شات حوامل مصر لشهر جمادي الاول يارب قومنا بالسلامه

ايه الست النضيفه اوي دي
دي حسستني بالعفانه مع اني مش معفنه

هههههههههههههههههههههههههه

بالنسبه للحنفيات
أولا
نوعية الحنفيات عليها عامل المهم تكون نظيفه وجافه
وموش لازم تكون بتلمع.
وعلى فكره انتى نبهتينى لحاجه
حنفية المطبخ وموش عايزه أقول حنفيات الحمام كمان .
ساعات بتكون آخر حاجه بعض الستات آخر حاجه تفكر فيها.
حنفية المطبخ أساااااااااااسى
انا تتغسل كل يوم وتتنشف
ولو دققتى شويه هتلاقى فيه
حاجات موش لطيفه فى الحنفيه .
بصوا بصراحه
انا بأستخدم لكل حاجه فى البيت شىء معين
مخصوص علشانه.
أنا جوزى واحنا خارجين من كارفور
يقولى وهو بيدفع الحساب وشايف السير الله ينور كله منظفات .
يقولى هو احنا فلوسنا كلها راحه على التنظيف.
بس هو بينه وبين نفسه انا عارفه انه مبسوط.
أرجع وأقول اى حاجه ننظف بيها بتؤدى الغرض المهم
النفسسسسسسسسسس.
تعالوا أقولكم على حاجه. طبعا شغل البيت مابيخلصش .
بس مايمنعش انى برضه أهتم بنفسى . أنا مقتنعه
ان الحاله النفسيه عليها عامل كبير أوى
مهما كانت الضغوط اللى علينا. يعنى مش معنى انى ربة منزل.
أو حتى موظفه والوقت عندى مضغوط
يبقى أهمل فى نفسى .
وعادة لما يكون الواحد عامل اللى عليه ده بيكون له مردود نفسى كويس.
نرجع للموضوع
المهم........
اعملى لنفسك برنامج نظافه شخصى زى البيت بالظبط.
ومن نفس المنطلق.
يعنى بلاش ارتبك لما يحصل حدث فجائى .
بمعنى أكثر زى ماأنا قلت يكون البيت
على طول منظم ونضيف موش فى الماسبات والاعياد فقط .
برضه لازم أكون أنا كده على طول بدون اجهاد ولاربكه.
كل شهر وبعد ماانتهى من الدوره أعمل سويت كامل .
ومع التعود هيكون الموضوع سهل جدا.
خلاص عملتى السويت اللى بيعرفوا يعملوا الحمام المغربى
وعلى فكره ده خطير.
وعلشان مايكونش عليكى عبأ ممكن الأسبوع اللى بعد السويت
أعمل الحمام المغربى.
ده برنامج نضافه ولاأروع من كده.
. . . طيب فاضل ايهههههههههه؟
نكمل.
لو أنتو لاحظتوا أنا استدرجتكم من نضافة الشقه .
لاهتمامنا بنفسنا. وهو ده محصلش لان الاثنين مرتبطين ببعض.
بمعنى أن مافيش تعارض تماما
بين انى اكون ست بيت درجه اولى.
وأكون برضه أنثى درجه أولى .
علشان احقق المعادله دى
ممكن أعمل المهمتين فى نفس الوقت وشوفى الراحه اللى هاتحسيها.
لان احنا موش بنتعب من شغل البيت احنا بنتعب من احساسنا
انك كام أو زوجه مالكيش حقوق.
واللى بيخلق الشعور ده
انتى موش اللى حواليك لازم تتعاملى فى بيتك
انك فرد أساسى فى البيت لايستهان باحتياجاته.
الست اللى بتقول انها مقهوره أو. أو
. هى اللى بتدعم الاحساس ده. بالظبط زى القول المأثور
(كن جميلا ترى الوجود جميلا)..
نرجع لموضوعنا .
النهارده وأنا بأشتغل فى البيت أول حاجه عملتها بعد الصلاه.
عجنت حنه لشعرى وعلى ماحطيت الغسيل وشربت الشاى .
وطلعت حاجات الغداء.
حطيتها على شعرى وعملت ماسك لوشى.
وبدأت أعيش حياتى فى البيت .
فهمتى أنا أقصد ايه يعنى اثنين فى واحد زى الشامبو .
لما تعملى يومين فى الأسبوع حمام زيوت أو كريمات لشعرك
وفى نفس اليومين ماسك لوشك.
انتى عايزه تقوليلى انك لو عندك خروجه
ولا حتى لما جوزك يرجع من الشغل آخر النهار
موش هيلاقى واحده زى القمر. حتى وهى شايله البيت كله شيل.

وحاجه تانيه بصراحه
مابحبهاش واللى هيعرفوا كلامى ده الستات
اللى جوزها مسافر وبينزل أجازه
كل فتره.
هو لازم قبل ماييجى بيومين الدنيا تتكرب وطوب الأرض
يعرف ان الأفندى بتاعى جاى من السفر
من الجرى على الكوافيرات ومحتاره أعمل سويت
والا أعمل شعرى.
ليه ماكونش كده على طول.
زى الفل جوزى عهنا موش هنا أنا لازم اتمتعععععععع بنفسى.
وعلى فكرة ده شعور بيدعم عندك الثقه فى النفس.
بجد أنا كان جوزى بيكون نازل أجازه
ماكنتش أحس بأى فرق.
كانت ماما ساعات تقولى انتى نازله الكوافير النهارده مثلا
علشان جوزى جاى بكر ه أقولها لأ تستغرب .
وبعدين شرحتلها الموضوع
وعلى فكره نصيحه علشان شعرك مايتقطعش وانتى بتنزلى الحنه
نزليها تحت الدش كويس
وبعدين حطى شوية بلسم على شعرك كله
علشان يفك التشابك وبمشط خشب واسع ونزاى باقى الحنه .
وبعدين اغسليه عادى بالشامبو بتاعك.
وغسلت وشى طبعا من الماسك .
وبعدين ماخلصت حمامى ونشفت جسمى كويس .
رجليكى خليها رطبه شويه وبالمبرد بتاع الرجلين
"( بيتباع فى محلات 2.5 بيكون
عامل زى مبرد الأظافر بس
عريضوعليه شكل قدم الرجل)
ودعكت قدى كويس أوى علشان اشيل الجلد الميت .
وعلى فكره ملحوظه أخرى فى ستات فاكره ان القدم كعب فقط
لأ وش القدم كمان لازم تتعمل كويس وشوفى الجلد الميت
اللى هايخرج منها.
وانتى بتعملى كده
خالى رجليك رطبه موش مبلوله ولا جافه علشان ماتتجرحش.
وبعدين ناشفيها كويس وادهنيها كريم كارباميد والبش شراب.
وأبقى قوليلى على النعومههههههههه.
أولادى عقبال ماتشوفى ولادك كبروا . وعمرى مقلت لحد فيهم لما حد يجيلنا البيت نعمل كذا وكذا .
ولما نروح عند حد مانعملش كيت وكيت.
ممنوع المشى حافى .
كل واحد على الكومود علبى مناديل
وباسكت فى كل غرفه والحمام كمان.
على فكرة الموضوع بسيط جدا
وبالتدريج بيكون موش مكلف
ولا فلوس ولا مجهود.

ايه رايك تعمالى كله فى ملف وررد وترفعهوالنا ياجميل ممكن تعمالى كدا؟؟؟

الست دى جباااااااااااااااره

ماشى يا ماااهى عيونى ياجميييل
ومش مهم مين اللى كاتب الموضوع المهم انه مكتوووب ههههههههههههههه
انا بجد اول مرة اشوف حد نضيف كده

اه ماشاء الله ربنا مديها شويه صحه عشان تفتري بيها علينا

وانا كمان

تسلمالى عيونك عشان نسيفه عندنا عشان منعملش زيه هههههههههههههههههههههههههههههههههههههههههههه او نقراه ونتف على نفسنا هههههههههههههههههههههههههههه

ههههههههههههههههه نقراه ونتعقد

أهم حاجه علشان مترتبكيش انك تحاولى تصحى
قبل باقى الأسره علشان اذا كان ليكى طقوس معينه
تلحقى تقومى بيها .صحيت وأتوضيت وصليت وعملت دماغ
(شاى بحليب)
علشان أعرف أجمع. وبعدين يكون باقى أفراد الأسره صحيوا.
أنا ملاحظه ان معظم الفتوكات
عندهم بيبهات صغننه
أشوف طلباتهم الأول
من حمام وغيار وفطار
ويستقروا نفسيا خالص
حتى لوكانوا أكبر شويه أعطيهم الوقت الكفايه بدون توتر
ولو فيه لعبه أو برنامج كارتون ممكن يتفرجوا عليه
وأبدأ بعون الله.
أنتى أخذتى شايك أو فطارك على حسب كل وحده
ولبستى ملابس الشغل بمعنى انها مريحه موش مبهدله
وسرحتى شعرك وشوية كحل ضغننين
وتدهنى ايدك فازلين أو زيت زيتون أو حتى زيت أكل
والبسى جوانتى.
وابدأى عايزه أقوللك دايما تحطى فى دماغك
ان فى أى وقت الباب هيخبط . يعنى موش لازم أقلب البيت كله .
الأهم ثم المهم .أولا حاجه المطبخ أخليه زى الفل ده اليوم العادى موش يوم المطبخ مثلا
وأخرج حاجات الغداء ولو ناقصنى حاجه الحق اجيبها
ويفضل انك فى اليوم السابق تكونى محدده هتعملى ايه علشان
ماتنزليش من البيت علشان حاجه بسيطه.
بعد كده شفطت الشقه كلها بالمكنسه ولمعت الموبيليا
فى الريسبشن على الماشى علشان لو حد جيه فجأه.
النهارده بالنسبه ليا مخصصاه
لاودة النوم شيلت الشيش غسلته فى البانيو
(حطيت فوطه من بتاعى
التنضيف فى أرضية البانيو
علشان موش يتجرح)
وبعدين نشفته كويس
أوى علشان الشمس مى الميه ممكن يقشر.
وبعدين نضفت وحدة التكييف الخارجيه كويس أوى وركبت الشبابيك.
عايزه أأكد على حاجه ممكن ميناسبكيش موضوع فك الشبابيك أوعى تعملى
كده لاحسن يوقع منك لاقدر الله.الفكره انه يتنضف وخلاص كل واحد بأسلوبه.
وبعدين طبعا لمعت الزجاج.
وأنا عشان كنت غاسله الستائر قريب لاقيتها نضيفه.
شفط السجاجيد وعملتها بالفرشاه وحطيتها فى الشمس.
ولمعت الموبيليا وبصيت بصه كده تحت السرير
لو فيه تراب لمعت ارضية السرير مع باقيه الغرفه.
أنا طبعا كنت حاطه الفرش بيتهوى فى الشمس
ثم فرشت السريروقفلت الشبابيك علشان الذباب والحر.
وبعدين قفلت باب الأوضه علشان تفضل طراوه
الى ان يأتى جوزى .وبصراحه أنا دايما
أقوله وانت نازل من الشغل كلمنى فيه شوية
اجراءات بتتعمل منها انى أشغل مكيف حجرة النوم
وارش جليد وأقفلها بيجى من بره موش قادره أقولكم
قد ايه بيكون سعيدعايزه الفت نظركم لحاجه مهمه جدا.
من الأسباب الرئيسيه لاضاعة وقت ستات كتير هى التليفون.
بدون ماتحسى تلاقى الوقت سرقك فى مكالمه واحد
وانتى ماخلصتيش اللى وراكى.
بصى سايتى مهم أوى ان يكون عندك بيتك وأولادك من الأولويات
يعنى هما الأول وبعدين اى حاجه تانيه.
ماترديش على التليفون طول ماأنتى وراكى حاجه.
والمحيطين بيكى مع الوقت هيتعودوا على كده
وهيحترموا وجهة نظرك.وبعدين بنفس المعيار
موش هاأتصل بحد لمجرد ان أنا فاضيه .
ولو فرض واتصلت بواحده صاحبتى او حتى اختى.
لازم اتأكد ان جوزها موش فى البيت وانها موش مشغوله بحاجه.
لاضرر ولا ضرار

خلاص انا قررت اول ما اصحى الصبح ان شاء الله انضف اودتى واخليها فله بدل ما انا مكركباها كده ههههههه

ميصاء الخير

marioum27;12061272:
اه ماشاء الله ربنا مديها شويه صحه عشان تفتري بيها علينا

هههههههههههههههههههههه
اه بس يعنى ممكن نحاول ننفذ ربع اللى بتقوله هههههههههههههه انما انا ما قدرش على كده نفسي ما تجبنيش للنضافه دى

مهينـار;12061292:
تسلمالى عيونك عشان نسيفه عندنا عشان منعملش زيه هههههههههههههههههههههههههههههههههههههههههههه او نقراه ونتف على نفسنا هههههههههههههههههههههههههههه

ههههههههههههههههههههههههههههههههههههههههه اهو حطيه للذكرى وخلاص
بس يا نهاااارى لو جوزك مثلا قراه بالصدفه :lol::lol:

مساء النور يا بسبس عامله ايه

ايوه يا منمن وانا قررت انضف والله انا كمان عشان فرصه خطيبى جاى بكره ان شاء الله ودى نضيفة العيد بالنوسبالنا هههههههههههههههه

ميصاء النور

ياا معفنين ههههههههههههه

دا وانا حامل والله قبل ما اولد الصبح كنت منضفه الشقه

اه دى فعلا ما شاء الله لا قوة الا بالله يا بخت جوزها بيها

هههههههههههههههه ماشاء الله عليكى يا بسبس