تجهيزات واستفسارات حوامل وامهات مصر... بارت 2

dynamicfam;11957652:
ما شاء الله حلوين جدا جدا جدا تتهنى بيهم يا رب

sally2007;11957715:
ما شاء الله حلوين قوى ربنا يهنيها بيهم يارب ويباركلك فيها عقبال ماتجبلها لبسها وهى عروسة

تسلموا يا قمرات عقبال ما تجيبوا حاجات زيهم كده للبيبي بتاعكم وتفرحوا به

هانا اوبا;11961988:
بنات يوسف علطول عندو امساك وةالدكتور بيقلى عادى اديلو لبوس مش عارفة متضايقة اوى هل حد حصلو الحالة دى ؟

طيب عرفتي منين انه امساك يا مرمر، يعني ايه العلامات اللي خلاكي تعرفي كده والدكتور قالك تعرفي امتي، اصل انا في فترة افتكرت انه عندها امساك بردو بس لما قلت للدكتور طلع مش امساك ولا حاجة.

dynamicfam;11962918:
بالمناسبة يا جماعة كام واحدة ولدت بدرى عن الميعاد الطبيعى ؟ باتكلم عن اول مرة ولادة طبعا
لأنى سمعت ان معظم البنات اللى اول مرة بيولدوا بدرى دا صح ؟

لو في الولادة الطبيعي قصدك يبقي بالعكس الاغلبية بيولدوا في ميعادهم بالظبط او بعدها بإسبوع كمان لكن لو قيصري فغالبا الدكاترة بتحدد ميعاد بدري بإسبوع او اتنين بالكتير عن الميعاد الاصلي، بس انا مثلا استنيت للأخر خالص عشان ندي اخر فرصة للطلق انه يجي بس مجاش فعشان كده ولدت قيصري بردو.

dandona we bas;11963348:
ايوه انا جبت كت و اللي هيا بكباسين من تحت عشان انا هولد في الصيف و كده كده انا ناوية ان شاء الله البسه ده طبعا كغيار داخلي يعني هيكون فوقيه حاجة سواء بكم او نص كم ان شاء الله

خللي بالك يا دندن انتي لازم هتلبسي البيبي بردو اول ما يتولد حتي لو في الصيف بكم عشان جسمه بيبقي ضعيف جدا وبيبرد بسهولة لما يكبر بقي شوية تبقي تخففي براحتك.

dandona we bas;11963708:
طيب تعرفي شكلها بيكون مميز بإيه يا هانا

هحطلك صورة بتاعتي دلوقتي

dew.dew;11964063:
ازيك يايمى وحشانى
بصى بالنسبه لتيتينه كانبول بيبى الصيدلى قاللى دى بتكون للى اتولدوا قبل معادهم فى السابع وكده
عشان كده هى اصغر واحده فى المقشوطين

وانتي وحشتيني اكتر يا بنتي متغبيش كده تاني، عشان كده هي فعلا لقتها اصغر منهم وكنت هجيبها بس بصراحة قلت مش ناقصة مصاريف زيادة تاني وانا اصلا عندي في البيت اكتر من واحدة فاجيب حاجة ارخص شوية وفي نفس الوقت بردو حلوة وصغيرة.

dew.dew;11964090:
الوتو كلوز مش بتتقفل غير لما تتدب دبه حلوه على اى حاجه غير كده انتى لما تقفليها وتقربيها من بعض بتروح قافله لوحدها لكن لما بتبقى مفتوحه مش بتتقفل لوحدها

ايوة فعلا كنت هقول نفس الكلام بس بصي انا لاحظت يعني لو وقعت علي سرير او سجادة مثلا ممكن مش هتتقفل اه فعلا بس لو وقعت علي ارض ناشفة بقي بتقفل وعمرها ما هتقفل علي بقه خالص.

اهو يا دندن

حلو اوي البرا ده يا كتكوت بجد عملي جدااااااااا

طيب ماهو انا ان شاء الله ده هيبقى فوقه سالوبيت بكم و كوفرتة كمان مش كفاية كده

اقتباس المشاركة الأساسية كتبها CuTie KaTkOoTa بنات بصوا دول جبتهم امبارح لجوجو الاورانج ده للبيت والتاني خروج طبعا






ما شاء الله ياااتى كمنتوووسه حلوه ههههه حلوين اوى يا كوكا دوول منين وبكام ؟؟

dew.dew;11964063:
ازيك يايمى وحشانى
بصى بالنسبه لتيتينه كانبول بيبى الصيدلى قاللى دى بتكون للى اتولدوا قبل معادهم فى السابع وكده
عشان كده هى اصغر واحده فى المقشوطين

انا مش حاسه ان الكلام ده صح
لانى عندى كانبول بيبز ومش حلوه خالص وكبيره ومقشوطه اه وكمان اتوكلوز
يمكن علشان اوتو كلوز مش العاديه
يمكن
بس فعلا كبيره خالص واصغر واحده شوفتها لحد دلوقتى النوك او اللى بيتقال عليها نك

بنات يعنى الناموسيه البينك اللى في لافلي اجيبها للبيبي الولد عادى ولا لا ايه رايكوا
محدش يابنات قاللي الكحول بيبقى مكتوب عليه ايثيلي ولا ايه انا اللى جبته مكتوب عليه كحول طبي العزبي 70%
وجبت كولونيا بيبيهات من جونسون صناعة فلبينى عادى ولا ايه اصل انا موسوسه معرفش الفلبينى ده اقل من المصري يعنى كمااان

ايه رأيكو يا بنات في منتجات سيباميد مش احسن من جونسون انا بسحها كده و لأنها طبية هتكون أأمن على جلد البيبي و بشرته و شعره صح و لا لأ

بس عايزة أعرف اجيب ايه بقى بالظبط و قبل مدة أد إيه ان شاء الله من الولادة

mashimaro16;11965749:
انا مش حاسه ان الكلام ده صح
لانى عندى كانبول بيبز ومش حلوه خالص وكبيره ومقشوطه اه وكمان اتوكلوز
يمكن علشان اوتو كلوز مش العاديه
يمكن
بس فعلا كبيره خالص واصغر واحده شوفتها لحد دلوقتى النوك او اللى بيتقال عليها

ازيك يا منورة ياجميله وحشااانى اوى اوى انا فعلا كنت بقارن الكانبول بيبيز بالنوك بس فعلا تحسي ان الكوفر اللى هو بيكون بره الكانبول اصغر لكن فعلا لو بصيتى من جوه تحسي ان النك ارفه من جوة لكن فعلا اللى يشوف الاتنين يقول كانبول بيبيز اصغر بس هى شكلها كويسه فعلا انا مجبتهاش عشان ماكنتش سيليكون وماما كانت عاجباها النك اكتر بتقوللي شكلها نضيف وحلوة كده فجبتها , بوسيلي ياسين بوسه كبيييييييييييييرة :biggrin::biggrin:

شكرا ياسوسى على ردك

بصى ياكتكوتة بيقعد اكتر من تلت ايام ميعملش بوبو وبيبقى تعبان اوى رحت لاول دكتور ادانى ملين مجبش نتيجة
رحت لدكتور تانى قاللى لبوسة جلسرين كل 24 ساعة وفعلا بتجيب نتيجة بس ساعتها بس عشان كدة مش عجبانى

dandona we bas;11965870:
ايه رأيكو يا بنات في منتجات سيباميد مش احسن من جونسون انا بسحها كده و لأنها طبية هتكون أأمن على جلد البيبي و بشرته و شعره صح و لا لأ

بس عايزة أعرف اجيب ايه بقى بالظبط و قبل مدة أد إيه ان شاء الله من الولادة

سيباميد تحفةةةةةةةةةةةةةةةةةةةةةةةةةةةةة الشامبو تحفة والصابون والكريم بتاع حماية الجلد وكريم الحفاض والوايبس الزيتية والبادي ميلك واللوشن دول اللي انا جايباهم تحفةةةةةةةةةةةة بس ريحتهم دوا مش معطرة زي الحاجات التانية وهاتيهم وانتي في التاسع



بنت من الزمن ده

الكحول الاثيلي هو الطبي يا جميل
وبلاش وسوسة اتكلي على الله كده كده كلونيه البيبي بتتحط على هدومه مش على بشرته ففلبيني صيني مش فارقة المهم ريحتها حلوة :D

dynamic fam
الناموسية فعلا سهلة التنقل بس البيبي كده كده حيقومك كل شوية سواء في الناموسية على السرير او في سريره لوحده

على فكرة انا دا اول بيبي ومع ذلك جالي الطلق قبل ميعادي باسبوعين مش عارفة ازاي شكله هو كمان خلقه كان ضيق :)

dandona we bas;11965337:
حلو اوي البرا ده يا كتكوت بجد عملي جدااااااااا

طيب ماهو انا ان شاء الله ده هيبقى فوقه سالوبيت بكم و كوفرتة كمان مش كفاية كده

كده ممكن اه

حبيبه مادو;11965591:
ما شاء الله ياااتى كمنتوووسه حلوه ههههه حلوين اوى يا كوكا دوول منين وبكام ؟؟

تسلمي يا كوكي دول من جنبي هنا والاورانج ب 17.5 والموف ب 25

dandona we bas;11965870:
ايه رأيكو يا بنات في منتجات سيباميد مش احسن من جونسون انا بسحها كده و لأنها طبية هتكون أأمن على جلد البيبي و بشرته و شعره صح و لا لأ

بس عايزة أعرف اجيب ايه بقى بالظبط و قبل مدة أد إيه ان شاء الله من الولادة

تجيبي منتجات العناية دي كلها قبل الولادة بشهر علي الاكثر او قبلها عالطول، وكتير شكروا في الماركة دي كمان ومنهم توتا.

هانا اوبا;11966107:
شكرا ياسوسى على ردك

بصى ياكتكوتة بيقعد اكتر من تلت ايام ميعملش بوبو وبيبقى تعبان اوى رحت لاول دكتور ادانى ملين مجبش نتيجة
رحت لدكتور تانى قاللى لبوسة جلسرين كل 24 ساعة وفعلا بتجيب نتيجة بس ساعتها بس عشان كدة مش عجبانى

بس الدكتور مدحت الزيات ده قبل كده قال ان البيبي ممكن يقعد 3 ايام او اربعة من غير ما يعمل كيكي والامهات متقلقش ده عادي :confused::confused: ودكتوري بردو قاللي عادي ولما قلتله انها كتير بحس انها بتحزق جامد اوي ووشها بيحمر وساعات كمان بتعيط وافتكره امساك وافتح الاقيها يا اما عملت حاجة بسيطة خالص او معملتش او عادي مش جامد كمان، فقاللي لأ مش امساك ده شيء طبيعي للسن الصغير ده عشان المجري بتاعهم بيكون ضيق وصغير اوي فغصب عنهم بيبقي صعب عليهم عملية الاخراج دي حتي لو هو عادي بس هايروح مع الوقت وفعلا قلت اوي الحمدلله خلاص لوحدها، فعشان كده كنت عايزة اعرف ليه قلتي عليه امساك

انا كنت نازلة اجيب كونفي عادي زي ما بستخدم الفترة دي لقيته خلص ولسه هايجي تاني بس طبعا كنت مزنوقة ومش عندي خالص المهم قلت اجيب بامبرز بقي المصري الاخضر العادي وجربته كام يوم اهو وحلو اوي بجد والله معاها الحمدلله وعاجبني جدا بس هي لسه معملتش كيكي فيه لغاية دلوقتي بس لغاية دلوقتي في البيبي حلو اوي ومش بيسرب وملمسه حلو وقفلته والاستك بتاعه وكله.

لقيت بقي عندهم انواع كده عمري ما سمعت عنها منكم خالص bebem و bebish و smart baby بس الاخير ده سمارت طلعتلي واحدة منه لو حبيت اخد فرط معجبنيش خالص ملمسه وشكله، وسألتها علي كوتشي اللي بيبقي فيه شيكو وتيجور ده قالتلي كنا بنجيبه بس خلاص بقالنا فترة لأ وقالتلي فيه الوليد كوتشي، وكوتشي التاني ده فيه منه بيتباع عند اهل جوزي في المنطقة باين قالولي ب 27 حاجة كده في حاجة و40 قطعة.

انوس بقولك عايزاكي معلش لو تعرفي توصفيلي محل اللعب اللي في النعام ده بس مش من ناحية سوبر سويت عشان الشارع ده اتجاه واحد ومش بعدي فيه من الناحية دي كتير، فلو تعرفي توصفي بقي من شارع عين شمس من التوحيد والنور مثلا او اي حاجة تبقي سهلة ليا بالعربية واعرفها كمان.

بنت من الزمن ده;11961876:
بنات ده المرتبه بالناموسيه اللى ف لفلي حد شافها ف حته تانيه وكمان امة الله بتقول شفتها ب 105 هى دى فعلا ولا حاجه تانيه هى ف لفلي ب 137

البتاع دى ماما كانت جايبها لابن اختى من بنها مكنتشى تكمل 50ج انا شايفه انها غالية قوى كده دورى عليها فى اماكن تانية

سألت الدكتور علي ماء غريب قاللي كويس اوي وقلتله هو مفروض اديهولها وقت المغص بس؟
قاللي اه لو فيه مغص ايدها معلقة كده بالليل ولو مفيش يبقي مفيش لزوم تاخده.

وطلع عندها فتق سري بسيط هايروح لوحده ان شاء الله مع الوقت وبسأله علي الجل بتاع اللسان بتاعها ان مفيش خوف انه يتبلع وكده، فقاللي هو اصلا معمول انه يتبلع عشان ينضف البكتريا اللي موجودة في البطن ويمنعها تطلع علي اللسان.

والبريست بتاعها كان منفوخ ووارم من ساعة الولادة والدكتور الاولاني كان قاللي كمادات مية دافية بس كنت بكسل اعمل مرة اه و10 لأ لأنها كان لازم تقلع كله عشان اعملهم وكنت بخاف عليها من البرد، والدكتور ده بقي قاللي سيبيها هتروح لوحدها بردو مع الوقت وفعلا سمعت كلامه وخفوا خالص الحمدلله بس اوعوا حد يعصرهم لو عنده البيبي بتاعه كده لأنه غلط جداااااااااااااا.

وبقوله هو الزيادة بتبقي كام في الشهور الاولي للبيبي، قاللي يعني كيلو إلا ربع في اول 4 شهور كده.

وقلتله بردو علي الفزع والخضة الهيستيرية اللي بتجيلها وهي نايمة دي كتير، بلاقيها نايمة في امان الله وفجأة عينيها تفتح وتبرق كانها شايفة حاجة وحشة استغفر الله العظيم ومخضوضة اوي ومشنجة ايديها كده وتبدأ بعد كده تصوت وتصرخ وتعيط ومهما اطبطب عليها واحضنها واهديها مش بتسكت إلا لوحدها بعد حبة كده.

فقاللي دي اسمها نوبات فزع ليلية وبتيجي للأطفال فعلا كتير ولغاية دلوقتي محدش قدر يعرف سببها ايه بس الاحتمال الاكبر بردو زي ما بتقولي كده انهم بيكونوا شافوا حاجة.

اه وقلتله بردو اني بدأت اديها مية من كام يوم وهيمش حابة طعمها خالص وبتدي ردود افعال كده مش بتعملها مع الدوا حتي، فقاللي خلاص مش مهم بلاش مية دلوقتي خالص كده كده اللبن فيه نسبة مية كبيرة وكمان الاعشاب دي بردو، قلتله ما انا مش بديها الاعشاب كل يوم يعني غالبا وانا بره بس، قاللي لأ خليها بقي مرة في اليوم عالطول.

لو افتكرت حاجة تانية هقولكم بردو.

اخيرا نزلت موضوع تجهيزات المسكينة اللى لسه مش عارفين هنسميها ايه دى ههههههههههه

شوفو

http://forums.3roos.com/showthread.p...8#post11968448

سلسول الرابط غلط تقريبا مش عارفة اداني الرسالة دي:

خطأ 404
عفواً, لم يتم العثور على المحتوى الذي قمت بطلبه. إن كنت قد اتبعت رابطاً صحيحاً فيرجى إعلام الإدارة بذلك.

CuTie KaTkOoTa;11967620:
انا كنت نازلة اجيب كونفي عادي زي ما بستخدم الفترة دي لقيته خلص ولسه هايجي تاني بس طبعا كنت مزنوقة ومش عندي خالص المهم قلت اجيب بامبرز بقي المصري الاخضر العادي وجربته كام يوم اهو وحلو اوي بجد والله معاها الحمدلله وعاجبني جدا بس هي لسه معملتش كيكي فيه لغاية دلوقتي بس لغاية دلوقتي في البيبي حلو اوي ومش بيسرب وملمسه حلو وقفلته والاستك بتاعه وكله.

لقيت بقي عندهم انواع كده عمري ما سمعت عنها منكم خالص bebem و bebish و smart baby بس الاخير ده سمارت طلعتلي واحدة منه لو حبيت اخد فرط معجبنيش خالص ملمسه وشكله، وسألتها علي كوتشي اللي بيبقي فيه شيكو وتيجور ده قالتلي كنا بنجيبه بس خلاص بقالنا فترة لأ وقالتلي فيه الوليد كوتشي، وكوتشي التاني ده فيه منه بيتباع عند اهل جوزي في المنطقة باين قالولي ب 27 حاجة كده في حاجة و40 قطعة.

بصي يا ايمي البامبرز المصري حلو بصراحة مش بيسرب ولا حاجة وشغال مع مومو واحسن بصراحة من بيبي جوي وكدة في انه مش منفوش وعلى فكرة اللي هو مصري وخامات سعودي مش فارق عنه كتير انا جربته برده وحلو مش غالي اوي يعني واحدة البامبرز العادي بجنيه التاني الواحدة ب جنيه و30 قرش يعني فرق عبيط بس بصراحة السعودي اللي هو مكتوب عليه صناعة سعودية احسنهم بس ده ماشوفتوش في مصر خالص

CuTie KaTkOoTa;11968007:
سألت الدكتور علي ماء غريب قاللي كويس اوي وقلتله هو مفروض اديهولها وقت المغص بس؟
قاللي اه لو فيه مغص ايدها معلقة كده بالليل ولو مفيش يبقي مفيش لزوم تاخده.

وطلع عندها فتق سري بسيط هايروح لوحده ان شاء الله مع الوقت وبسأله علي الجل بتاع اللسان بتاعها ان مفيش خوف انه يتبلع وكده، فقاللي هو اصلا معمول انه يتبلع عشان ينضف البكتريا اللي موجودة في البطن ويمنعها تطلع علي اللسان.

والبريست بتاعها كان منفوخ ووارم من ساعة الولادة والدكتور الاولاني كان قاللي كمادات مية دافية بس كنت بكسل اعمل مرة اه و10 لأ لأنها كان لازم تقلع كله عشان اعملهم وكنت بخاف عليها من البرد، والدكتور ده بقي قاللي سيبيها هتروح لوحدها بردو مع الوقت وفعلا سمعت كلامه وخفوا خالص الحمدلله بس اوعوا حد يعصرهم لو عنده البيبي بتاعه كده لأنه غلط جداااااااااااااا.

وبقوله هو الزيادة بتبقي كام في الشهور الاولي للبيبي، قاللي يعني كيلو إلا ربع في اول 4 شهور كده.

وقلتله بردو علي الفزع والخضة الهيستيرية اللي بتجيلها وهي نايمة دي كتير، بلاقيها نايمة في امان الله وفجأة عينيها تفتح وتبرق كانها شايفة حاجة وحشة استغفر الله العظيم ومخضوضة اوي ومشنجة ايديها كده وتبدأ بعد كده تصوت وتصرخ وتعيط ومهما اطبطب عليها واحضنها واهديها مش بتسكت إلا لوحدها بعد حبة كده.

فقاللي دي اسمها نوبات فزع ليلية وبتيجي للأطفال فعلا كتير ولغاية دلوقتي محدش قدر يعرف سببها ايه بس الاحتمال الاكبر بردو زي ما بتقولي كده انهم بيكونوا شافوا حاجة.

اه وقلتله بردو اني بدأت اديها مية من كام يوم وهيمش حابة طعمها خالص وبتدي ردود افعال كده مش بتعملها مع الدوا حتي، فقاللي خلاص مش مهم بلاش مية دلوقتي خالص كده كده اللبن فيه نسبة مية كبيرة وكمان الاعشاب دي بردو، قلتله ما انا مش بديها الاعشاب كل يوم يعني غالبا وانا بره بس، قاللي لأ خليها بقي مرة في اليوم عالطول.

لو افتكرت حاجة تانية هقولكم بردو.

نفس الكلام بيحصل معايا والدكتور قالي كل الكلام ده برده على فكرة دكتورك التاني ممتاز اكتر من الاولاني تاع الكمادات ده

CuTie KaTkOoTa;11968674:
سلسول الرابط غلط تقريبا مش عارفة اداني الرسالة دي:

خطأ 404
عفواً, لم يتم العثور على المحتوى الذي قمت بطلبه. إن كنت قد اتبعت رابطاً صحيحاً فيرجى إعلام الإدارة بذلك.

نفس الكلام حصل معايا

بنت من الزمن ده;11965856:
بنات يعنى الناموسيه البينك اللى في لافلي اجيبها للبيبي الولد عادى ولا لا ايه رايكوا
محدش يابنات قاللي الكحول بيبقى مكتوب عليه ايثيلي ولا ايه انا اللى جبته مكتوب عليه كحول طبي العزبي 70%
وجبت كولونيا بيبيهات من جونسون صناعة فلبينى عادى ولا ايه اصل انا موسوسه معرفش الفلبينى ده اقل من المصري يعنى كمااان

بصي الناموسيةدي حتلاقيها في كارفور ب 60 جنيه تقريبا

نسيت اقولكم كمان سألته علي الترجيع الكتير وخصوصا النافورة ده مش اللي هو بينزل من الجنب كده من بقها علي خدودها حتي لو كمية كبيرة، لأ هي ساعات بتعمل حركة تانية انيل بقي بتكون بترضع اصلا في نفس الوقت فجأة الاقيها عملت هوووووووووووف في وشي وعلي هدومي نافورة لبن كبييييييييييييييرة اوي، فقاللي لو اتكررت اكتر من 3 مرات في اليوم بيبقي يها علاج لكن غير كده مفيش مشكلة متقلقيش بردو، وجاب سيرة ارتجاع بسيط باين ولا ايه مسمتعتش دي كويس مكنتش مركزة معاه، بس اهم حاجة انه قاللي مادام وزنا بيزيد ومعدله كويس الحمدلله يبقي مفيش قلق ولا مشكلة من مسألة الترجيع العادي ده، تكملي وترضعيها عادي.

اه شفتي يا توتا رغم ان الدكتور الاولاني ده اكبر سنا ومركزا وله عيادة شيك وسعره غالي والتاني ده شاب وفي تبارك وكشفه سعره بسيط طبعا بس سبحانك يارب بجد، ده حتي كان بيطبطب عليها كده وباسها ومسحلها علي شعرها وخدودها قبل ما يكشف فضحكتله فاتبسط اوي وقال ضحكت وباسها تاني.

لا وكمان وانا بقلعها من تحت عشان اوريه سرتها قاللي لا لا مش كل ده مش لازم للأخر عشان متبردش قلتله ما هو لازم عشان افتح، التاني بقي كان بيكشفها ويكشف ويطول ويقعد يدينا في نصايح وعبر ورخامة وهي تحت ايده بتصرخ وتعيط بالدموع وجامد ومدة يا بنتي وبيضغط علي بطنها جامد عشان يورينا انها تعبانة وقلبه حجر بجد والله احسن في داهية اني سبته