Nesoo;12449829:
الله يبارك فيكى يا كتكوته وحشاانى يا حبيبتى
جزاكِ الله خيرا على ردك بجدوإن شاء الله في انتظارك بالباقى
بس ممكن اعرف كام فوطه قشط وكام كوفرته 2 ولا 3 مثلا وبطانيه ولا 2؟؟
والسليب باج طبعا واحد بس صح؟؟
وطام بافته؟ والطواقى والجونتيات كام برضو؟؟
معلش هاتعبك معايا يا كتكوته
وانتي كمان يا نيسو يا جميلة وحشاني جدا والله.
فوط القشط مش اقل من 6 يعني من 6 ل 10 حسب بقي واستخدمها وغسيلها للحاجة.
والبافيتات كفاية 6 مؤقتا لأنه لسه بدري عقبال ما ياكل هاتبقي مهمة بس للريالة قدام شوية وممكن لما يبتدي بقي يدخل حاجات اضافية جنب الرضاعة.
السليبنج باج اه واحدة كفاية اوي.
والبطانية لو هاتبقي في الشتاء فتجيب اتنين لكن لو في الصيف ممكن واحدة بس عشان لزوم التكييف وكده وممكن تلغيها خالص لو في الصيف وتكتفي بكوفرتة تقيلة شوية.
والكوفرتات 2 بردو وتبدل فيهم.
الطواقي والجونتيات متكترش منهم كفاية 3 مثلا ولو هتولد في الشتا بردو وبس.
بصي بالنسبة للاعداد هي هتجيب كده مبدأيا وبعدين هتشوف استخدامها بقي ولو احتاجت تاني هتوزد بعد كده بس ان شاء الله مش تحتاج.
بالنسبة بقي للحاجات اللي جبتها ومستخدمتهاش، شفاط الانف لأنه سمعت انه غلط بعد ما اشتريته وكمان لقيت البخاخة او نقط الانف بتغني عنه بصراحة.
البانيو مش هتحتاجه في الاول انا جيباه بس ركناه لما تكبر شوية.
دبابيس الامان جبتها وكنت دايخة عليها وبعدين ركنتها وبعدين نفعتني بقي دلوقتي عشان بقيت البسها البافتات فبشبكها في الهدوم عشان هي بتقعد تمسكها وتشدها وتحطها علي بقها.
الصابونة ركناها ومستخدمتهاش غير مرة وبردو هخليها لما تكبر بقي، الاحسن الشاور جيل او الشامبو او اي حاجة سايلة يعني.
ايه تاني نسيت دلوقتي والله بس كل ما افتكر حاجة هكتبها.