ღ تجهيزات حوامل مصرللمولود الجديد و النفاس ღ

بنات انا عايزة اجيب ببرونة واحدة بس لحد لما اشوف ان شاء الله هتبقى الرضاعة طبيعي ان شاء الله و لا لأ اجيب نوع ايه كويس و مقاس ايه لو سمحتوا

حبيبة مادو ربنا يباركلك في بنتك ياااااااااااااااااااااااااااارب

صحيح هوا لازم اجيب انا للبيبي البانيو بتاعه الصغير ده و لا اجيب الاسفنجة اللي بيتكون كأنها محفورة على مقاسه

عايزاكو كمان تقولولي اجيب بامبرز اد ايه يعني علبة نوعها ايه و بيكون فيها كام واحدة

ازيكوا يابنانيت وحشتونى اوى على فكرة انا سألت الدكتور على ضوافر مالك قالى ماتقصيهاش قبل مايبقى عندة 3 اسابيع انا قولت اقولكوا عشان كان قية كذا راى فاانا قولت اسال الدكتور عشان نطمن اكتر
حبيبة مادو الف مبروك على نوجى ربنا يخليهالك وتشوفيها عروسة امورة يارب
البنات اللى بتسأل على حقنة الابيديورال انا خدتها وهى كويسة الحمد للة وملهاش اى اعراض جانبية الحمد للة بس الدكتور بتاعى ادهانى فى الاخر مش فى الاول عشان قالى ان الطلق دة بيساعد عضلات الرحم انها تفتح اكتر وفعلا عنق الرحم وانا بولد بقى 11 سم الحمد للة ودة كمان بيساعد انة مايبقاش فية اى غرز من تحت الحمد للة والولادة بتاعتى تقريبا كانت فى ساعة ونص بس هو الطلق اللى كان كتير شوية الحمد للة نت الساعة 10 بليل ل 10 الصبح بس ابتدى هادى وبعد كدة زاد اوى الحمد للة ربنا يقومكوا بالسلامة ويديكوا ساعة سهلة من عندة يارب عليكوا بجد بالادعية وخصوصا سورة الزلزلة

يعني الحقنة دى بتوسع الرحم اكتر وبتتفادى موضوع الغرز الى تحت دي

انا من احد اسباب انى رافضه الولاده الطبيعي ومشجعه القيصري هى الغرز الى بتتاخد تحت دى

اختى فالاولانيه اتفتحت اتنين وفالولاده التانيه اتفتحت غرزتين من الجهتين بقت متدمره

ممكن اعرف نوع الببرونة ايه بلاستيك و لا ازاز و هل في ببرونات سيليكون ايه رأيكو يا قمرات اي واحدة احسن فيهم

هيا ماركة فارلين دي كويسة في مناديل الاطفال المرطبة

حبيبه مادو;12506081:
ازيك يا حلوووووووووووووين انا الحمدلله ولدت نوجى حبيبتى

انا حطتلكم صوره نوجى اهو عشان تشوفوها
انا عاوزه اعرف امتى البيبى نحميه ...؟؟؟؟ وامتى نلبسها بنص كم ؟؟؟؟؟ وكمان السره لسه مش نزلت بتنزل امتى المفروض وهى عدت اسبوووع ؟؟؟

الف مبروك يا حببتي ربنا يخليهالك و تفرحي بيها

sally2007;12511127:
بنات انا جاتلى البواسير من وراء واختى بتقولى متخفيش هى حصلها كده فى الحمل وبعيدن اختفت بس انا خايفة تزيد اكتر وادخل فى عملية ليها لانها كل شوية بتزيد عن الاول فى حد حصله كده وبعد الولاده اختفت وكمان الحوامل دلوقتى حد جراله كده اصلى قلقانة قوى وخايفة منها لانى لسه معادى فى المستشفى يوم 7-7 عشان اقول للدكتورة فعاوزة اطمن قبل مااروح لو حد حصله كده ربنا يخليكوا طمنونى وقلولى اعمل ايه؟

بصي انا اللي اعرفه عن البواسير ان اهم حاجه ميكونش عندك امساك و هى بتروح بالعلاج بس الحقيها من اولها عشان متزدش معاكى

M!ss Tuky;12517966:
انا كنت باخد فيروكال فالاول مكنش عاملى حاجه بس عشان نسبه الحديد اكتر وقالى لا البرشام ده ضعيف ف ادانى هيما كابس ده فيه كميه فيتامينات اكتر بس فعلا المره الجايه هقولو

حاولى تاكلي فاكهه و خضار كتير

sally2007;12523260:
بنات انا البول بقى محبوس عندى يعنى مبينزلشى بسهولة وتعبانة منة انتوا بتعملوا ايه انا سورى فى التعبير بفضل احزق من قدام قوى عشان اقدر اعمل حمام وبخاف ليحصل حاجة خصوصا ان ماما قالتلى مش احزق واوقات بسخن ماية بتغلى لدرجة انها بتلسعنى ويدوب ينزل نقط والباقى محبوس اعمل ايه ارررررررررجوكم انا تعبانة منه قوووووووووووووووى الدكاترة بتوعكم بيقلولكم ايه على كده المشكلة انى كل حاجة عمالة تحصلى دلوقتى وميعادى مع دكتورتى لسه قدامة كام يوم وان تعبانة ومينفعشى اروح غير فى ميعادى ساعدونى لو سمحتم
لانى انا الشهر السابع الله لا اعتراض تعبنى قوى الحموضة زادت قوى والبول اتحبس والترجيع والبواسير انا تعبانة ونفسى اعيط قووووووى وانا لوحدى ومش قادرة افضفض لماما عشان هى تعبانة عشانى خلقة وجوزى من يوم معمل الحادثة وانا مش برضة اقوله على كل التعب عشان ميبقاش خارج وهو قلقان ولقدر الله يحصل حاجة انا مليش غيركم دلوقتى معلشى طولت بس كانت عاوزة افضفض شوية من تعبى

ربنا معاكى و يشفيكي يا رب معلش استحملي هانت كلها شهرين و تفرحي بادهومه العسل

*pippo*;12528896:
مورو الانفلنزا البكتيرية مالوش اعراض

مها حمى بنتك طبعا عادى ماتسيبيهاش كده وعلى الحوض عشان تتعود على المياه بلاش حوار القطنة ده


بصوا بقى
ياريت يا بنات اى حد عنده اى فكرة عن شفاط اللبن الكهربا يقوووولى ضرووورى وبسرررررررررررعة بليييييييييييييز

بصي انا مرات اخويا كانت جيباه و هو حلو جدا و مريح مش بيوجع و لا حاجه بس اسعاره غاليه اوى تقريبا كان بالف و حاجه

اميرة مصرية;12529311:
ربنا يكون في عونك يا حبيبتي بس انتي ما تضايقيش نفسك علشان البيبي بيحس بيكي و بيتأثر ..اللي بتقوليه ده عااااااادي انا كمان كده بس بحاول اشرب مية او سوايل كتير علشان اعرف ادخل الحمام و لما بدخل بقعد و احاول ارخي اعصابي خاااااالص لحد ما المية المتحوشة دي تنزل..هو بس زي ما البنات قالولك ده بيكون ضغط البيبي على المثانه فممكن تتخلي الحمام و انتي مزنووووووووقة تلاقي هما نقطتين اللي عاملين الأزمة دي كلها:badly:
ربنا يكرمكو يا قمرات على ردودكو علياF: كنت عايزة اعرف حاجة هو انا ان شاء الله لو خلاص ربنا كتبلي اولد قيصري مش هاعرف ارضع البيبي؟؟ و لو اخد اعشاب او كده اول يوم مش هايكون صعب عليه يرضع مني:confused:.. حاجة كمان معلش انا عندي بيبيرونة افنت اللي هي الصغيرة دي بس ماما قالتلي آخد بيبيرونة تانية مش ماركة يعني المستشفى علشان لو كسروها او نسيناها بس انا خايفة لحسن بعدين مش يرضى ياخد الافنت و ياخد اللي رضع منها اول مرة بس:'(..

خدي معاكى الببرونه احسن لان فعلا ساعات البيبي مش بيرضي ياخد من حاجه غير اللي خدها الاول لان بنت اخويا خدت جلوكوز و بعد كده غيرنا النيبلز بتاعتها مرضيتش تاخدها خالص

بصوا بقي انا عندي زى حرقان كده في البريست في النيبلز نفسها بس ناحيه واحده بس ايه ده بقي
و كمان ساعات بحس ان في حاجه ضاغطه على معدتى او ععلى جمبي ده من ايه لانى لسه في اخر التالت و اعتقد ان لسه بدري علي حركه البيبي
و كمان هو طبيعي ان البطن تبقي ناشفه اوى كده ساعات بحس ان بطنى عامله زى الطوبه كده

sweety rona


انا كمان في الشهور الاولي كنت بحس زيك كدا حاجه ضاغطه علي المعده واحس اني مش مرتاحه وزني ما يكون الاكل
واقف فيها
وخاصه بعد الاكل يعني .بس الحمد لله انا في الرابع اهو والاحساس دا راح .وموضوع البطن الناشفه دي اعتقد انها طبيعي

sally2007;12533080:
الله يسلمك ياقمر
ياريت واخدك وانا نازلة واخدك وانا رجعه قوليلى انتى ناوية تولدى فى مصر ان شاء الله ولا هنا
والله مااعرف جنسيتها ايه بس هى عربية مش هندية يعنى لان اغلبهم هنود
وانا بتابع فى الامومة والطفولة كل مرة مش بتبقى هى هى الدكتورة لا حسب الدكتورة اللى موجودة فى اليوم اللى بروحة يعنى اكتر من وحده وكنت متابعه مع دكتور مصرى بس كانت عيادة خاصة مش مستشفى انما بعد ماعملت التامين الصحى بقيت اتابع فى المستشفيات ياقمر وانا حاليا بتابع فى الامومة والطفولة لو تسمعى عنها انتى كمان حاولى لو مش عاملة تامين تعملى وتابعى فى الامومة والطفولة بتاعت ابو ظبى حتى بعد مابتولدى هما اللى بيرعولك البيبى وبيدوله كل التطعيمات وبيعلموكى ازى ترضيعه وتلبسية وحاجات حلوة
وكمان لو فكرتى تولدى هنا لو معاكى تامين صحى مش هتدفعى كتير واحد صاحب جوزى مراتة جالها الطلق فجاءة فى الشهر السابع وراح المستشفى بعد ماولدت قلولة 6000 درهم لو معاك البطاقة الصحية يبقى 1500 درهم فااتصل بجوزى وقاله قولى بسرعه ازى عملت البطاقة وراح تانى يوم الصبح عمالها ودفع 1500 درهم بس ودخل ابنه الحضنة وعشان البطاقة معاه مدفعشى ولا مليم للحضانة فااسمعى كلامى واعمليها ومش هتخسرى حاجة هتدفعى 350 درهم لمدة سنة وبالبطاقة تقدرى تروحى اى مستشفى حكومى هنا فهمتى قصدى

بصي انا ان شاء الله ناوية اولد في مصر

و انا عندي تامين تبع جوزي و المفروض مبندفعش حاجة خالص

لان هنا الدنيا غاليه جدا

مفيش الولادة اللي ب6 الاف دي

على الاقل 10 و انتي طالعه

مرة رحت قبل التامين عقبال عندكم دفعت 800 درهم:-o


دا واحدة كانت عامله تنظيف الرحم ب 10

و اول مرة اسمع عن موضوع الامومه و الطفوله دا

دا حاجة حكومة يعني

طيب متروحي للدكتور دا يكتبك تصريح السفر و خلاص

sally2007;12531591:
ربنا يخليكم ليا ويسعدكم ويخللكم ولادكم وبيبهاتكم يارب كلامكم بيريحنى والله كلكم

بالنسبة للى ربنا كرمهم وولدوا حصر البول ده بيروح بعد الولاده ولا بيفضل اصلى مرة سالت دكتورة فى الشهر الرابع وقلتلى حصر البول ده ممكن يفضل معاكى بعد الولادة فيعنى اللى ولدت تقولى فعلا ولا ايه؟

اننا بالنسبالي رجعت لطبعيتي في موضوع الحمام ده من بعدما رجعت البيت يعني يوم الولاده نفسه والحمدلله ماعدش خالص

M!ss Tuky;12533199:
صحيح يابنات انا تبع نقابه المحاميين وكارنيه النقابه ب 1200 جنية

وطبعا ال 1200 جول يادوب اكمل واولد

مع العلم ان واحده صحبتى عامله الكارنيه ولدت فمستشفي الميريلاند ب 600 جنبه بكل حاجه تقريبا انا مش فاكره الرقم ده ان كان اقل من كده بكتير يعنى

وكانت بتتابع ب 20 جنيه و ب 5 جنيه الكشف بردو وليها مستشفيات للاولاد وكده بإشتراك سنوى 200 جنيه تقريبا

انا بقي محتاره انا متابعه مع دكتورة وروحت كملت عند دكتور والاتنين لو عملت كارنيه النقابه مش هتابع معاهم وهيبقي منى لدكتور مستشفي الميريلاند او المستشفي الى تبع النقابه الى قريبه منى

فاهمين يعنى انا داخله ع السابع خلاص وهعيد الكرره من تانى

السؤال بقي اعمل الكارنيه واتوكل علي الله ولا اكمل المتابعه واولد الولاده دى وابقي اعمل الكارنيه بعدين

ده بالاضافه طبعا زى ما بتقولى ياسالى لو في اى ظرف بيبقو عاملين زى التأمين بالظبط كل حاجه بأسعار النقابه بأسعار رمزيه

دلونى بآرائكم اعمل ايه

انا مش فاهمه اوي بس طبعا نقابه لمحامين من النقابات الكويسه اوي
ويفضل طبعا تشتركي في مشروع العلاج بتاعهم بس هوبيقي اخر السنه شهر 12
مش عارفه ده بيمشي علي كل لنقاات ولا لا
انا تبع نقابه الاطباء وعملنا في 12
وطبعا بيحصل تخفيض كبير جدا مش ولاده بس
ده حتي في المعامل والتحاليل وكده

M!ss Tuky;12533545:
يعني الحقنة دى بتوسع الرحم اكتر وبتتفادى موضوع الغرز الى تحت دي

انا من احد اسباب انى رافضه الولاده الطبيعي ومشجعه القيصري هى الغرز الى بتتاخد تحت دى

اختى فالاولانيه اتفتحت اتنين وفالولاده التانيه اتفتحت غرزتين من الجهتين بقت متدمره

مش فاهمه ازي اتفتحت غرزتين
طب ما هو الفتح ده لازم عشان لو مفتحش البيبي هينزل وبيهدل الجلد خالص فهماني
وبعد ده بيتخيط وبترجعي زي الاول بالظبط

بنات ادعولي بالله عليكم
رحت للدكتوره هتديني اسبوع تاني واا قلقانه اوي اصلا المرادي
وكشفت عليا نسا اول مره اتوجع كده وبقول هعمل ايه في الولاده
خلاص جبت اخري
والراس لسه منزلتش الحوض

صوت العيون;12531536:
بس الزغوطه بتكبر معده النونو يا جميله يبقا المفروض نسيبها تروح لوحدها
كمان عشان مش ترجع او تطرد الى بترضعه بسهوله

مش عارفه بالظبط فيدتها ايه يا مورو بس هى فعلا ساعات بتروح لوحدها
وساعات بتصعب عليا فبرضعها وتروح وسمعت دكتور مدحت الزيات ان الزغوطه عادى جدا وبتقل لوحدها مع الوقت وواحده سئلته تعمل ايه قالها خاليه يمص حاجه وهى عادى اول سنه

M!ss Tuky;12532420:

فعلا انا بيجيلي الموضوع ده كتييير وبقولهم زغوطة مش بيصدقونى بس بقي بيجيلي كتير اوى فاليوم يعني ممكن اربع مرات ف اليومكده تيجي زى ضربات منتظمة خمس او ست ضربات كده

بيقلولى ده تلاقيه النبض بس كنت بقولهم النبض يبقي احس بيه ع طول لو بالمنظر ده انما خمس مرات ويختفي وكل شويه احس بيه

بس مرات اخو جوزى بتقولى الزغوطة الكتير دى حاجه مش كويسه

وفعلا ممكن تحصل اربع خمس مرات ف اليوم

انا متاكده ان الحركه ديه زغوطه لانى شفت الحركات اللى البيبى بيعملها فى بطن مامته فى موقع بامبرز ومكتوب الحازقه وهى الزغوطه اما انها غلط انا مش عارفه غلط ليه

;)

كيوت لولا;12534775:
بصي انا ان شاء الله ناوية اولد في مصر

و انا عندي تامين تبع جوزي و المفروض مبندفعش حاجة خالص

لان هنا الدنيا غاليه جدا

مفيش الولادة اللي ب6 الاف دي

على الاقل 10 و انتي طالعه

مرة رحت قبل التامين عقبال عندكم دفعت 800 درهم:-o


دا واحدة كانت عامله تنظيف الرحم ب 10

و اول مرة اسمع عن موضوع الامومه و الطفوله دا

دا حاجة حكومة يعني

طيب متروحي للدكتور دا يكتبك تصريح السفر و خلاص

ايوة عارفة التامين ده وبالنسبة للامومة والطفولة انا هنا كل المصرين اللى فى الشارقة بيتبعوا فيها وكل الوافدين بجد دى تحفففففففففففة واحسن من اى دكتور فى عياده
على الاقل كل شهرين بيعملولك تحاليل كاملة وبيقيسوا الضغط والوزن وبيكشفوا عليكى وبعد الولادة برضه بتبقى معاهم بطفلك لحد ماانتى تزهقى وتبطلى تروحى وطبعا عمرك ماهتزهقى هههههههه بجد خلى جوزك يسالك على مكانها فى ابوظبى وروحى على طول وبالنسبة لتصريح السفر الدكتورة اللى فى المستشفى هى بتدهولى لما بطلبة منها وهى كمان اللى بتقولك من نفسها لما تيجى تسافرى تعالى خدى ورقة تصريح سفر والامومة والطفولة حكومى ياقمر بس نظيفة قوى قوى وناس قمة الاحترام ياقمر وبيهتموا بيكى بطريقة عاليه قوى وبيرعوكى قوى كمان واى استفسار انا معاكى اه نسيت اقولك ان بالتامين مبتدفعيش ولا حتى فلس واحد انا مبدفعشى فى المستشفى ولا مليم ياقمر لانى معايا برضه تامين صحى

hoba555;12535665:
بنات ادعولي بالله عليكم
رحت للدكتوره هتديني اسبوع تاني واا قلقانه اوي اصلا المرادي
وكشفت عليا نسا اول مره اتوجع كده وبقول هعمل ايه في الولاده
خلاص جبت اخري
والراس لسه منزلتش الحوض

ربنا معاكى يارب وتقومى بالف سلامة وتولدى طبيعى ياررررررررررررررررررررررررررررب

بنات انا عاوزه اسالكم سؤال دلوقتي انا جايبه بيبيرونه افنت 125ملل اخدها معايا المستشفي احطها في الشنطه ولا ملهاش لازمه؟ وكذلك التيتينه اخدها معايا المستشفي ولا لا
اجيب منين بلح يابنات وانهي احسن نوع بلح بيفيد في الولاده الرطب ولا الاحمر ولا الامهات ولا المجفف
هوانا لازم اغلي البيبرونه والتيتينه قبل الاستخدام؟
كشف النسا المفروض بيبقي امتي ان شاء الله
ربنا يخليلكو عيالكو يابنات يارب ويجيبهملكو بالسلامه تجاوبوني علي اسالتي
انا جبت يابنات شويه حاجات من الصيدليه احب ااقولكو علي اسعارها
سودو كريم 250 جم 105 حنيه:(
سانوسان وايبس 26 جنيه :(
سانوسان كريم غيار 29 جنيه :(
سانوسان شامبو وشاور 20 جنيه (بس بالامانه ريحته تحفهههههه)
ماء غريب مستورد 32 جنيه :(

dandona we bas;12533525:
بنات انا عايزة اجيب ببرونة واحدة بس لحد لما اشوف ان شاء الله هتبقى الرضاعة طبيعي ان شاء الله و لا لأ اجيب نوع ايه كويس و مقاس ايه لو سمحتوا

حبيبة مادو ربنا يباركلك في بنتك ياااااااااااااااااااااااااااارب

صحيح هوا لازم اجيب انا للبيبي البانيو بتاعه الصغير ده و لا اجيب الاسفنجة اللي بيتكون كأنها محفورة على مقاسه

عايزاكو كمان تقولولي اجيب بامبرز اد ايه يعني علبة نوعها ايه و بيكون فيها كام واحدة

انا عندى البانيو و السفنجة دى ولا استعملتهم بستسهل و احميها على الحوض:D

M!ss Tuky;12533545:
يعني الحقنة دى بتوسع الرحم اكتر وبتتفادى موضوع الغرز الى تحت دي

انا من احد اسباب انى رافضه الولاده الطبيعي ومشجعه القيصري هى الغرز الى بتتاخد تحت دى

اختى فالاولانيه اتفتحت اتنين وفالولاده التانيه اتفتحت غرزتين من الجهتين بقت متدمره

على فكرة بعد الولادة الطبيعية الغرز اللى بيخيطوها دى بترجعك اكنك عروسة جديدة :oهم بيفتحو عشان ميحصلش تهتك فى اللانسجة اثناء خروج البيبى و بيخيطو تانى وطبعا ده بيحصل فى الاخر و انتى واخده بنج مبتحسيش بيه و كل حاجة بترجع طبيعى متقلقووش و كله اعتقد حسب الدكتور لو شاطر او لا

sweetylolla85;12538688:
بنات انا عاوزه اسالكم سؤال دلوقتي انا جايبه بيبيرونه افنت 125ملل اخدها معايا المستشفي احطها في الشنطه ولا ملهاش لازمه؟ وكذلك التيتينه اخدها معايا المستشفي ولا لا

انا اخدتها يا جميلة بس معملتش بيها حاجة كانوا بيدولوا جلوكوز اول يوم فمحتجتاهاش بس انتى خديها احتياطى يمكن تحتاجى تديلوا اعشاب
و التيتينة انا مجبتهاش اصلا و مش بستعملها بصراحة

اجيب منين بلح يابنات وانهي احسن نوع بلح بيفيد في الولاده الرطب ولا الاحمر ولا الامهات ولا المجفف

انا جبت التمر اللى بيكون مكبوس ده من اى سوبر ماركت انتى اصلا هتاخدى منه حتة نونو و تلحسى بيها بقه بس
هوانا لازم اغلي البيبرونه والتيتينه قبل الاستخدام؟

انا غليتها بصراحة
كشف النسا المفروض بيبقي امتي ان شاء الله

انا ملحقتش اكشف نسا لانى ولدت فجأة اول التاسع البنات يفيدوكى بقى فى النقطة دى
ربنا يخليلكو عيالكو يابنات يارب ويجيبهملكو بالسلامه تجاوبوني علي اسالتي
انا جبت يابنات شويه حاجات من الصيدليه احب ااقولكو علي اسعارها
سودو كريم 250 جم 105 حنيه:(
سانوسان وايبس 26 جنيه :(
حلوة اوى انا بستعملها لما اكون عايزة اغير لابنى برة البيت او بليل لو مش قادرة اوديه الحمام بس طبعا غير كده على طول التغيير بالماية و الشاور جل او مايه بس
بس انا ساعات بمسح بعدها بقطنة فيها ماية علشان ميجيلوش تسلخات لانى موسوسة شوية بس عادى لو معملتيش كده
سانوسان كريم غيار 29 جنيه :(

حلو اوى بيضيع اى احمرار او حبوب من اول مرة و بيعمل طبقة عازلة بين جلد البيبى و البيبى او الكيكى
و على فكرة هو بيقعد كتييييييير فمش خسارة فيه الفلوس بجد

سانوسان شامبو وشاور 20 جنيه (بس بالامانه ريحته تحفهههههه)

حلو اوى برضه و بيقعد كتير هما نقطتين هيكفوا جسمه كله اساسا
بس اللى لحد دلوقتى مستعملتهاش هى الصابونة بصراحة ملهاش لازمة الشامبو و الشاور سوا يكفوا الحمد لله


ماء غريب مستورد 32 جنيه :(

متزعليش ده انا جبته من الصيدلية اللى جنبى ب 48 جنيه :'( و جيت مرة كنت برة البيت و ابنى جاله مغص جامد و مكانش معايا الدوا فقلت اشترى اكوا فيرا مؤقتا بصراحة طلع حلو اوى مع ابنى و ندمت انى مجربتوش من الاول بدل ما اشترى علبتين ماء غريب المستورد :'(
ربنا يقومك بالسلامة و تفرحى بابنك يارب

dandona we bas;12533557:
ممكن اعرف نوع الببرونة ايه بلاستيك و لا ازاز و هل في ببرونات سيليكون ايه رأيكو يا قمرات اي واحدة احسن فيهم

انا جبت شيكو ال 150 مل بلاستيك معالج و فيها نظام الاير سيستم اللى بيمنع المغص و حلوة اوى و حجمها مناسب كبداية لو انتى مش عارفة لسة هترضعى طبيعى ولا صناعى

هيا ماركة فارلين دي كويسة في مناديل الاطفال المرطبة

معرفش بصراحة البنات يفيدوكى بقى بس انا بستعمل سانوسان هايلة بصراحة

sally2007;12531591:
ربنا يخليكم ليا ويسعدكم ويخللكم ولادكم وبيبهاتكم يارب كلامكم بيريحنى والله كلكم

بالنسبة للى ربنا كرمهم وولدوا حصر البول ده بيروح بعد الولاده ولا بيفضل اصلى مرة سالت دكتورة فى الشهر الرابع وقلتلى حصر البول ده ممكن يفضل معاكى بعد الولادة فيعنى اللى ولدت تقولى فعلا ولا ايه؟

لأ بيروح عالطول لا تقلقي ده انا فرحانة اوي من ساعة الولادة اني اخيرا اقدر امسك نفسي ومبقاش مزنوقة واجري علي الحمام كل شوية واحس اني هعمل علي نفسي.

dandona we bas;12533557:
ممكن اعرف نوع الببرونة ايه بلاستيك و لا ازاز و هل في ببرونات سيليكون ايه رأيكو يا قمرات اي واحدة احسن فيهم

هيا ماركة فارلين دي كويسة في مناديل الاطفال المرطبة

خليكي في البلاستيك يا دندن افضل حاجة، وعندك افينت ونك وشيكو وبايجون وكلهم انواع كويسة جدا، شوفي انتي وراحتك بقي.

طيب كتكوتة مش البلاستيك مش كويس على صحة البيبي و لا الازاز اضمن و ايه الفرق بينهم طيب تعرفي يا قمراية

dandona we bas;12539533:
طيب كتكوتة مش البلاستيك مش كويس على صحة البيبي و لا الازاز اضمن و ايه الفرق بينهم طيب تعرفي يا قمراية

مهوا يادندن البلاستيك بيبقى نظيف ومش اى بلاستيك ياقمر هاتى افنت حلو بجد والبلاستيك بتاعها نظيف قوى

طيب اجيبها كام ملل

دندن دى الببرونة اللى انا شارية هما اتنين مع بعض
من افنت وانا جبت اتنين مع بعض عشان لو وحده مش نظيفة تبقى التانية استبن لو هو كان بيرضع منها مش استنى لما اقوم اغسل اللى بياكل فيها لا الاتنين يبقوا معايا
ودى صورتها على العلبه ياقمر بس هى فى العلبة لانها متبرشهة ومش فتحتها

بنات ربنا يخليكوا ويكرمكم على ردودكم على اى حاجة بسالها يارب يسعدكم جميعا

dandona we bas;12539586:
طيب اجيبها كام ملل

انا جايبها 125 مللى ياقمر