شات حوامل مصر لشهر جمادي الاول يارب قومنا بالسلامه

انا بحب شغل البيت خالص و الطبيخ
بس هما مش مدينى فرصتى على فكره وعلى طوول بيحبطونى هنا فى البيت
بس هعملهالم مفاجاه واعمل زى ما الست اللى بقولكك عليها بتعمل

مين هونا ؟؟؟؟؟؟؟؟

في انتظارك ياقمر

نحنو ‏طالبة الحق, ‏Desly
:)

ازيكوا بترغوا فى ايه

كويسين الحمدلله، حاليا هنرغي في شغل البيت ؛ مستقبل كل ام مصرية
من حبة كنا بنرغي في العناية بالشعر ؛ مستقبل كل بنت مصرية
:D

نبدأ بئه فى الموضوع ده طبعا كوبى من منتدى تانى و اللى كاتبه الموضوع اسمها مملكه للأمانه

هجزا الموضوع حته حته عشان ما تزهقيش وانتى بتقرأى

ده الحمام

منمن تعالى شاركينا فى نضافة البيت انا بجد بعد ما قريت الكلام اللى الست كاتباه اتشجعت خااالص
عايزين نعمل تجمع للنضافه

انا بنضف على طول برده الحمد لله وده اسهل فعلا

جميل كملي يا دزدز، ولا خلاص كده؟

كنت الاول مش بنضف كل يوم كان اخرى ارتب المطبخ واوضه النوم وخلاص
بس اتعودت انى كل يوم اول ما اصحى بعد ما افطر وادلعلى شويتين هههههه
اروح اروق اى حاجه مبهدله فى الشقه وبعدين اغسل المواعين واحد الغسيل فى الغساله كل ده مش بياخد ساعه بالكتير ده لو عملت بدلع كمان

بس المشكله بقى انى لما باجى اعد عند ماما مش بعمل اى حاجه خالص بكسل هههههههه مش عارفه ليه

طب ويتمسحي وتنفضي امتى باه يا موني، فيديني يا اختى انا لسه مبتدئة:o

بصى يا ستى انا اول ما رجعت شقتى كانت زفت طبعا بقالى شهرين مدخلتهاش
اعدت انضف فيها يومين عشان بتعب بسرعه من الحمل
بعد التنضيف الشامل ده بقى
كل يوم بصى الصبح اول حاجه اعملها احط الغسيل فى الغساله وبعدين افطر
واغسل المواعيين المطبخ كده يعتبر خلص
واروح ارتب اوضه النوم والصالون لو متبهدل وعادة بيبقى نضيف مفيش حد بيجلنا كتير
كده الشقه خلصت بس ده طبعا لو انتى منضفاها من الاول كنس ومسح وكله تمام
بعد كده بيومين جيت كنست الشقه كلها تانى ومسحت الحمام
كل يوم بعمل نفس النظام وكل يومين بكنس الشقه وكل اسبوعين مثلا امسحها وانضف الحمام
كل ده بيخلص بسرعه مش بياخد وقت

المطببببببببببببخ .
وده بنفس درجة الأهميه بتاعة الحمام.
ذات نفس الشىء آخر ومايكونش
فى اليوم ده عندى أى حاجه تانيه أعملها فى البيت تفرغ تام للمطبخ
ويكون عندى اكل يعنى نظافه بس.
أمسك المطبخ سيراميك وخشب وشبابيك أنظفه
من فوق لتحت يبقى زى الفل ...
أريح كام يوم كده موش كتير
واركز على الضلف والادراج درج درج وضلفه ضلفه
أفضى اللى فيها واللى محتاجه أخليه والعكس على الزباله على طول
من غير ماتفكرى .
تراجعى الحلل والاوانى فيه حاجات والله استعمالها بيجيب أضرار لا حصر لها بعد الشر
بدل ماتصرفى فلوس على الدكاتره والأدويه من غير لازمه
وأنتى موش عارفه ان الطبخه الفلانيه الشهيه
اللى اكلوا صوابعهم وراها عادت لاقدر الله بمشاكل الله الغنى عنها
كل ده بسبب الاوانى التى لاتصلح للأستخدام الآدمى
مثلا
الحلل الألومنيوم.........
الأوانى التيفال
بعد ان اتقشرت.........
الحله الى بنقلى فيها البطاطس
أنا موش عارفه ليه ستات كتيير متخيله ان الحله دى موش لازم
تكون نظيفه يعنى تلاقى الحله
زاد وزنها عن اليوم اللى اشتريتيها فيه
أربع مرات من كتر الدهون المحروقه اللى لازقه فيها
موش عارفه ان الابخره واعادة
نزول هذا المواد مع الزيت والحراره بيسبب أمراض والعياذ بالله.
وبعدين علشان خاطر اسرتك
اللى امانه فى رقبتك ياريت الزيت كفايه عليه حرق ويتغير
انا بأقولها وأنا مكسوفه بالكتير
أوى تلات مرات.
خلصتى ورصيتة الحاجه مكانها
بعد تهوية الضلف وفرشتى ورق جميل فى الرف . حذذذذذذذذذذذذذذارى
ثم حذارى
من انك تضعى اى مواعين
فى الضلف بدون تنشيف .
لأن الأماكن الرتبه
هى بيئة مناسبه أوى للحشرات
كفانا وأياكم شرها.
عايزه أقول حاجه بمناسبة
الصراصير
قرأت فى منتديات كتير ومنها منتدانا ان فيه ستات
بتصرخ وتقول الصرصار كيف أتخلص منه موش فاهمه
أن وجود الصرصار يساوى عدم نظافه .
بلاش نسيب مواعين فى الحوض بالليل وأنام
بلاش كل واحد فى ايده سندوتش يفضل رايح جاى بيه فى البيت
فى مكان للآكل زى ماأقلت
موش بنتكلم عن السفره
والا غيره ياستى لو مافيش مكان معين وعندى أطفال
أفرش ملاية نظبفه ونقعد نأكل عليها وبعدين تتشال تتنفض
بس بلاش فوق غسيل الجيران .علشان دى سلوكيات
بيئئئئئئئئئئئئئة أوووووووووى . خلصتى خدى راحه يومين كمان أوعى تكونى بتأخدى راحه
خاللى بالك انتى أصلا كل يوم
فى ثوابت بتتعمل .
أكيد عارفها احنا موش هانتكلم عليها دلوقتى .
خاتى راحه تعالى نكمل
[COLOR=royalblue]الثلاجه والفريزر [/COLOR]
ان وجد ده برضه مره فى الشهر.
على فكرة هاأقولك على فكرة حلوة حتى لنفسك
هذا الجدول فى مفكرة مع بداية
كل شهر وكل اللى تنفذيه أشطبى عليه.
نرجع مرجوعنا البوتاجاز
ده حوار تانى خالص
لازم يكون دايما زى القشطه وعلى فكره البلاوى اللى بتكون
على [COLOR=black]البوتاجاز طبعا موش بوتاجاز منتدى فتككككككككات [/COLOR]
ده بوناجاز الناس الوحشين ده بيكون من أسباب وجود الصراصير
. فاضل ايه خلاص ولا حاجه .
تعالى للبرنامج اليومى بيتاع المطبخ اللى هو زى برنامج الحمام كل يوم الصبح
أعانك الله بعد ماطيور البيت المغرده تروم لحالها
هاتوقفى تشطبى المواعين وتخرجى حاجة الغداء من الفريز
وتكونى فى هذا الاثناء فطرتى
واخدتى الشاى بتاعك وعملتى دماغ .
توقفى بعون الله تخلص الغداء وماتنسيش وانتى واقفه
كل ماحاجه تتوسخ اغسلها أول بأول.
طفيت على الأكل أنظف البوتاجا.
وهأقولك على حاجه جميله أوى شويى ديتول مركزيين ملء الغطاا
وأوزعهم على البوتاجاز وأمسح بفوطه صغيره
هاتلاقيه زى البنور وريحته حلوى ولاأجدعها صرصار
يقدر يهوب تاحيته .
فى حاجه فوط المطبخ
بلاش الحاجات الغريبه الللا احنا بنستخدمها
وبتبقى ريحتها وحشه علشان احنا بنتعامل معها
على انها فوطة مطبخ وبتكون مليانه بكتيريا
وحات موش حلوه المفروض فوط مخصصه
وماخليهاش من (سورى) الوساخه
توصل لمرحلة الرمى أحسن
لأ كل يوم ألم الفوط بتاعة المطبخ وشوية مسحوق ومايه دافيه
واغسلهم
بلاش ياستى لو ربنا كرمك شويه وعندك كم كل كام يوم جمعيهم
وفى الغساله يبقوا زى الفل.
خلصتى البوتاجاز شويه كلور صغننين وشويه ديتول صغننين وشويى ميه موش صغننين
على البلاط وتجيبى فوطه البلاط النظييييييييييييفه
دايما تحوطيها على الممسحه وتنشفى الارض .
وكلمينى على أحساسك بالراحه والانتعاش وهو مطبخ بالنظافه دى. والى لقاا آخر ان شاء الله
على رأى الله يمسيه بالخير
مصطفى محمود .ادعولى ربنا يكفينى انا واولادى وجوزى شر العين .أنا وانتم اللهم آآآآآآآآآآمين
فى ناس مايعرفوش ان السفنجه بتاعة المواعين
زيها زى اى حاجه لازم تتغير من وقت للتانى.
العلبه التى يوضع بها الصابون لازم تكون زى الفل
والموضوع سهل جدا .
أنا باستخدم مثلا علب الآيس كريم
أو علب الجلاوه أو الجبنه,
يعنى ولا هاتكلف نفسها أى حاجه .
بس هى المشكله فى نقص الوعى.
طيب نفطة تانيه
مكونات هده العلبه بالليفه الى موش عاجباكى
هاتلاقى الميه بالصابون اللى داخلها موش نظيفه
وبها رواسب حاجات تانيه .
الحوض والرخامه على طول حواليهم ميه وصابون
وسورى آخر(عك).
ربنا يكرم ويصلح حال الجميع.

تمام كده ، ربنا يسهل
انا برضو موضوع الحمل ده ماثر عليا جامد نفسيا وبدنيا بالنسبة لتنضيف الشقة، كنت في الاول امورة وكل حاجة بعملها اول باول، ولما بدات الوحم باه والقرفة وكده، بقيت حتى بغسل المواعين بالعافية

لا لسه ما خلصش يا بطوطه
هو الحل الامثل للمواعين ان الواحد يغسلها بعد الاكل قبل ما يغسل ايده
احنا فى البيت بنعمل كده لو انا اللى هغسل المواعين يبقى قبل ما اغسل ايدى لازم تتغسل
وده فعلاااا بيوفر وقت ومجهود
بابا دايما يقولى اكنس بيتك ورشه ما تعرف مين اللى هيخوشه هههههههههههههههههه

والبوتاجاز حطى عليه ورق فويل عشان متتعبيش كل شويه فى تنضيفه

وكنت عامله سفنجه مخصوص للحمام عشان اغسل الحوض والبانيو بيها اللى هى بتاعة المواعيين دى
وعامله سفنجه تانيه للتلاجه والبوتاجاز

بس برده واحده واحده على نفسك يا بطه انتى حامل يعنى طظظظظظظ فى الشقه
براحه عليكى برده

اظن ريحنا بما فيه الكفايه يلا بلاش كسل
بصى ياستى باقى الشقه بنفس أهمية الحمام والمطبخ.
بدل ماتقسمى الشقه حجرات وتقولى الى باعمله النهارده
بيرجع يتوسخ أو يتبهدل .
ده لو اتعمل مظبوط موش هاتقولى كده .
اللى بيرجع تانى ده الشغل اليومى
ولازم تقتنعى
ان كل حاجه فى الدنيا محتاجه متابعه علشان تفضل حلوة.
فى نظافه بعمق وبضمير شويه ومره على مره
هاتلاقى الموضوع سهل. بجددددددددددددددد بجددددددددددددد أنا عمرى ماجاء عليا رمضان ولا عيد وأنا قالبه الدنيا
زى باقى الستات . اتا بيكون يومى عادى جدا علشان الاسلوب
اللى انا ماشيه عليه. المهههههههههههههههههم.
قسمى الشقه بنود وليست حجرات وياريت يكون ده مكتوب فى ورقه .
بند السقف والحوائط
تنظف من عتكبوت ان وجد
والحوائط مش لازم ابهدل الدنيا
يعنى كفايه بسفنجه بشوية مسحوق
وأمر على الأماكن المعرضه للأتساخ
يعنى اذا كان عندنا أطفال فالحوائط المعرضه للاتساخ فقط.
الأماكن الى حوالين مفاتيح الكهربا بس خاللى بالك.
وأنشف بعد كدة بفوطة معصوره أوى. انا موش عاوزه أثقل عليكى اكتر من كده
علشان زى مااتفقنا انتى عندك حاجات كتير يوميه جنب الكلام ده .
يوم تانى لفى على شبابيك البيت كله
وياريت ياجماعه
مانهملش موضوع الشبابيك دى انا باستغرب
ازاى ممكن اشوف شباك وسخ وتبقى الشقه من جوه نظيفة
ازاااااااااى
انا موش عارفه المهم ماعلينا
اذا أمكن تكى الشباك وتغسليه فى الحمام يبقى جميل
وأهم حاجه يتنشف كويس علشان الخشب
مايبوظش ومع السبابيك بالمره أبواب الأود تتصبن وتتنشف كويس أوى
وخصوص عند المقابض والحلوق
من فوق .
أنا علشان أختبر نفسى من وقت للتانى
أشب كده علشان انا موش طويله وأشوف حلق الباب من فوق
فيه تراب والا لأ.
أنا عايزه أأكد على حاجه كل اللى
انا باتكلم فيه ده انتى بتوزعيه على مدار الشهر
علشان ماتتعبيش. تعالى نشوف الستاير حوطى لنفسك سيستم فى موضوع الستاير ده
عايزه تعملى كل موسم صيف أو شتاؤ .
عايزه تعمليه على الأعياد . الوقت الى يناسبك
المهم
زى ماقلت مايجيس أى موسم علينا وأحنا مخلعين
علشان سيبنا كل اللى المفروض نعمله كل شهر
ركزناها فى وقت واحد .حرام علينا نفسنا وأزواجنا
اللى بيكون العيد عنده كركبه وميه وصابون
وست بعد ده كله متكومه من كتر التعب.

تعليق صغير بس فكرة البنود دى بجد تحفه فعلا واسهل بكتيررررر
يعنى مش اوضه اوضه لا الاسقف كلها فى يوم او يومين و التلميع فى يوم وكده ده اريح