شات حوامل مصر لشهر جمادي الاول يارب قومنا بالسلامه

يارب تنامى يا جوجو يارب تنااامى
يارب تنامى يا جوجو انتى وماما ايمى

لا يا هووووبه انتى قدها و قدوود ربنا يعينك يااارب
الى الامام يا رووومل
عقبال الثالث يا هوووبه
وبعدين يابنتى هما لما يكبروا شوية يساعدوكى بئه فى شغل البيت و تنامى انتى و تتامرى عليهم هههههههههههههههههه

بقولكوا يا جماعه هو حد جرب الحنه على شعره
اصل انا نفسي اعمل ماسك حنة على شعرى وبصراحه خاااايفه جدا
خصوصا انه بيقولوا انه بيوقع الشعر شوية فى الاول
و فى نفس الوقت نفسسسي شعرى يطول
ومحتاره

انا مستخدمتش الحنة قبل كده ياديزلي، بس لو شعرك تقيل وحالته كويسة ممكن تستخدميها، اما لو غير كده فبلاش، لان اصلا الحنة الموجودة في السوق وكده مش بتباه اصلية وطالما مش اصليه يباه مضاف اليها حاجات يباه هتاذي شعرك لو ضعيف او كده، بس اضلا ياجميل الحالة اللي الحنة بتجدي فيها نفعا يعني هيه لما بتكوني عايزة تلوني شعرك، ومش كل انواع الشعور بتقبل برضو عل حسب نوع الشعر، لكن موضوع التطويل ده مبيجيش خالص من الحنة او غيرها ، ده بييجي من الغذاء اللي بتاكليه فقط

ايوه صح انا معاكى يا بطوطه
بصى انا طبعا طبعا طبعا شعرى مش تقيل خاااااااااااالص
لالعكس شعرى خفيف
بس هما فى تجمع الشعر كانوا بيقولوا على ماسكات للشعر كويسه ومنها ماسك الحنه ده
بصى دى طريقته
نوع حنه وتخلطيه مع 2 بيضه + 2 زبادي + نص كوب زيت زتون + معلقيتين زيت ذره +
ربع كوب مايه غلي بصل وتوم ( ودي تعمليها ازاي تجيبي بصلايه وتقطعيها اربع تربع و10 فصوص توم وتحطيهم في مايه وتغليهم ) وممكن تحطي نقطتين خل تفاح لوعندك قشره
وعصير جرجير علشان تعجني بيه كل اما العجينه تحتاج لحد اما تبقي متاجنسه مع بعضها

و بتسبيها فى الخلطه دى 12 ساعة
و كذا بنت جربتها هناك بيقولوا فى الاول بتوقع الشعر شوية وبعدين بتبداى تشوفى النتيجه بعد 3 مرات استخدام او اربعه
و بتكون الشعره صحيه جدا و كلبوظه كده
و كمان لما تستمرى على الماسك ده كل 10 ايام مثلا مع مرتين فى الاسبوع حمام زيت
مع كل يوم تاخدى معلقة زيت ذرة تدفيها على النار و تدلكى بيها فروة راسك بليل
بيقولوا كده الشعر بيتعذى اوى و بيبقى صحى و بيطول
بس انا خااايفه مووووووووووت
بجد خايفه اوى الوصفه دى مش تمشى على شعرى و فى نفس الوقت نفسي اوى شعرى يتقل و يطول

والله ياحبيبتي انا مش عارفة، افتكر زماااان خالص برضو اول ما اكتشفت الموضوع ده قعدت اجرب ماسكات وحوارات كتير وكده ، بس ديتها المادة بتاعة الماسكات دي تختفي نهائيا من شعرك بيرجع تاني زي الاول، وقررت اني استعمل حاجات تساعد على تصفيفه مش اكتير زيت وكريم وكده، بس اقولك حاجة برضو انا سمعت في التليفزيون في برمانج امينة شلباية دكتور بيقول ان طول الشعر ده بيباه طبيعة في الجسم وكذلك قوامة، يعنيطالما نفسيتك كويسة واكلك عادي يباه حالة شعرك دي مش ينفع تغيريها، يباه انتي وراثيا ده طول شعرك ووراثيا او لعوامل التقصف لو انتي محجبة وكده ده برضو قوامه مش هيتغير، طبعا هتقوليلي امال ايه الحل، والله ياحبيبتي سؤال حير كل البنات:D
مقدامكيش غير كريمات التصفيف وزيوت الدهان العادية، او البيبي ليس باه والسشوار، ولو بتعمليلة حمام كريم كل اسبوع يباه كده اقصى حاجة ممكن تعمليهالو وكتر الف خيرك:cool:.
مشكلتنا للاسف في احيان كتيره ان شعرنا واحنا صغننين بيباه امور وكده ولما نكبر وندخل الجامعة مثلا وكده يبدا يتبهدل بس خلاص اللي تكسر بيكون ميتصلحش:'(

مانا مش عايزه استسلم برده يا بطه
ماهو ممكن يكون شعرى ناوى يطول و لو حفزته شويه هيطول
عايزه احفزه بس و اشجعه نفسي اديله فرصته و حقه الطبيعى فى الحياااه ههههههههه
بس خاااايفة الموضوع يجيب نتيجه عكسية وانا لو شعرى باظ يبقى انا بوظت كده ومش نافعه
انا بتاثر بنفسية شعرى جداااااا لو باظ ممكن يجرالى حاجه
بحببببه

ياحبيبتي للدرجادي انتي مرتبطة بشعرك:adore::lol:
خلاص جربي حبه صغننين كده مثلا او على كام خصله او جازفي وشعرك لو باظ هيبوظ فترة ويرجع تاني زي الاول بعد فترة لمات يروح اثر الحنه، اصل الحنه مش هتدمره بعد الشر من اول مرة، وبعدين قوليلي انتي شكلك كده مش متجوزة صح؟

اه يا جميل مش متجوزه
هو انا لو متجوزه هقول الكلام ده برده
انا لسه مخطوبه
فعندى امل فى ربنا ان عقبال ما اتجوز يكون شعرى طول شويه

اه عندك نفس الهسهس اللى كان عندي قبل ما اتجوز، ده الواحد كان عنده حبه هساهس مجننينة:|، الحمدلله، بس بعد الجواز الواحد بيكتشف ان الامور مش متحبكة كده خالص، والناس اللي هنتجوزهم دول بشر وبيقدروا ويتفهموا عادي

ماهو بيقدروا بس انا مش بقدر هههههههه
اصل انا بحب الشعر الطويل بحبه اووووووووى
فنفسييي اوى شعرى يبقى لبعد ضهرى كده يا سلااااااااااااااااااااام ده انا هبقى فرحانه اووووى

:lol:
امال هوه طوله اد ايه دلوقتي

لا هو يجى نص ضهرى كده و بيكشششش كمان

عنونا ربنا يحققلك اللي بتتمنية ويطول وتقعدي تصرخي من طوله كده وتقولي محدش عايز ياخد حبه:D

اما انا يا بطوطه قريت حتة موضوع عن النضافه نضافة البيت بس فى منتدى تانى
حسيت انا انا ..........
بجد يعنى الواحد ضايع
و الست اللى كاتبه الموضوع بتقول ان عمرها ولا على قرب اعياد ولا رمضان قلبت الشقه زى ما الستات بيعملوا
من كتر ما ما شاء الله بيتها نضييييييف
نفسي اعمل زيها

يارب يطول ياااارب

انا رغاية خالص
وانتى اكيد تعبتى صح
معلش يا بطوطه

ماشاء الله اديهولي ياجميل او ابعتيه عالخاص، احسن ده انا نفسي فعلا حد ينظملي الحكايه دي:'(
انا اصلا اصلا كنت فاشلة جدا في شغل البيت وكده ولا ليه بيه اي علاقة، لحد ما اتجوزت حسيت فعلا اد ايه الموضوع كبير، وبقيت بكره اي حاجة مش نضيفة وكانها فيا انا
ابعتي يا جميل

لا خالص ده انا اللي لكلك لكلك والله ياجميل، انتي سكره:087:

ربنا يباركلك يا بطوطه يعنى الموضوع عجبك طب كويس استنى هاخدلك الكلام كوبى لهنا
والله هو الموضوع فعلا حلو