تجهيزات واستفسارات حوامل وامهات مصر... بارت 2

صباح الخير يا قمرات
انا كنت عايزة اسألكو ايه اهم الحاجات اللي تتجاب للبيبي من ناحية العربية و السليبنج باج دول اجيبهم قبل ما يتولد ان شاء الله

و بعدين الكار سيت و كده لما جسمه يكبر شوية صح كده

mashimaro16;11965749:
انا مش حاسه ان الكلام ده صح
لانى عندى كانبول بيبز ومش حلوه خالص وكبيره ومقشوطه اه وكمان اتوكلوز
يمكن علشان اوتو كلوز مش العاديه
يمكن
بس فعلا كبيره خالص واصغر واحده شوفتها لحد دلوقتى النوك او اللى بيتقال عليها نك

بصى يامنار كانبول بيبى فى منها مقاسات واشكال واصغر واحده شفتها قصيره عن بقيه التيتنات يعنى الفرق بيكون فى الطول مش فى الحجم لان كلهم متقاربين فى سمك القشطه ذات نفسها




شويه ملاحظات بعد اللف والشرى
بالنسبه للشايات بيبى كلب اطول من الصياد
بيبى كلب اخف وشايات الصياد اتقل من بيبى كلب
منتجات نيللى احلى من منتجات الصياد

الصياد عنده بشاكير حلوه وحركات ورخيصه ب35 جنيه
هو ده اللى عجبنى فيه

سيف ستورز احسن حاجه فيه انو عنده تشكيله حلوه فى البيبرونات والفرش والتتينه وكده
والبافتات بتاعته عنده تشكيله حلوه مش كلها بتتباع فى المحلات التانيه
والفوط بتاعته بجميع احجامها ارخص من لفلى


لفلى احسن حاجه فيه منتجات لفلى نغسها غير كده كله غالى وموجود فى كل حته

بيبى شوب العبور او كارفور للى عاوزه سالوبيتات او لفف وغطيان للبيبى تروح هناك هو اغلى من الطبيعى بحاجات بسيطه بس جاوده عاليه قووووووووووووووووى ومش مصنوع فى مصر
او اللى لسه هتجهز تروحه فى التخفيضات وهى تخفيضات الحكومه الاصليه فى شهر 2 و8


التوحيد والنور معجبنيش حاجته اى كلام وسعرها مش لايق عليها بالنسبه للهدوم وبالنسبه لاماكن التانيه اللى قولتلكم عليها
بس احسن حاجه فيه منتجات نيللى وبطانيه ميراج والبوتى وكده
وقطن دهب واوليف بالنسبه للحوامل
بس انا مشترتش حاجه من عنده رغم انى روحتله كتير


اه نسيت اقولكم اول مابيتولد مش بيستحمى بليفه
فى فوط بتتلبس فى الايد بتاعت الاستحمام بتتباع لوحدها ماركه بيبى كلب ب8 جنيه

وفى بشكير بيتباع معاه فوطه جونتى(بس منغير صوابع) عشان يستحمى بيها

صوت العيون;11971399:
مش عارفه ليه مقلقه من التتينه وخايفه اجيب واحده تانى غلط
مش بفهم فيهم خالص
حتى مرضتش اروح اشترى الا لما اخد خبره اكتر ان شاء الله
هل بيبقا اسمها نيو بيبى يعنى بالنسبه للمقاس ومقشوطه صح
والانواع نك وشيكو وكانبول بيبى

خلاص مدام مش شايفاها ضرورية وقادرة تتأقلمي من غيرها يبقي احسن طبعا بس لو محتاجاها يبقي الاهم من السن المكتوب انك تشوفي كويس النيبلز حجمها ايه وشكلها ايه، وبيبقي مكتوب عليها زي اللبس بالظبط او الببرونة +0m كده يعني وتبقي مقشوطة اه عشان العاديين بيبقوا اغلبهم كبار اوي وكمان دي مناسبة اكتر لشكل البق من جوا.

crazy ananas;11971544:
معلش يا كتكت قوليلى اسمه كرم ايه عشان ابئا اتصل اسئل عليه قبل مااروح

يعنى معنى كلامك بتاع تطعيم انفلونزه البكتيريه انه ماينفعش بعد 6 شهور

اسمه كرم احمد بس انا لما بتصل حتي مش بقول غير كرم وبس وهما بيعرفوا، وايامه سبت وتلات واربع وجمعة، وتطعيم الانفلونزا البكتيرية اه كان قاللي فعلا 3 و5 و7 شهور هو والاذن الوسطي زي بعض بس طبعا الاذن الوسطي ده قاللي مش مهم سيبك منه، والروتا قبل 6 شهور والفرق شهر بين الجرعتين.

البوتي تحففففة انا عرفته من قبل ما تقولي بحب اوي الاشكال دي بتبقي كميلة اوي واكيد هاتشجع البيبي كمان بس متشغليش الموسيقي دي قبل ما تخلص عشان لو كان قبل ما تعمل هاتتشغل بيها وهتقعدي جنبها سنة عقبال ما تعمل بقي هما كده الاطفال فظاع

هانا اوبا;11973037:
مش عارفة ياكتكت هى بتعمل حاجة بسيطة خلاص مش مشكلة لكن يويو مكنش بيعمل خالص ومازال الحالة دى عندو

لأ هي ممكن تقعد 3 ايام مثلا مفيش خالص وبعدين تعمل مرة وحبة صغيرين بعد ال 3 او ال 4 ايام دول وايام تانية بتعمل كتيييييييييير.

ربنا يشفيهولك يارب يا مرمر.

dew.dew;11973461:

بالنسبه للشايات بيبى كلب اطول من الصياد
بيبى كلب اخف وشايات الصياد اتقل من بيبى كلب
منتجات نيللى احلى من منتجات الصياد

الصياد عنده بشاكير حلوه وحركات ورخيصه ب35 جنيه
هو ده اللى عجبنى فيه

اه نسيت اقولكم اول مابيتولد مش بيستحمى بليفه
فى فوط بتتلبس فى الايد بتاعت الاستحمام بتتباع لوحدها ماركه بيبى كلب ب8 جنيه

وفى بشكير بيتباع معاه فوطه جونتى(بس منغير صوابع) عشان يستحمى بيها

نودي يا قمر، فعلا شايات الصياد قصيرة شوية بس عجباني اكتر واحدة في اللي جبتهم انا عن نفسي، بصي انا جبت 3 انواع بابيون الكت والنص ماما كير والكم الصياد فهي تعتبر اقصر واحدة فيهم وبابيون اطول واحدة بس الفرق بقي في الخامة والبياض، الصياد انعم واحن واحدة فيهم بجد وغسيلها مش بيأثر عليها وكمان كباسينها متينة وحلوة لكن بابيون فيه كبسونة اتفكت من اتنين فيهم باين، وماما كير كويسة بردو بس متكلمتش عليها كتير عشان مجبتش غير 3 منها بس ومش بلبسها منهم غير قليل خالص وقت البرد الجامد لما نكون نازلين وبس.

اما بيبي كلاب مجربتهاش بس طبعا البنات كلهم شكروا فيها اوي.

وعلي فكرة يا بنات انا بقول بجد الحمدلله اني مجبتش في السالوبيتات الخارجية مقاس من 3-6 لأنه من 0-3 لسه مكفيها لحد دلوقتي الحمدلله حتي لو كان خلاص قدها بالظبط فهو يعتبر كمل ال 3 شهور بتوعها فعلا اهو وكمان انا بصيت علي اساس اني مش والدة في اول الشتاء يعني مش من اول الفصل عشان كده مجبتش الكبير ، لكن لو كنت والدة في اول الشتاء كنت جبت الكبير اه لأنها هتقعد تلبس فيهم فترة اكبر.

والجوانتي بتاع الحمي انا جيباه اللي من غير صوابع ده ومشفتش غيره بس فيه منه انواع واشكال وخامات بقي وكان في نفس حدود السعر دي فعلا.

crazy ananas;11971626:
تفتكروا ايه ده ^o)


اكيد عرفتوا ;)
والسهم ده بيشاور على زرار بيعمل موسيقى عشان المزاج العالى :biggrin:



ديه بئا بوتى جبتها من التوحيد والنور النعام ب 57ج ويارب نانو ترضى عليها دعواتكم F:

انا شفت زى دى باضبط وجوزى مساكها وقعد يحركها ويشغل الموسيقى وقالى نجبها للبيى بتاعنا ان شاء الله وانا جبت وحده لابن اختى بص على شكل بطه كانه يركبها
بس سعرها قريب من اللى هنا فى الامارات بس ما شاء الله حلوة مبروكة على البيبى بتاعك

بنات انا هولد فى شهر 9 ان شاء الله وبشوف حاجات دلوقتى نص كم وكات تفتكروا ينفع اجبها ولا لا مع العلم ان ولدتى متحدده فى 21-9

crazy ananas;11971544:

ممكن اعرف اسم الكريم ايه يا مورو وقلك ادهنى كل اد ايه وكام مره
يعنى معنى كلامك بتاع تطعيم انفلونزه البكتيريه انه ماينفعش بعد 6 شهور

وانتى عوزه ليه تدى لبن صناعى


انا مجبتش حاجه وعوزه انزل
بس انا فالاول كنت بلبس جاكيت وكنت برضع ومكنش فيه حاجه بتبان وطبعا ايشاربى كنت بطوله من عند الصدر شويه وساعات بيكون معايا شال وانا لحد دلوقتى كل خروجاتى يا عند ماما يا عند اهل جوزى وهناك برضع برحتى حتى وانا بلبس الخروج
يا اما لو روحنا سوبر ماركت فبرضع نانو فالعربيه وبغطى نانو بالايشارب ولو روحت النادى برضعها عادى والله وبيكون معايا شال بس طبعا بختار مكان فاضى
وبفكر دلوقتى انى لما اكون خارجه اخد اكل معايا بدل الرضاعه بره واكون مرضعاها قبل مانزل

فمعلش يا مهماهات استحملوا الكام شهر دول واول مايدخلوا الرابع اكلوهم بره بدل الرضاعه وخدوا معاكم شال احتياطى لو حكنت ترضعوا بره وبلاش فكرت الصناعى عشان مترضعوش بره حسه انه حرام بصراحه مدام فى طبيعى ومفيش سبب ضرورى للصناعى

لكريم ريفى تو ومره باليل ومره بالنهار
الرضعه عشان لو بره مثلا
بس كلامك حلو ما شاء الله

crazy ananas;11971554:
انتى عوزه تديهالها ليه يا مورو اصلا
انتى حاسه ان سندس محتاجها اصل انا بحس ان نانو مش محتجاها ومحبتهاش خالص وجبت اتنين وزى قلتهم كنت جيبه اوتو كلوز فارلين وجبت ماركه عالم سمسم والاتنين مقشوطين

عمتا انا رائي اللى حجمها صغير احسن وفى بنات كتير قالو ان كانبول بيبى اصغر واحده

اصلى ساعات بتبقا بتعيط ومش عاوزة ترضع ولا تغير
ممكن عاوزة تنام فهمانى الحمد لله