تجمع بنات مصر فى ركن العناية بالشعر الجزء17لشهر جمادى الاخر 1431

انا الايام دى من الحر والرطوبه شعرى بيقع جامد ومخنوقه اووووووووووووى بفكر اجيب لوسيون اسمه تيتان
وشامبو بروتى كير على فكره الاتنين شركه وحده وعملت بحث ع لوسيون تيتان لقيت بيشكروا فيه
اليه جرب اللوسيون ده او اى لوسيوم حلو يقولى لحسن مخنوقه جدا من شعرى وحساه جاف
انا بازن الله برضه هشترى سيرم ايفون الاخضر والبلسم اليه بيتساب في الشعر

مساء الخيرات يا بنات

بصوا امبارح

نزلت اشتريت بلسم اسمه غريب كدا ومصرى المهم انه مالهوش اى لازمه خاااااااااااااااااالص كنت هشترى كيلفن او اليفن
بس الحظ المهم هو عامل زى الميه مش ليه لازمه

واشتريت حمام كريم كارتتيه الكيس ب6.5 بصراحه استخدمته امبارح كان عادى يعنى مش مبهر
نتيجته فى العادى

واشتريت كمان كريم الشعر منك الاصفر بصراحه كويس بالنسبة لسعره وصناعته شغااااااااااااااااااااال ويقضى الغرض بشكل كويس هو احسن من برت بلس على فكره
يعنى عاجبنى فى الاستخدام

يعنى الى حد ما حاسه ان شعرى طرى سنه صغننه لسه هكمل بقى واشوف النتايج بعد كدا هتبقى ازاى

بس ليا سؤال بخصوص البلسم ينفع احط عليه زيت واخلطه واحطه على شعرى كبلسم ولا ايه رائيكم

بشرى 1981;12839008:
محدش رد عليا هو فيه فرق كبير بين بانتوجار المصري والمستورد
جيهان على فكرة زي ما قالت انوش بانتين بديل الزيت حاجة كده ملهاش لزمة ومرمي عندي برضه
افشل مشروع للشعر ولا بينعمه ولا حتى بيعملوا كيرلي زي ما بعض البنات بيقولوا عليه يعني بلاش بلاش بلاش منه

انا بستخدمه علي فكرة وحلو جدااا معايا

هو ايه بقى يا هوبس الى جربتيه وكان حلوو
ونوع شعرك ايه ؟؟؟

بنات انا لسه جيبه شامبو بروتى كير الطبي ب19جنيه
وجبت من نفس الشركه بتاعت الشامبو لوسيون اسمه تيتان ب 25 جنيه وهجربه انهارده
اصل شعرى بيقع وبجد زعلانه اوى عليه انا قولت الحق شعرى

جيهان123;12846481:
هو ايه بقى يا هوبس الى جربتيه وكان حلوو
ونوع شعرك ايه ؟؟؟

بانتين بديل الزيت الدهبي
وانا شعري جاف وخشن وبعمله فرد كل سنه تقريبا :lol:
بايظ يعني :D
بس بجد حلو اوي انا جربت الدهبي والاخضر والاتنين حلوين بس الدهبي تحففه

.. Hopes;12847464:
بانتين بديل الزيت الدهبي
وانا شعري جاف وخشن وبعمله فرد كل سنه تقريبا :lol:
بايظ يعني :D
بس بجد حلو اوي انا جربت الدهبي والاخضر والاتنين حلوين بس الدهبي تحففه

وانا كمان عندي الدهبي ولما كنت بعمل سرش لاقيت كله بيشكر في الدهبي فاجبته بناء علي كده والاغلب مكنش عاجبهم الازرق مع اني مجربتهوش

طب مش كنتوا تقولوا كدا يابنات قبل ماشترى

عموما هجربه ان شاء الله بعد ماخلص الكريم الى عندى

ساره افندي;12847577:
وانا كمان عندي الدهبي ولما كنت بعمل سرش لاقيت كله بيشكر في الدهبي فاجبته بناء علي كده والاغلب مكنش عاجبهم الازرق مع اني مجربتهوش

اده يعنى حلو ياساره الدهبي انا لسه جايه من هايبر ولقيت
متشطب بديل الزيت والرف فاضي انا شعرى جاف اليومين دول وبايظ من الرطوبه رغم انه
ناعم اوى بس معرفش ايه جراله بسبب الحر وكمان يومين كده ويوصلنى زيت التارجيل ابقي اعمله حمام زيت

فعلا مش كل الشعور زي بعضها وكل واحدة حسب طبيعة شعرها ومش شرط الي يبقى حلو مع حد يبقى حلو مع التاني
مياده
بصي مفيش احسن من بانتوجار لتساقط الشعر
انا شعري اول مرة بعد الحمل والرضاعة يتساقط بالطريقة الغبية دي كان بيقع من طوله انا اتخضيت وعانيت منه
بس بصراحة ما شاء الله اول ما استعملت بانتوجار حسيت بتحسن بعد اسبوعين كده
وعلشان حالتي كانت صعبة قوي كنت باخد 3 في اليوم ودلوقتي باخد 2 وناوية اكمل 6 شهور باذن الله
لأنه بصراحة اكتر منتج عجبني للشعر ده حتى حاسة انه شعري بقى صحي منه الحمد لله

ساره افندي;12847577:
وانا كمان عندي الدهبي ولما كنت بعمل سرش لاقيت كله بيشكر في الدهبي فاجبته بناء علي كده والاغلب مكنش عاجبهم الازرق مع اني مجربتهوش

انا كان عندي الاخضر يا سارة
واكني بحط مايه على شعري ملهوش اي قوام ولا تأثير مهما احط منه ولا نافع
يمكن يكون الدهبي افضل وعلى فكرة انتي فكرتيني بحاجة
خالتي كانت بتستخدم بلسم بانتين الدهبي وبتقولي عليه حلو موت بيخلي شعرها ناعم وطري اوي انا من ساعة تجربتي مع بديل الزيت شلت ايدي من بانتين خالص
بس اخر مره نزلنا اشترت واحد الراجل اداها لون مش فاكرة اخضر او ازرق بس هي قالتله لا دا مش حلو انا عايزة الدهبي اظاهر كده ان المجموعة الدهبي افضل من الباقيين
لما انزل باذن الله هشوف ملمس الدهبي لو كان قوامه اتقل هشتريه واجربه ويارب يطلع اتقل لان الاخضر بجد ماااااايه

ميااااااده;12844256:
انا الايام دى من الحر والرطوبه شعرى بيقع جامد ومخنوقه اووووووووووووى بفكر اجيب لوسيون اسمه تيتان
وشامبو بروتى كير على فكره الاتنين شركه وحده وعملت بحث ع لوسيون تيتان لقيت بيشكروا فيه
اليه جرب اللوسيون ده او اى لوسيوم حلو يقولى لحسن مخنوقه جدا من شعرى وحساه جاف
انا بازن الله برضه هشترى سيرم ايفون الاخضر والبلسم اليه بيتساب في الشعر

اه يا مياده تصدقي فكرتيني بتيتان ده . بجد حلو جدااااااااا
دكتوره كتبتهولي زمان وعجبني اوي اوي بس انا شعري مش كان بيتساقط كان ضعيف اوي وحاسه انه شويه وهيتكسر ومطفي وشكله مش صحي خالص واستعملته من اول اسبوع عمل فرق واضح جدا . بس مش عارفه للتساقط هيكون حلو ولا ايه بس ان شاء الله يطلع حلو معاكي وظبطي نفسيتك وحبي شعرك مش تشوفيه تعب وباظ واتبهدل واوحش وكده علشان يتصلح بسرعه ان شاء الله

أنوش;12848694:
انا كان عندي الاخضر يا سارة
واكني بحط مايه على شعري ملهوش اي قوام ولا تأثير مهما احط منه ولا نافع
يمكن يكون الدهبي افضل وعلى فكرة انتي فكرتيني بحاجة
خالتي كانت بتستخدم بلسم بانتين الدهبي وبتقولي عليه حلو موت بيخلي شعرها ناعم وطري اوي انا من ساعة تجربتي مع بديل الزيت شلت ايدي من بانتين خالص
بس اخر مره نزلنا اشترت واحد الراجل اداها لون مش فاكرة اخضر او ازرق بس هي قالتله لا دا مش حلو انا عايزة الدهبي اظاهر كده ان المجموعة الدهبي افضل من الباقيين
لما انزل باذن الله هشوف ملمس الدهبي لو كان قوامه اتقل هشتريه واجربه ويارب يطلع اتقل لان الاخضر بجد ماااااايه

انا كمان جربت الاخضر وكان وحش اخر حاجه والله لسه مرمي عندي مش بعمل بيه حاجه واكيد باظ خلاص هههههههههههههه فضلت شويه اعمله حمام كريم يمكن يخلص بس سيبته خالص بعد كده
طيب البلسم الدهبي يا مشمش للشعر الجاف ولا ايه ؟ ولا اقول بس عاوزه الدهبي ؟ اصل عاوزه اجرب بلسم بانتين بالمره

باربي 15;12848921:

انا كمان جربت الاخضر وكان وحش اخر حاجه والله لسه مرمي عندي مش بعمل بيه حاجه واكيد باظ خلاص هههههههههههههه فضلت شويه اعمله حمام كريم يمكن يخلص بس سيبته خالص بعد كده
طيب البلسم الدهبي يا مشمش للشعر الجاف ولا ايه ؟ ولا اقول بس عاوزه الدهبي ؟ اصل عاوزه اجرب بلسم بانتين بالمره

المجموعة الدهبي اسمها موستشر رينوال مخصصه لترطيب الشعر ودا شكل البلسم وتمنه 8 جنية



ودا المكتوب عنه فالموقع بتاع بانتين

يساعد في المحافظة على الرطوبة وإزالة التلف. في الواقع إن رينيوال الترطيب المعالج يساعد على إصلاح التلف لإضفاء اللمعان وذلك بملء الفجوات على سطح الشعر. تجعل العوامل المرطبة الغنية الشعر ناعما، سهل التسريح وقويا ضد التلف. إذن هيا، تألقي - لقد حصل شعرك على ما يشتهي. استعملي تركيبة البرو-فيتامين بانتظام مع شامبو رينيوال الترطيب المعالج برو-في 5

بس مشكلة شامبوهات بانتين ان دايما يدخلو فيها بلسم تلاقي مكتوب عليه شامبو وبلس 2×1 عشان كده مفكرتش اجربها ولا مره


الغريب بئه ان مش جايبين سيرة بانتين بديل الزيت الدهبي خالص
جايبين الازرق والاخضر والاحمر بتاع الشعر المصبوغ والموف للتساقط المجموعة الدهبي عارضين منها الشامبو والبلسم وبس

أنوش;12849234:
المجموعة الدهبي اسمها موستشر رينوال مخصصه لترطيب الشعر ودا شكل البلسم وتمنه 8 جنية



ودا المكتوب عنه فالموقع بتاع بانتين

يساعد في المحافظة على الرطوبة وإزالة التلف. في الواقع إن رينيوال الترطيب المعالج يساعد على إصلاح التلف لإضفاء اللمعان وذلك بملء الفجوات على سطح الشعر. تجعل العوامل المرطبة الغنية الشعر ناعما، سهل التسريح وقويا ضد التلف. إذن هيا، تألقي - لقد حصل شعرك على ما يشتهي. استعملي تركيبة البرو-فيتامين بانتظام مع شامبو رينيوال الترطيب المعالج برو-في 5

بس مشكلة شامبوهات بانتين ان دايما يدخلو فيها بلسم تلاقي مكتوب عليه شامبو وبلس 2×1 عشان كده مفكرتش اجربها ولا مره


الغريب بئه ان مش جايبين سيرة بانتين بديل الزيت الدهبي خالص
جايبين الازرق والاخضر والاحمر بتاع الشعر المصبوغ والموف للتساقط المجموعة الدهبي عارضين منها الشامبو والبلسم وبس

تسلملي ايديك الكميله يا قطتي الكميله
بس ايه المشكله انه الشامبو يكون فيه بلسم ؟ مش المفروض ان دي حاجه كويسه علشان مش ينشف الشعر ؟

باربي 15;12849305:
تسلملي ايديك الكميله يا قطتي الكميله
بس ايه المشكله انه الشامبو يكون فيه بلسم ؟ مش المفروض ان دي حاجه كويسه علشان مش ينشف الشعر ؟

الله يسلمك يا حبي
المشكلة ان خايفة استخدمه يعملي تساقط
لان البلسم المفروض مش يتحط على فروة الراس خالص

حد جرب حمام الكريم بتاع ماي واي ال بالثوم هو نازل هديه في عرض في ماي واي وعيزه اجيبه بس خيفه ينشفلي شعري

ده اللي عندي

هوا الاخضر بتاع ايه هوا والازرق لان انا بدوخ علي الدهبي ومش بلاقيه في اي حتا بسهوله بلاقي الازرق ولاخضرر

ساره افندي;12852870:
ده اللي عندي

هوا الاخضر بتاع ايه هوا والازرق لان انا بدوخ علي الدهبي ومش بلاقيه في اي حتا بسهوله بلاقي الازرق ولاخضرر

انا كمان هدور علي الدهبي واجربه ان شاء الله
الاخضر للشعر الجاف مكتوب عليه يرطب الشعر الجاف ويجعله انسيابي وحريري
والازرق للشعر العادي مكتوب عليه يمنح الشعر العادي الصحه واللمعان
بس هما الاتنين مش حلوين خالص وولا لهم لازمه بجد

فعلا انا الي كان عندي الأخضر وحش قوي
وانا برضه يا انوش من ساعتها مش حابة منتجات بانتين حتى ريحتها كرهتها
على فكرة يا بنات انا بطلت استعمل بلسم وحمام كريم وكريم للشعر
والله منتجات على الفاضي وفلوس بتدفع فيها على الفاضي
ترطيب مؤقت وبعد كده هي هي الحكاية
انا بقيت بعمل حمام زيت او حنة ومسحة صغيرة على شعري من زيت جوز الهند الي بحب ريحته جدا او زيت درة عافية ودمتم والله شعري بقى جميل
ولا فيه ان الزيت بيخنق الشعراية ولا بيموتها الزيت برئ
وكمان زيت الزيتون سمعت قبل كده انه بيأخر الشيخوخة والتجاعيد للبشرة وبيأخر الشيب لأنه بيمنع ان الخلية تكبر
فياريت لو تجيبوا زيت زيتون بكر درجة اولى مستخلص على البارد ونسبة الحموضة اقل من 1% وانا اكتر نوع بفضله زيت زيتون الصالحة ولا اسباني ولا ليبي
زيتونة لا شرقية ولا غربية
الي هي وسط يعني سيناء
وعلى فكرة زيت زيتون الصالحية واخد المركز التاني على العالم في جودة الزيت
المهم النص لتر ب 25 جنيه تجيبيه وتمسحي بيه شوية على شعرك وشوية على وشك وممكن تدهني بيه على جسمك كله مرة في الأسبوع علشان تبقي شباب على طول
طبعا انا سمعت الكلام ده من بدري بس لسه الكسل طابق على نفسي ومش عايز يسيبني بس حعمله ان شاء الله اليومين دول
وكفاية ان الرسول صلى الله عليه وسلم قال
كلوا الزيت وادهنوا به فانه من شجرة مباركة
ولا بلسم ولا حمام كريم ولا الحاجات الي بيضحكوا بيها علينا دي فلوسنا خلصت والشعر زي ما هو

مياده ممكن لما تجربي لوسيون تيتان تقوليلي نتيجته علي التساقط عشان شعري بقي باي باي وجبت لوسيون هير ستابيل ومعملش حاجه مع اني جربته زمان وكان حلو بس يمكن عشان الحاله النفسيه والحر

والبنوته اللي جربت بنتوجار تقولي اثر علي شعر الجسم ولا لا؟