التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

الحلم الأزرق;11727214:

صباح الخير بنات شخباركم

صار لي فترة ما أدخل التجمع لأن نفسيتي تعبانة واجد

طبعا موعدي تاريخ 29 مارس وللحين ما ولدت عطتني دكتورتي موعد تاريخ 4 إبريل لطلق صناعي ما رحت كنت خايفة واجد, أمس رحت لتخطيط قلب البيبي قالت لي ليش ما جيتي قلت لها كنت خايفة عطتني موعد ثاني تاريخ 6 إبريل لطلق صناعي وأنا خايفةمن الطلق الصناعي لأن الولادة الأولى كانت قيصرية وخايفة هالطلق يأثر على رحمي بس هي قالت لي إن الطلق من النوع الخفيف وإذا ما إستجبت للطلق راح إسوي لي عملية خايفة واجد نصحوني بنات شسوي

الله يسهل عليج حبيبتي بس انا اقول تروحين المستشفى للطلق الصناعي احسن لج وللبيبي

ان شاء الله تبشرينا بولادتج وسلامتج وسلامة البنوتة

دلوعة شخبارج حبيبتي لج وحشة

الرضاعة الطبيعية متعبة بس يبلها صبر

النرجس انا بديت اعطي ولدي منقوع التمر بعد الاربعين

انا منقوع التمر استخدمه حق بنتي الحين والغرز اقولج اذا عندج مره نقعيهاا في ماي ولين غسلتي الجرح ونشفتيه بللي كلينكس بالمره ومرريها على الجراحه وانا احط على الكوتكس اعصر منقوع المره عشان لين لبسته يغطي الجرح

انا نصحوني ناس استخدمه الحين وناس قالو لي بعد الاربعين لان معدة البيبي ماتتحمل شيء الحين غير الرضاعه الطبيعيه والصناعيه بس

انا افكر بعد الاربعين بس بنتي نتفه مرره نحيفه ابي شيء يخليها تسمن شوي

وعلى منقوع المره للغرز انا اسوي كذا بس اخر مره حطيت مره على الخياطه اشدة علي وعورتني مرره وصرت لا اعرف اجلس ولا اشيل بنتي منها

السلام عليكم

شخباركم!

انا بنضم معاكم بالرضاعه الطبيعية
والله ظهري حده متكسر ما غير قله النوم الله يعين

جود ماطمنتينا على وزن عبودي اليوم؟

صبااح الخير كيفكم بنااات

صباااااااااااااح الفل صبايا كيفكم؟
انا اليوم مانمت الا ساعتين بالليل وعصبت على لولو بدها تضل ترضع هيك بس عشان تضل بحضني وتضل تشد الحلمة عشان توجعني بس كنت استغفر عشان اتحملها الله يعينا ان شاء الله

صباح الفل والياسمين :025:
طبعا نوم مافي ابد ، كله في سبيل الرضاعة الطبيعيه ، بس صج حلوه الامومه ربي لا يحرم احد منها ويرزق كل من تتمنى الذرية الصالحه :02:

ام ندى
ربي يسهل عليج ان شاء الله وتولدين بالسلامه ، توكلي على الله وادعي ويارب مايطول وياج الطلق الصناعي وتولدين طبيعي هالمره وتييبين فطومه الحلوه ، انتظر مسج منج تبشريني بولادتج يارب :049:

لوليكي
انا تمام اسأل عنك وعن ليون ، الحلوه تشبه من؟
انا بنوتي فيها مني وفيها من ابوها ، ان شاء الله تطلع تشبهني عشان تصير Minnie Me :041:

عيون المها
ماشاء الله ، انا اقول دامها تبي الطبيعي خليها احسن لها من الصناعي اللي ينفخ بس دامج ماتشتغلين رضعيها طبيعي قد ماتقدرين ، انا قاعده احاول اخلي الصناعي مره او مرتين بس باليوم ، بس بنتي مافيها صبر تبي كل شي بسرعه ربي يحفظها تقعد تصيح وتصيحني وياها ، اما اذا رديت الشغل بعد شهرين بزيد الصناعي وبشفط لها من صدري يكون عشان يعطونها حزة اللي انا بالدوام ...

انجنيرا 83
وانتي اكثر فديتج ، كل شي يهون في سبيل عيالنا :014:

شوشو 84
مبروك تختونة العبد ، شخباره من عقبها؟

الا قلبو وزمو وينهم اختفوا ، حاطين رايبون سوبر دارك :042:

صباحكم خير وسعادة

هههههههههه اه على السهر يالله بتتعدل النومة جريب ان شاء الله

هلاا والله دلوعة هاا ضقتي السهرمعانه الحين خلااااص مافي مفر ههههههههههه

العبد زين الحمدلله اول الايام كان وايد يعاني حبيبي بس الحين طاحت الحلقة وارتاح ورجع كلشي طبيعي :)

سلام عليكم
شو اخبااااااااااااركم

وحشتوني ههه

دلوعة
الحمد لله على السلامة وتتربى في عزج جودي شخبارج ويا جرح العملية ان شاء الله اشوة الحين؟
اي صح تراني حطيت موضوع للتهنئة بولادتج

ام ندى
ان شاء الله اليوم يبشرونا بولادتج بالسلامة وترتاحين بصراحة على الم الولادة وتعب السهر والرضاعة الا انه اخف واهون الله يسهل عليج ان شاء الله

شوشو
كيفييييك؟ وكيف العبد والحمد لله يوم ان الحلقة طاحت انا ما ارتحت الا يوم طاحت وقلت في قلبي خلاص اصعب شي في حياة الولد خلصنا منها وافتكينا انتي جم يوم تمت فيه الحلقة؟ انا يوم تاسع طاحت

بروكولي
تسلمين فديتج ماقصرتي ، الحمدلله كل يوم احس اني قاعده اصير شوي احسن ، يعني بديت شويه اصلب روحي واقوم من السرير بروحي بدون مساعده والسبت موعدي يشوفون مكان العمليه وموعد جودي بعد ...

مرحبا شخباركم@

شوشو وزنه 2.140 كغ
لين الحين : \
لأنه لين الحين ما رضعته طبيعي كله صناعي

بروكولي;11736966:
شوشو
كيفييييك؟ وكيف العبد والحمد لله يوم ان الحلقة طاحت انا ما ارتحت الا يوم طاحت وقلت في قلبي خلاص اصعب شي في حياة الولد خلصنا منها وافتكينا انتي جم يوم تمت فيه الحلقة؟ انا يوم تاسع طاحت

هلاا والله يروكلي انه بخير دامج بخير :083:

الحلقة طاحت يوم خامس لان كنت كل يوم احط عليه زيت زيتوون :)

јǿđ;11738962:
مرحبا شخباركم@

شوشو وزنه 2.140 كغ
لين الحين : \
لأنه لين الحين ما رضعته طبيعي كله صناعي

معلي جود انتي دايما خلي يرضع طبيعي ومع المص بيطلع انشاء الله :)

اهلين امهات

shosho84;11739034:
معلي جود انتي دايما خلي يرضع طبيعي ومع المص بيطلع انشاء الله :)

ان شاء الله
بس كيف الوضعيه تكون
انا ما اعرف ؟