تجمع بنات مصر فى ركن العناية بالشعر الجزء17لشهر جمادى الاخر 1431

ساره افندي;12826115:
انا استخدمت زيرو فريز لما كان ازازه مختلفه عن الحالي وكان كله لغه غير الانجليزي وكان غالي اكتر من اللي في السوق الحالي
محبتهوش لاشامبوه ولا بلسم ولا حمام كريم ولا سيرم السيرم بينشف اوووي والباقي زيهم زي اي شامبوه ب15ج

انا كمان ياسارة
جبته مره واحده بس زماااااان وانا في اولى جامعة كان بحاجة و 50
وكان وحش اوي معايا بيهيش الشعر بطريقة غبية

ازيكو ياجماعه
انا عملت حنه انهرده الحمدلله جبت حنه5 خمسات وحطيت عليها زيت دره عافيه وكان عندي زيوت ركناها زيت توم وبصل وجوز هند حطتهم على بعض ومعاهم زبادي واقلب وخمرتها وحطتها على شعري بس ما شاء الله شعري حسيته نعم عن الاول بس فعلا شعر كتير نزل وانا بغسله بس بجد تعب بس النتيجه حلوه الحمد لله واحسن حاجه ان شعري مغيرش لونه:D

أنوش;12825765:

يعني الترتب هو الشامبو ثم البلسم ثم حمام الكريم

هند2;12826866:

مش عارفة يا أنوش
انتوا هتلاخبطوني ليه بقه:confused:
أنا كنت بعمل زيك كده في الاول
بس في بنوتة هنا في التجمع .. قالت ان دكتور مشهور وذكرت اسمه "مش فاكراه"
قال إن الترتيب الصحيح "شامبو - حمام كريم - بلسم"
أعمل ايه بقي :!!:

هههههههههههههههه
خلاص مش تدوخي نفسك اعملي زي ما يعجبك
بس انا بستخدم البلسم في غسيل شعري
يعني احط شويه شامبو في ايدي وادلك فروة راسي بسس
وبعدين اغسله واحط البلسم على شعري نفسه عشان ينضف
وبعدين يبقى جاهز للماسك سواء حمام كريم او اي حاجة تانية
انا متبعة الموضوع دا من ساعة ما بطلت اغسل شعري بشامبو لانه بينشفه وحلو خالص الحمدلله

وبعدين هو البلسم هيعمل ايه بعد ما احط حمام الكريم واغسله ؟

باربي 15;12817338:
لا يا حبيبي مش زهقتيني طبعا ولا حاجه ده انت حبيبي يا كوكو :adore:
طيب يا بنتي بما ان الحنه مش عملالك تساقط عموما ولا حاجه والموضوع ده بيحصل بس وقت الغسيل فمش تخافي وكملي وشويه وان شاء الله التساقط ده كمان هيمشي باي
الشعر اللي قدام ده ممكن ان شاء الله يطول مع الحنه ومع زيت عافيه كمان . انا مش كان عندي شعر قصير قدام الحقيقه بس بيتهيألي لما شعرك يطول هو كمان هيطول مش معقول هيغلس ويفضل قصير لوحده
وزيت عافيه كل يوم بالليل هتدلكي بيه الفروه وياريت تحاولي تدفيه قبل التدليك هيكون احسن بس لو كسلتي عادي دلكي علي طول
ولو عاوزه تحطي منه علي شعرك نفسه عادي مش هيقول لا بس بلاش كل يوم

ربنا يخليكى يا باربى:adore:F:هجرب زيت عافية ان شاء الله وهقولك على النتيجة

بس ينفع احط منه شوية على الحنة بالمرة يعنى؟؟

terra;12817930:
بصى يا قمر الحنة بتنشف الشعر وانتى عملتيها مرتين فى شهر واحد!!!!!!
ممكن تكون انتى معملتيهاش صح وحطيتى عليها حاجات كتير زى النسكافية والكركدية والشاى والخل ودى حاجات بتدى لون بس مش حلوة للبيعالج شعرة بالحنة
يعنى لو للعلاج هاتى الحنة العادية من العطار او خمس خمسات واعجنيها بمية وحطيها على شعرك وبعدين اشطفيها
بس لو شعرك مبيجيش علىها زى كدة وبتنشفللك شعرك والتقصف بيزيد متستخدمهاشى

لا يا حبيبتى الحنة مش نشفت شعرى خالص الحمد لله

انا بحط عليها زبادى وبيض وزيت زيتون ومية بصل وتوم وعصير جرجير ومش بتدى لون

ولا ادت لون ولا قصفت شعرى هى المشكلة ان بينزل كمية كبيرة وقت الغسيل

ودى كانت قلقانى بس

حبيبة قلب الغالي;12826514:
ازيكو ياجماعه
انا عملت حنه انهرده الحمدلله جبت حنه5 خمسات وحطيت عليها زيت دره عافيه وكان عندي زيوت ركناها زيت توم وبصل وجوز هند حطتهم على بعض ومعاهم زبادي واقلب وخمرتها وحطتها على شعري بس ما شاء الله شعري حسيته نعم عن الاول بس فعلا شعر كتير نزل وانا بغسله بس بجد تعب بس النتيجه حلوه الحمد لله واحسن حاجه ان شعري مغيرش لونه:D

مبروووووووك على النتيجة يا قمر :thumbs_up:

انتى عندك تساقط ولا ايه ولا نزل بس وقت الغسيل؟؟

وكملى بقى وابقى قوليلى على نتيجة وقوعه وقت الغسيل بعد كام مرة كده

باربي 15;12816042:
ربنا يخليكي انتي لينا انتي كبيرة المخترعات وبتنفعينا كلنا
تعرفي يا نوشا كان في واحده كده عارفه نفسها كويس اووووووووووي وبلاش اسيح واقول هي مين
كانت امبارح بتقولي زيت عافيه بيعمل حشرات في الشعر هههههههههههههههههه

هههههههههههههههههههههههههههههههههه
تصوري لسه اخده بالي دلوقت من المشاركة دي والله موتيني ضحك رغم ان تعبانة وبطني وجعاني يخربيت شيطانك
شكل الحشرات دي فالعقول مش فالشعر :lol::lol:

Amt-allah;12826950:
ربنا يخليكى يا باربى:adore:F:هجرب زيت عافية ان شاء الله وهقولك على النتيجة

بس ينفع احط منه شوية على الحنة بالمرة يعنى؟؟



لا يا حبيبتى الحنة مش نشفت شعرى خالص الحمد لله

انا بحط عليها زبادى وبيض وزيت زيتون ومية بصل وتوم وعصير جرجير ومش بتدى لون

ولا ادت لون ولا قصفت شعرى هى المشكلة ان بينزل كمية كبيرة وقت الغسيل

ودى كانت قلقانى بس



مبروووووووك على النتيجة يا قمر :thumbs_up:

انتى عندك تساقط ولا ايه ولا نزل بس وقت الغسيل؟؟

وكملى بقى وابقى قوليلى على نتيجة وقوعه وقت الغسيل بعد كام مرة كده

[MARK="#CCCCCC"]الله يبارك فيكي ياقمر هقلك بأه انا ارتحت شويه وبعدين كملت غسيل شعريالمهم غسلت شعري من باقي اثار الحنه ورحت حطه بلسم على الشعر لحد الاطراف بس مش على الفروه وسبته 5دقايق وشطفته والحمد لله محصلش تساقط تاني انا بأه لاحظت ان اما كنت بغسله من الحنه كنت بسرحه تحت الميه وهو ده ال خلاه يتساقط كتير كده بس قلت اهو التسريح ده ينزل الحنه شويه بس هو معملش حاجه الاحسن منسرحش تحت الميه خاااااااااااااااالص حرمت لان كمان فروة الراس وجعتنيبس الحمد لله الامور هديت والحمد لله بعد مغسلته من البلسم حطيت زيت ترشوب وما شاء الله النتيجه حلوه الحمد لله وبأذن الله كل شهر بأه بأذن الله ناويه على الحنه دي بجد جميله جدا بس متعبهفالغسيل ربنا يقوينا يارب[/MARK]

أنوش;12827020:
هههههههههههههههههههههههههههههههههه
تصوري لسه اخده بالي دلوقت من المشاركة دي والله موتيني ضحك رغم ان تعبانة وبطني وجعاني يخربيت شيطانك
شكل الحشرات دي فالعقول مش فالشعر :lol::lol:

[MARK="#FFFF00"]عسل والله يا نوشه والف سلامه عليكي ياجميل[/MARK]F:F:F:

هو انتوا مش ناويين تفتحوا تجمع جديد يا جماعة الصفحات كترت قوي وشهر جمادى الاخر خلص ورجب وشعبان قرب
وكل سنة وانتوا طيبين
باربي طب الوبانتين احلى من تونوسكالبين وبيطول زي ما بيقولوا عليه
امبولات ايفا بالبانثينول ايه رأيكم فيها حد استمر عليها
انا جبتها شهر وحسيت بنتايج حلوة بس بطيئة وحسيتها طولت لي شعري شوية عايزة ارجع استخدمها تاني بس امبولتين في اليوم لن امبولتها صغيرة ومش عارفة خايفة يكون فيه حاجة ارخص وتدي نفس النتايج انا عايزة نعومة وطول

وايه احسن شامبو اقدر استمر عليه يكون بيطري الشعر
انا بستخدم دلوقتي كلير الي مكتوب عليه نعومة فائقة وحاساه حلو بيطري الشعر استمر عليه ولا ايه

بشرى 1981;12828178:
هو انتوا مش ناويين تفتحوا تجمع جديد يا جماعة الصفحات كترت قوي وشهر جمادى الاخر خلص ورجب وشعبان قرب
وكل سنة وانتوا طيبين
باربي طب الوبانتين احلى من تونوسكالبين وبيطول زي ما بيقولوا عليه
امبولات ايفا بالبانثينول ايه رأيكم فيها حد استمر عليها
انا جبتها شهر وحسيت بنتايج حلوة بس بطيئة وحسيتها طولت لي شعري شوية عايزة ارجع استخدمها تاني بس امبولتين في اليوم لن امبولتها صغيرة ومش عارفة خايفة يكون فيه حاجة ارخص وتدي نفس النتايج انا عايزة نعومة وطول

وايه احسن شامبو اقدر استمر عليه يكون بيطري الشعر
انا بستخدم دلوقتي كلير الي مكتوب عليه نعومة فائقة وحاساه حلو بيطري الشعر استمر عليه ولا ايه

ان شاءالله الشهر الجديد هنفتح واحد وكل سنة وانتي طيبة ياقمر

بالنسبة للشامبوهات ومنتجات الشعر والبشرة المفروض مش تكرريها كذا مره ورا بعض لان جسمك هيتعود عليها ومش هتديكي النتيجة اللي كانت فالاول

يعني استخدمي المنتج شهر او اتنين بالكتير ووقفيه هاتي حاجة بديلة استخدميها شهر وبعدين ارجعي تاني

انا لحد دلوقت مكررتش اي شامبو او بلسم او حمام كريم جبته حتى لما حاجة بتعجبني بخلصها وبشتري جديد

حبيبة قلب الغالي;12827936:


[MARK="#FFFF00"]عسل والله يا نوشه والف سلامه عليكي ياجميل[/MARK]F:F:F:

ربنا يخليكي ياقلبي من ذوقك
وتسلمي يارب الله يسلمك ويبعد عنك كل شر
الا قوليلي صحيح انتي هناك اسمك ايه ؟

جيهان123;12825490:
همممممممم ميرسى يا هند على النصحيه انا كنت بفكر جديا اشترى المجموعه كامله
بس كدا خلاص
انا لقيت ناس بتشكر فى حمام كريم كارتييه الاصفر بتقول حلو جداا وكمان انا كنت بجيب بيبوينت الكياس الصغيره بردوا حلو جدااااااا هو والبلسم

وجربتن حمام كريم زيرو فريز رحته تحفةةةةةةةةةةةةةةةةةةةةةةةة بس غالى وعلبته صغيره وبصراحه الفرق ما حسيتش بفرق كبير

وكمان ما تعرفيش هو حمام الكريم استخدمه على جذور الشعر ولا بردوا على الاطراف بس

ممكن يا قمر بعد اذنك تقوليلى كيس حمام كريم بيبوينت بكام وجزاكى الله خيرا

أنوش;12828420:
ربنا يخليكي ياقلبي من ذوقك
وتسلمي يارب الله يسلمك ويبعد عنك كل شر
الا قوليلي صحيح انتي هناك اسمك ايه ؟

nory2010:D

terra;12817803:
ههههههههه لا فى منها حنة بنعمل بيها ضوافرنا الى هى الحمرا والبنى والسودا والكيس بستة جنية

بس مش حلوه جلوري للشعر انا مش بحسها حنه اصلا
ونفسي اوي اجربها لضوافري بس بنسي

terra;12817930:
بصى يا قمر الحنة بتنشف الشعر وانتى عملتيها مرتين فى شهر واحد!!!!!!
ممكن تكون انتى معملتيهاش صح وحطيتى عليها حاجات كتير زى النسكافية والكركدية والشاى والخل ودى حاجات بتدى لون بس مش حلوة للبيعالج شعرة بالحنة
يعنى لو للعلاج هاتى الحنة العادية من العطار او خمس خمسات واعجنيها بمية وحطيها على شعرك وبعدين اشطفيها
بس لو شعرك مبيجيش علىها زى كدة وبتنشفللك شعرك والتقصف بيزيد متستخدمهاشى

مش في شعر يا جميل مش بييجي علي الحنه
دي بجد اجمل علاج لاي مشكله في الشعر وحت لو نشفت الشعر ده بيكون حاجه مؤقته خالص وبتروح بالعنايه بيه بعد الحنه
ده انا كنت بعملها كل اسبوع ودلوقتي بعملها كل 10 ايام او اسبوعين طول الصيف انما في الشتا مش بقدر اعملها مع الاسف
وبجد والله زودت نعومة شعري لما انتظمت عليها وخليته لامع وشكله صحي جدااااااا

princess lolo;12825309:
محدش قالي يابنات برده علي حنه كويسه غير حنه العطار وتكون من غير كيماويات
وشامبو للقشره بس يكون طبي ومتجرب ياريت يابنات اللي يعرف يقولي؟؟؟؟؟؟؟؟

طيب ليه مش عجباكي الحنه بتاعة العطار دي حتي مضمونه انها طبيعيه ومش عليها اي كيماويات ولا الوان ولا اي حاجه

جيهان123;12825323:


همممممممممم ميرسى يا هند على االافاده

طيب سؤال بقى معلش تانى

انا عايزه اجيب حمام كريم وبلسم حلوين لشعرى
لانى حاسه ان شعرى مرهق من كتر الزيوت والحاجات التقيله فاعايزه حاجات مش ترهقه وتكون مغذيه

يعنى انا كنت عايزه اجيب حمام كريم جليس بس لقيته 45 وبصراحه العلبه صغيره مش هتستحمل معايا 3 مرات بالكتير

كنت عايزه اعرف بقى افضل انوع حمامات الكريم والبلسم وهل الافضل استخدم المجموعه الكامله
يعنى شامبو جليس + حمام كريم جليس + البلسم

ولا انوع وايه رائيكم

على فكره انا جربت حمام كريم لوريس الى السيروم ده البمبى طلع نشا مالوش اى لازمه الا اذا اتحط عليه زيت :thumbs_down:

اكتر حمام كريم بحبه بوناويل
وبلسم هير كير بالفراوله

جيهان123;12825490:
همممممممم ميرسى يا هند على النصحيه انا كنت بفكر جديا اشترى المجموعه كامله
بس كدا خلاص
انا لقيت ناس بتشكر فى حمام كريم كارتييه الاصفر بتقول حلو جداا وكمان انا كنت بجيب بيبوينت الكياس الصغيره بردوا حلو جدااااااا هو والبلسم

وجربتن حمام كريم زيرو فريز رحته تحفةةةةةةةةةةةةةةةةةةةةةةةة بس غالى وعلبته صغيره وبصراحه الفرق ما حسيتش بفرق كبير

وكمان ما تعرفيش هو حمام الكريم استخدمه على جذور الشعر ولا بردوا على الاطراف بس

اوووووووووووعي تقربي حمام الكريم من الجذور ابدا
شعرك هينزل في ايدك شلالات شلالات علي رأي الفيشاوي في تامر وشوقيه

أنوش;12825738:
يبقى الحل مش في الكريمات
الحل في حمام الزيت والحنة وماسكات التغذية واللسيونات
بمعنى انك تستخدمي المنتجات المتاح ليكي تحطيها على فروة راسك
لكن لا بلسم ولا حمام كريم ينفعو
طيب انتي تعرفي ان المفروض الشامبو مش نستخدمه للشعر نفسه
يعني ندلك بيه فروة الراس للتنضيف وباقي الشعر نحطله البلسم فقططط وهو كفيل انه ينضفه كويس جدا
لازم نتعامل مع الشعر بلطف و على فكرة لابد من التجارب والمجازفة يعني ممكن انصحك بمنتج يكون ممتاز معايا ويجي معاكي يبهدلك الدنيا فا بحس ان مبدأ اخد المشورة والترشيحات في منتجات الشعر فاشلة
والبنات اللي متابعين التجمع من زمان عارفين الكلام دا كويس يعني ممكن انا اجي اقول والله انا اشتريت الشامبو كذا وطلع حلو معايا لكن دا مش مقياس ان غيري يشتريه ويجربه على تجربتي
فهمتي قصدي ايه

انا من ساعة ما عملت كده يا انوش ومش بئيت اغسل شعري بالشامبو واغسله بالبلسم بس بجد فرق معايا اووووووووي
والشعر بينضف والله مع اني بستعمل زيوت ومش بيفضل للزيت اي اثر
بجد يا عيال كلكو اعملو كده الشامبو للفروه والبلسم لباقي الشعر من اول ديل الحصان

حبيبة قلب الغالي;12826514:
ازيكو ياجماعه
انا عملت حنه انهرده الحمدلله جبت حنه5 خمسات وحطيت عليها زيت دره عافيه وكان عندي زيوت ركناها زيت توم وبصل وجوز هند حطتهم على بعض ومعاهم زبادي واقلب وخمرتها وحطتها على شعري بس ما شاء الله شعري حسيته نعم عن الاول بس فعلا شعر كتير نزل وانا بغسله بس بجد تعب بس النتيجه حلوه الحمد لله واحسن حاجه ان شعري مغيرش لونه:D

كملي كملي انا من اكبر مشجعين الحنه في مصر والعالم العربي
وجربي المره الجايه حطي عليها مية بصل وتوم وزيت زيون وعصير جرجير هتشوفي نعومه ولمعان مش هتصدقيهم بجد

Amt-allah;12826950:
ربنا يخليكى يا باربى:adore:F:هجرب زيت عافية ان شاء الله وهقولك على النتيجة

بس ينفع احط منه شوية على الحنة بالمرة يعنى؟؟

ويخليك ليا يا حبيبي:adore:
اه طبعا ينفع تحطي منه علي الحنه
انا كتير مش بيكون عندي زيت زيتون بحط عافيه او ممكن احط شويه زيتون وشويه منه
عادي يعني مش هيقول لا بالعكس ده هيحبك خالث خالث

أنوش;12827020:
هههههههههههههههههههههههههههههههههه
تصوري لسه اخده بالي دلوقت من المشاركة دي والله موتيني ضحك رغم ان تعبانة وبطني وجعاني يخربيت شيطانك
شكل الحشرات دي فالعقول مش فالشعر :lol::lol:

هههههههههههههههههههههههه
الف سلامه عليكي يا حبيبة قلبي انشالله الناس الاشرار وانتي لا

بشرى 1981;12828178:
هو انتوا مش ناويين تفتحوا تجمع جديد يا جماعة الصفحات كترت قوي وشهر جمادى الاخر خلص ورجب وشعبان قرب
وكل سنة وانتوا طيبين
باربي طب الوبانتين احلى من تونوسكالبين وبيطول زي ما بيقولوا عليه
امبولات ايفا بالبانثينول ايه رأيكم فيها حد استمر عليها
انا جبتها شهر وحسيت بنتايج حلوة بس بطيئة وحسيتها طولت لي شعري شوية عايزة ارجع استخدمها تاني بس امبولتين في اليوم لن امبولتها صغيرة ومش عارفة خايفة يكون فيه حاجة ارخص وتدي نفس النتايج انا عايزة نعومة وطول

وايه احسن شامبو اقدر استمر عليه يكون بيطري الشعر
انا بستخدم دلوقتي كلير الي مكتوب عليه نعومة فائقة وحاساه حلو بيطري الشعر استمر عليه ولا ايه

مش جربت الوبانثين يا حبيبي
بس جربت تنوسكالبين زمان والان وبجد بجد مش تشتريه
وموضوع تغيير الشامبو ده انا عكس انوش ما بصدق حاجه تناسبني وتريحني بفضل اكرر فيها انشالله 10 سنين
لحد ما الشركات الصراصير تلعب في دماغهم كل شويه زي العادي ويروحو يطورو المنتجات فتبوظ وتتنيل فاضطر اني اغير علشان الجديد دايما مش بيمشي معايا كويس

ازيك يا باربي
صباح الخير ياجميل
قليلي بأه اغسل شعري ازاي بطريقه صح من الحنه عشان ميقعش زي امبارح:p

حبيبة قلب الغالي;12830873:
ازيك يا باربي
صباح الخير ياجميل
قليلي بأه اغسل شعري ازاي بطريقه صح من الحنه عشان ميقعش زي امبارح:p

ازيك يا قمر
صباح الياسمينات
بصي ممكن يكون شعرك وقع مش بسبب طريقة الغسيل ولا حاجه ويكون الشعر القديم البايظ هو اللي وقع
علشان انا بسرح شعري وانا بغسله ومش بيوقع منه ولا شعرايه
واول ما بدات اعمل حنه كان شعري تعبان وضعيف جدااااااااا مش كنت بسرحه وانا بغسله ولا حاجه وكلن بيوقع في اول مرات كده كتير اوي اوي اوي
انا دلوقتي وانا بغسله بقف تحت الدوش شويه واحاول انزل الحنه بايدي أد ما اقدر لحد ما تنزل بس الخصلات يكون لسه فيها شوية اثار كده
فبروح اقطم ضهري المسكين علي الحوض واقسم شعري نصين ارفع نص ببنسه والنص التاني اخد منه خصلات صغيره وبشط واسع اوي اسرح من تحت حته حته لحد ما اطلع فوق خالص . وكده لحد ما اخلص النص الاولاني واعمل الن التاني بنفس الطريقه
وبعدين ارجع للدش تاني اغسل شعري بالشامبو مره واحده بسسس وبعدين احط شوية بلسم وعليهم شوية حمام كريم وعليهم معلقتين عسل واحطهم علي شعري 5 دقيقات كده واشطفه واسرحه بالراحه جدا
ولما ينشف خالص اسرحه فاي بقايا حنه بتنزل وبعدين اغسله
وبس كده خلاص
وهكذا سيدتي فقد اصبح لديكي شعرا جميلا تقيلا طويلا ناعما لامعا ومش بيوقع خااااااااااااالص

مغفرة كيوت;12829512:
ممكن يا قمر بعد اذنك تقوليلى كيس حمام كريم بيبوينت بكام وجزاكى الله خيرا

بصى يا كيوت انا من كام سنه كنت بجيب الباكت مش فاكره ب50 او 75 قرش والبلسم بردوا كدا
معرفش دولوقتى وصل كام
وانا شعرى كان تقيل فا كنت بستخدم منه حوالى 4 كياس اصل الكيس بتاعه صغير زى كيس الكاتشب كدا


بصوا يبنات انا نازله النهارده ان شاء الله وهشوف اجيب شوية حاجات لشعرى واجربها
واقلكم النتيجه لاحسن شعرى اليومين دول فى الضياع

اه كمان يابنات انا ناويه ان شا ءالله اجيب كريم تصفيف الشعر منك بس لو مش لقيته ايه رائيكم فى بانتين بديل الزيت بيقلوا حلو للشعر الجاف والى شعرها حلو ما بيمشيش معاها :!!: فانتم مين جربته تقلى رائيها :worn_out:

حبيبة قلب الغالي;12829953:
nory2010:D

ياااااااااا
هو انتي هههههههههههههههه
عاملة احلى شغل كل شوية اب
تسلم ايدك يا جميل متحرمش منك
وانا اقول ياربي هي لا تعرفني ولا اعرفها طيب بترفعلي انا دون عن الخلق ليه :lol::lol::L:F:


على فكرة بنات انا قربت اخلص حمام كريم ويللي فاضل حوالي الربع ومش شايفة منه نتايج ملحوظة هو مش وحش لكن مش حلو يعني عادي اكني مش عاملة حاجة

و بلسم اللوز بتاع ايفون خلصت العبوه الحمدلله وحلو اوي معايا بفكر ارجع تاني لهير كير بتاع الشبراويشي لان كان زي الفل

ومحتارة مش عارفة لما اخلص ويللي اللي عندي دا اجيب ايه مكانه كارتييه ولا بوناويل
واحيانا بفكر اجرب ماسك الشعر الجاف الجديد بتاع ايفون

كارتييه كنت بستخدمه زماااان ايام ما كان الربع كيلو ب 25 ج كان بيعجبني ريحته موووت بس مش فاكرة كان حلو ولا عادي

بوناويل بيعجبني قوامه جدا تقيل وحلو ماشاءالله وكنت بستخدم المشمش والقمح وبردو مش فاكرة مين فيهم احلى من التاني .. اللي فاكر يقولي بئه :lol:

بتاع ايفون اللي جديد ومحدش لسه جربه يالهوي انا حاسه ان هتجنن قولولي اعمل ايه بقيت اكلم نفسي :worn_out:

بصى يا اانوشه انا جربت بوناويل وكارتيه مره زمان
والى فاكره ان كارتييه كان افضل
عموما مدام فاضل الربه استنى انا النهارده نازله وهشوف اجيب كارتييه او بيبوينت

وهقلك كارتيه ايه نظامه

حاجة افون بتاعة الشعر بصراحه ماجربتش منها اى حاجه خاالص

وقوليلى بقى بلسم اللوز بتاع ايفون ده للشعر الجاف وبكام وكام مللى ؟

جيهان123;12831225:

بصوا يبنات انا نازله النهارده ان شاء الله وهشوف اجيب شوية حاجات لشعرى واجربها
واقلكم النتيجه لاحسن شعرى اليومين دول فى الضياع

اه كمان يابنات انا ناويه ان شا ءالله اجيب كريم تصفيف الشعر منك بس لو مش لقيته ايه رائيكم فى بانتين بديل الزيت بيقلوا حلو للشعر الجاف والى شعرها حلو ما بيمشيش معاها :!!: فانتم مين جربته تقلى رائيها :worn_out:

بديل الزيت دا افشل منتج استخدمته
عباره عن مايه بيضا في عبوة مش بيعمل اييييي حاجة
انا شعري عادي وبيهيش و كان مقصف وقصيته والحمدلله اتعدل عن الاول وجبت بانتين دا والله مرمي عندي لحد دلوقت مش عارفة اعمل بيه ايه حتى جربت استخدمه حمام كريم ولا نفع
حاليا بستخدم بلسم كويك تاتش اللي مش بيتشطف من ايفون مع زيت دره عافية وعاملين معايا شغل جامد بس خايفة شعري يتعود عليهم ويرجع يتنيل تاني فا لما يخلصو هجيب كريم وزيت باراشوت باذن الله اجربهم
ولو عجبوني هيبقو بالتبادل مره زيت وكريم باراشوت ومره كويك تاتش وزيت دره عافية

وانا بستخدم الزيت على فروة راسي بدلكها كويس بيه وبعدين بدهن الكريم على طول الشعر وبعد ما بلفه طاقية بحط سيرم على كف ايدي وامسح بيه شعري وهو ملفوف ولما تنشف واقلبه عالناحية التانية بردو اخد بخه سيرم وامسح شعري وهو ملفوف وبيبقى حلو جدا ماشاءالله مش مدهنن ولا جاف ولا هايش والاطراف متساوية وشكله مرتب

بس بئالي فترة مش بلفه من الحر يادوب اسرح وارفعه لفوق واسيبه او اعمله كحكة وبحطله سيرم عالاطراف بردو

جيهان123;12831485:
بصى يا اانوشه انا جربت بوناويل وكارتيه مره زمان
والى فاكره ان كارتييه كان افضل
عموما مدام فاضل الربه استنى انا النهارده نازله وهشوف اجيب كارتييه او بيبوينت

وهقلك كارتيه ايه نظامه

حاجة افون بتاعة الشعر بصراحه ماجربتش منها اى حاجه خاالص

وقوليلى بقى بلسم اللوز بتاع ايفون ده للشعر الجاف وبكام وكام مللى ؟

اوكيشن ياجميل وهستنى رأيك انا لسه ادامي بتاع اسبوعين تلاته على ما اخلص المنيل بتاعي دنا بحط منه وبملا شعري مش ببخل عليه وبدي لماما ومش عايز يخلص ربنا طارح فيه البركة :lol:

بلسم ايفون بزيت اللوز والافوكادو مخصص للشعر الجاف والتالف
عبوته 750 مل وسعره الاصلي 39 ج وبينزل في العروض ب 29 واقل كمان وبعد خصومات العضوية بيوصل سعره ل 20 او 22 حسب العرض
كنت جايبه عبوتين منه من حوالي 3 شهور ولسه مخلصة اول واحدة الاسبوع دا لان مش بغسل شعري كتير ولان خفت ان شعري ياخد عليه ومش يعمل مفعول عشان كتير بردو استخدم 3 شهور متواصل لمنتج واحد بعت العبوة التانية وقلت اجرب حاجة مختلفة وبعدين ارجعله تاني
البلسم اللي كان عاجبني موووت هو هير كير بالفراولة فا بعون الله هجيبه ولما اخلصه اجيب ايفون وهكذا لان الاتنين دول جايين معايا جدا الحمدلله