التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

بحرينية انا بعد ولدي اترس ويه حرار وقريت ان الحرار يطلع من الحر

وقمت اشغل الايسي والحين الحمدلله راح الحرار

هودي انا بعد يسافي على طول يرجع امي تقول ان الزوع يربي

يتصفح الموضوع حالياً: 3 (3 من الأعضاء و 0 من الزوار) ‏engineera83, ‏حنين ام, ‏بحرينية_حلوة

حنين ام شخبارج؟

engineera83;11756963:
هودي انا بعد يسافي على طول يرجع امي تقول ان الزوع يربي

هو بالفعل لانه مجربة ببنتي الاولى

ايه بحرينيه شنسوي بعد ! خلنا نتعلم من الحين عشان بعدين اقدر اعابل روحي بروحي

\

خليت ريلي يتعلم شلون يقمط ويسكته لا صاح وشوي شوي بيتعلم اكثر
عشان يساعدني فيه
ولو انه طلعت له اعصاب من كم يوم .. خليت عبادي بنفس الغرفه عشان يتعود من الحين
لا رديت الشقه ما يعصب
بس تعود الحمدلله حتى يقوم يشيله لا صاح وانا محد
الحمدلله يعني

عن التطهير الدكتورة قالت لي صبري عليه شوي مو الحين تطهرونه
وعن التقريع اشوفكم الكل بدى يقرع
انا ريلي ما يبي يقرع لأنه اول ما ولدته ما كان فيه شعر بالشيشه طلع له
بس امي مو راضيه تقول قرعوه ولو تدري امه بعد بتقول الشي نفسه
وانا ما ابي اقرعه خليه على شعره لأنه يقولون يقرعون عشان وسخ الام يكون بشعره ما اعرف ايش
بس ما ادري عن هالموضوع

شخباركم بنات انا بنتي مابي اقرعها كفاية شفت ولدي اقرع يوم اهو صغير وكان يخرع هههههههه حلاة البنت بشعرها مردة بيغلظ

السلام عليكم

شخباركم@
بعد شوي بروح مذركير بشتري غريضات حق عبوودي
وبعدين خالتي بتيي عشان تشوف عبوود لأول مرة

بنات يحتاج اشتري جاري وكرسي للسيارة حقه ! او انتظر لين يكبر شوي!

جود جاري احس يحتاج لان مردج بتطلعون معاه انتي وابوه بس كرسي حق السيارة احس يبي له بعد لي 4 شهور :)

شخباركم امهات

انا الحمد لله تمام ومريوم زينة الحمد لله ام يساف شخبارج وشخبار يساف

كيفكم يا احلى امهات
جمعة مباركة علينا وعليكم
لولو مبارح مانيمتنا الا الفجر شكلها عندها مغص وبدها تضل على صدري ترضع وانا تعبانة من الرضاعة

لوليكي;11764257:
كيفكم يا احلى امهات
جمعة مباركة علينا وعليكم
لولو مبارح مانيمتنا الا الفجر شكلها عندها مغص وبدها تضل على صدري ترضع وانا تعبانة من الرضاعة

لوليكي والله نفس الحاله تعبت من الرضاعة الطبيعة الله يصبرنا سنتين لي مانفطمهم .. والله ظهري تكسر علي من الرضاعة وامس من التعب في الليل رحت سويت حق عبودي حليب صناعي خلااص وصلت حدي وبالخش بعد لان امي ماترضى اعطيه صناعي ههههه

بس اعوده رضعة صناعي في اليوم عشان اذا بديت الدوام يشرب الاثنين صناعي وطبيعي :)

حنين ام;11764202:
شخباركم امهات

انا الحمد لله تمام ومريوم زينة الحمد لله ام يساف شخبارج وشخبار يساف

اناالحمدلله بخير ويساف بعد بس مطلع عيني الله يحفظه

شخباركم يا احلى امهات

اشوف كلنا نعاني من السهر ونتذمر من الرضاعة الطبيعية الله يكون في عونا وتمر هالمرحلة على خير
انا اليوم وديت يسافي بيت اهل زوجي لكن ما خلاني اتغدى ولا خلاني اقعد معاهم كله يصيح ارقده واحطه الا بعد جم دقيقة يصيح

والمسكين اليوم لبسته حفاظة رقم 2 وكانت عودة عليه ولعوز ثيلبه كلهم

عاد ابوه يقوله بابا فشلتنا اليوم


جود بالنسبة للجاري والكرسي انا اايد كلام شوشو

اليوم لما رحت بيت اهل زوجي سدحت الجاري مثل السرير وحطيت فيه يسافي وحطيت تحته فراش طبعا

انجنيرا الحين شنو الفرق بين رقم 1 و2 الحفاظات؟؟ انه كل مايروح زوجي الصيدلية يقولي الحين عبود كبر اخذ له رقم 2 قلت له خلك على واحد بروحي ماعرف شالفرق بينهم خخخخخخخخخخ

وعلى طلعة يساف بيت اهل زوجج انه زوجي يقولي برزي العبد اول ماتكملين الاربعين نروح نتغده كل يمعة هناك واحس نفس الحال مابيخليني اتغده ولازم كل شوي ارضعة وهناك اخوانه يعني احس باتوهق فيه من الزين

صباح الخير امهات كيفكم؟
جود شو هو الجاري؟
كرسي السيارة اجاها هدية ايمتا بقدر استخدمه

لوليكي مبرووك ع التميز
الجاري هو عربة الاطفال
اللي تحطين فيها البيبي

خاطري في الكرسي اللي يتحرك وفية موسيقى من مذركير يهبل للياهل

السلام عليكم شخباركم؟

ماركة crago
أعتقد بالبحرين اغلى من السعودية
اللي شفتهم بالبحرين على 92
وهناك بحدود 60 و 70
طبعا لون عن لون يفرق

هلااااااا جود الله يبارك فيكي حبيبتي
اليوم بدها تيجيها العربه هدية ههههههه