sally2007;11859601:
ا
سؤال بقى هى لو الدكتور قالى انى حامل فى ولد ولا بنت بيبقى كده تاكيد ولا لا اصل وحده قلتلى ان الدكتور قالها انها حامل فى بنت وجابت كل التجهيزات على اساس انها بنت وخلفت فى الاخر ولد فاانا خايفة لما الدكتورة تقولى بنت او ولد اروح اجهز على اساس نوع الجنين اللى الدكتورة قلتلى عليه وفى الاخر الحاجات متنفعشى فاازى اتاكد من معلومة ان كان ولد ولا بنت عشان هى شككتنى
الحاجات دى بتاعت ربنا يا سالى واللى يقولك عارف انه ولد او بنت 100% يبقى بيضحك عليكى :01: حاولى تكونى متقبلة المفاجأة نفسيا
انا اول مافوقت من البنج اول حاجة قولتها: طلعت بنت فعلا ولا ولد؟ ههههههههههههه
انتى هاتى الحاجات اللى تعجبك عادى وكده ده بيبقى فى لبس بينفع الولاد والبنات
ومفيهاش حاجة لو ولد لبس بينك يعنى
والفساتين بقى ابقى شيليها للبيبى التانى ان شاء الله :094:
شوق وحنين للجنة;11858708:
إزيكم يا قمرات
أنا جبت بنطلونات خفيفة كدا للبيت
بجد حلوة اوى والأستك بتاعها خفيف ومريحة بالنسبة لى
كانت كتكوتة ربنا يكرمها قالت عليهم هما ماركة دهب وجبتهم من التوحيد والنور
سؤال بقى أجيب منين مريلة الرضاعة وسعرها بيبقى في حدود كام ؟
ربنا يكرمك يا سالي على ردك عليا وربنا يتمم لك ع خير وكل البنات يارب
مريلة الرضعة فى المحلات اللى بتبيع تجهيزات البيبى عادى زى لفلى وكده بس السعر ماعرفوش
بس انا مش شايفة انها مهمة انتى ممكن تستغنى عنها بأى شال عندك
bright bride;11857044:
بنات انا جبت ببرونة شيكو بلاستيك 150 مل و الحلمة اللى هى الصفرا دى قالولى اطرى من السليكون هل هى كويسة و لا اجيب ماركة تانية؟
و الترمومتر و القصافة و فرشة الشعر و كده اجيبهم منين؟ و لو حد جايب ماركة معينة يقولى ايه هي و بكام؟ معلش هتعبكم معايا
اه و كمان حافظة الببرونة اجيبها منين؟
و جزاها الله كل خير اللى هترد عليا
يا قمر البيبرونة اللى انتى جايباها ما شاء الله حلوة ماتغيريهاش ولا حاجة
الترمومتر والقصافة وفرشة الشعر يا اما من محلات الاطفال يا اما من صيدلية
الترمومتر انا جايباه omron بس مش فاكرة سعره كام وفى كمان ترمومتر شيكو بيتهيألى بخمسين
فرشة الشعر انا جايباها فارلين برضه مش فاكرة السعر كام بس ناعمة وجميلة قوى ما شاء الله .. مش شرط تجيبى ماركة معينة هاتى الحاجة اللى تحسى انها مناسبة
حافظة البيبرونة برضه من محلات مستلزمات الاطفال
بنت من الزمن ده;11853467:
بنات اخر كلام اجيب كاريكوت ولا بورت
والى كل البناتيت اللى والدين طبيعي حد خد ابرة الضهر او يعرف حد اخدها
انا جالى كاريكوت هدية متلقح اهو ومرمى ماستعملتوش ولا مرة والله بجد مالوش لزمة فعلا البورت احسن واسهل فى الشيل بكتير
ماشيمارو اخدت ابرة الظهر وولدت طبيعى ما شاء الله وبتشكر فيها
sally2007;11856769:
بنات هى لو وحده صبغت شعرها وهى حامل يحصل ايه؟
استنى للآخر خالص يا اما اضمن بقى استنى لبعد االولادة وخلاص
صوت العيون;11847712:
بنات هو لو الواحد خارج وواخد رضعه اعشاب معاه ازاى يحافظ على درجه حرارتها ان شاء الله
اجيب مج بتاع حفظ درجه الحراره ولا ايه بالظبط ان شاء الله
اصلى خايفه ومش مقتنعه بموضوع الشفاط دا
لان اللبن من الصدر بيأقلم نفسه بدرجه حراره النونو سبحان الله
فازاى الببرونه هتعمل كدا
كمان النونو ساعات بيدخل هوا فى الببرونه ازاى بقا يبقا اللبن معقم ان شاء الله فهمنى
انا رأيى ان الاحسن انك تجيبى ترمس صغنن تحطى فيه المياه سخنة ولما تحتاجى الرضعة تعمليها لانى اعرف ان الرضعة لازم تتاخد فى خلال ساعتين او تلاتة تقريبا يعنى لو قعدتى اكتر من كده الرضعة مش هتنفع يبقى خليكى فى المياه السخنة احسن
وعلى فكرة الشفاط ده كويس جدا للى بيشتغلوا بس لبن الام لازم يتحفظ فى التلاجة ماينفعش تشفطى وتاخديه معاكى برة هيبوظ اصلا
وحكاية ان الهوا يدخل البيبرونة دى مش فاهماكى ماهو هيدخل حتى لو اعشاب مش شرط لبن بس
ولو قصدك انه شرب منها حبة يعنى وماكملش الباقى كده كده باقى الرضعة دى لازم يترمى ولما يجى يرضه تانى تعمليله رضعة جديدة لانها بتبقى اتلوثت خلاص
كوباية مايه;11848341:
بنات انا جيبت ليويو بامبرز اسمه مولفيكس حلو دا ولا ايه حواره
انا لسه مفتحتوش بس قولت اسئلكوا الاول
اه حلو يا جميل كتير بيشكروا فيه
وعلى فكرة هو مش غالى ولا حاجة لو قسمتى سعره على عدد القطع هتلاقى سعر القطعة الواحدة زى الانواع التانية هو بس عشان عبوة كبيرة الواحد بيتخض من السعر لكن انتى بتقولى انه 96 قطعة يعنى اكتر من عبوات بامبرز والبيبى جوى وكده
sweet_toota;11848482:
الناس اللى ولدت بقى عندى سؤال هو احنا بنحاسب الدكتورة على تكاليف الولادة فى عيادتها ولا بتنضم لفاتورة المستشفى و هى بتحاسبهم بقى؟؟؟ و لما اروح اولد ان شاء الله اجيب معايا فلوس الاقامة الكاملة بالتـأمين من قبل ما اولد ولا بندفع جزء قبل و جزء بعد وانا خارجة يعنى؟؟؟؟؟؟
حسب المستشفى والدكتور
انا اول مادخلت المستشفى دفعت التأمين واديتهم ورقة النقابة وبعد كده ادينا ورقة النقابة بتاعت حساب الدكتورة لها .. وبعد العملية اديناها حساب باقى الدكاترة اللى كانت متفقة معانا عليه .. ووانا خارجة كملنا حساب المستشفى .. بس حاولى تروحى وانتى عاملة حسابك على الفلوس كلها عشان جوزك هيبقى مشغول معاكى ومش هيبقى فاضى يروح يجيب فلوس ويرجع
وربنا يقومك بالسلامة يا توتا ان شاء الله
انتى هتولدى امتى؟؟؟ وطبيعى ان شاء الله ؟؟؟
miko85;11844470:
سوال في السريع كده التيتنه امتي بستخدموها لما يجي ينام مثلا ولا ايه اصلي انا بحطها لادهم في بقه علشان يسكت وبلاقيه نام بيه وصعب اشيلها من بقه
عايزه اعرف امتي استخدمها باه
انا بديها لاوجى لما تبقى زنانة واحس انها واخدة صدرى لعبة .. او تبقى عايزة ترضع وانا مثلا فى مكان مش هعرف ارضعها فيه وسيبيها فى بقى عادى لحد ماتقع ماتقلقيش
marmarena;11847660:
يا بنات اجيب حاجه للنونه تلبسها في السبوع منين وياريت في نطاق الهرم وفيصل لو تعرفو كل الفساتين دلوقتي كبيره وانا نفسي في فستان مش سالوبيت؟؟؟؟
روحى سيتى مول فى محلات اطفال كميلة قوى هناك وفيها فساتين حلوة ومقاسات كتير