تجهيزات واستفسارات حوامل وامهات مصر... بارت 2

ايه رأيكم فى الطقم ده عباره عن
لحاف+مخده+سلبنج باج + كاريكوت + غطا ببرونه + شنطه
واحده بتجيبه من بره وتبيعه ب 500
انا مستغليا انتو ايه رأيكم ؟

ايه ده بجد على كده لفلي ده اسعاره اغل من بره اممممممم
انا بردو شفت عنده بطانيه بيبي ميراج 76 ولقيتها ف التوحيد والنور 56 بس اللحاف بالناموسيه ده عجبنى اوىى
فيه كريم يابنات الدكتور كتبهولي اسمه مامى كير فيبه بانثينول بردو وكويس بردوو
بنات انا ف التاسع دلوقتى وفيه حكة جامده اوى ف بطنى وطلعلي خطوط حمرا مع انى بحط زيت زيتون والخطوط دى بحس انى عايزة اهرش فيها على طول وهل الخطوط دى هتروح بعد الولاده ان شاء الله ولا ايه ؟؟

طب انا امبارح كنت رايحه اجيب البورت اللى مبطن فايبر خفيف ده زى اللحاف الصيفي مثلا فايبر خفيف كده ملقتش منه خااااااااالص وقالولى ده شتوى ودلوقتى فيه البورت اللى هو اكنه كوفيرته بالظبط نفس خامه الكوفيرتات الخفيفه اوى وبيقولو ده الصيفي مش عارفه بقى اجيبه يابنات ولا لا
كتكوته كنت عيزة اسالك ياقمر انتى ف الاول ايه التيتينه اللى كنتى جايباها لجوجو وكانت كبيرة عليها ورفضتها انا جبت امبارح نك بالعلبه بتاعتها بس مش غطا لا علبه ب 29 من لفلي بس هى مقشوطة ومكتوب عليها من 0-6 معرفش هتبقى كبيرة ولا ايه انا كنت عايزة اجيب كانبول بيبز حسيتها اصغر شويه بس النيبلز كانت رابر مش سيليكون وبعدين نك طبعا المانى وانضف معرفش هتبقى كبيرة ولا ايه وممكن الاقي غطا لوحده ليها ولا لا غير العلبه

على فكره انا جايباه تيتناه نك من لفلى بالغطا بتعاها
كنت جايابها فى سيت كده على بعضه
عباره عن 2 تيتينه بالغطا و 2 ببرونه واحده كبيره وواحده صغيره و لعبه كده شوخليله على شطل فراشه وكلهم لونهم بينك وعليهم فراشات
كانوا ب 200 كلهم

والتيتنات مقشوطه والببرونات فيها اير سيستم

طيب ياجميله انا بتاعتى معاها علبه كبيرة كده بس مش غطا متعرفيش ممكن الاقي غطا ليها لوحده ولا لا ومش شرط نك ممكن اى غطا تانى ولا مفيش غطيان بتتباع لوحدهم

dandona we bas;11955440:
اجيب من كل حاجة كام يا كتكوتة يا قمراية

البنطلونات هاتي 6 او 8 بردو علي اد الغيارات، وفوط القشط مش اقل من 6 ومش اكتر من 10 وتكون حجمها كويس مش نونو اوي يعني وخامتها تكون سميكة شوية وناعمة طبعا عشان تشرب كويس، وكوفرتيتين تبدلي فيهم وفوطتين بردو وبشكير واحد او اتنين ، انا كنت جايبة واحد بس الاول ولسه بس من كام يوم جايبة واحد تاني عشان ساعات بحتاج احميها وده لسه منشفش.

بنت من الزمن ده;11956967:
طب انا امبارح كنت رايحه اجيب البورت اللى مبطن فايبر خفيف ده زى اللحاف الصيفي مثلا فايبر خفيف كده ملقتش منه خااااااااالص وقالولى ده شتوى ودلوقتى فيه البورت اللى هو اكنه كوفيرته بالظبط نفس خامه الكوفيرتات الخفيفه اوى وبيقولو ده الصيفي مش عارفه بقى اجيبه يابنات ولا لا
كتكوته كنت عيزة اسالك ياقمر انتى ف الاول ايه التيتينه اللى كنتى جايباها لجوجو وكانت كبيرة عليها ورفضتها انا جبت امبارح نك بالعلبه بتاعتها بس مش غطا لا علبه ب 29 من لفلي بس هى مقشوطة ومكتوب عليها من 0-6 معرفش هتبقى كبيرة ولا ايه انا كنت عايزة اجيب كانبول بيبز حسيتها اصغر شويه بس النيبلز كانت رابر مش سيليكون وبعدين نك طبعا المانى وانضف معرفش هتبقى كبيرة ولا ايه وممكن الاقي غطا لوحده ليها ولا لا غير العلبه

انا نك اللش شفتها بردو كانت ليها علبة مش غطا واللي بيبيع قالنا هما بينزلوا كده لأنه المفروض مش عارف ايه وكده وعمل فيها ناصح وفاهم بقي ودراسات حرة :lol::lol::lol::lol:
اللي جبتها الاول خالص مكنتش مقشوطة اصلا وكانت ماركة اقل من دول بكتير اللي هي سفاري كانوا اتنين مع بعض وبعدها جبت الاوتو كلوز فارلين وهي حجمها حلو بس عيبها مع جوجو بتعلم في خدها جامد وجبت بعدها شيكو صغيرة وحلوة وبتاخدها بس ملهاش غطاء ولا علبة ولا حتي منفصلين :confused::confused::confused: وبعدها جبت نوبي هي اكبر سنة من شيكو بس بردو حلوة فببدل بينهم بقي واحدة للبيت مثلا وواحدة للخروج كده يعني وكانيبول بيبيز شفتها بردو وكانت حلوة وصغيرة

بنت من الزمن ده;11956920:

بنات انا ف التاسع دلوقتى وفيه حكة جامده اوى ف بطنى وطلعلي خطوط حمرا مع انى بحط زيت زيتون والخطوط دى بحس انى عايزة اهرش فيها على طول وهل الخطوط دى هتروح بعد الولاده ان شاء الله ولا ايه ؟؟

عاااااادى جدا .. بس اهم حاجة حافظى على الترطيب و بلاش تهرشى فيها ولا تعوريها عشان ماتسيبش أثر و بتروح بعد الولادة على طول ان شاء الله "صاحبتى كانت مابتنامش منها اصلا و بعد الولادة على طول آخر تظبيط"

CuTie KaTkOoTa;11955053:
بنات بصوا دول جبتهم امبارح لجوجو الاورانج ده للبيت والتاني خروج طبعا

ما شاء الله حلوين جدا جدا جدا تتهنى بيهم يا رب

CuTie KaTkOoTa;11955053:
بنات بصوا دول جبتهم امبارح لجوجو الاورانج ده للبيت والتاني خروج طبعا

ما شاء الله حلوين قوى ربنا يهنيها بيهم يارب ويباركلك فيها عقبال ماتجبلها لبسها وهى عروسة

dynamicfam;11944527:
آميين يا رب :)
بالنسبة للتشققات انا ماعرفش انتى فى الشهر الكام بس عموما من السابع كدة لاااازم حتى لو ماكانش فى تشققات تستعملى كريم مرطب Hi-panthen حلو جدا وآمن وريحته كمان حلوة ;)
ووصفة بيتى : تدلكي النيبيلز وما حولها بزيت الزيتون يوميا وعصر خفيف للنبيلز مع الشد للخارج
وربنا معاكى :)
ربنا يعينك يا حبيبتى .. وانتى داومى على ترطيب النبيلز قد ما تقدرى وان شاء الله تتحسن قريب ..

هو ايه فايدة اننا ندهن التشققات دى الحمدا لله لسه مش عندى تشققات بس سمعت مرة ان افضل اننا ندهنها قبل مانولد

وبعدين تعالى هنا انتى كنتى فى الامارات ومتقليش ياوحشة انتى كنتى فى اى امارة وهترجعى تانى ان شاء الله ولا ايه نظامك

du;11957074:
على فكره انا جايباه تيتناه نك من لفلى بالغطا بتعاها
كنت جايابها فى سيت كده على بعضه
عباره عن 2 تيتينه بالغطا و 2 ببرونه واحده كبيره وواحده صغيره و لعبه كده شوخليله على شطل فراشه وكلهم لونهم بينك وعليهم فراشات
كانوا ب 200 كلهم

انا غندى الست ده يا دو وكمان كانت فيها ببرونه صغيره يعنى واحده كبيره و2 صغيرين و2 تتينه وجبتهم ب 20 دولار وبجد حلوين اوى
مبروكين عليكى يا جميله

أمة الله ترجو رضاه;11956831:
أنا شفت زيها بالظبط في أور كيدز ب 105

انا جاتلى هديه على فكره وبحد حلوه اوى وكنت بنيم ياسين عليها فى الاول
بس مكنتش عارفه انها بالسعر ده

يابنات مقولتوليش هلاقي غطا للتيتينه لوحدوا ولا لا ولا ايه مش شرط نك بس اصلا فيه يعنى ولا لا
انا جبت صحيييح امبارح من العزبي اللى في مصطفى النحاس لوتس اللى عايزها يابنات موجوده هناك
جبت كمان زيت جونسون بالافندر وجبت كولونيا للبيبي مالاقتش غر جونسون بس لما روحت البيت لقيت مكتوب عليه انه صنع ف الفلبين ده عادى ولا ايه الفلبينى ده
جبت كمان ترمومتر omron ب 33 تقريبا هو ممكن يتحط ف الفم او الشرج او تحت الابط بس قالتلي تقريبا لو ف الشرج اقلل او ازود نص درجة ولو تحت الباط تقريبا ازود نص مش فاكرة اوى لو حد عنده معلومه عن الحكايه دى يقوللى انا كنت عايزة اجيب شيكو بس ملاقتش وبعدها رحت لاف اند كير لقيت شيكو بس صينى ب 55 فمتهيالي دلوقتى بقى كله صينى في صينى وكان فيه omron بتاع الودان ب 300 وشويه
جبت كحول بس مش مكتوب عليه كحول ايثيلي مكتوب كحول طبي 70% معرفش هو ده ولا الايثيلي ده حاجه تانيه ولا ايه وهو تقريبا مش نوع ده العزبي هما اللى عاملينه ولقيته مش اللى بيترش ده كان ب 3
برا الرضاعه شفته ف محل ف عباس لاسو بس لقيته بيتفتح من فوق كده مجبتوش معرفش ده حلو ولا لا
صحيح هى تيتينه فارلين الاتوكلوز دى ازاى يعنى بتقفل لوحدها لما البيبي يشيلها من بقه انا خفت اجيبها تقفل على بق النونو مع انها كانت عاجبانى بردو بس معرفش هى بتقفل ازاى يعنى مش مستوعبه ... معلش يابنوتات رغيت كتتييير انا بقيت رغايه اوىىىىىىى

ميرسى يا بنات
طب اللحاف اللى بناموسية ده يكفى لحد سن كام؟؟؟؟؟؟؟؟؟؟؟؟

سوال هاتصيفوا لعيالكم امتي ان شاء اللله
وسوال بره تجيهزات الحوامل عايزه جراب للكاميرا كاميرتي سامسونج اجيبه منيين ضرووري

Eng. BoB;11958182:
ميرسى يا بنات
طب اللحاف اللى بناموسية ده يكفى لحد سن كام؟؟؟؟؟؟؟؟؟؟؟؟

متهيالي هو لحد ما الطفل يبقى مدرك شويه يعنى على 6 شهور مثلا او اقل 5 شهور لان الطفل لما يبدا يتحرك متهالي هيقطعه وهيبقى عايز يطلع منه بس هو حلو للبيبيهات بجد عشان الناموس واللى معندهمش سرير للببي تقدر تنيمه جنبها والماميهات يفيدوكى بردو انا حبيييت اجتهد بس :o:o:o

miko85;11958984:
سوال هاتصيفوا لعيالكم امتي ان شاء اللله
وسوال بره تجيهزات الحوامل عايزه جراب للكاميرا كاميرتي سامسونج اجيبه منيين ضرووري

انا شوية اصيف وشوية البس بكم وبالذات بليل
جراب الكاميرا
هتلاقية في كارفور وهايبر وان
وراديو شاك طبعا احسن واضمن

mashimaro16;11957924:
انا غندى الست ده يا دو وكمان كانت فيها ببرونه صغيره يعنى واحده كبيره و2 صغيرين و2 تتينه وجبتهم ب 20 دولار وبجد حلوين اوى
مبروكين عليكى يا جميله


انا جاتلى هديه على فكره وبحد حلوه اوى وكنت بنيم ياسين عليها فى الاول
بس مكنتش عارفه انها بالسعر ده

مشمش انتى فين يا بنتى واحشتينى اوىىىىى عامله ايه انتى وياسووو
الله يبارك فيكى قوليلى العربيه والكار سيت عاملين ايه معاكى ؟

بنت من الزمن ده;11957215:
طيب ياجميله انا بتاعتى معاها علبه كبيرة كده بس مش غطا متعرفيش ممكن الاقي غطا ليها لوحده ولا لا ومش شرط نك ممكن اى غطا تانى ولا مفيش غطيان بتتباع لوحدهم

لا مش عارفه الغطا ده بيتباع فين
بس العلبه دى حلوه برضه انا جايبه واحده نوك برضه

miko85;11958984:
سوال هاتصيفوا لعيالكم امتي ان شاء اللله
وسوال بره تجيهزات الحوامل عايزه جراب للكاميرا كاميرتي سامسونج اجيبه منيين ضرووري

ميكو عامله ايه وحشتينى اوى
دراب هتلاقيه فى راديو شاك

بنات انا كنت عايزة اسأل ايه احسن نوع بريست بادز؟ و الاحسن تكون بتتغسل و لا بتترمى؟

bright bride;11959591:
بنات انا كنت عايزة اسأل ايه احسن نوع بريست بادز؟ و الاحسن تكون بتتغسل و لا بتترمى؟

احسن نوع البنات قالو فارلين وافنت ومتهيالي اللى بتتغسل احسن واوفر انا لسه مجربتش ولله وفيه انواع بردو بتتغسل ارخص شويه من فارلين وايفينت فيه نيللي وفيه نوع اسمة كوتون حاجه كده مش فاكراه انا جبت الاتنين ب 9 ونص من لافلي

يا بنااااااااات
هو لازم الجلابيه اللي البسها في المستشفى لازم تكون قطن؟
وأصلا لازم تكون جلابيه ولا ممكن بيجامه سواء قيصري او طبيعي؟

sally2007;11957715:

هو ايه فايدة اننا ندهن التشققات دى الحمدا لله لسه مش عندى تشققات بس سمعت مرة ان افضل اننا ندهنها قبل مانولد

وبعدين تعالى هنا انتى كنتى فى الامارات ومتقليش ياوحشة انتى كنتى فى اى امارة وهترجعى تانى ان شاء الله ولا ايه نظامك

هاتفكرينى باللذى مضى ليه :'(
انا كنت فى الشارقة وكان شغلى فى دبى بس قعدت هناك سنة واحدة فقط لا غير لأن جوزى بيبي خالص وتعب م الغربة وقرر انه يشتغل فى مصر على اى حال بس نبقى وسط اهلنا
وانا الشريرة اللى ماكانش فارقة معايا :mad:
بينى وبينك مفتقدة النضافة بتاعت هناك :( وطبعا الاستقلال عن تدخلات الأهل هنا :(
انتى فى الامارات ؟ فين فيها ؟ وهاتولدى هنا ولا هناك ؟ لو هناك اعرف دكتور فى مستشفى زليخة دبى ممكن يزبطك فى مصاريف الولادة وكدة :)

هه نرجع لموضوعنا :study:

النيبلز وماحولها لااازم تدهنيهم من أول السابع ولو متاخرة زى حالتى ماتعديش التاسع الا وانتى عملة ترطيب مكثف عشان ماتتعبيش لا قدر الله فى الرضاعة
هوه واضح البنات كلهم بيشتكوا من آلآم الرضاعة فاحنا بنقول الوقاية خير من العلاج او على الاقل نقلل المعاناة شوية والله المستعاااااان

miko85;11958984:
سوال هاتصيفوا لعيالكم امتي ان شاء اللله
وسوال بره تجيهزات الحوامل عايزه جراب للكاميرا كاميرتي سامسونج اجيبه منيين ضرووري

على حسب انتى عايشة فين وجو البيت عندك عامل ازاى يا حبيبتى
عموما انتى بتحسى بالبيبي عندك جسمه بيبرد يبقى تتقلى .. لو لقيتيه بيعرق كدة ومش مبسوط يبقى اللبس تقيل عليه فنظرتك هيه المقياس .. ممكن بيبي لظللوظة شوية يصيف بدرى وبيبي مسفرت يبقى بيبرد بسرعة .. انتى حسى جسم البيبي وهاتعرفى تقررى ..