التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

باخلي زوجي يشتريها لي اليوم ، اذكر قلبو قالت لي عنه تيريسور شي جذي اسمه ...

دلوعة انه ولدي تم اسبوعين سره وبعدين طاح بروحة وسالت الدكتورة قالت لي لاتحطين عليه شي خليه بروحة بيطيح ....

وعلى سالفة التجدي انه بعد ولدي مايتجدى الاا نادر وعلى يد امي انه ماقط تجدى على يدي وكله يرجع الحليب الي يشربة :(

شوشو انا بعد المستشفى قالولي لاتحطين الا الكحول اللي عطيناج اياه مرتين باليوم وبيطيح بروحه بس اليوم لاحظت ان فيه دم شوي عورت قلبي يوم اسبحها احس يألمها :(

بنات شخباركم انا نفسكم بنتي ماتجدى الا نادر وذابحها البفاق بس بنات الحين لين فوق 11 يوم الجراحه اللي برع التأمت اما الداخليه للحين واحس بالخيط على برع طالع وايد يضايقني من نفس حالتي

دلوعة بالنسبة للسر استخدمت البودر اللي قالت عنه قلب البتول وبصراحة واايد ساعد جفف السر وطاح تروحين للصيدلية تقولين لهم بغيت ام بي بودر بيعطونج اياه

ZM143;11746511:
مرحبا بناااااات شخباركم ؟؟؟

وحشتوني
سامحووني انشغلت عنكم .. علاوي صار مريض فيه ابو صفاار .. واني دمي كله ناقص .. تجيني الدووخه ..
رجعت شقتي .. وكان النت مقطوع هههههه مهجورة خبركم .. وتوه من كم يوم رااجع ..

الحمدلله ان كل شي بخير ..
علاوي بعد .. مايتجشأ الا بطلاع الروح .. يمهل وصعبببه .. ساعات اخليه بدوون .. بعدين يرجع مسكيين .. والغازاات دباحتنه .. ماظل مرقدوش ماظل ماي الحلوة اعطيه .. وبعد .. وديته مستشفى الامل وعطوني دوه له احسه خف بس بعد للحين .. كله يعووصر ..

ههههههه وفيه حركه تضحكني هل انتون بعد .. يخاف من المااي عددددددددل .. بس يسمع صوت الماي بعده ماصاده بس يسمعه يقعد يصيييح .. يموت من شي اسمه ماي .. وينش يا قلب البتول بتقولين ولدي وصخ نفسي خخخخخخخ

يالله الله يخليه ويخلي ليكم بيبياتكم ..

من اليوم رجعت وياكم .. وحشتوني صددق :)

امم علاوي ما عليج شر وبالنسبة للبوصفار انا بعد يسافي من يبته وللحين فيه كل يوم يخف شوي



بالنسبة ليسافي ما شاء الله عليه يموووت على الماي يصيح ومن تصبين عليه الماي يسكت

اقول حق امي بشتريله برجة وباحطه فيها طول الليل وبنام عنه خخخخخخ

سلااااااااااااااااااااام شو اخباركووووووووووووووم
اجوف تتحجون عن التجشي وعن ابو فاق خخخ
نفس حالتي بالضبط مايتجشا الا بالغصب ونادرا بسرعة استانس وبالنسبة لبو فاق هذا وحتى هو في بطني على طوووووووووول يصيده من اكل لي شي يصيده اتريق اتغدى اتعشى وحتى لو اكلت لي شي في العصرية بعد يصيده عاد يوم كان في بطني كنت اتضايق ويوم ولدته كان عجيب طريقته في البو فاق لدرجة صورته فيديو وهو فيه عجيب الصوت اذا صار عندي وقت بنزل لكم الفيدو تجوفونه يهبل حبيبي هههه>> السبال في عين امه غزال

وبالنسبة للخوف انا موته ولدي ولا يحس والا يجوف اياديه يبطل عينه حدهااااا ومن الخوف مايدري شيسوي ويصرخ ويضرب وجهه او يجود شعره يعني ولدي عقدته اياديه ههه

السلام عليكم
شخباركم!
اليوم موعد عبودي مع د.منى الجفيري
الحمدلله كل شي اوكي
وزنه 2.300 الحمدلله

عن ما يالحلوة وماي غريب قالت لي عادي اعطيه 5 او 10 مل
عشان الغازات
وصفت لي تحاميل قالت لي خليه اخر الحلول لأنه صايده امساك من 3 ايام ما سواها
وكله يعوصر بنفسه

وعن الماي .. الحمدلله يرتاح ويسكت لا انصب عليه ماي دافي ههههههههه
بس عبوودي وقت رضعاته يقوم بالليل
ولا هو كله نايم ما شاء الله عليه
ان شاء الله دايم يكون جذي

صرت انام الساعه 1ونص ما اقوم الا 6 وبالغصب
عيني تفتح من التعب
وما اقدر انام العصر ولا الظهر
لأنه يصحى يصيح شوي ويسكت يرد ينام طبعا من بطنه

عطته موعدشهر 6
بس الحمدلله كبر شوي حتى الدكتورة تقول نفس الكلام

بنات تعالوا هالتجمع انا من مدة وانا هناك

http://forums.3roos.com/showthread.php?t=520643

تسلميلي دلوعة
صحيح كم وزن جوجو ؟
كلنا عنا نفس المشاكل مع الصغار

Daloo3t_Obooy;11747030:
شوشو انا بعد المستشفى قالولي لاتحطين الا الكحول اللي عطيناج اياه مرتين باليوم وبيطيح بروحه بس اليوم لاحظت ان فيه دم شوي عورت قلبي يوم اسبحها احس يألمها :(

اي دلوعة ترى عادي يطلع دم انه بعد عبودي تم يطلع منه دم لي يوم نشف وطاح

جووود هلون بنضيع اذا التجمع وايد فيه بنات نبي تجمع خاص فينا احنا :)

دلوعة
بالنسبة للسر انا حطيت عليه مرهم العيون لانه كان وايد يتالم منه وكان يابس ومن يتحرك احس انه يتالم ومن قمت حطيت عليه كل يوم المرهم وعقب طاح عاد ماذكرت المرهم الا عقب مدة يمكن يومين حطيته وطاح ويوم يطيح كان ولدي عمره 11 يوم والدكتور يقول عادي كل طفل غير عن الثاني ناس من ثاني يوم وناس يتم لهم مدة

طيف انه ولدي بعد فيه بوصفار وخفيف بس الحل انج تشيلين ثيتبها وخليها بالحفاظة يم الدريشة من الصبح الساعة 6 يعني شمس اول النهار ولاتخلين الشمس مباشره عليها بس خليها يمها وعطيها ماي هذي الدكتور قال والله الحافظ ولاتعفسين مزاجج ترى كل اليهار يصيدهم وعادي ولو الدرجة عاليه في بنتج جان خلوها في الشيشة في المستشفى

شوشو بالعكس ما بنضيع ما في الا امهات محدودين يدخلون هناك واغلبيه الامهات اللي يدخلون
بذاك التجمع بكر
نفسنا يعني !

\

طيف عرضي بنتج لاشعه الشمس الخفيفة
وان شاء الله بيروح بو صفار عنها ولا تشيلين الهم لأنه كل اليهال يصيدهم هالشي

طيف شي طبيعي تنام وايد لازم تشكرين ربج على هالنعمه ههههههههههههه
بعدين لا كبرت شوي انسي النوم بيعتفس نومها كلما كبرت