تجمع بنات مصر فى ركن العناية بالشعر الجزء17لشهر جمادى الاخر 1431

rosy2;12834127:

انوووووووووووووش ميرسي اوووووووي يا قمر علي ردك

والله ممكن فعلا يكون الزيت منشف الاطراف

بس جربت كريم فاتيكا وبارشوت وبردوا مش بيعملوا حاجه حسي الاطراف ملزقه

وفعلا بردوا انا معنديش غذا اساسا وعندي تساقط فظيع ودكتور الجلدية كتبلي علي فيتامين للشعر اسمه " ديبا هير " اديني بجربه واشوف المفعول ايه ؟؟؟؟؟

حتي جربت زيت " روتاج ونشفلي شعري تصدقي ؟؟؟؟؟؟؟؟؟؟؟"

شعري عامل زي الارض الصحراوية عامل يشرب ومفيش فايده ..........!

مغفرة كيوت;12829512:
ممكن يا قمر بعد اذنك تقوليلى كيس حمام كريم بيبوينت بكام وجزاكى الله خيرا

باربي 15;12830920:
ازيك يا قمر
صباح الياسمينات
بصي ممكن يكون شعرك وقع مش بسبب طريقة الغسيل ولا حاجه ويكون الشعر القديم البايظ هو اللي وقع
علشان انا بسرح شعري وانا بغسله ومش بيوقع منه ولا شعرايه
واول ما بدات اعمل حنه كان شعري تعبان وضعيف جدااااااااا مش كنت بسرحه وانا بغسله ولا حاجه وكلن بيوقع في اول مرات كده كتير اوي اوي اوي
انا دلوقتي وانا بغسله بقف تحت الدوش شويه واحاول انزل الحنه بايدي أد ما اقدر لحد ما تنزل بس الخصلات يكون لسه فيها شوية اثار كده
فبروح اقطم ضهري المسكين علي الحوض واقسم شعري نصين ارفع نص ببنسه والنص التاني اخد منه خصلات صغيره وبشط واسع اوي اسرح من تحت حته حته لحد ما اطلع فوق خالص . وكده لحد ما اخلص النص الاولاني واعمل الن التاني بنفس الطريقه
وبعدين ارجع للدش تاني اغسل شعري بالشامبو مره واحده بسسس وبعدين احط شوية بلسم وعليهم شوية حمام كريم وعليهم معلقتين عسل واحطهم علي شعري 5 دقيقات كده واشطفه واسرحه بالراحه جدا
ولما ينشف خالص اسرحه فاي بقايا حنه بتنزل وبعدين اغسله
وبس كده خلاص
وهكذا سيدتي فقد اصبح لديكي شعرا جميلا تقيلا طويلا ناعما لامعا ومش بيوقع خااااااااااااالص

جيهان123;12831225:
بصى يا كيوت انا من كام سنه كنت بجيب الباكت مش فاكره ب50 او 75 قرش والبلسم بردوا كدا
معرفش دولوقتى وصل كام
وانا شعرى كان تقيل فا كنت بستخدم منه حوالى 4 كياس اصل الكيس بتاعه صغير زى كيس الكاتشب كدا


بصوا يبنات انا نازله النهارده ان شاء الله وهشوف اجيب شوية حاجات لشعرى واجربها
واقلكم النتيجه لاحسن شعرى اليومين دول فى الضياع

اه كمان يابنات انا ناويه ان شا ءالله اجيب كريم تصفيف الشعر منك بس لو مش لقيته ايه رائيكم فى بانتين بديل الزيت بيقلوا حلو للشعر الجاف والى شعرها حلو ما بيمشيش معاها :!!: فانتم مين جربته تقلى رائيها :worn_out:

أنوش;12831461:
ياااااااااا
هو انتي هههههههههههههههه
عاملة احلى شغل كل شوية اب
تسلم ايدك يا جميل متحرمش منك
وانا اقول ياربي هي لا تعرفني ولا اعرفها طيب بترفعلي انا دون عن الخلق ليه :lol::lol::L:F:


على فكرة بنات انا قربت اخلص حمام كريم ويللي فاضل حوالي الربع ومش شايفة منه نتايج ملحوظة هو مش وحش لكن مش حلو يعني عادي اكني مش عاملة حاجة

و بلسم اللوز بتاع ايفون خلصت العبوه الحمدلله وحلو اوي معايا بفكر ارجع تاني لهير كير بتاع الشبراويشي لان كان زي الفل

ومحتارة مش عارفة لما اخلص ويللي اللي عندي دا اجيب ايه مكانه كارتييه ولا بوناويل
واحيانا بفكر اجرب ماسك الشعر الجاف الجديد بتاع ايفون

كارتييه كنت بستخدمه زماااان ايام ما كان الربع كيلو ب 25 ج كان بيعجبني ريحته موووت بس مش فاكرة كان حلو ولا عادي

بوناويل بيعجبني قوامه جدا تقيل وحلو ماشاءالله وكنت بستخدم المشمش والقمح وبردو مش فاكرة مين فيهم احلى من التاني .. اللي فاكر يقولي بئه :lol:

بتاع ايفون اللي جديد ومحدش لسه جربه يالهوي انا حاسه ان هتجنن قولولي اعمل ايه بقيت اكلم نفسي :worn_out:

rosy2;12833448:

بنات عايزه ااقولكم حاجه بس مش عايزه تريقا

حد جرب الجاز للشعر ؟؟؟؟؟؟

في بنت ف يمنتدي فت...... منزله موضوع عن الجاز وبتشكر فيه جداااا انه بيطول ويقلل التساقط ؟؟

.. Hopes;12837192:
كيس حمام الكريم ب75 قرش وكيس البلسم بنص جنية

ساره افندي;12837866:
ياعيال حد سمع عن نخاع الجمل هههههه واحده صحبتي موصيني لما انزل اسكندريه اجبهولها وهتجيب ليا العنوان كمان كام يوم بس انا استغرب اووووي حتا الجمل مسبهوش في حاله

بشرى 1981;12839008:
محدش رد عليا هو فيه فرق كبير بين بانتوجار المصري والمستورد
جيهان على فكرة زي ما قالت انوش بانتين بديل الزيت حاجة كده ملهاش لزمة ومرمي عندي برضه
افشل مشروع للشعر ولا بينعمه ولا حتى بيعملوا كيرلي زي ما بعض البنات بيقولوا عليه يعني بلاش بلاش بلاش منه

terra;12843250:
هو اية البلسم اللى بيتنوا فى الشعر دة اللى بيبقى مكتوب علية leave in conditioner هو فية منو فى مصر واسمة اية
وهل هو زى كريم التصفيف كدة?

أنوش;12843487:
في منه في ايفون اسمه كويك تاتش
وهو بلسم بيتساب ومش بيتشطف

terra;12843526:
وهو بكام كدة وممكن اجيبة من محلات المكياج لانى مش عندى عضوية ولا حاجة