ღ تجهيزات حوامل مصرللمولود الجديد و النفاس ღ

يا جماعه هى البواسير دى بتحسو ب ايه يعني

انا اعرف انها بتيجي من الامساك بس مش عارفه ايه اعراضها الى انتو بتحكو فيها

باخد هيما كابس وفيه حديد زياده عشان عندي انيميا وعاملى امساك

توكي خلي الدكتور يغيرلك البرشام مادام فيه امساك
فيروترون مش يبيعمل امساك دي من ميزاته يعني

انا كنت باخد فيروكال فالاول مكنش عاملى حاجه بس عشان نسبه الحديد اكتر وقالى لا البرشام ده ضعيف ف ادانى هيما كابس ده فيه كميه فيتامينات اكتر بس فعلا المره الجايه هقولو

M!ss Tuky;12517908:
يا جماعه هى البواسير دى بتحسو ب ايه يعني

انا اعرف انها بتيجي من الامساك بس مش عارفه ايه اعراضها الى انتو بتحكو فيها

باخد هيما كابس وفيه حديد زياده عشان عندي انيميا وعاملى امساك

البواسير دى بتلاقى فى فتحة الشرج حاجة نازلة كده ياقمر منك من وراء

اميرة مصرية;12511080:
بنات انا رحت للدكتور امبارح و قالي خلاص هاولد قيصري على يوم التلات ان شاء الله :'( البيبي راسه لسة مانزلتش الحوض بس هو وراني راسه كانت تحت فأنا قلت هاهري نفسي مشي و شغل في البيت يمكن على آخر لحظة ربنا يهديه و يحن عليا و ينزل في الحوض:|..انا كنت عايزة اسأل البنات اللي ولدو قيصري ايه الاستعدادات اللي عملتوها قبل الولادة؟؟ انا الدكتور قالي اكون صايمة 8 ساعات بس.. ماما بتقولي اني الفترة دي مش ينفع اشرب اي منبهات فعشان كده انا قلت اسألكو انتو عملتو ايه؟؟

ربنا معاكى يارب وتوقمى بالف سلامة ويسهل ولادتك ويارب تولدى طبيى يارب صلى وادعى ربنا ان البيبى ينزل الحوض وتولدى طبيعى ان شاء الله

white angel 85;12512572:
المخدر دا ا بيتحط بمبسم متعب كده شوية بحيث انه يتوزع على المكان كله

الافضل ان الدكتورة هللي تكتبهولك طبعاي

جزاكى الله كل الخير وان شاء الله لما اروح ميعادى للدكتورة هخليها تكتبلى على حاجة

هى ايه اعراض تطعيم الانفلونزا البكتيريا يا بيبو

ليستة الحوامل ما شاء الله ولا حول ولا قوة إلا بالله


حوامل شهر 4:
30/4/2010 d.aml 86
dyana ( ولد بإذن الله )


حوامل شهر 5:
19/5/2010 danasam
25/5/2010 dew.dew ( ولد بإذن الله )


حوامل شهر 6:
12/6/2010 Radwa_Rashwan
21/6/2010 razminia ( ولد بإذن الله )
23/6/2010 *lovely *didi
27/6/2010 OM MALK


حوامل شهر 7:
2/7/2010 daloo3t_hemo ( ولد بإذن الله )
5/7/2010 hoba555 ( بنوتة بإذن الله )
6/7/2010 mira2005m ( بنوتة بإذن الله )
9/7/2010 حبيبه مادو ( بنوتة بإذن الله )
10/7/2010 Celeen ( بنوتة بنوتة بإذن الله )
17/7/2010 نسمه الجنه ( ولد بإذن الله )
17/7/2010 du ( بنوتة بإذن الله )
24/7/2010 شوق وحنين للجنة


حوامل شهر 8:
1/8/2010 عيون حمودي ( ولد بإذن الله )
12/8/2010 sweetylolla85 ( ولد بإذن الله )
13/8/2010 medowawa
23/8/2010 dandona we bas ( ولد بإذن الله )
23/8/2010 monyfofo ( بنوتة بإذن الله )
28/8/2010 roro8484 ( ولد بإذن الله )


حوامل شهر 9:
5/9/2010 ياسمينا ( ولد بإذن الله )
20/9/2010 nemonamanemo
21/9/2010 sally2007 ( ولد بإذن الله )
23/9/2010 *حبيبة حبيبي*


حوامل شهر 10:
11/10/2010 nana12 ( بنوتة بإذن الله )
16/10/2010 M!ss Tuky ( بنوتة بإذن الله )
21/10/2010 zozokah


حوامل شهر 11:
4/11/2010 طالبة الحق


حوامل شهر 12:
28/12/2010
D.mero
بنات محدش يعرف اخبار عن هوبا ام بلال ومنه

بنات انا البول بقى محبوس عندى يعنى مبينزلشى بسهولة وتعبانة منة انتوا بتعملوا ايه انا سورى فى التعبير بفضل احزق من قدام قوى عشان اقدر اعمل حمام وبخاف ليحصل حاجة خصوصا ان ماما قالتلى مش احزق واوقات بسخن ماية بتغلى لدرجة انها بتلسعنى ويدوب ينزل نقط والباقى محبوس اعمل ايه ارررررررررجوكم انا تعبانة منه قوووووووووووووووى الدكاترة بتوعكم بيقلولكم ايه على كده المشكلة انى كل حاجة عمالة تحصلى دلوقتى وميعادى مع دكتورتى لسه قدامة كام يوم وان تعبانة ومينفعشى اروح غير فى ميعادى ساعدونى لو سمحتم
لانى انا الشهر السابع الله لا اعتراض تعبنى قوى الحموضة زادت قوى والبول اتحبس والترجيع والبواسير انا تعبانة ونفسى اعيط قووووووى وانا لوحدى ومش قادرة افضفض لماما عشان هى تعبانة عشانى خلقة وجوزى من يوم معمل الحادثة وانا مش برضة اقوله على كل التعب عشان ميبقاش خارج وهو قلقان ولقدر الله يحصل حاجة انا مليش غيركم دلوقتى معلشى طولت بس كانت عاوزة افضفض شوية من تعبى

السلام عليكم وحشتوني يا بنات دعواتكو عشان انا اتحددلي معاد الولاده بازن الله يوم الخميس الجاي محتاجه دعواتكو ليا
وكنت عاوزة اسال هل في غسول بعد الولاده القيصري للمنطقه الي تحت ولا الغسول بس للي والده طبيبعي؟

متقلقيش يا سالي كل الي بيحصلك ده طبيعي ولان البيبي ضاغط على المثانه فهتحسي بضغط وتكوني عاوزة تعملي بول وتدخلي تعملي مينزلش الا قليل متقلقيش وهانت ربنا معاكي وتقومي بالف سلامه

ان شاء الله خير يا سالى بس انتى بتشربى سوايل كتير
اشربى يمكن تعملى وممكن تكونى خايفه فدا عملك كدا
يعنى عندك احساس بالخوف من شئ معين فمخليكى بتمسكى نفسك
وبلاش زى ما مامتك قالتلك تمام
انتى اقعدى حتى لو كتير فى التواليت وريحى اعصابك خالص وان شاء الله تعملى بسهوله


ربنا يقومك انتى ونسمه بالسلامه ان شاء الله
نسمه بيتادين غسول بعد الولاده يا جميله

سالي ربنا يكون في عونك يارب
وتسافري قريب
بصي موضوع البول ده انا عندي مش احتباس لا تقدري تقولي ان ادخل الحمام وبعدخمس دقايق ادخل تاني اكمل
لان بحس ان خلاص مفيش تاني وبعدين افاجا لا لسه فاهمه


وانتي متحزقيش ولا حاجه سيي نفسك خالص لما تحسي عايزه تدخلي تاني ادخلي

والبواسير دي يا قمر طبيعي متخفيش معظم الحوامل او اللي ولدو بيجلهم بواسير او شرخ عادي
كلا بنطلع من الحمل بحاجات من دي متقلقيش بس وتاخدي كل حاجه علي اعصابك

نسمه الجنه;12523262:
السلام عليكم وحشتوني يا بنات دعواتكو عشان انا اتحددلي معاد الولاده بازن الله يوم الخميس الجاي محتاجه دعواتكو ليا
وكنت عاوزة اسال هل في غسول بعد الولاده القيصري للمنطقه الي تحت ولا الغسول بس للي والده طبيبعي؟

ربنا يقومك بالسلامه يا قمر
ويسهللنا جميعا الولاده يارب

ازيكم يا قمرات..

أولا زعلت انكم شيلتوني من ليست الحوامل.. التاسع عندي من ١٢ /٩ لحد ١٢/١٠ ان شاء الله و معايا بنوتة ان شاء الله..

بنات أنا حاسة ان شعري بقي ناشف مش فيه حاجة تنفع معاه كنت بستخدم أملا بالياسمين جبت بانتين بديل الزيت علشان كريم وكده مش نفع.. انتوا بتعملوا ايه في الحمل ده؟

كمان حاليا بحس بحركة كثير في كل مكان في بطني.. كده عادي ولا أنا بنوتي بتحب الجري؟ لا يعني بجد بحس تقل من تحت و ساعات احس اني ذي ما أكون عايزه ادخل حمام بس مش بكون عايزه ادخل.. ذي احساس حد ماسك نفسه من الحمام وقت طويل بس مش بكون عايزه ادخل حقيقي..

عادى يا جميله
وربنا يقومك بالسلامه انتى وكل البنات يارب
ولشعرك استعملى حمام كريم مرتين فى الاسبوع

ياماميهات يا حلوين
اشيل النون فى ايه اول ما يتولد وكمان كل ما اخرج اشيله فى ايه
يعنى اجيب سليب باج ولا كوفرته ولا كاريير ولا ايه بالظبط
كمان عشان طبعا كل ما حد يجيلى سواء فى المستشفى او البيت اكيد اكيد هيشيلوه
فانا عاوزه حاجه احطه فيها ايه احسن حاجه من تجاربكوا عشان كمان الضهر بيبقى طرى فى الاول

انهارده نوجى حبيبه مامى عندها 10 اياام انا عاوزه اعرف احميها ولا لا؟؟؟ واحميها ازااااااااااى ؟؟ انا بعملها بس بقطنه وميه ؟؟؟؟

سالى اوعي تحزقي تاانى خااالص عشان لا قدر الله ده مش كويس ع الرحم

وبعدين اعملى براحتك اوى اعتقد ان المثانه زانقها الرحم ف اى شويه ميه بيتجمعو بتحسي انك هتموتى وتعملى حمام

مونى انتى هتولدى ع الصيف ولا الشتا لو ف الصيف يبقي حطيها ف الشنطة بتاعتها لو ف الشتا في لحاف فايبر عامل زى الكوفر كده البيبي بيتحط فيه حلو وسهل اوى ف الاستخدام

انا بحس ان شنطة البيبي دي شيله لوحدها انما اللحاف ده لما شوفتو كان جميل اوى هو بيتلبس للبيبي كده زى الكوفر

ام نووجى ربنا يخليهالك ويباركلك فيها عقبال 100 سنة :D

M!ss Tuky;12525207:
سالى اوعي تحزقي تاانى خااالص عشان لا قدر الله ده مش كويس ع الرحم

وبعدين اعملى براحتك اوى اعتقد ان المثانه زانقها الرحم ف اى شويه ميه بيتجمعو بتحسي انك هتموتى وتعملى حمام

مونى انتى هتولدى ع الصيف ولا الشتا لو ف الصيف يبقي حطيها ف الشنطة بتاعتها لو ف الشتا في لحاف فايبر عامل زى الكوفر كده البيبي بيتحط فيه حلو وسهل اوى ف الاستخدام

انا بحس ان شنطة البيبي دي شيله لوحدها انما اللحاف ده لما شوفتو كان جميل اوى هو بيتلبس للبيبي كده زى الكوفر

انا هولد فى اول 9 يعنى 3 شهور ويدخل الشتا وشفت اللحاف اللى بتقولى عليه حلو اوى وصغنتوت كده مش كبير زى الشنطه يعنى اجيب الشنطه الاول وبعدين اللحاف ؟

بصي يا مونى انا عن نفسي مش هجيب الشنطة عشان بحسها شيله اوى بفكر ف كوفرتا بردو عامله زى الكوفر كده شفتها دى ف الصيف اصلا مش هيبقي في خروج اول 40يوم ف هيكون شد حيلو كده بفكر احسن اجيب العربيه بتاعة البيبي

لحشسن انا ف ولاد اختى كرهت الشيل :(