شخباركم امهات ؟
وحشتوني وايد ، رقادي كلش ملخبط وكله مصدعه من بنتي الله يحفظها ماتنام كلش يعني عادي اتم لها 6 ساعات بس تتعصر وتبي احد يشيلها ماتحب البطحه ولا المهاد كلش تغربلت وياها والله بقعد احاتيها لين رديت الدوام ادري محد بيكون له بارض يسوي جذي كثري :(
امس رحت موعدي مع د. سلام شاف الجرح وقال كل شي تمام الحمدلله وسوالي التراسوند وشاف الرحم الحمدلله رد مكانه الطبيعي ، ماوعيته الا يقول حق النرس انه بيسوي لي Pap Smear Test ، اللي اهو فحص عنق الرحم قلت له لا دكتور مابي حاول وياي قلت له مستحيل ماقدر ، لاني من كم يوم شايفته على اليوتيوب ، ربي الحافظ ان شاء الله يبعد عنا الأمراض ويحفظنا لأهلنا وعيالنا ...
عطاني حبوب منع الحمل مع الرضاعه سيرازيت وقال انه كلش مابيتأثر الحليب ، بس انا وايد اخاف من الحبوب كل من يقول انها تمتن واحنا ناقصين بعد متن من عقب هالولاده الكرشه تلوع الجبد يبيلها شغل عدل وتسوي نزيف في بعض الحالات هذا غير الاكتئاب والصداع ، عاد انا لازم اعودها من الحين ان الصناعي الصبح وفي الليل رضاعه طبيعيه هذا طبعا اذا قدرت ارضعها اكثر من شهرين ...
اتصلت في مركز صبيحه للصبا والجمال عشان ابي اسوي لف البطن قالت لي القيصريه بعد 3 شهور تعالي لأني ناويه باذن الله اروح لها واتخلص من هالكرشه البايخه يبيلي احس 5-10 كيلو انزلهم يعني بداية شهر 7 ان شاء الله ...
طلبت من النت جاري حق بنتي جوسي كوتور شركة مكلارين اللي يبيعونها مذركير الأصلي وهي شركة ممتازة للجواري اختي كان عندها جاري منها وحده سهل في الاستخدام وان شاء الله بيوصل خلال 5 أيام عن طريق فيدكس وهذي صورته ...
وبس هذي اخر اخباري ، ناطره سوالفكم كلكم انتوا وبيبياتكم الحلوين ...