ღ تجهيزات حوامل مصرللمولود الجديد و النفاس ღ

حلوه الكوفرته دى بس مش بتبقى ناشفه من تحت زى اللحاف او الشنطه مش هيبقى غلط على الضهر خصوصا لو حد تانى شالها
كمان بفكر فى كرسى الباونسر بس مش عارفه هينفع من الاول كده ولا لا
والعربيه متنفعش معايا لانى بسافر كتير مش هعرف اخدها معايا
فى كمان كاريير لاول 6 شهور مش بتبقى واقفه كده عشان الضهر عشان كده محتاره ولله مش عارفه اجيب ايه بالظبط

ربنا يخليلك نوجي يا حبيبه مادو يارب


بنات ضفوني لليته
ميعاد الولاده باذن الله 23_12

اميرة مصرية;12511080:
بنات انا رحت للدكتور امبارح و قالي خلاص هاولد قيصري على يوم التلات ان شاء الله :'( البيبي راسه لسة مانزلتش الحوض بس هو وراني راسه كانت تحت فأنا قلت هاهري نفسي مشي و شغل في البيت يمكن على آخر لحظة ربنا يهديه و يحن عليا و ينزل في الحوض:|..انا كنت عايزة اسأل البنات اللي ولدو قيصري ايه الاستعدادات اللي عملتوها قبل الولادة؟؟ انا الدكتور قالي اكون صايمة 8 ساعات بس.. ماما بتقولي اني الفترة دي مش ينفع اشرب اي منبهات فعشان كده انا قلت اسألكو انتو عملتو ايه؟؟

انا اللي فكراه تقريبا كانت قايلالي كلي لغاية 1 الظهر وبعدين اصوم من الاكل بس ممكن اشرب مشروبات او مية عادي لغاية 4 العصر ومفروض كنت اروح اولد علي 8 كده مثلا بس اتاخرت ساعتها عشان الظروف بتاعة الجو والتجهيز بتاع المستشفي وكده.

sally2007;12523260:
بنات انا البول بقى محبوس عندى يعنى مبينزلشى بسهولة وتعبانة منة انتوا بتعملوا ايه انا سورى فى التعبير بفضل احزق من قدام قوى عشان اقدر اعمل حمام وبخاف ليحصل حاجة خصوصا ان ماما قالتلى مش احزق واوقات بسخن ماية بتغلى لدرجة انها بتلسعنى ويدوب ينزل نقط والباقى محبوس اعمل ايه ارررررررررجوكم انا تعبانة منه قوووووووووووووووى الدكاترة بتوعكم بيقلولكم ايه على كده المشكلة انى كل حاجة عمالة تحصلى دلوقتى وميعادى مع دكتورتى لسه قدامة كام يوم وان تعبانة ومينفعشى اروح غير فى ميعادى ساعدونى لو سمحتم

ده بيتهيألك بس هو مش بيبقي محبوس بس عشان البيبي ضغطه علي المثانة زاد دلوقتي فبيخليكي كل شوية عايزة تروحي تعملي او بيجيلك الاحساس نفسه وبس ومش شرط يكون في بول اصلا عشان كده انتي فاكرة انه فيه ومش راضي ينزل لأ، هو بس احساس بسبب ضغط البيبي، انا كان عندي كده.

حبيبه مادو;12524914:
انهارده نوجى حبيبه مامى عندها 10 اياام انا عاوزه اعرف احميها ولا لا؟؟؟ واحميها ازااااااااااى ؟؟ انا بعملها بس بقطنه وميه ؟؟؟؟

يا بنتي انتي لسه محميتهاش ليه بس، ما احنا قلنالك حميها من تاني يوم حتي عادي خالص، مقرتيش الردود اللي فاتت ولا ايه ومتخافيش خالص بس خللي حد يساعدك في اول كام مرة لغاية ما تتعودي تحميها لوحدك.



ليستة الحوامل ما شاء الله ولا حول ولا قوة إلا بالله


حوامل شهر 4:
30/4/2010 d.aml 86
dyana ( ولد بإذن الله )


حوامل شهر 5:
19/5/2010 danasam


حوامل شهر 6:
12/6/2010 Radwa_Rashwan
23/6/2010 *lovely *didi
27/6/2010 OM MALK


حوامل شهر 7:
2/7/2010 daloo3t_hemo ( ولد بإذن الله )
5/7/2010 hoba555 ( بنوتة بإذن الله )
10/7/2010 Celeen ( بنوتة بنوتة بإذن الله )
17/7/2010 du ( بنوتة بإذن الله )
24/7/2010 شوق وحنين للجنة


حوامل شهر 8:
1/8/2010 عيون حمودي ( ولد بإذن الله )
5/8/2010 بسبوسةميدو ( بنوتة بإذن الله )
12/8/2010 sweetylolla85 ( ولد بإذن الله )
13/8/2010 medowawa ( ولد بإذن الله )
23/8/2010 dandona we bas ( ولد بإذن الله )
23/8/2010 monyfofo ( بنوتة بإذن الله )
25/8/2010 princes_lolo
28/8/2010 roro8484 ( ولد بإذن الله )


حوامل شهر 9:
5/9/2010 ياسمينا ( ولد بإذن الله )
20/9/2010 nemonamanemo
21/9/2010 sally2007 ( ولد بإذن الله )
23/9/2010 *حبيبة حبيبي*


حوامل شهر 10:
11/10/2010 nana12 ( بنوتة بإذن الله )
12/10/2010 bosy_md ( بنوتة بإذن الله )
16/10/2010 M!ss Tuky ( بنوتة بإذن الله )
21/10/2010 zozokah


حوامل شهر 11:
4/11/2010 طالبة الحق


حوامل شهر 12:
23/12/2010 mitcy
28/12/2010 D.mero

على فكرة يا ماميهات زبادي اكتيفيا حلو جدااااااااااااااااا للامساك

مورو الانفلنزا البكتيرية مالوش اعراض

مها حمى بنتك طبعا عادى ماتسيبيهاش كده وعلى الحوض عشان تتعود على المياه بلاش حوار القطنة ده


بصوا بقى
ياريت يا بنات اى حد عنده اى فكرة عن شفاط اللبن الكهربا يقوووولى ضرووورى وبسرررررررررررعة بليييييييييييييز

sally2007;12523260:
بنات انا البول بقى محبوس عندى يعنى مبينزلشى بسهولة وتعبانة منة انتوا بتعملوا ايه انا سورى فى التعبير بفضل احزق من قدام قوى عشان اقدر اعمل حمام وبخاف ليحصل حاجة خصوصا ان ماما قالتلى مش احزق واوقات بسخن ماية بتغلى لدرجة انها بتلسعنى ويدوب ينزل نقط والباقى محبوس اعمل ايه ارررررررررجوكم انا تعبانة منه قوووووووووووووووى الدكاترة بتوعكم بيقلولكم ايه على كده المشكلة انى كل حاجة عمالة تحصلى دلوقتى وميعادى مع دكتورتى لسه قدامة كام يوم وان تعبانة ومينفعشى اروح غير فى ميعادى ساعدونى لو سمحتم
لانى انا الشهر السابع الله لا اعتراض تعبنى قوى الحموضة زادت قوى والبول اتحبس والترجيع والبواسير انا تعبانة ونفسى اعيط قووووووى وانا لوحدى ومش قادرة افضفض لماما عشان هى تعبانة عشانى خلقة وجوزى من يوم معمل الحادثة وانا مش برضة اقوله على كل التعب عشان ميبقاش خارج وهو قلقان ولقدر الله يحصل حاجة انا مليش غيركم دلوقتى معلشى طولت بس كانت عاوزة افضفض شوية من تعبى

ربنا يكون في عونك يا حبيبتي بس انتي ما تضايقيش نفسك علشان البيبي بيحس بيكي و بيتأثر ..اللي بتقوليه ده عااااااادي انا كمان كده بس بحاول اشرب مية او سوايل كتير علشان اعرف ادخل الحمام و لما بدخل بقعد و احاول ارخي اعصابي خاااااالص لحد ما المية المتحوشة دي تنزل..هو بس زي ما البنات قالولك ده بيكون ضغط البيبي على المثانه فممكن تتخلي الحمام و انتي مزنووووووووقة تلاقي هما نقطتين اللي عاملين الأزمة دي كلها:badly:
ربنا يكرمكو يا قمرات على ردودكو علياF: كنت عايزة اعرف حاجة هو انا ان شاء الله لو خلاص ربنا كتبلي اولد قيصري مش هاعرف ارضع البيبي؟؟ و لو اخد اعشاب او كده اول يوم مش هايكون صعب عليه يرضع مني:confused:.. حاجة كمان معلش انا عندي بيبيرونة افنت اللي هي الصغيرة دي بس ماما قالتلي آخد بيبيرونة تانية مش ماركة يعني المستشفى علشان لو كسروها او نسيناها بس انا خايفة لحسن بعدين مش يرضى ياخد الافنت و ياخد اللي رضع منها اول مرة بس:'(..

انا على طول بيبقى عندى زى نبضات كده اسفل البطن من الشمال انا كنت فكراها حركه البيبى بس لما ركزت لقيتها غير الحركه يعنى ممكن تعد دقيقه او دقيقتين وتروح ايه دىىى ؟؟؟

من البيبى يا جميله عادى كنت بحس بيها بس ازاى فرقتيى بينها وبين البيبى


سؤالى لو الواحد طعم تطعيم الانفلونزا البكتيريا هل لازم يحسب شهر على تطعيم الاربع شهور بالظبط
ولا يحسب شهرين بين تطعيم الشهرين والاربع شهور
ان شاء الله

هههههههه عشان كان البيبى بيتحرك فى ناحيه ودى ناحيه تانيه يعنى هيتحرك كل ده مع بعضه

لا يا جميله بس ممكن تكون النبضات نبضات قلبه مثلا
والحركه من ايده او رجله هو ما شاء الله بقا كبير دلوقتى

كيوت لولا;12528322:
على فكرة يا ماميهات زبادي اكتيفيا حلو جدااااااااااااااااا للامساك

:thumbs_up::thumbs_up::thumbs_up::thumbs_up::thumbs_up:
انا مجرباه فعلا رهيب
واللى عندها امساك تقول للدكتور بتعها عشان مايدهاش حديد يزوده انا كنت باخد حديد شراب ومكنش بيعمل امساك اسمه سيترون

monyfofo;12530866:
انا على طول بيبقى عندى زى نبضات كده اسفل البطن من الشمال انا كنت فكراها حركه البيبى بس لما ركزت لقيتها غير الحركه يعنى ممكن تعد دقيقه او دقيقتين وتروح ايه دىىى ؟؟؟

مبروك يا منمن النونو عنده زغوطه
تحسى انها حركه متواصله ولمده دقيقه مثلا وتحسى انها رخمه كدا وتروح لوحدها
انا نانو كانت كدا برضو
ومعلومه لما البيبى يجيله زغوطه رضعوه او خالوه يمص حاجه وهتروح علطول
نانو لما اتولدت كان بيجلها كتير زغوطه ولما ارضعها تروح وقلت دلوقتى
;)

بس الزغوطه بتكبر معده النونو يا جميله يبقا المفروض نسيبها تروح لوحدها
كمان عشان مش ترجع او تطرد الى بترضعه بسهوله

ربنا يخليكم ليا ويسعدكم ويخللكم ولادكم وبيبهاتكم يارب كلامكم بيريحنى والله كلكم

بالنسبة للى ربنا كرمهم وولدوا حصر البول ده بيروح بعد الولاده ولا بيفضل اصلى مرة سالت دكتورة فى الشهر الرابع وقلتلى حصر البول ده ممكن يفضل معاكى بعد الولادة فيعنى اللى ولدت تقولى فعلا ولا ايه؟

sally2007;12531591:
ربنا يخليكم ليا ويسعدكم ويخللكم ولادكم وبيبهاتكم يارب كلامكم بيريحنى والله كلكم

بالنسبة للى ربنا كرمهم وولدوا حصر البول ده بيروح بعد الولاده ولا بيفضل اصلى مرة سالت دكتورة فى الشهر الرابع وقلتلى حصر البول ده ممكن يفضل معاكى بعد الولادة فيعنى اللى ولدت تقولى فعلا ولا ايه؟

الف سلامه عليكي يا سالي

يارب تروحي مصر بالسلامة

و عدى عليا حطيني في الشنطة معاكي:):):):):)

هي الدكتورة بتاعتك جنسيتها ايه

و لو تعبانه روحي لحد تاني يا بنتي متسيبيش نفسك

مبروك يا منمن النونو عنده زغوطه
تحسى انها حركه متواصله ولمده دقيقه مثلا وتحسى انها رخمه كدا وتروح لوحدها
انا نانو كانت كدا برضو
ومعلومه لما البيبى يجيله زغوطه رضعوه او خالوه يمص حاجه وهتروح علطول
نانو لما اتولدت كان بيجلها كتير زغوطه ولما ارضعها تروح وقلت دلوقتى

فعلا انا بيجيلي الموضوع ده كتييير وبقولهم زغوطة مش بيصدقونى بس بقي بيجيلي كتير اوى فاليوم يعني ممكن اربع مرات ف اليومكده تيجي زى ضربات منتظمة خمس او ست ضربات كده

بيقلولى ده تلاقيه النبض بس كنت بقولهم النبض يبقي احس بيه ع طول لو بالمنظر ده انما خمس مرات ويختفي وكل شويه احس بيه

بس مرات اخو جوزى بتقولى الزغوطة الكتير دى حاجه مش كويسه

وفعلا ممكن تحصل اربع خمس مرات ف اليوم

انا كمان بتحصلى كتير طيب مش كويسه ليه يا توكى

معرفش يا مونى ان شاء الله هبقي اسأل الدكتور بتاعي المره الجايه

صحيييح يابنات انا بعد الايام عشان ادخل السابع بقي واعمل الفور دى :D واشوفها

كيوت لولا;12532235:
الف سلامه عليكي يا سالي

يارب تروحي مصر بالسلامة

و عدى عليا حطيني في الشنطة معاكي:):):):):)

هي الدكتورة بتاعتك جنسيتها ايه

و لو تعبانه روحي لحد تاني يا بنتي متسيبيش نفسك

الله يسلمك ياقمر
ياريت واخدك وانا نازلة واخدك وانا رجعه قوليلى انتى ناوية تولدى فى مصر ان شاء الله ولا هنا
والله مااعرف جنسيتها ايه بس هى عربية مش هندية يعنى لان اغلبهم هنود
وانا بتابع فى الامومة والطفولة كل مرة مش بتبقى هى هى الدكتورة لا حسب الدكتورة اللى موجودة فى اليوم اللى بروحة يعنى اكتر من وحده وكنت متابعه مع دكتور مصرى بس كانت عيادة خاصة مش مستشفى انما بعد ماعملت التامين الصحى بقيت اتابع فى المستشفيات ياقمر وانا حاليا بتابع فى الامومة والطفولة لو تسمعى عنها انتى كمان حاولى لو مش عاملة تامين تعملى وتابعى فى الامومة والطفولة بتاعت ابو ظبى حتى بعد مابتولدى هما اللى بيرعولك البيبى وبيدوله كل التطعيمات وبيعلموكى ازى ترضيعه وتلبسية وحاجات حلوة
وكمان لو فكرتى تولدى هنا لو معاكى تامين صحى مش هتدفعى كتير واحد صاحب جوزى مراتة جالها الطلق فجاءة فى الشهر السابع وراح المستشفى بعد ماولدت قلولة 6000 درهم لو معاك البطاقة الصحية يبقى 1500 درهم فااتصل بجوزى وقاله قولى بسرعه ازى عملت البطاقة وراح تانى يوم الصبح عمالها ودفع 1500 درهم بس ودخل ابنه الحضنة وعشان البطاقة معاه مدفعشى ولا مليم للحضانة فااسمعى كلامى واعمليها ومش هتخسرى حاجة هتدفعى 350 درهم لمدة سنة وبالبطاقة تقدرى تروحى اى مستشفى حكومى هنا فهمتى قصدى

صحيح يابنات انا تبع نقابه المحاميين وكارنيه النقابه ب 1200 جنية

وطبعا ال 1200 جول يادوب اكمل واولد

مع العلم ان واحده صحبتى عامله الكارنيه ولدت فمستشفي الميريلاند ب 600 جنبه بكل حاجه تقريبا انا مش فاكره الرقم ده ان كان اقل من كده بكتير يعنى

وكانت بتتابع ب 20 جنيه و ب 5 جنيه الكشف بردو وليها مستشفيات للاولاد وكده بإشتراك سنوى 200 جنيه تقريبا

انا بقي محتاره انا متابعه مع دكتورة وروحت كملت عند دكتور والاتنين لو عملت كارنيه النقابه مش هتابع معاهم وهيبقي منى لدكتور مستشفي الميريلاند او المستشفي الى تبع النقابه الى قريبه منى

فاهمين يعنى انا داخله ع السابع خلاص وهعيد الكرره من تانى

السؤال بقي اعمل الكارنيه واتوكل علي الله ولا اكمل المتابعه واولد الولاده دى وابقي اعمل الكارنيه بعدين

ده بالاضافه طبعا زى ما بتقولى ياسالى لو في اى ظرف بيبقو عاملين زى التأمين بالظبط كل حاجه بأسعار النقابه بأسعار رمزيه

دلونى بآرائكم اعمل ايه

ازيكوا يابنانيت وحشتونى اوى على فكرة انا سألت الدكتور على ضوافر مالك قالى ماتقصيهاش قبل مايبقى عندة 3 اسابيع انا قولت اقولكوا عشان كان قية كذا راى فاانا قولت اسال الدكتور عشان نطمن اكتر
حبيبة مادو الف مبروك على نوجى ربنا يخليهالك وتشوفيها عروسة امورة يارب
البنات اللى بتسأل على حقنة الابيديورال انا خدتها وهى كويسة الحمد للة وملهاش اى اعراض جانبية الحمد للة بس الدكتور بتاعى ادهانى فى الاخر مش فى الاول عشان قالى ان الطلق دة بيساعد عضلات الرحم انها تفتح اكتر وفعلا عنق الرحم وانا بولد بقى 11 سم الحمد للة ودة كمان بيساعد انة مايبقاش فية اى غرز من تحت الحمد للة والولادة بتاعتى تقريبا كانت فى ساعة ونص بس هو الطلق اللى كان كتير شوية الحمد للة نت الساعة 10 بليل ل 10 الصبح بس ابتدى هادى وبعد كدة زاد اوى الحمد للة ربنا يقومكوا بالسلامة ويديكوا ساعة سهلة من عندة يارب عليكوا بجد بالادعية وخصوصا سورة الزلزلة