تجهيزات واستفسارات حوامل وامهات مصر... بارت 2

marioum27;11861860:
[QUOTE=du;11856425]المستشفى بس بتاخد فى فتح غرفه العمليات للطبيعى 2500 وللقيصرى 3500 دى غرفه العمليات فقط الغرفه بقى بتقى فى اليوم بتيدى من 250 جنيه ل 2500 جنيه على حسب الدرجه اللى انتى عايزاهاا واى حاجه تانيه انتى بتدفعى يعنى ادويه حقن مسكنات لو لقدر الله البيبى احتاج حضانه الدكتور اللى بيكشف على البيبى اول ما يتولد كل الحاجات دى انتى اللى بتدفعيها انا سألت بالتليفون وقالولى كده لسه هروح اتأكد ان شاء الله بس انا اعرف والده فيها قيصرى اعدت 3 ايام دافعه 17 الف بالدكتور


تسلمي ياجميله على ردك بس 17 ألف كتيييييييييير أوي على الولاده ليه يعني عملولها ايه
اصل انا محتاره بين مستشفى دمشق والندى بس بصراحه نفسي أولد في الندى بس قولت لو في حدود 8 ألاف والغرفه حلوه يبقى أوك في اللذيذ كده
ممكن بأه لما تعرفي المبلغ بالظبط تقوليلي؟

اه طبعا كتير بس هو الدكتور كان واخد ايده فقط 10 والباقى كان المستشفى
شوفى انتى دكتورك بياخد كام
لما اسأل ان شاء الله هقولك
ودمشق كمان اللى هى فى المهندسين فى شارع سوريا حلوه رحتها كذا مره نضيفه برضه بس مش اعرف اسعارها بس الندى انضف منها

Miss FaTi;11862765:
أزى الماماهات القمرات

وحشتونى خالص

مورو حبيبتى واناناساية وكتكوتة وماشيمارو ودندونة وبس القمر منورة شريكتى بيوم فرحى الحلوة


بفرح لما اشوف بنوتة كانت بتجهز معانا ايام الفرح ودلقتى الحمدلله بنجهز للبيبى سوا بردو

ربنا يكرمكم كلكم


شوفو بقى يا حلوين عندى كم سؤال طبعا غايبة غايبة ولما اظهر بجيلكم بليستة اسئلة

انا ان شاء الله بنص التامن دلوقتى فى الاسبوع ال33

عايزة اعرف طبيعى ان البطن تنزل وتطلع ولا ابنى الى بيستهبل؟؟؟

لان ساعات احس بطنى كابسة على نفسى وساعات بحسة نازل تحت وبيخبط تحت خالص

وطلع لى دلوقتى على بطنى حاجات زى الخرابيش كدة كان حد مخربشنى من اليمين والشمال مش عارفة اي دة

وحد يفهمنى هو يعنى النورما لان اول بكرية تولد باخر التاسع وتقفلة خالص ولا ممكن بالاول؟؟

كمان صدرى دلوقتى بينزل سائل كدة اصفر وساعات بيكون شبة اللبن لما بكون مش لابسة احم برا بالبيت بس بيبقع الهدوم ومخوفنى خالص فدة طبيعى ولا اية

عشان هسال الدكتورة علية المرة الجاية

ومين فيكم من طنطا ولا تعرف حد هناك؟؟

نيجى بقى للتجهيزات

--------

بصو حيرتو راسى بموضوع الدايبرز وفضل الكل يقول بامبرز لا بامبرز المصرى ردئ واقنعت جوزى بكدة ودلوقتى بتقولو حلو؟؟

طيب انااجيب اية اتفقو على نوع مبدئ اجربة هههههههه وكم قطعة من حديثى الولادة دة واستنى لما يتولد ولا اجيبة قبلها؟

ولوتس دى ان شا ءالله اجيبها منين وبكام؟؟

وكنت شايفة بنت بتبيع حفاضات تويجور وشيكو بتقول ايطالى والمانى بس فيهم ديفوهات مصنعية فبتبيعهم بسعر رخيص اية رايكم بالحوار دة؟؟

جوزى بماا نة شكاااااااااااااااااااااااااك قالى دول تلاقيهم متعبيين تحت السلمبس البنت مصورة صورة الحفاضات وكلة وومعاها فوط كمان اوفو اللبنانى دى باين وكم نوع كدة مركزتش

وكان معاها وايبس تركى ضد البكتريا وفى معطر وفى للاطفال ايزى كير باين

اية رايكم؟؟

وانهى وايبس للبيبيهات احلى؟؟ الى ضد البكتريا دة ولا المعطر ولا المرطب ولا اية ياريت تفهمونى نوع وسعر ومكان الله يخليكم

لان جوزى ايدة بالمية الباردة وانا بعيدة عن اهلى ومعرفش حد الا انتم

اممم اية تانى يا طماطم

اه ان شاء الله هنزل اجيب منتجات سانوسان من كارفور

ممكن الله يخليكم تقولو لى الاهم فالاهم وسعرة برة كام؟؟ يعنى شاور-- صابونة --لوشن000شامبو؟؟

لان مش عايزة اجيب حاجات كتي لان الميزانية خربانة خلقة

--- فوط القشط يا قمرات منين اجيبها وبكام بردو

وقوولو ى بادز الحلمات دى مهمة اوى؟؟ يعنى هو لو حتى لابسة برا ممكن صدرى يبقع البرا ويبان اللبن؟؟ لو ربنا كرمنى يعنى ورضعت طبيعى؟


معلش طولت عليكم بس استحملونى بحاول اجمع كل الاسئلة

بالنسبة للبورت الصيفى منين وبكام بردو ان شا ءالله

وبصو انا لسة مجيبتش سفنجة الحمام تقترحو نوع معين؟؟

والبانيو مهم ولا ممكن استغنى عنة؟؟

وعندى كوفرتيتين اجيب كمان واحدة ولا كفاية؟؟

والبطانية مجيبتهاش اجيبها ولا مش هحتاجها بالحر دة؟؟ ومنين نوع كويس وسعرة مهاود؟؟



بس كدة الى فاكراة دلوقتى ويااااااااااااااارب يااااااااااااااارب الى تشوف مشاركتى وترد عليا تفرح بالبيبى بتاعها وتشوفى احلى الاطفال وربنا يبارك لها فية ويسعد ايامها

صحيح قبل ماانسى

كنت بركب مرة من موقف الف مسكن ولقيت محل هناك كبير بتاع بواقى تصدير لهدوم البيبيهات

حاجات عسولة موووت ورخيصة اووووى من 3 ونص وانت طالعة

وحاجات البنات بتعقد جيبات وباديهات وكلهم ملابس نونو

وعندة كوفرتات قطن رخيصة وخامتها شكلها حلو

عندة كمان قمصان بيتى وبيجمات لينا شكلها عسل عسل وبحدود 25 جنية تقريبا

وسالوبيتات وبيجامات فى رينج العشرينات وال12 ونص

مروحتش الا مرة واحدة وكانت بصة سريعة قبل مااركب قلت اقولكم

يلا دعواتكم يا حلوات ربنا ييسر ايامى ويسهلها

اولا
ازيك يا جميله وربنا يقومك بالسلامه ان شاء الله يارب يارب يارب يا جميله انتى
بصى البطن عادى بتطلع وتنزل وخدى من دا كتير بس فى التاسع هتنزل رغم انك هتحسى بضيق لانى النونو هيكون كبر ما شاء الله وبيضغط بقا برجله عشان وضعه فتحسى بضيق نفس بحموضه فعادى ان شاء الله
والخرابيش دى عادى لان بطنك بتمط ودا اسمه كلف الحمل زى ما تكونى بتشدى استك جامد فبيبان الفروق فيه
والدكتورة فى التى فى قالت بيروح بس بعد فتره مش بسرعه وزى ما قلتلك قالت هو زى الاستيك جلد البطن بيمط وهتلاقى منها على بنى وعلى وردى محمر
والولاده ان شاء الله مش ليها ميعاد محدد بس الطبيعى بيتكون بعد الاسبوع ال 38 حتى فى القيصرى الدكترة بتستنى بعد ال38 اسبوع بكام يوم عشان تكون الرئه للجنين
وانتى بقا فى الطبيعى على حسب الطلق وفى البكريه معرفش
بس لحظت من البنات الى ولدوا هنا طبيعى انهم بيقفلوا 39 اسبوع وكام يوم يعنى بتكملى للأخر والله اعلم طبعا
والسائل من صدرك ما شاء الله دا شئ طبيعى وحلو ودا الى هو لبن السرسوب يا جميله متخفيش دا شئ طبيعى جدا وكويس انه جيلك
حتى بسبس كانت قالت مره كدا والدكتور قلها كويس

البامبرز بقا بجد المصرى بيعمل تسلخات عمل كدا معايا
وغيرته للمستورد وما شاء الله انضف بكتير وفرق السعر مش كبير ابدا بالنسبه للفرق فى الخامه الحمد لله
وهاتيه من قبل ما يتولد لان هيلبسه اول ما يتولد ان شاء الله
ولو عاوزة تجربى برده بامبرز المصرى فى عبوه فيها 10 واحدات بس ب 10 جنيه

ولوتس دى فوط ليكى انتى بتجبيها من الصيدليه وهى فيها 20 كنت جيبها ب 14 ونص
الحمد لله

الوايبس مجربتش غير بتاعه بامبرز وحلوة ما شاء الله
والبنات بتقول فاينى حلوة برده وفى سانسون بس معرفش بقا حلو ولا

ومش هقدر افيدك فى منتجات سانسون لانى مجبتش منها جيبت جونسون الحمد لله

فوط القشط شوفيها فى كارفور برده وهتلقيها فى محلات ملابس الاطفال وهاتى نوع ناعم ومش مهم ضهر مشمع لا زى الفوطه عادى كنت جايبه الوحاده ب 5 ونص
وبتتباع فى التوحيد والنور ماركه جونيور الاتنين ب 12 ونص بين مش فاكره

والبادز مهمه جدااااااااااااااااااااااااااا مهما كنتى لبسه ايه

والبورت من محلات ملابس الاطفال عادى

والاسفنجه مش ليها لزمه دلوقتى او عمتا دا فى رأى
فى سنهم اول ما يتولدوا ولحد 3 شهور تقريبا والله اعلم مش هينفع تقعديهم
وبعد كدا ممكن تفرشى اى حاجه حتى فوطه كام طبقه تحتهم فى البانيو بتاعهم وخلاص
لان السفنجه ب 45 وحسها ليها بديل بس براحتك طبعا

البانيو فى الاول غير مهم ابداااااااااااااا اى طبق بيوفى بالغرض لان البانيو مهما كان حجمه كبير برده فممكن تجبيه وتعنيه هو مش بيكون غالى كبيره 17 او 20 جنيه
وممكن تستنى عليه لو زى ما بتقولى الميزنيه مخرمه عادى

ومش تجيبى كوفرتات تانى لان دخلين على الصيف يادوبك واحده تلفى بيها النونو وواحد يتغطى بيها وبس ان شاء الله

والبطانيه ممكن تاجليها لانك لو استعملتيها هيكون كام يوم وبس لان الجو فعلا حر
بس ممكن تجبيها عشان بعدين بس مش تجيبى مقاس صغير اوى عشان تنفع ان شاء الله يتغطى بيها بعد كدا ان شاء الله
وهى كل الى شفتهم بس فرق الخامه مبين 45 ل 50 من حيث السمك والنعومه الحمد لله

الى اعرفه ناحيه الالف مسكن عيد لبيب فى شبه من التوحيد والنور تقصدى دا يا جميله

مورو يا قمراية انتى ربنا يبارك لك فى سندوسة ياااااااااااارب ويفرحك بشوفتها احلى عروس

بصى يا قلبى سؤال غبى شويتين رغم انى مشروع صيدلانية بس باين علية فاشل

ازاى اعرف البامبرز المصرى من المستورد؟؟

والمحل يقمراية عند الموقف بالظبط لسة فاتح جديد من الخميس الى فات باين او الى قبلة اسمة كيدز حاجة هبقى اتاكد من اسمة بكرة وانا راجعة من الكلية

وتسلمى يا قمر على ردك الجميل

يارب يارب يارب
ربنا يخليكى يارب قوليلى حامل فى ايه واخترتى اسم وتعالى شات الحوامل او شات البنات العادى ارغى معانا ماشى

بصى يا جميله البامبرز المصرى العبوه لونها اخضر
مش لقيه صورته بس هو شبه دا



المستورد تلت تربعها لونه اصفر ومفيش منها عبوات صغيره اصغر حجم فيها 27 واحده
هو دا صورته




اوعى تجيبى دا هههههههههههه
ممكن فى الصيف ولعلمك مبيعملش تسلخات بكلام الدكتره بجد ههههههه

معلش استفسار تانى سريع

يابنات حد فيكم كان بيحس بحركة البيبى كانها دقة منتظمة؟؟

خبطة منتظمة بايقاع كدة يعنى مش خبط عشوائى

لا كانة بينبض كلة بس نبضة جامدة بتحرك بطنى

كان عندة زغطة كدة

حد حصل معاه كدة طبيعى ولا الخبطة دى بتدل على حاجة

ههههههههههه تسلمى يا مورو والصورة الى انت حاطاة بتجنن وعيناها عندى انا عشان اعملها لابنى ههههههههه لانى بموت فى شئ اسمة بطيخ فناوية ان شا ءالله ابقى اجيب واححدة وافرغها كدة واصورة بنفس الشكل جوعتينى الله يسامحك

انا حامل بولد ان شاءا لله وهسمية احمد باذن الرحمن على اسم بابا الله يطولى بعمرة ويشفية يارب ويعافية

وهاتيلى لينك الشات ابقى اجى افك شوية معاكم من خنقة الكلية والسفر

وتسلمى على التوضيح

كان شوفت واحد بامبرز ورقتة من برة بيضا باين دة اجنبى بردو ولا اية؟

Miss FaTi;11863440:
معلش استفسار تانى سريع

يابنات حد فيكم كان بيحس بحركة البيبى كانها دقة منتظمة؟؟

خبطة منتظمة بايقاع كدة يعنى مش خبط عشوائى

لا كانة بينبض كلة بس نبضة جامدة بتحرك بطنى

كان عندة زغطة كدة

حد حصل معاه كدة طبيعى ولا الخبطة دى بتدل على حاجة

النبضه طبيعى يا جميله هتحسى بيها ساعات منتظمه فعلا وساعات عادى
ومش بتبقا وقت كبير لا دقيقه ولا حاجه بسيطه يعنى مش بحسبه

دا لنك الشات العادى للبنات والتانى للامهات

http://forums.3roos.com/showthread.php?t=527739&page=302

http://forums.3roos.com/showthread.php?t=527651

صوت العيون;11863427:

حلو قوى يا مورو بس فيه منه مقاسات ده وياسلام لو فى نفس الماركه بس وايبس ههههههههههههههههههههههههه

Miss FaTi;11863440:
معلش استفسار تانى سريع

يابنات حد فيكم كان بيحس بحركة البيبى كانها دقة منتظمة؟؟

خبطة منتظمة بايقاع كدة يعنى مش خبط عشوائى

لا كانة بينبض كلة بس نبضة جامدة بتحرك بطنى

كان عندة زغطة كدة

حد حصل معاه كدة طبيعى ولا الخبطة دى بتدل على حاجة

على فكره يا فاتى ده بتكون زغوطه انا كنت بحس بيها وكنت بغير منها قوى
ولو دخلتى موقع بامبيرز هتلاقى حطين الحركات اللى بيعملها البيبى جوه وهتلاقى حاجه اسمها الحزوقه وهى الزغطه بعنى متقلقيش ولما يشرف برضو هتلاقى عنده زغطه فساعتها خاليه يرضع او التيتينه لانها بتروح بالمص يعنى

وعوزه اقولك كمان احلى حفاضات جربتها كانت فايينى وبامبى وبيبى جوى وكان بيبى بس غاليه
والويبس ماكس تتش وبامبرز وكان بيبى وايزى كير

Miss FaTi;11863449:
ههههههههههه تسلمى يا مورو والصورة الى انت حاطاة بتجنن وعيناها عندى انا عشان اعملها لابنى ههههههههه لانى بموت فى شئ اسمة بطيخ فناوية ان شا ءالله ابقى اجيب واححدة وافرغها كدة واصورة بنفس الشكل جوعتينى الله يسامحك

انا حامل بولد ان شاءا لله وهسمية احمد باذن الرحمن على اسم بابا الله يطولى بعمرة ويشفية يارب ويعافية

وهاتيلى لينك الشات ابقى اجى افك شوية معاكم من خنقة الكلية والسفر

وتسلمى على التوضيح

كان شوفت واحد بامبرز ورقتة من برة بيضا باين دة اجنبى بردو ولا اية؟

يارب يجي احمدبالسلامه وبامبرز ال ورقته بيضا ده مانزلش لسه مصر وجبته معايا من السعوديه وهو كله قطن وكان ب 60 ريال 78 قطعه وصنع في بولندا
مورو ممكن اعرف بامبرز المستورد بكام ال هو لونه اصفر انا جبت معايا بس لما يخلص

لعلمك يا انوسه فى دكتورة قالت ان قشره البطيخ من جوا الابيض بيستخدم للتسلخات للاطفال

ميكو جيبته ال27 ب 37 ونص الحمد لله
بس ماهى قالتلى انه ب 33

محمد قلي ال 66 واحده ب 33 ريال يعني ب 50 مصري كده هناا اغلي ولا ايه ولازم اجيبه من صيدليات كبيره طبعا علشان القيه

Eng. BoB;11859905:
ا
يروحى سيتى مول فى محلات اطفال كميلة قوى هناك وفيها فساتين حلوة ومقاسات كتير

هبه ممكن تقوليلي فين سيتي مول لاني معرفش اي محل غير لفلي ونفسي الاقي مكان في حاجات حلوه
بنات انهي احسن فرع لفروع التوحيد والنور انا ان شاء الله هاروح بتاع شارع شهاب انهارده
ايه رايكم هاجيب منه الحاجات دي قولولي اجيبها منه وقولولي احسن ماركه اطلبها بالاسم من التوحيد والنور ولا من مكان تاني
1-بطانيه رغم اني هاولد في عز الصيف بس هاجيبها مقاس كبير يمكن احتاجها اما الشتا يدخل
2- كوفرتتين
3-10 شايات
4-فوط قشط
ايه رايكم اجيب من التوحيد والنور ولا في اماكن تانيه احسن

miss fati ممكن تقوليلي فين المحل بالظبط لاني قريبه خالص من موقف الف مسكن ومحتاجه شويه حاجات للبيبي

sweetylolla85;11866104:
هبه ممكن تقوليلي فين سيتي مول لاني معرفش اي محل غير لفلي ونفسي الاقي مكان في حاجات حلوه
بنات انهي احسن فرع لفروع التوحيد والنور انا ان شاء الله هاروح بتاع شارع شهاب انهارده
ايه رايكم هاجيب منه الحاجات دي قولولي اجيبها منه ولا من مكان تاني
1-بطانيه رغم اني هاولد في عز الصيف بس هاجيبها مقاس كبير يمكن احتاجها اما الشتا يدخل
2- كوفرتتين
3-10 شايات
4-فوط قشط
ايه رايكم اجيب من التوحيد والنور ولا في اماكن تانيه احسن

دة فيه محلات كتير اوى يا لولا
ممكن اجاوب لحد ما هبة تيجى
سيتى مول دة فى الهرم وفى جنبه كايرو مول فيه محلات حلوة زى بليز مام ودانيال دى شارميه
وفيه داندى مول بتاع طريق مصر اسكندرية الصحراوى فيه ماذر كير ودة غااااااااااااالى
وفيه زيرو تو فايف ومحل كمان جنبه وفيه ادامز كيدز برضه كمان
:025::025:

لولااااا:
ندى عملت الواجب :)
فى شايات كميلة خالص بكباسين فى التوحيد والنور ماركة جونيور بس اللى عندى كت والوانها جميلة مش عارفة فى منها نص كم ولا لأ
الكوفرتات اللى فى التوحيد والنور مش جامدين يعنى ممكن تجيبى واحدة للبيت مثلا بس مش عارفة فرع شهاب ايه ظروفه جايز تلاقى فيه حاجات احسن
فوط الكشط اللى شوفتها هناك برضه ماكنتش قد كده بس برضه ماعرفش فرع شهاب ايه ظروفه
انتى قريبة قوى من عمر افندى اللى فى احمد عرابى صح؟؟ عدى عليه كان بيبقى عنده كوفرتات كميلة خالص وممكن تلاقى عنده باقى الحاجات كمان
وهيبقى قريب منك برضه زيرو تو فايف اللى فى المهندسين هو فى شارع الكروم .. خليكى ماشية فى جامعة الدول لحد ماتوصلى للعربى وهناك بقى اسألى عن شارع الكروم ده لانها تخريمة كده مش عارفاها كويس
البنات برضه بيشكروا جامد فى فرع التوحيد والنور اللى فى السبع عمارات

مورو

اناناسة

ميكو

تسلمو يارب

لولا يا قمر المحل اناناسى عارفاة اسمة كوليكشن فعلا ههههههه لما عديت علية النهاردة بصيت على اسمة لقيتة زى ماهيا قالت قلت فى سرى البت اناناسة دى قردة

اصل بدخل المحلات ومبركزش بالاسم خالص

روحى واتفرجى هو فى الموقف بالظبط عارفة عند العربيات الى بتحمل لمدينة نصر لان ببقى راكبة من مدينة نصر وبينزلنى قدامة وبروح اركب بقى حاجة للعاشر من رمضان

انت روحى الموقف هتلاقية كبير اوى وباين يعنى

مس فاتى الحركة المنتظمة دى انا كماان ساعات بحس بيها وهى فعلا دقيقه كده وبتروح متهيالي عاادى
بنات انا جنب النيبلز في حته من الهاله تحسو انها مقشرة كده يعنى بدل مهى مفروض غامقه لا هى فاتحه لانها قشرت معرفش ده ططبيعي ولا اقول للدكتور

يا بنات انا جبت من محل في فيصل كه بتاع بيبهات فستان زي فساتين الفرح بتاعت البنات الصغيرين بس نيو بورن للسبوع لونو ابيض في بنك حلو اوي بس هو حمالات اعمل ايه البسها جلبيه قطن تحتيه ولا سالوبيت بكم وبنطلون ولا تفتكرو شكلو مش هيكون ظريف؟؟؟

قلولي اخر كلام اجيب بودره بيبي جونسون ولا لا؟؟؟؟ وهي نوعين ابيض وروز ايه بقا الفرق

marmarena;11868901:
يا بنات انا جبت من محل في فيصل كه بتاع بيبهات فستان زي فساتين الفرح بتاعت البنات الصغيرين بس نيو بورن للسبوع لونو ابيض في بنك حلو اوي بس هو حمالات اعمل ايه البسها جلبيه قطن تحتيه ولا سالوبيت بكم وبنطلون ولا تفتكرو شكلو مش هيكون ظريف؟؟؟

قلولي اخر كلام اجيب بودره بيبي جونسون ولا لا؟؟؟؟ وهي نوعين ابيض وروز ايه بقا الفرق

فين المحل دة بالظبط فى فيصل واسمه ايه لو سمحت؟؟؟

ازيكو يا بنات ... هما الحوامل بقو هنا بدل الشات و لا ايه و باسلم على الماميهات الجداد بيبو و ميكو مبروك يا حبايبي و ربنا يسعدكو

سؤال فني أكيد اتسأل كتير هوا لو ولدت قيصري هاينفع ألبس بيجامات عادي و أرفع الكامر لفوق يعني مش هاينزل تحت عند الجرح و تعرفو أي تمارين لتوسيع الحوض ؟؟