bosy_md;12440057:
بنات محدش رد عليا احنا بنحتاج براهات أكبر بعد الولادة ولا المقاس العادي.. لأن حاسه صدري أكبر و مش عارفه هيفضل كده ولا ايه؟
كمان أنا ان شاء الله هولد نص أكتوبر.. البيبي يلبس نص وفوقه كم و بعدين اللبس الخارجي؟ ولا أنا فاهم غلط ولازم يلبس تحتهم كت كمان؟
و ساعتها الفه باللفة القطيفة واحطه في السليبنج باج ولا فيها علي طول من غير اللفة؟
اه بتحتاجى مقاس اكبر بعد الولادة الصدر بيكبر اكتر
وهتلفيه يا اما فى لفة يا اما السليب باج لكن الاتنين لأ الا بقى لو الجو شتا موووت دى حاجة تانية
ومبدئيا اللبس اللى انتى بتقوليه ده كويس على اكتوبر الله اعلم بقى الجو هيبقى عامل ازاى الصيف داخل حامى علينا قوى السنة دى :(
bosy_md;12440075:
ميس فاتي دكتور مدحت الزيات قال ان لحد الرابع يعني لحد ما تبدأي تدخلي للبيبي اكل العادي انه يعمل حمام ست أو سبع مرات كل يوم.. وفيه أطفال بتعمل بعد كل رضعة.. لو أحمد في المعدل ده يبقي مش تقلقي
:thumbs_up::thumbs_up::thumbs_up:
nana12;12441695:
هااى بنات اخباركوا ايه؟
بنات عايزه اسالكوا عن حركه البيبى انا دلوقتى فى نص السادس بالظبط وبقالى يومين حساها ضعيفه دى طبيعى ولا ايه وبعدين مش بحس بيها طول اليوم اوقات واوقات والموضوع ده قالقنى اوووى ربنا يستر
بصى يا روحى البيبى بيبقى لسة صغير جوة الرحم عشان كده مش بتحسى بكل الحركات الا الجامد منها ده عادى
كلى حاجات مسكرة زى ماهوبا قالتلك او اشربى عصير وشوفى كده ايه اللى هيحصل
ومادام بتطمنى من السونار برضه مفيش مشكلة ان شاء الله
بس بقى تركزى مع الحركة من السابع كده لانها مفروض بتزيد وبتحسى بيها دايما
وفى التاسع بقى هتحسى بالشلاليت ان شاء الله واللى حواليكى كمان هيتفرجوا معاكى :lol: ما شاء الله ربنا يحميهم كلهم يارب
m@hy;12443330:
انا سئلت على اسعار تطعيمات الانفلونزة البكتيرية و الروتا
و لقيت الروتا ب 420
و البكتيرية ب 85
هى الاسعار دى كدا صح؟؟
و دودو هيكمل ال5 شهور ينفع ياخد حاجة منهم؟؟
الروتا فى المصل واللقاح ليها نوعين .. نوع بيتاخد جرعتين ونوع بيتاخد 3 جرعات .. الدكاترة دايما بتقول على اللى بيتاخد جرعتين وده سعر الجرعة بتاعته 310 جنيه وده خلاص كده دودو ماينفعش ياخده عشان اخر جرعة مفروض تبقى على خمس شهور ونص تقريبا ان ماكنش اقل
البكتيرية بقى فى المصل واللقاح بخمسين جنيه فقط وبتبقى 3 جرعات .. انا بدأت اول جرعة من الشهر التانى عادى وبين كل واحدة والتانية شهرين وفى جرعة تنشيطية على سنة ونص ..
اتصلى اسألى بقى ينفع تديهاله ولا لأ لانها مهمة جداااا وعايزين ينزلوها فى الاجبارى
نجلاء جابر;12443818:
ا
يا sweety متقصيش ضوافر مالك دلوقتى لانهم ضعاف جدا وحجيبوا دم والعياذ بالله ومتقليش فى لبسه لان الجو حار جدا الله يكوم فى عونه
و عقبالى يارب انا كمان انا حامل فى اخر التالت
عندى سؤال لو سمحتى الدكتور بياخد كام تقريبا فى الولادة القيصرى انا عارفة انها اكتر من الطبيعى
بوسي لى مالك
مين قال الكلام ده بس تلاقيكى انتى كنتى بتقصيها جامد وعلى الاخر
لا هى تمسكها كده بالراحة ومش هينزل دم ولا حاجة ان شاء الله
وسعر الولادة بيفرق من دكتور لدكتور
انا ولادتى القيصرى كلفتنى 1600 بالمستشفى بالدكتور بكله الحمد لله ووبعد تخفيض نقابة المهندسين
sweetyronaaa;12443751:
قلولي بقي انا في اخر التالت ابتدي احط الكريمات بتاعت الاسترتش مارك من امتى عشان ماتطلعليش و استعمل نوع ايه بالظبط
ممكن تدهنى من الرابع او الخامس
sweetyronaaa;12444080:
طيب انتى لما استعملتيه مظهرش عندك استرتش مارك و لا ظهرت قليل و استعمله على البطن بس و لا على البريست كمان لان في بنات بيقولوا ظهرلهم استرتش مارك في البريست كمان
و كمان عايزة مكان اجيب منه قمصان نوم او جلاليب قصيره للحمل بس تكون محترمه شويه لانى ببات كتير بره البيت و بطنى بقت توجعنى من الاستك بتاع البيجامات
بصى يا قمر الاسترتش ماركس دى بتفرق من واحدة للتانية عشان دى ليها علاقة برطوبة الجلد ومرونته زى مافى ناس بيطلعلها تجاعيد من بدرى وناس تانية لأ , فهى لو هتطلعلك مش هتقدرى تمنعيها تماما وفى ناس بقى مش بتطلعلها خالص وبتفتكر انه من الكريمات مثلا مع ان جسمها هو كده اصلا زى مافى ناس برضه اثار الجروح عندها بتروح وناس تانية بتفضل معلمة سنين طويلة
انا مادهنتش حاجة على صدرى وماطلعليش عليه غير الكلف وهو بيروح لوحده بعد الولادة
قمصان النوم بقى شوفى فى التوحيد والنور وشارمين او اى محل عادى انتى متعودة تجيبى منه مش شرط مكان معين المهم تبقى جايبة حاجة مريحاكى
وصحيح مش انتى فى اكتوبر؟ شوفى فى دياموند مول فى الدور الارضى هتلاقى محل كده فى لبس بيت حلو قوى انا كنت جايبة منه جلابيه شتوى وبزراير وشكلها كيوت موت وكانت باربعين جنيه فقط وماباظتش مع الغسيل ولا اى حاجة الحمد لله وبيتهي|ألى فى الدور الاول كمان محل
وفى الدور الارضى قدام السينما هتلاقى شارمين هناك
بسبوسةميدو;12444514:
ازيكوا يا ماميهات:) يارب تكونوا كلكم بخير
انا كنت عايزة اعرف البيبي لما يتولد ان شاء الله يروح لدكتور اطفال بعدها بقد ايه يعني تاني يوم ولا على السبوع ولا ايه؟؟ وكمان المتابعه بتبقى كل قد ايه؟ يعني كل اسبوع ولا اسبوعين ولا شهر كاطمئنان يعني على البيبي ياريت الناس الخيرة يفيدوني:)
ممكن تروحى للدكتور من تانى يوم على طول والمتابعة فى الاول حسب حالة كل طفل وحسب كل دكتور
يعنى جودى كان عندها مشكلة مع السرة فضلت اروحله كل اسبوع تقريبا فى الاول لحد ماوقعت وبعدين روحت على شهرين والزيارة الجاية ان شاء الله على اربع شهور الا لو حصل حاجة لا قدر الله