تجهيزات واستفسارات حوامل وامهات مصر... بارت 2

m@hy;11875716:
انا برضع طبيبعى برضة بس الدكتورة قالتى اعمليلة رضعتين صناعى ف اليوم
عشان وزنة قليل و الاسبوع الجاى عاوزاة زايد 250 جرام و ساعتها هنشوف هنعمل اية:066:

و انا صدرى بيكون فية لبن وباخد هربانا الصراحة جميلين اوى
بس للاسف الاسيف شكلة مش بيكفية:01:

ده الكلام ده في الشهر اللي هو فيه دلوقتي؟
غريبة دي، مفروض الزيادات الكبيرة دي بتبقي في اول شهر اسبوعيا حوالي 200 جرام لكن باقي الشهور الزيادة تبقي شهرية بالتدريج واقل من كده بكتير، والدكتور قاللي لو لبنك كتير ووزنها قليل يبقي اللبن مش مغذي كفاية لكن مش قليل عشان كده بنضطر نزود صناعي.

sosiii-cat;11876099:

اصلي مرة وزنوها في الصحة طلعت زايدة عن الطبيعي
وفي نفس اليوم الدكتور وزنها لاقاها ناقصة عن الطبيعي
وبعد اسبوع رحت لدكتور تاني لقيت وزن مثالي
فقلت لازم اوزن في اكتر من حتة بعد كدة

انا بقي بتوع الصحة تقريبا وزنوها بالبطانية الحمير بس عادي يعني احنا شلنا الفرق ده وكان فيه اختلاف بردو شوية عن ميزان الدكتور الاولاني ده في اول كشف وتاني اسبوع لقاها مزادتش عن اللي قبله فعشان كده قاللي هاتي الشفاط ونشوف معدل اللبن ونحكم علي اساسه، ولما رحت للدكتور التاني بقي قلتله علي المعدل وكده وقاللي الكلام اللي كتبته فوق ده وبعدين وزنها لاها زادت الحمدلله فخلاص كده الحمدلله يارب دايما

كتكوتة انتى لما كنتى بتشفطى اللبن الدكتور قالك المعدل الطبيعى كام مل؟؟؟؟؟؟؟؟ عشان تعرفى انو لبنك كافى؟

بنات حديعرف دكتور اطفال كويس؟

CuTie KaTkOoTa;11876690:
ده الكلام ده في الشهر اللي هو فيه دلوقتي؟
غريبة دي، مفروض الزيادات الكبيرة دي بتبقي في اول شهر اسبوعيا حوالي 200 جرام لكن باقي الشهور الزيادة تبقي شهرية بالتدريج واقل من كده بكتير، والدكتور قاللي لو لبنك كتير ووزنها قليل يبقي اللبن مش مغذي كفاية لكن مش قليل عشان كده بنضطر نزود صناعي.


ا

ايمى يا قمر انا مش فاهمة كلام:01:
وضحيلى اكتر:025:

و ممكن اوزن فين تانى
فى صيدلية ولا اية:033:

انا اعرف ان المينمام للزيادة شهريا 600 جرام دى اقل حاجة
يعنى ال200 جرام فى الاسبوع دا قليل
مدحت الزيات امبارح قال الزيادة ف الشهر من 800 جرام

miko85;11873117:
منفوخ قبل الاستعمال ولا بعد الاستعمال اصلي ال لو في بامبرز الابيض ده او الاصفر انهم رفيعين موووت وبيتفخوا لما بيعملو بيبي ويمتص حلو بجد ال هو الابيض تحفه بجد

منفوخ قبل الاستعمال
والابيض ماشوفتوش خالص بس لو شوفته هقولك

miko85;11873128:
بيبو ممكن اعرف بامبرز المصري بكام العبوه الكبيره ده وانا عندي النونات وزنهم اقل من 2 كيلو ونصف

انا بجيب مقاس 1-2 هو مكتوب عليه المقاسين سوا من 3-6 كيلو فيها 63 قطعة بستين جنيه تقريبا وموجودة فى محلات الجملة ارخص من كده بكتير كمان بس انا الضيدليات عندى غالية شوية

marmarena;11868901:
يا بنات انا جبت من محل في فيصل كه بتاع بيبهات فستان زي فساتين الفرح بتاعت البنات الصغيرين بس نيو بورن للسبوع لونو ابيض في بنك حلو اوي بس هو حمالات اعمل ايه البسها جلبيه قطن تحتيه ولا سالوبيت بكم وبنطلون ولا تفتكرو شكلو مش هيكون ظريف؟؟؟

قلولي اخر كلام اجيب بودره بيبي جونسون ولا لا؟؟؟؟ وهي نوعين ابيض وروز ايه بقا الفرق

فى بديهات بكم سادة هتنفعك بس المشكلة ان المحلات نزلت الصيفى
انا كنت جايبة بادى بيج قطن بكم كان بـ22 جنيه من زيرو تو فايف
وهاتى كولون هيبقى كميلة

sosiii-cat;11873131:




ماهي معلش ماتزعليش
انا مجربة بيبيلاك وبيوميل علشان الاول كنت برضع نص صناعي ونص طبيعي
بس دلوقتي بقيت برضع الربع طبيعي والتلات ارباع صناعي من بعد ما ابتديت اخد الحبوب بشوية

بس الحمدلله رب العالمين مش عامللها امساك خالص خالص هي طبيعية جدا الحمدلله ممكن لو يوم جالها امساك او يوم جالها اسهال كل فين وفين بس لكن طبيعي زي بقيت الاطفال
انتي بس املي البيبرونة الاول بالماية وبعدين حطي اللبن مش تحطي اللبن الاول علشان مايبقاش تقيل فهماني ولا لأ ؟
وبردو حاولي توزنيه تاني في مكان تاني قبل ما تديله علشان تتأكدي

قوليلى يا سوسى ايه رايك فى بيبيلاك ؟؟؟؟ عشان هو عندى من ايام الولادة وهبقى استعمل صناعى لما انزل الشغل فلو كويس هستعمل العلبة اللى عندى

CuTie KaTkOoTa;11873677:
جوجو بردو كانت كده بس مش من اول الولادة لأ بعدها بشوية كده يمكن اسبوعين مثلا ولقيت وشها اتملي حبوب صغيرة خالص وفي راسها كمان، وسألت الدكتور قاللي عادي دي حبوب موسمية وبتروح لوحدها متقلقيش خالص وفعلا هي قلت خالص دلوقتي لوحدها وبردو لما بتغسلي الوش بالمية بتحسيه هدي كده وقلوا بردو، وبالنسبة بقي لو فيه قشر في الوش قاللي ادهني اللبن بتاعك وهو هيوديه.
؟

:03:
اوجى برضه طلعلها من بعد الولادة باسبوعين تقريبا

CuTie KaTkOoTa;11873695:
طيب انتي ايه اللي خلاكي اصلا تدي صناعي يا ميكو؟

بصي اولا قولي ما شاء الله ثانيا الدكتور كان قاللي امتي نحتاج صناعي لو لقينا البيبي وزنه مش بيزيد الزيادة الطبيعية بتاعته كل اسبوع وساعتها بنضطر ندخل اضافي بقي وقاللي بردو لو انتي لقيتي اللبن عندك كميته كويسة وبردو البيبي مزادش يبقي معناها اللبن اه كتير بس مش مغذي بالدرجة الكافية.

انتي بس كلي حاجات مفيدة كده كتير وكميات بس بلاش دهون ونشويات واشربي مية ولبن وعصاير واعشاب مشكلة وخليكي وراهم بالطبيعي.

انا بيتهيألى هى ادت صناعى لانها برضه مش هتلاحق ما شاء الله ربنا يحميهم

Miss FaTi;11873865:
نيجى بقى للحفاضات النسائيه


وده برايفت اللبنانى ملمس قطنى ناعمه جدا ورائعه وب 7 جنيه

انا بجيب البرايفت من هايبر بخمسة ونص

هانا اوبا;11876829:
كتكوتة انتى لما كنتى بتشفطى اللبن الدكتور قالك المعدل الطبيعى كام مل؟؟؟؟؟؟؟؟ عشان تعرفى انو لبنك كافى؟

بنات حديعرف دكتور اطفال كويس؟

حمدالله على سلامتك انتى والنونو يا قمر ما شاء الله يتربى فى عزكم:)

عايزة الدكتور فين؟؟؟
وشوفى الموضوع ده
http://forums.3roos.com/showthread.php?t=518861

الله يسلمك يابيبو
انا عايزاة فى الجيزة لانو الدكتور اللى بروحلو كشفو 100 غير الاستشارة فحاسة انو اوفر اوى

هانا اوبا;11876829:
كتكوتة انتى لما كنتى بتشفطى اللبن الدكتور قالك المعدل الطبيعى كام مل؟؟؟؟؟؟؟؟ عشان تعرفى انو لبنك كافى؟

بنات حديعرف دكتور اطفال كويس؟

مرمر يا جميلة بصي هو قاللي تشفطي مرتين عشان نجمعهم علي بعض وبعدين نقسمهم علي 2 وساعتها النسبة مفروض تكون 70 او 80 مللي، يعني اشفطي مرة بالليل ومرة بالنهار.

m@hy;11876892:
ايمى يا قمر انا مش فاهمة كلام:01:
وضحيلى اكتر:025:

و ممكن اوزن فين تانى
فى صيدلية ولا اية:033:

مش عارفة يا ماهي والله انا كمان عايزة اوزنها بردو في الفترات اللي مش هتروح فيها للدكتور، لأني بعد ما خلصت اول شهر كنت بروح كل اسبوع طبعا، الدكتور قاللي هاتيها لما تتم 3 شهور لازم، وقاللي لو حبيتي بقي تتابعي عشان الوزن وكده يبقي كل شهر ممكن، وانا كنت عاوزة اشوف في الفترة اللي في النص ده

قصدك مش فاهمة علي موضوع اللبن وكميته ولا ايه ؟
لو كده بقولك اول دكتور قاللي قيسي معدل اللبن عندك عشان لما وزنها تاني اسبوع لقاها نفس الوزن بتاع اول اسبوع لما روحتله، فشك ان اللبن عندي يكون قليل ومش كافي، فقاللي شوفيه والاسبوع الجاي هنشوف هتحتاجي صناعي ولا لأ، ولما جه ميعاد الاسبوع اللي وراه انا كنت رحت لدكتور جديد قريب من بيتي وطيب وهادي اكتر من الاولاني رغم انه اصغر سنا بكتييييييييييييييييييير ومش اسم كبير زي الالولاني، المهم حكتله انها مزادتش في تاني اسبوع وكده وان الدكتور طلب مني كذا، فلقيته بيقولي تمام وقبل ما يوزنها بقي كان بيقولي بصي انتي لو حاسة ان لبنك كويس والبريست بيبقي مليان وفيه زيادة في حجمه وقيستي المعدل ولقيتيه كويس والبيبي بردو وزنه مزادش يبقي ساعتها المسألة مش مسألة انه اللبن قليل لأ ، ده بيبقي اللبن مش مغذي بدرجة كافية عشان تخلي البيبي يزيد في الوزن وعشان كده بندخل اضافي بقي.

m@hy;11876916:
انا اعرف ان المينمام للزيادة شهريا 600 جرام دى اقل حاجة
يعنى ال200 جرام فى الاسبوع دا قليل
مدحت الزيات امبارح قال الزيادة ف الشهر من 800 جرام

بصي الكلام ده لقيته علي النت دلوقتي:

ماهو الوزن والطول ومحيط الرأس الطبيعي للطفل الوليد ؟؟



ان متوسط وزن الطفل المكتمل 25ر3كجم وطوله 50سم ومحيط رأسه 34سم.



لاحظت ان وزن طفلي لم يزد خلال الأسبوع الأول من الولادة بل لاحظت ان وزنه وكأنه يقل؟

ان الطفل المولود حديثا يقل وزنه بمعدل 10% من الوزن خلال الأسبوع الأول من العمر _ أي ان المولود الذي كان وزنه 3كجم عند الولادة يصبح وزنه 700ر2كجم نتيجة لفقدان السوائل من الجسم وقلة الرضاعة لدى بعض المواليد _ وهذا النقص في الوزن يعتبر طبيعيا ويبدأ المولود بأستعادة وزنه عند الولادة بعد مضي اسبوعين من العمر وبعد ذلك يزداد وزن الطفل بمعدل 30جرام يوميا خلال الشهر الأول من العمر.


وعارفة موضوع ال 200 جرام ده في الاسبوع للشهر الاول كنت قلتله قدام هدي بردو وقالتلي صح بردو وبعد الشهر الاول الزيادة بتبقي اقل من كده، بس انا بدورلك اهو تاني عشان نسيت دلوقتي الدكتور قاللي بتبقي اد ايه.

Eng. BoB;11859905:


يا قمر البيبرونة اللى انتى جايباها ما شاء الله حلوة ماتغيريهاش ولا حاجة
الترمومتر والقصافة وفرشة الشعر يا اما من محلات الاطفال يا اما من صيدلية
الترمومتر انا جايباه omron بس مش فاكرة سعره كام وفى كمان ترمومتر شيكو بيتهيألى بخمسين
فرشة الشعر انا جايباها فارلين برضه مش فاكرة السعر كام بس ناعمة وجميلة قوى ما شاء الله .. مش شرط تجيبى ماركة معينة هاتى الحاجة اللى تحسى انها مناسبة
حافظة البيبرونة برضه من محلات مستلزمات الاطفال

ميرسى لردك يا قمر
على فكرة يا بنات انا جايبة الببرونة من صيدلية العزبى فرع المقطم و كان عندهم كمان نك و افنت و بيجون
و جبت البيبى جوى نيو بورن من خير زمان المقطم العبوة 20 واحدة ب 22 جنيه بس لسة بدور على فوط لوتس بقى مش لاقياها خالص ياريت اللى جابتها تقولى جابتها منين

ازيكو يا ماميهات يا قمرات... انا كنت عايزة اسألكو على البامبرز الابيض ده اصل بابا في الامارات و هايبعتلي حاجات بالشحن تفتكرو اقوله يجيبلي منه ولا اجيب بيبي جوي من هنا وخلاص؟ و لو حد عنده صورته ياريت يوريهاني علشان ابعتها لبابا..سؤال كمان منين اجيب البورت الصيفي للبيبي و سعره بيكون كام تقريبا؟؟؟

بنات انا روحت للدكتورة و لقت ضغطى عالى جدا و هتحجز فى المستشفى و هتدينى طلق صناعى ان شاء الله ولو منفعش هولد قيصري ان شاء الله ... انا مرعوبة جدا سواء من الطلق الصناعى او القيصري بس ربنا يقدم اللى فيه الخير ... انا نازلة دلوقتى المستشفى و امانة عليكم تدعولى كتير يا بنات

وعشان المخالفة قولولى البامبرز بيتغير كام مرة فى الاول خالص؟؟؟

miko85;11873121:
انا بالنسبه لي بامبرز الابيض ده لو نزل مصر باه يبقي تحفه
ميزته كله قطن ...الامتصاص عالي
رفيع جداا في اللبس
في بلسم مكتوب كدا بس انا ماشوتهوش العبوه لكبيره 78 قطعه ب 60 ريال ب 90 جنيه مصري

انا سالت على باميرز الابيض ده في صيدليه د رانيه و لقيته غالللللللللللللللي مووووووووووت العلبه فيها حاجه و اربعين واحده تقريبا ب 112 جنيه لانه امريكي

sweet_toota;11877862:
بنات انا روحت للدكتورة و لقت ضغطى عالى جدا و هتحجز فى المستشفى و هتدينى طلق صناعى ان شاء الله ولو منفعش هولد قيصري ان شاء الله ... انا مرعوبة جدا سواء من الطلق الصناعى او القيصري بس ربنا يقدم اللى فيه الخير ... انا نازلة دلوقتى المستشفى و امانة عليكم تدعولى كتير يا بنات

وعشان المخالفة قولولى البامبرز بيتغير كام مرة فى الاول خالص؟؟؟

ربنا معاكي يا رب و يسهلك ولادتك و يقومك بالسلامة

اميرة مصرية;11877817:
ازيكو يا ماميهات يا قمرات... انا كنت عايزة اسألكو على البامبرز الابيض ده اصل بابا في الامارات و هايبعتلي حاجات بالشحن تفتكرو اقوله يجيبلي منه ولا اجيب بيبي جوي من هنا وخلاص؟ و لو حد عنده صورته ياريت يوريهاني علشان ابعتها لبابا..سؤال كمان منين اجيب البورت الصيفي للبيبي و سعره بيكون كام تقريبا؟؟؟

ممكن تجيبي بامبرز الاصفر هتلاقيه ارخص من الابيض و بعدين احسبي كمان تمن الشحن مع تمن البمبرز و شوفي ايه احسنلك و اوفرلك

توتا حبيبتى الف سلامه عليكى يا قمر ربنا يطمنا عليكى يارب ان شاء الله وتقومى بالف سلامه انتى والبيبى ....اميره مصريه انا جبت بيبى جوى من هنا ناس كتير شكرت فيه البامبرز الابيض ده تقريبا ميكو استخدمته عاوزة بقلاى اسالك سوال هتخلى عمو يجبلك ايه عشان انا بابا برضه هناك وهينزل قريب كان جابللى لبس جميل اوى ممكن اخليه يجبلى ايه تانى

love kingy;11877954:
توتا حبيبتى الف سلامه عليكى يا قمر ربنا يطمنا عليكى يارب ان شاء الله وتقومى بالف سلامه انتى والبيبى ....اميره مصريه انا جبت بيبى جوى من هنا ناس كتير شكرت فيه البامبرز الابيض ده تقريبا ميكو استخدمته عاوزة بقلاى اسالك سوال هتخلى عمو يجبلك ايه عشان انا بابا برضه هناك وهينزل قريب كان جابللى لبس جميل اوى ممكن اخليه يجبلى ايه تانى

مذركير و سنتر بوينت (بيبي شوب) عاملين تخفيضات دلوقتي ممكن تخليه يجيبلك حاجات تحفه من هناك و كمان اسعارها هتبقى حلوه اوي
انا جايبه فستان السبوع بتاع بنوتي من مذركير ب 90 ريال جوزي بيقوللي انه في لقاه دلوقتي في التخفيض ب 45 ريال و تقريبا معظم الحاجات اللي جبتها نزل سعرها 50%

bright bride;11877575:
ميرسى لردك يا قمر
على فكرة يا بنات انا جايبة الببرونة من صيدلية العزبى فرع المقطم و كان عندهم كمان نك و افنت و بيجون
و جبت البيبى جوى نيو بورن من خير زمان المقطم العبوة 20 واحدة ب 22 جنيه بس لسة بدور على فوط لوتس بقى مش لاقياها خالص ياريت اللى جابتها تقولى جابتها منين

برايت انا نفسى اتعرف عليكى عشان انتى جارتى فى المقطم بس مش بلاقيكى كتير وانا كمان مش بدخل كتير ان شاء الله يكون فى فرصه ونتعرف انا جبت لوتس من العزبى فيها 20 واحده ب 18 ونص وكمان جبت بيبى جوى بس 32 واحده ب 28 جنيه

شهد و نص;11877986:
مذركير و سنتر بوينت (بيبي شوب) عاملين تخفيضات دلوقتي ممكن تخليه يجيبلك حاجات تحفه من هناك و كمان اسعارها هتبقى حلوه اوي
انا جايبه فستان السبوع بتاع بنوتي من مذركير ب 90 ريال جوزي بيقوللي انه في لقاه دلوقتي في التخفيض ب 45 ريال و تقريبا معظم الحاجات اللي جبتها نزل سعرها 50%

مرسى لردك يا جميله طيب هو بابا فى ابوظبى يلاقى المحلات دى فين

love kingy;11877999:
مرسى لردك يا جميله طيب هو بابا فى ابوظبى يلاقى المحلات دى فين

معرفش بصراحه لاني عايشه في السعودية بس الخليج كله بيعمل تخفيضات مع بعض و دلوقتي في السعودية تخفيضات
بس في الخليج كله المحلات دي مرطرطه في كل حته و في اي مول فاكيد هتلاقيه عارفها