى محتاجه كدا فرخه كبيره اللى هى امهات لو تعرفيها تبقى فى وسط السفره

او تجيبى حمام لكل واحد حمامتين

او تجيبى فراخ عاديه ويا تشويها يا تسلقيها وعلى شوربتها تسوى الكرنب وورق العنب وتعملى ملوخيه
وبس

وممكن سمبوسه
وبس

والحللو بقى كنافه بالموز بس ابقى سيبيلى حته لحسن نفس فيها :D

وممكن عصاير بقى عشان الحر والاتنعاش :thumbs_up:

ربنا يخليكي يا بسبس فكرة الحمام جامدة اوي لكن للاسف مفيش هنا حمام

وكنت حابه اعمل نواشف مش عايزة ملوخيه لان اكيد هعمل رز محدش هنا بياكلها بالعيش وكدة رز كتير اوي مع المحشي

ام بودي

التشكن رولز جامدة جدااااااااااااااااااا

تسلم ايدك يا قمر

اسمحيلي بكرة انا هعملها على العزومة


كدة يا بنات بقت وحدة بيتزا ومحشي كرنب ومحشي ورق عنب والتشكن رولز بتاعت ام بودي ها اعمل ايه تاني لعزومة ل 7 افراد وطفل

ناني فيبس;12208173:
ام بودي

التشكن رولز جامدة جدااااااااااااااااااا

تسلم ايدك يا قمر

اسمحيلي بكرة انا هعملها على العزومة


كدة يا بنات بقت وحدة بيتزا ومحشي كرنب ومحشي ورق عنب والتشكن رولز بتاعت ام بودي ها اعمل ايه تاني لعزومة ل 7 افراد وطفل

طيب هقولك كدا تعملى فراخ زى ما قولتلك او لحمه

لا بصى هقولك على حاجه جامده والله

اعملى صينية بطاطس بالفراخ نى فى نى بتبقى حلوه اوى اوى بجد

ممكن اقولك طريقتى لو قررتى تعمليها

او ممكن تعملى عرف فلتو ايه رأيك؟؟

اعمليه وقطعيه سلايس كدا وحواليه شيبسى

او بصى الشيف حسن بيعمل اهو بيعمل فراخ حلوه

تبل الوراك ببصل وتوم وصويا صوص ومايه وملح وفلفل وبهار فراخ وسابها ساعتين

وبعدين نزلها فى العجينه اللى مقاديرها دى

دقيق خميره وروزمارى وزعتر وخل ومايه وزيت وشطه وملح


وبيبقى قوامها تقيل


وتنزليها فيها وتقليها فى الزيت

بس شكلها حلو اوى :thumbs_up:

tota_10;12194198:


عاوزة اسأل على الفرخه المشويه اللى فى الفرن انا بتبلها واعلقها على الحامل واشغل الشوايه وأخليها تلف
بس عندى مشكلتين اولا مش بتستوى كويس هتقولولى سيبيها ساعه ونص او ساعتين ماهى دى بقا تانى مشكله
بعد ساعه الا ربع بالضبط بتبدأ تتحرق فبطلعها
فين الغلطه بقا ؟
وكمان التتبيله انا بتبلها ببصل وطماطم وفلفل اخضر وملح وفلفل اسود وحبهان
بس انا عاوزة احس انها فرخه مشويه هى التتبيله دى كويسه بس مش اللى انا عاوزاها بردو
اقترحوا عليا بقا اعمل ايه

بصى ياقمر فى طريقة بتسوى الفرجة وادعييييييييلى بعدها
هتجيبى ازازة البيبسى الازاز اللتر الكبيرة دى تمام؟وتمليها ميه لحد نصها او 3\4 مثلا وتلبسى الفرخة فيها بس تحطى تحتها صينية او ورق فويل عشان هتنقط اكييد عشان منبهدلش الفرن
وكمان تبلى الفرخة من قبلها بيوم
ومتخافيش الازازة مش هتفرقع:thumbs_up:

أم يـاسـيـن العسل;12197737:
دى الشاورما بطريقتى روعه بجد


http://forums.3roos.com/showthread.php?t=439217

تسلم ايدك يا قمر بس تقريبا انتى بسبس بتاعت زمااااااان وكنتى من اسيوط او هتتجوزى ف اسيوط او كدا؟؟؟المهم حياتك كان فيها اسيوط؟؟؟؟اصلى كنت بتابع معاكو بس فصلت فترة عشان الشغل وكدا:)

طيب ايه رأيك يانانى تعملى صينية رقاق او كوسة بشامل؟؟؟

ام عمر افندى;12205684:
ام معااااذالتشيكن رلاولز حلوة اوووة والعيش كمان تحفه انا بموت فى العيش بتاع البيت
ومادام حضرتك عاوزة تخسى وام معاذ وانا وسارة طب متخلونا نتكاتف كده ونشجع بعض لحسن انا خلاص فضلى زلته واطلع براااااااااااااااااااااااااا
حد يا بنات جرب يحط البانيه فى الفرن قولولى الله يكرمك اللى جريه كان ايه نظامه وبالنسبه للدبابيس لو عاوزة اعملها بانيه وادخلها الفرن هتنفع

انا بعمله بانيه عادى واحط على وش كل واحدة موتزاريلا وفلفل وزتونة و واحدة مشروم وجبنة رومى وبيبئى تغيييير حلو وادخله الفرن بسسس الجبنة تسييح واخرجه بسرعة

ناني فيبس;12208050:
يا بنات ازيكوا

عايزة مساعدة منكوا ضروري

عندي عزومة بكرة ل 6 او 7 اشخاص منهم 4 رجاله وطفل

منهم واحد طلب بيتزا لانه كلها عندي قبل كدة وعجبته جداجدا

المهم هعمل وحدة بيتزا كبيرة نصها بيبروني ونصها سي فود

وعندي كرنبه صغيره بعملها دلوقت وهعمل شويه ورق عنب


عايزاكوا بقى تكملولي السفرة تكون ازاي واعمل ايه تاني مع الحاجات اللى هعملها دي

متتاخروش عليا لانها بكرة ولسه هنزل اشتري الطلبات

زودى كمان صنية جلاش بالحمه المفرومة وبتهايلى هيبقى كده كفايه مع اللى البنات قلهولك كمان وان شاء الله تبقى عزومة حلوة

ام عمر افندى;12205684:
ام معااااذالتشيكن رلاولز حلوة اوووة والعيش كمان تحفه انا بموت فى العيش بتاع البيت
ومادام حضرتك عاوزة تخسى وام معاذ وانا وسارة طب متخلونا نتكاتف كده ونشجع بعض لحسن انا خلاص فضلى زلته واطلع براااااااااااااااااااااااااا
حد يا بنات جرب يحط البانيه فى الفرن قولولى الله يكرمك اللى جريه كان ايه نظامه وبالنسبه للدبابيس لو عاوزة اعملها بانيه وادخلها الفرن هتنفع

اه ياام عمر خدونى معاكم لانى كنت ماجله الرجيم لبعد الفطام وكده خلاااااااااااص مفيش حجه خالص يالا نعمل تجمع للرجيم

ام عمر افندى;12205736:
نانووو الرز اسمه فرايد رايز وبلد المنشا الصيييييييييين هههههههههههههههههههههههههههه
انا كنت فاكره ان جوزى هوا بس اللى كده هههههههههههههههههههههههه

انتى جوزك هو كمان كده اه يااااااااااااانى حتى لو اختراع لازم اسم معاه فبقيت بعد اخترع اسماء كمان بس من وراه ههههههههههههه

محبة_الرسول;12207713:
نانوو
جزاكى الله خير ع الطرييقة

:D

يالا اعملها وقولى ايه رايك فيه

أم يـاسـيـن العسل;12207791:

لازم تسيبيها تبرد يا موزموزيل ;)

والله بسبها

ناني فيبس;12208161:



يا حبيبتي هي عمرها ما هتمسك نفسها لان مافيهاش بشاميل ولا الصلصه هتخليها تمسك هي بتبقى كدة ومش لازم خالص تطلع قطعه على بعضها

اعمل ايه ينانى فى زوجى العزيز نفسه تكون القطعه ماسكه نفسها

ناني فيبس;12208173:
ام بودي

التشكن رولز جامدة جدااااااااااااااااااا

تسلم ايدك يا قمر

اسمحيلي بكرة انا هعملها على العزومة


كدة يا بنات بقت وحدة بيتزا ومحشي كرنب ومحشي ورق عنب والتشكن رولز بتاعت ام بودي ها اعمل ايه تاني لعزومة ل 7 افراد وطفل

بصي يا جميل ....... اعملي سلطة الجزر اللي انا منزلاها في الموقع و سلطة خيار بالزبادي تمام كده؟؟؟؟؟؟؟
اعملي بيتزا و تشيكن رولز و محشي و لحمة بارده أهو اللي ياكل فراخ ياكل و اللي ياكل لحمة ياكل و الأساس محشي أنا عارفه الجو حر جدا عندكم دلوقتي فبلاش حاجة تحمي علي الصدر و كمان الأكل ده مفيش فيه قلق كله نواشف و بالنسبه للأطباق الجانبيه اعملي فرايز عشان فيه عندك طفل و اعملي خبز بالتوم عشان البيتزا حيكون رائع .و الحاجات دي كلها سهله تبلي اللحمة و علي الفرن تكوني عملتي البيتزا و المحشي جاهز علي بال ما تخمر العجينة تكوني عملتي الفراخ و السلطة متحضرة في التلاجة.......... مش تنسي تصوري الحاجات

ايه رأيك يا جميل؟؟؟؟؟؟؟؟

كل واحده تقولي بتعمل البصارة ازاي؟؟؟؟؟؟؟؟؟؟؟؟

emy_alex;12207925:
ام بودى
انا كنت مستنيه ردك عليا فى الكاليمارى عا
اين ردك يا اسكندرانيه
عاوزه طريقه حلوه للكاليمارى غير مقلى او طاجن
وياريت لو جربتيه محشلا

بصي دي طريقه عباسيات في راقوده طبعا عارفاه بس شكلها جامد أنا مش جربتها بس شفت الحلقه كانت حلوة قوي جربيها
كالامارى محشى بال Sea Food

المكونات : - نصف كج كالامارى ( مسلوق).
- 200 جم لحم الجمبرى ( مفروم) .
- 200 جم كالامارى مفروم.
- 2 ملعقة بصل مفروم
- 2 ملعقة فلفل رومى مفروم , 4 فصوص ثوم , 2 ملعقة صلصة ,ملح وفلفل.
- ملعقة بقدونس وملعقة شبت.
طريقة التحضير : - نخلط الجمبرى المفروم مع الكالامارى المفروم .
- نضيف البصل والثوم والفلفل والتوابل والصلصة.
- نحشى الكالامارى بالخلطة السابقة وندخله الفرن حتى يتم التحمير .
- يخرج من الفرن ويقطع حلقات ويقدم بجوار بطاطس محمرة أو أرز.

يارب سهل;12208687:
تسلم ايدك يا قمر بس تقريبا انتى بسبس بتاعت زمااااااان وكنتى من اسيوط او هتتجوزى ف اسيوط او كدا؟؟؟المهم حياتك كان فيها اسيوط؟؟؟؟اصلى كنت بتابع معاكو بس فصلت فترة عشان الشغل وكدا:)

كل المنتدى عارف قصه حياتى هههههههههههههههههههه

Boody we zady;12209215:
كل واحده تقولي بتعمل البصارة ازاي؟؟؟؟؟؟؟؟؟؟؟؟

مش بعملها اصلا :lol:

تسلمولى كل القمرات اللى ردوا عليا
انا هرجع بالليل اقرا الردود بالراحه بس دلوقتى عاوزة طلب سريع
مش عارفه اعمل غدا ايه فى الحر ده ومش عندى فى البيت ولا فراخ ولا لحمه ولا بانيه :D
ايه التعجيز ده :lol::lol::lol:
عاوزة حاجه سريعه كويسه كده تنفع فى الحر ده

tota_10;12209946:
تسلمولى كل القمرات اللى ردوا عليا
انا هرجع بالليل اقرا الردود بالراحه بس دلوقتى عاوزة طلب سريع
مش عارفه اعمل غدا ايه فى الحر ده ومش عندى فى البيت ولا فراخ ولا لحمه ولا بانيه :D
ايه التعجيز ده :lol::lol::lol:
عاوزة حاجه سريعه كويسه كده تنفع فى الحر ده

طب انتي مش قلتي عندك ايه أصلا !!! جبنة و بطيخ و بطاطس بالبقدونس وااااااااااااااااااااااااو بحبهم قوي هههههههههههه أو اطلبي سمك مشوي خفيف عن المقلي

ناني تسلمي يا قمر ان تشكن رولز عجبتك ده أنا يشرفني انك تعمليها لو عجبتك مش تنسي الدعايه هههههههه:lol::lol::lol: مش تنسي تشوفيلي مكينة الوافل

سلام عليكم يا بنات لو سمحتم ممكن حد يقولى طريقه صوص الكراميل بتاع السينابون ضرورى الله يكرمكم